Bakıda çoxmərtəbəli bina tikintisi, arxiv şəkli

Sosial mənzillərlə bağlı gözləntilər ümidverici deyil

1608
(Yenilənib 12:10 14.03.2017)
Ekspert: "Sosial evlər heç bir formada əmlak bazarına təsir etməyəcək. Ən azından yaxın 3 ildə heç nə olmayacaq"

BAKI, 14 mart — Sputnik. Azərbaycan Respublikasının Prezidenti yanında Mənzil İnşaatı Dövlət Agentliyinin fəaliyyəti nəticəsində hazırlanan "Güzəştli mənzil" elektron sisteminin yaradılması və mayın 1-dən etibarən istifadəyə verilməsi nəzərdə tutulur. Sosial təminatı az olan yüzlərlə gənc ailə "Güzəştli mənzil" layihəsini gözləsə də, onların ümidi puç olub. Çünki sosial evləri ancaq 4 faizli dövlət ipoteka kreditini alan şəxslər əldə edə biləcəklər.

Əmlak eksperti Nüsrət İbrahimov
© Sputnik / Fuad Hasanov
Əmlak eksperti Nüsrət İbrahimov

Sputnik Azərbaycan əmlak bazarında gözlənilən dəyişikliklərlə bağlı ekspertlərin rəyini öyrənib. Əmlak eksperti Nüsrət İbrahimov bildirib ki, bu, başlanğıc mərhələdir: "Başlanğıcda hər bir şirkət ehtiyatlı addım atır. Burada da bir qədər ehtiyatlı olmaq lazımdır. Mənim fikrimcə, bu səbəbdən də ilk evlərin dövlət ipoteka fondunun işləyən sistemi ilə satışa çıxarılması düzgün yanaşmadır. Amma ola bilsin ki, növbəti mərhələlərdə siyahı daha da genişlənsin və digər insanların da ev almaq şansı olsun. Bu, gözlənilən haldır".

"Ümumən sosial evlərin tikintisi mənzil bazarında təklif bolluğunu yaradan layihədir. Sosial evlərin tikilməsi də bazara yeni evlərin çıxarılması deməkdir. Bu da rəqabəti artıracaq və əmlak bazarında qiymətlərin stabilləşməsinə səbəb olacaq" — İbrahimov bildirib.

Ekspertin sözlərinə görə, evlərin qiymətinin düşməsi mümkün deyil: "Manat 2 ildə qiymətini çox itirib. Ona görə də, yaxın 2-3 ildə evlərin qiymətinin artımı qaçılmaz olacaq. Sosial evlər isə gələcəkdə, təxminən 3 ildən sonra evlərin qiymətlərinin stabilləşməsinə kömək edəcək. Yaxın 2-3 ildə isə qiymətlərin bahalaşması qaçılmazdır".

Əmlak Ekspert Mərkəzinin sədri Ramil Osmanlı söyləyib ki, adından da göründüyü kimi bu fond sosial mənzil fondudur: "Burada mütləq şəkildə aztəminatlı ailələrin mənzillə təmin edilməsi məsələsi təmin edilməliydi. İndiki layihə isə kommersiya layihəsidir. 4 faizlik ipoteka kredit fondunun şərtlərinin eynisidir. Burda yeganə fərq proqramın 5 il fəaliyyət göstərən müəllimlər və bəzi idmançılara aid edilməsidir. Bu, orta umumtəhsil məktəblərində işləyən müəllimlər üçün yaxşı haldır. Hər halda hər kəs ümid edirdi ki, dəyişikliklər olacaq".

Ramil Osmanlı, Əmlak Ekspert Mərkəzinin direktoru
© Sputnik / Sabina Aliyeva
Ramil Osmanlı, Əmlak Ekspert Mərkəzinin direktoru

Ekspertin sözlərinə görə, layihənin tutumu müəyyən qədər məhduddur və yaxın gələcəkdə yeniliklərin tətbiq olunması qeyri-mümkündür: "Təəssüflər olsun ki, burada hələlik yeni fikir görmədim. Sosial evlər heç bir formada əmlak bazarına təsir etməyəcək. Ən azından yaxın 3 ildə heç nə olmayacaq. Hesab etmirəm ki, burada sosial evlərinin tikintisi əmlak bazarına təsir edəcək".

İqtisadçı-ekspert Vüqar Bayramov isə deyib ki, sosial evlərin birinci mərhələdə sosial kateqoriyalı vətəndaşlara veriləcəyi öncədən bəlli idi: "Çünki sosial ipoteka üçün nəzərdə tutulan 50 milyon manat dövlət büdcəsindən sosial evlərin inşası üçün yönəldilib. Bu da o deməkdir ki, bu kateqoriyaya aid olan insanlara sosial evlərin verilməsi gözlənilən hal idi. Birinci il 2000 mənzilin hazırlanıb bu kateqoriyaya aid olan insanlara verilməsi nəzərdə tutulur. Növbəti illərdə, hər il 3000 mənzil olmaqla, sosial evlər yenidən gənc ailələrə təqdim olunacaq. Ümid edirəm ki, digər illərdə siyahı artırılacaq".

Vüqar Bayramov
Vüqar Bayramov

Ekspertin sözlərinə görə, ölkə üzrə mənzil tələbatının ödənilməsi üçün hər il 30 min sosial ev satışa çıxarılmalıdır: "Sosial evlərin sayı isə illik cəmi 3 min ədəddir. Bu da əmlak bazarında ev tərtibatının cəmi 10 faizi deməkdir. Belə olanda isə bunun mənzil qiymətlərinə və mənzil bazarında olan şirkətlərin işinə təsiri olmayacaq".

Qeyd edək ki, Prezident İlham Əliyevin müvafiq fərmanı ilə təsdiq olunmuş Qaydaya əsasən, aşağıdakı kateqoriyalara aid olan şəxslər güzəştli mənzil əldə etmək hüququna malikdirlər.

Gənc ailənin üzvü olan aşağıdakı şəxslər:
1) şəhid ailəsinin üzvü (əri/arvadı, övladları);
2) Milli Qəhrəman (özü, əri/arvadı, övladları);
3) məcburi köçkün və ya ona bərabər tutulan şəxs;
4) ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
5) ən azı 5 il dövlət ümumtəhsil məktəbində müəllim işləyən şəxs;
6) fəlsəfə doktoru elmi dərəcəsi olan şəxs;
7) idman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer);

Bununla yanaşı, yaşından və ailə vəziyyətindən asılı olmayaraq, aşağıdakı şəxslər də güzəştli mənzil əldə etmək hüququna malikdirlər:
1) elmlər doktoru elmi dərəcəsi olan şəxs;
2) ən azı 15 il dövlət qulluğunda qulluq edən şəxs;
3) ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları ("Hərbi vəzifə və hərbi xidmət haqqında" Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);
4) ən azı 3 il daxili işlər orqanlarında xidmət keçən xüsusi rütbəsi olan şəxs.

1608
Teqlər:
əmlak eksperti, sosial mənzil, sosial evlər, Nüsrət İbrahimov, Ramil Osmanlı, "Əmlak Ekspert Mərkəzi", İqtisadçı-ekspert, Azərbaycan Respublikası, Vüqar Bayramov
Əlaqədar
"Gənc ailələr üçün sosial evlər” layihəsinə başlamaq lazımdır
Ekspert: Mənzil tələbatının 10%-i sosial mənzillər tərəfindən ödəniləcək
Sosial mənzillər aztəminatlı ailələr üçün əlçatmaz olacaq
Kağız üzərində qalan sosial mənzillər: nə dinən var, nə dindirən
Şəhidin dəfni

Qırx gün itkin sayılan şəhid dəfn olundu

10
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

10
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

6
(Yenilənib 12:35 03.12.2020)
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

6