Facebook sosial şəbəkəsi

"Facebook-un ölkəyə girişinə blok qoyula bilər"

788
Ekspert "İnformasiya, informasiyalaşdırma və informasiyanın mühafizəsi haqqında" qanunun tətbiqini çətin hesab edir

BAKI, 13 mart — Sputnik. "İnformasiya, informasiyalaşdırma və informasiyanın mühafizəsi haqqında" qanunda dəyişikliklərlə bu qanunun məqsədi arasında uyğunsuzluq var. Çünki bu, açıq texniki bir qanundur, indi isə orada məzmun tənzimləmə məsələləri gündəmə gəlib. İnternet KİV sayıldığı üçün, əslində internet medianın məzmunu KİV haqqında qanunla tənzimlənir".

Hüquqşünas Ələsgər Məmmədli
© Photo : From the personal archive of Alesger Mamedli
Hüquqşünas Ələsgər Məmmədli

Bunu media məsələləri üzrə ekspert Ələsgər Məmmədli Sputnik Azərbaycan-a açıqlamasında deyib. Onun sözlərinə görə, KİV haqqında qanunda da çox aydın şəkildə göstərilib ki, qanunla qorunan sirlərin, yaxud da məxfi informasiyaların yayılması məsuliyyət yaradır: "Ayrıca Cinayət, İnzibati Xətalar, Mülki məcəllələrdə və s. məsuliyyətlə bağlı xeyli müddəalar var".

Ekspert bildirib ki, əvvəllər qanunvericilikdə bununla bağlı hansısa məhdudiyyət yox idi: "İndi tətbiq olunan yeniliyin internet azadlığını məhdudlaşdıracağını düşünürəm. Çünki burada müvafiq icra hakimiyyəti orqanı məhkəmə qərarı olmadan, 8 saatdan sonra artıq istədiyi resursu bağlaya biləcək".

"Doğrudur, sonradan bu məsələ məhkəmə vasitəsilə mübahisələndirilə bilər. Düşünün ki, bəri başdan informasiya bloklanır, giriş məhdudlaşır, bağlanır, amma sonra başlayırsınız hüquqi yol axtarmağa ki, özünüzü qoruyasınız. Halbuki sizin nəyi düz yazıb-yazmadığınızı hələ heç kim bilmir. Yəni, bunu ancaq məhkəmə bilərdi ki, qanunla qorunan, yoxsa qorunmayan məlumatı yazmısınız" — deyə o, qeyd edib.

Ə. Məmmədlinin fikrincə, bu prosedur gələcəkdə "az" domeninin inkişafına da mənfi təsir göstərəcək: "Artıq resurslar, xüsusilə informasiya resursları kütləvi şəkildə "az" domenindən imtina edəcək. Çünki onlara davamlılıq lazımdır. Əgər bilsələr ki, bağlana bilərlər, o zaman onlar "az" domenində deyil, "com", "org" və digər domenlərdə fəaliyyətlərini davam etdirəcək".

Fazil Mustafa
© Photo : APA
Fazil Mustafa

"Bu yeniliyi digər domenlərə tətbiq etmək mümkün deyil. Çünki xaricdə yerləşirlər. Sadəcə ölkəmizdə onların görünməsini bloklaya bilərlər. Burada da sıxıntılar yaranacaq. Məsələn, "Facebook" statusunda kimsə yanlış bir şey yazıbsa, biz "Facebook"a 8 saat ərzində desək ki, onu silin, "Facebook" deyəcək ki, "qaydalarıma görə, bunu silə bilmərəm, şəxs özü silməlidir" və s. Belə olan halda ancaq "Facebook"un bütünlüklə ölkəyə girişini bloklaya bilərik. Ya da hansısa provayderlər üzərindən "Facebook"a girişi bloklamaq olar".

"Yəni, sözügedən qanunu tətbiq etmək o qədər də asan olmayacaq. Tətbiq olunsa belə, xeyli problemlər yaradacaq" — deyə mütəxəssis qeyd edib.

Millət vəkili Fazil Mustafa isə Sputnik Azərbaycan-a açıqlamasında problemə başqa kontekstdən yanaşıb: "Burada "hərbi senzura" ifadəsi işlənib və ancaq hərbi vəziyyət rejimi tətbiq olunarsa, konkret o ərazidə informasiyanın yerləşdirilməsi icazə ilə olmalıdır. Hərbi komendantın, hərbi vəziyyət rejiminə baxan məsul şəxslərin razılığı ilə olmalıdır. Çünki bu məlumat düşmən üçün hansısa bir addımın atılması üçün səbəb ola bilər. Məsələnin mahiyyəti budur. Yoxsa burada hansısa bir senzura, qadağa, yaxud fikir məhdudiyyətindən söhbət gedə bilməz".

"Mülki xarakterli hansısa bir məsələnin yerləşdirilməsində problem yoxdur. Hərbi məzmunda ola biləcək məsələlərə daha çox diqqət yetirilir" — deyə millət vəkili bildirib.

Qeyd edək ki, ötən həftə Milli Məclisin plenar iclasında "İnformasiya, informasiyalaşdırma və informasiyanın mühafizəsi haqqında" qanun layihəsi səsə qoyularaq qəbul edilib. Millət vəkili Əflatun Amaşov parlamentdə qanun layihəsinin müzakirəsi zamanı bildirib ki, dünyanın bir çox qabaqcıl ölkələrində internet hüquqi münasibətlər sistemində çıxış edir.

"Bu o deməkdir ki, internet məkanı virtuallıqdan reallıq müstəvisinə daxil olub. Nəticədə, konkret məsuliyyət növləri müəyyənləşib" — Amaşov əlavə edib.

O, hesab edir ki, Azərbaycanda eyni proses gedir və getməlidir: "Əlbəttə, müəyyən məsələlər var ki, onlarla bağlı mübahisə etmək olar. Çünki mahiyyətcə bu sahə yenidir, dinamikdir, hər zaman nəyinsə müzakirəsinə ehtiyac var. İndiki dövrdə unutmamalıyıq ki, biz müharibə şəraitində yaşayırıq. Ölkəmizin informasiya təhlükəsizliyi üçün internet məkanının da tənzimlənməsi zəruridir. Hər kəs əmin olsun ki, bu dəyişikliklər heç də söz və ifadə azadlığının məhdudlaşdırılması demək deyil".

788
Teqlər:
İnformasiya, Ələsgər Məmmədli, "Facebook", Sputnik Azərbaycan, media, KİV, Fazil Mustafa, ekspert, internet, millət vəkili, qanun, yenilik
Əlaqədar
Ermənilər “Facebook”da Azərbaycan dilində hərbi səhifə yaradıblar
"Facebook"un sahibi Trampa qarşı çıxdı
Mətbuat Şurasından Kütləvi İnformasiya Vasitələrinə müraciət
Prezident "Kütləvi informasiya vasitələri haqqında" Qanunla bağlı sərəncam verdi
İnternetdəki fəaliyyətə görə cəzalar sərtləşir
İnternetin tənzimlənməsinə dair deputatlardan daha bir təklif
Əli qandallanmış kişi polis bölməsində, arxiv şəkli

On səkkiz yaşlı oğlan qonşusunu boğub öldürdü - Azərbaycanda

0
(Yenilənib 11:10 23.01.2021)
2003-cü il təvəllüdlü Əliyev İsmayıl Nəvahi oğlunun şəxsi münasibətlər zəminində aralarında yaranmış mübahisə zamanı Tofiq Bədirovu boğaraq qəsdən öldürməsinə əsaslı şübhələr müəyyən edilib.

 

BAKI, 23 yanvar — Sputnik. Yanvarın 22-də saat 19 radələrində Abşeron rayonunun Saray qəsəbəsində 1972-ci il təvəllüdlü Bədirov Tofiq Güləli oğlunun yaşadığı evdə meyitinin aşkar edilməsi barədə rayon prokurorluğuna məlumat daxil olub. Abşeron rayon prokurorluğundan Sputnik Azərbaycan-a verilən məlumata görə, cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış araşdırmalarla zərərçəkmişin qonşusu 2003-cü il təvəllüdlü Əliyev İsmayıl Nəvahi oğlunun şəxsi münasibətlər zəminində aralarında yaranmış mübahisə zamanı Tofiq Bədirovu boğaraq qəsdən öldürməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İsmayıl Əliyev şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

0
Cəlil Cavanşir, yazar

Müsabiqələri boykot edən Cəlil Cavanşir: Həmişə ən yüksək yerləri tanış-bilişə verirdilər

46
(Yenilənib 00:23 23.01.2021)
Elçin Mirzəbəyli: "Dostum Rəşad Məcid şeirimin bir hissəsini sosial şəbəkədə paylaşmışdı. Rəylərin birində bir nəfər Mədəniyyət Nazirliyinin yeni müsabiqə təşkil etdiyini dedi. Məsləhət gördülər ki, həmin şeir müsabiqədə iştirak etsin".

Şahpəri Abbasova, Sputnik Azərbaycan

BAKI, 23 yanvar — Sputnik. Mədəniyyət Nazirliyinin elan etdiyi "Vətənvərpərlik mövzusunda ədəbiyyat müsabiqəsi"nin qalibləri müəyyənləşib.

Müsabiqəyə 321 əsər təqdim edilib. Sözügedən müsabiqədə Sputnik Azərbaycan-ın köşə yazarı Cəlil Cavanşir "Nostalgiyanın sonu: Biz qayıdırıq" əsəri ilə qaliblər sırasındadır. Əməkdaşımız təəssüratlarını bizimlə bölüşüb:

"Əslində bu yazını müsabiqə üçün yazmamışdım, Sputnik Azərbaycan üçün yazmışdım. Şuşa zəfərindən bir neçə gün sonra yazdım, göndərdim. Yazının çapı ləngidi. Bir müddət sonra müsabiqə ilə bağlı elan gördüm. Bəxtimi sınamaq qərarına gəldim. Yazının keyfiyyətindən əmin idim. Yazıda dünya ədəbiyyatı və mifologiya ilə bağlantı qurduğuma görə düşündüm ki, yer tuta bilər. Müsabiqənin şərtləri də məni qane etmişdi".

"Əvvəlki müsabiqələrdə yazının müəllifi bəlli olduğundan həmişə ən yüksək yerləri tanış-bilişə verirdilər", - deyir yazar. Bu dəfə isə yazılarda müəllifin adı qeyd olunmadığından, onu rahat şəkildə müsabiqə təqdim edib. 

"On il bundan qabaq "Milli kitab" müsabiqəsi keçiriləndə müsabiqədə mükafatları tanış-bilişə verəndə mən Azərbaycanda keçirilən müsabiqələri boykot eləmişdim. Məndə bir ruh düşkünlüyü yaranmışdı ki, ümumiyyətlə Azərbaycan ədəbi mühitində tapşırıq, tanışlıq işə keçir. 2020-ci ildən etibarən bir az fikrimi dəyişdim. Ümumiyyətlə, müsabiqələr yaradıcı insan üçün stimuldur, motivasiyadır. Udsaq da, uduzsaq da mütləq müsabiqələrdə iştirak etməliyik".

Müsabiqənin qaliblərindən biri də Əməkdar jurnalist, şair Elçin Mirzəbəylidir.

VII съезд азербайджанских журналистов
© Sputnik / Murad Orujov
VII съезд азербайджанских журналистов

Mirzəbəyli "Azərbaycan əsgəri" şeiri ilə müsabiqəyə qatılıb:

"Bu əsərin yaranma tarixi 44 günlük müharibə dövrünə təsadüf edir. Ən təsirli məqam Prezident İlham Əliyevə "Şuşaya nə qədər yaxınsınız?" sualı veriləndə Ali Baş Komandanımızın "Şuşaya bir nəfəs qədər yaxınıq" deməsi olmuşdur. Şeir Azərbaycan əsgərinə həsr olunub. Elə şeirin ilk misrası da belə başlayır: "Sən böyük qələbəyə bir nəfəs qədər yaxın". Şeir noyabrın 6-7-si gecə saatlarında ərsəyə gəlib. 1-2 gündən sonra qələbəyə bir nəfəs qədər yaxın olduq".

Həmsöhbətimiz deyir ki, ömründə ilk dəfədir müsabiqədə iştirak edir: "Müsabiqənin keçirilməyindən ümumiyyətlə xəbərim yox idi. Dostum Rəşad Məcid mənim şeirimin bir hissəsini sosial şəbəkədə paylaşmışdı. Rəylərin birində bir nəfər Mədəniyyət Nazirliyinin yeni müsabiqə təşkil etdiyini dedi. Məsləhət gördülər ki, həmin şeir müsabiqədə iştirak etsin. Mən də şeiri müsabiqəyə göndərdim".

Əməkdar jurnalist bu tipli müsabiqələrin çox olmasını arzuladığını dedi:

"Vətən müharibəsi mövzusunda kino ssenarilərinin, dramaturji əsərlərin yaranmasını arzu edirəm. Çünki buna çox ehtiyac var. Azərbaycanın "Azadlıq marşı"nı yazanda mənim 21 yaşım var idi. Düşünürəm ki, bu gün marşlarla, elmi-publisistik əsərlərlə, bədii əsərlərlə dünya arenasına çıxacaq istedadlı gənclərimiz var. Yetər ki, yaratsınlar, çox potensiallı gənclərimiz var".

Qeyd edək ki, müsabiqədə "Peşəkar yaradıcı şəxslər" kateqoriyası üzrə 50, "Həvəskar yaradıcı şəxslər" kateqoriyası üzrə 193, "10-15 yaş arası uşaqlar" kateqoriyası üzrə 25 əsər iştirak edib. 268 əsərdən 67-si esse janrı üzrə, 75-i hekayə janrı üzrə, 126-sı poeziya janrı üzrə iştirakçı olub.

Müsabiqədə obyektivliyi və şəffaflığı təmin etmək üçün təqdim olunan bütün əsərlər və onların müəllifləri xüsusi ştrix ilə şifrələnib.

Komissiyanın 9 üzvü tərəfindən 268 əsərin mövzu, bədii və peşəkar yaradıcılıq baxımından dəyərləndirilməsi aparılıb və mətnlərə müəyyən edilmiş qiymətləndirmə cədvəlinə müvafiq olaraq qiymət verilib.

53 əsər müsabiqə qaydalarına cavab vermədiyi üçün (bir müəllifin bir neçə janr və müxtəlif kateqoriya üzrə göndərdiyi əsərlər, məqalələr, publisistik yazılar, rus dilində olan ədəbi mətnlər və s.) qəbul olunmayıb.

46