Bakı-Sumqayıt yolunda baş verən qəza

Tələbə faciəsi qaranlıqda gizlənən acı həqiqətləri ortaya çıxardı

7992
(Yenilənib 23:31 10.03.2017)
"5-10 manat rüşvət alıb insanların həyatını təhlükəyə atırlar"

BAKI, 10 mart — Sputnik. Xəbər verdiyimiz kimi, dünən səhər Bakı-Sumqayıt yolunda baş verən ağır qəzada 5 tələbə dünyasını dəyişib, 20 nəfər yaralanıb. Hadisə ilə bağlı mətbuata açıqlama verən DİN-in Baş Dövlət Yol Polis İdarəsinin İctimaiyyətlə Əlaqələr şöbəsinin rəisi Kamran Əliyev bildirib ki, sürücü sərnişindaşıma qaydalarını pozub.

Mətbuat xidmətinin rəhbəri onu da qeyd edib ki, həmişə vətəndaşlara belə avtomobillərə minməmələri ilə bağlı xəbərdarlıq edirlər: "Amma onlar bizim xəbərdarlığımıza ciddi yanaşmırlar. Biz sürücüləri də xəbərdar edirik ki, artıq sərnişin götürməsinlər. Çünki bilirik ki, bu, faciə ilə nəticələnəcək".

Məsələni Sputnik Azərbaycan-a şərh edən yol-nəqliyyat məsələləri üzrə ekspert Ərşad Hüseynov bildirib ki, sərnişinlərə dəfələrlə xəbərdarlıq olunsa da, onlar qaydalara riayət etmirlər: "Mən də dəfələrlə bu haqda çıxışlarımda məlumat vermişəm, eyni zamanda elə Kamran Əliyevin çıxışlarında sərnişinlərə müraciətinin dəfələrlə şahidi olmuşam. Sərnişinlər həyatlarını təhlükəyə atırlar. Yer yoxdursa, növbəti avtobusu gözləmək istəmirlər. Bu da belə faciələrə səbəb olur. İnsanların başına gələn bu hadisələr bəsit yanaşma, "heç nə olmaz" düşüncəsi, təhlükəsizlik qaydalarına etinadsızlığın nəticəsidir". 

"Son məlumata görə, həmin qəzanı törədən sürücünü 61 dəfə cərimə məsuliyyətinə cəlb ediblər. Əminliklə deyirəm ki, hər o yolu gedib-gələndə həmin sürücünü, ən azı 2-3 dəfə cərimə etmək olardı. Polisin məsuliyyətsizliyi, laqeydliyi, sürücünün acgözlüyü və sərnişinin həyatına laqeydsizliyi belə fəsadlara gətirib çıxarır" — Ə. Hüseynov bildirib.

O, Bakı-Sumqayıt yolunda iki stasionar post olmasına diqqət çəkib: "Sürücü yük üçün nəzərdə tutulmuş maşına 20-yə yaxın sərnişin yığıb gedir və iki postdan rahatca keçir. Bu, çox müəmmalıdır. Orada postda işləyən polislər bu avtomobili görmürlər?!".

Ekspertin sözlərinə görə, hər şeyi sərnişinlərin boynuna atırlar: "Sürücü sərnişinlərə müraciət etməlidir ki, "düşün aşağı, çox sərnişin apara bilmərəm". Sərnişin məhəl qoymadan avtobusa minirsə, o zaman sürücü avtobusu söndürüb polisə zəng etməlidir. Polis sərnişinləri avtobusdan düşürüb, cərimələmək hüququna malikdir. Amma sürücülər nəfslərini qoruya bilmir, əksinə özləri daha çox sərnişini avtobusa mindirərək, yola çıxırlar".

Avtomobil nəqliyyatı üzrə ekspert Elməddin Muradlı də Sputnik Azərbaycan-a açıqlamasında mühüm məqamlara toxunub: "16 nəfərlik avtobusda 24 nəfər daşınır. Bu, qeyri-qanunidir. Hətta, o "Ford" avtomobilləri yük daşınması üçün nəzərdə tutulur. Bəzi insanlar o maşınları alıb konstruksiyanı dəyişdirir və avtobus kimi istifadə edirlər. Bu da qanun pozuntusudur".

"Bu cür avtomobillərin xəttə çıxmasına Sumqayıt Nəqliyyat Agentliyi, Bakıda isə Bakı Nəqliyyat Agentliyi nəzarət etmir, ən çox məsuliyyət isə Dövlət Avtomobil Nəqliyyat Xidmətinin üzərinə düşür. Çünki bu cür minik vasitələri Bakıya daxil olmamalı, avtovağzalda sərnişinləri boşaltmalı və oradan da sərnişinləri aparmalıdır. Amma avtobus sürücüləri Dövlət Avtomobil Nəqliyyat Agentliyinin əməkdaşlarına 5-10 manat rüşvət verərək şəhərə daxil olurlar. "20 yanvar"a daxil ola bilmədikləri üçün 3-cü mikrorayon dairəsində yığışırlar və bir nümayəndə "20 yanvar"dan sərnişin yığaraq sürücüyə zəng edir. Sürücü də dərhal gəlir, 1 dəqiqə içində sərnişinləri avtobusa yığıb, yenidən Sumqayıta doğru hərəkət edir. Bu, artıq cinayətdir" — Muradlı bildirib.

Ekspert başqa nüanslara da diqqət çəkir: "Bu avtobuslar texniki baxışdan keçmir? Texniki baxışdan keçmirsə, bir qanun pozuntusu, keçirsə, daha dəhşətli qanun pozuntusudur. Axı onlar texniki baxışdan necə keçə bilər? Axı texniki pasportda yük üçün nəzərdə tutulursa, bu maşınla necə sərnişin daşımaq olar?".

"Texniki cəhətdən nasaz olan maşın cərimə meydançasına getməlidir və ilkin vəziyyətinə qaytarıldıqdan sonra istismarına icazə verilməlidir. Dövlət Avtomobil Nəqliyyat Agentliyinin işçiləri yollarda bu halları görmürlər? Bilmirlər ki, bu, qanun pozuntusudur? Çox yaxşı bilirlər. Amma göz yumurlar" — deyə Elməddin Muradlı qeyd edib.

Həmsöhbətimiz sərnişinlərdə də günah olduğuna diqqət çəkir: "Polis avtobusu saxlayanda sürücü qalır kənarda, sərnişinlər düşüb polislə dava edirlər. Sonra gedib şikayət məktubları yazırlar ki, polis evimizə çatmağa imkan vermir. Polis də belə avtobuslara göz yumur. Bir sözlə, insanların həyatını təhlükəyə atıb iş qurmaq olmaz".

7992
Teqlər:
Elməddin Muradlı, Ərşad Hüseynov, sərnişin, maşın, nəqliyyat, Bakı-Sumqayıt yolu, tələbə, polis, sürücü, qəza, avtomobil
Əlaqədar
Yaralı tələbələrdən yeni xəbər var
Ağır vəziyyətdə xəstəxanaya yerləşdirilən tələbələr barədə mühüm yenilik
Polisdən tələbə faciəsi ilə bağlı ilginc açıqlama
Yaralı tələbələrlə bağlı son xəbər
Tələbələrin ölümünə səbəb olan sürücü saxlanıldı
Xudafərin körpüsü, arxiv şəkli

Xudafərin körpüsünün dünyada tanınması ilə bağlı əhəmiyyətli addım atılacaq

3
(Yenilənib 17:36 21.10.2020)
Məşhur abidə UNESCO-nun Dünya Mədəni İrs Siyahısına salınması məqsədilə tədbirlər həyata keçiriləcək

BAKI, 21 oktyabr — Sputnik. Müstəsna universal dəyəri, təkrarolunmaz landşaftı, yüksək memarlıq-mühəndis həlli, eləcə də iki ölkə ərazisində yerləşdiyi nəzərə alınaraq Xudafərin körpülərinin UNESCO-nun Dünya Mədəni İrs Siyahısına salınması məqsədilə Azərbaycan Respublikası İran İslam Respublikası ilə birgə tədbirlərin həyata keçirilməsini nəzərdə tutur.

Sputnik Azərbaycan xəbər verir ki, bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti bəyanat verib.

Tikilmə tarixinə görə dövrünün möhtəşəm mühəndis qurğularından olan Xudafərin körpüləri Azərbaycan Respublikası ilə İran İslam Respublikasının dövlət sərhədində yerləşən möhtəşəm tarixi abidədir.

Xudafərin körpüləri Araz çayının şimal və cənub sahillərini birləşdirir. Tarixi İpək yolunun üzərində yerləşən 11 tağlı körpü XI-XII əsrlərdə, 15 tağlı körpü isə XIII əsrdə inşa olunub. Azərbaycan memarlığının unikal abidələrindən olan Xudafərin körpüləri Yaxın və Orta Şərq regionunun ən əzəmətli, ən məşhur körpülərindən hesab olunur. Xudafərin körpüləri Böyük İpək Yolunun inkişafında mühüm rol oynamış və hərbi-strateji cəhətdən də müstəsna əhəmiyyətə malik olub.

15 aşırımlı körpünün antik dövrdə inşa edilmiş digər bir körpünün dayaqları üzərində tikildiyi ehtimal edilir. Coğrafi mövqeyinin əlverişli olması, yəni sahillərinin sal qayalarla əhatələnməsi burada körpünün tikilməsinə şərait yaradıb. Körpünün tağları bişmiş kərpicdən yığılsa da, doldurucu kimi çay daşından istifadə edilib. 15 aşırımlı körpüdən 750 metr aralıda yerləşən 11 aşırımlı körpünün tikinti materialı kimi yonulmuş sal qaya daşlarından istifadə edilib.

Qeyd edək ki, 1993-cü ildə Cəbrayıl rayonu Ermənistan Respublikası silahlı qüvvələri tərəfindən işğal edildikdən sonra Xudafərin körpüləri dağıntılara məruz qalıb. Cari il oktyabrın 18-də rəşadətli Azərbaycan Ordusu 1993-cü ildə Ermənistan Respublikasının silahlı qüvvələri tərəfindən işğal edilmiş Cəbrayıl rayonunun ərazisində yerləşən dünya əhəmiyyətli tarix-memarlıq abidəsi olan Xudafərin körpülərini işğaldan azad edib. Xudafərin körpülərinin üzərində 27 ildən sonra yenidən Azərbaycan Respublikasının üçgəngli bayrağı ucaldılıb.

3
Əlaqədar
İlham Əliyev: Xudafərin körpüsünün üzərində Azərbaycan bayrağı qaldırıldı
Mədəniyyət Nazirliyi tərəfindən beynəlxalq təşkilatlara müraciət ünvanlanıb
Həm Azərbaycanın, həm də İranın arzusu reallaşır - "Xudafərin" hidroqovşağından şad xəbər
Ermənistan Xudafərin istiqamətində əməliyyat keçirməyə qadir deyil - MN
MN: Ermənilər qorxularından Xudafərinlə bağlı cəfəngiyyat yayırlar
Cəbrayıl rayonunun işğaldan azad olunan ərazilərində Azərbaycan Bayrağı dalğalanı

Paşinyandan etiraf: Azərbaycan bizim kapitulyasiyamızdan başqa heç nəyə razı deyil

36
Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

BAKI, 21 oktyabr — Sputnik. "Bu gün Azərbaycan Qarabağın kapitulyasiyasından başqa heç nəyə razı deyil. Bu arada ermənilər bunun onlar üçün nə anlama gələcəyini yaxşı anlayırlar". Sputnik Azərbaycan xəbər verir ki, bunu Ermənistanın Baş naziri Nikol Paşinyan "Facebook"da canlı yayımda müraciətində bildirib.

Bundan əlavə, Ermənistan Baş naziri dövlət strukturları və yerli özünüidarə orqanlarının rəhbərlərinə könüllü dəstələrin yaradılması barədə təlimatla müraciət edib.

Qeyd edək ki, bu gün Ermənistanın xarici işlər naziri Zöhrab Mnatsakanyan son on gündə üçüncü dəfə Moskvaya səfər edib. Azərbaycanın Xarici işlər naziri Ceyhun Bayramov da bu gün Rusiya paytaxtında rusiyalı həmkarı Sergey Lavrovla görüşüb.

Bir qədər öncə isə Paşinyan Facebook-da canlı yayım açaraq: "Hazırkı mərhələdə Qarabağ məsələsinin diplomatik yolla həlli yoxdur və hələ uzun müddət də olmayacaq", - deyə bildirib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Sergey Lavrov və Ceyhun Bayramov, arxiv şəkli
© Photo : The Ministry of Foreign Affairs of the Russian Federation

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

36
Teqlər:
etiraf, Nikol Paşinyan, erməni təxribatı, Ermənistan-Azərbaycan, Dağlıq Qarabağ münaqişəsi
Əlaqədar
"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar
Necə qaçdılarsa, yada düşmədi: ermənilərin döyüş meydanında "unutduğu" texnika - FOTO
Milli Məclis Qarabağ münaqişəsi ilə bağlı videomüraciət yayıb
Rusiya XİN: döyüşlər dərhal dayandırılmalıdır
MN: “Ermənistan SQ-nin qüvvələrinin 556-cı alayının taboru sıradan çıxarılıb”