Qəza

Şahid: "Maşın hərəkətdə ola-ola sərnişinlər yola səpələndilər"

335
(Yenilənib 00:23 10.03.2017)
Həkimin valideyinlərinə verdiyi məlumata görə, Lalə Nəsibzadənin vəziyyəti haqqında dəqiq söz demək mümkün deyil

BAKI, 9 mart — Sputnik. Xəbər verdiyimiz kimi, bu gün Bakı-Sumqayıt yolunda ağır yol-nəqliyyat hadisəsi baş verib. “Ford-Tranzit” markalı sərnişin mikroavtobusunun qəzaya düşməsi nəticəsində 5 tələbə ölüb, 20-ə yaxın tələbə isə yaralanıb.

Qəzada həyatını itirən tələbələr
© Photo : SDU
Qəzada həyatını itirən tələbələr
Sputnik Azərbaycan-ın əməkdaşı Kliniki Tibbi Mərkəzdə olaraq tələbələr və yaralıların ailələri ilə söhbət edib. Tələbələrin qrup yoldaşları həyəcanla əməliyyatda olan yaralının vəziyyəti haqqında məlumat gözləyirdilər. Nigar adlı bir xanım baş verənləri belə anlatdı: “Biz hər gün həmin yolu gedirik. Bilirsiniz, yol sürətli yoldur. Mən həmin avtobusda olmamışam. Amma qrup yoldaşlarıma görə bura gəlmişəm”.

Nicat adlı tələbə isə telefonların yığılaraq ona verildiyini dedi: “Qəzadan sonra uşaqların telefonlarını mənə veriblər, bir-bir zənglərə cavab verib, hadisə barədə məlumat vermək çox ağırdır. Heç uşaqların vəziyyətindən xəbərim yoxdur. Bilmirəm, hardadırlar. Bircə onu bilirəm ki, 5-i bura gətirilib. Onlardan ikisi ölüb. Lalə əməliyyatda idi. Həkimi dedi ki, onun da vəziyyəti ağırdır. Tələbələrdən Aydan Mürsəlzadə ikinci kurs tələbəsidir, qəza zamanı avtobusda olsa da, onun vəziyyəti yaxşıdır”. Tələbələr digər yaralıların valideyinlərinin hadisədən xəbərsiz olduqlarını bildirir: “Zəng etdikcə valideyinlərə xəbər veririk. Uşaqların çoxu Sumqayıta aparılıb”.

Lalə Nəsibzadə Sumqayıt Dövlət Universitetinin birinci kurs tələbəsidir. Anası deyir ki, 18 yaşı yanvar ayında tamam  olub: “Hər gün 8-ə 10 dəqiqə işləmiş gedir, vaxtında da dərsə çatırdı. Bu gün bir az gecikdi. Özünə köynək almaq istəyirdi, dedim pulu götür. Dedi “mama, başqa vaxt rahat gedib alaram”. Evdən çıxandan yarım saat sonra zəng gəldi Lalənin telefonundan. Elə bildim kontur istəyir. Gördük başqa adamdır. Dedilər “qızınız yüngül qəza keçirib”. Yoldan keçən həkimlərdən biri onu götürüb bura gətirib. Ağır əzilib, başı əzilib, dalağını çıxarıblar. Gözləyirik görək nə olur”.

Kliniki Tibbi Mərkəzdə tələbələr və yaralıların ailələri
© Sputnik / Irade JELIL
Kliniki Tibbi Mərkəzdə tələbələr və yaralıların ailələri

Qeyd edək ki, əməliyyatdan çıxmış Lalənin vəziyyəti ağırdır. Həkimin valideyinlərinə verdiyi məlumata görə, xəstənin vəziyyəti haqqında dəqiq söz demək mümkün deyil. Həkimlər Lalənin xilas edilməsi üçün əllərindən gələni əsirgəməyəcəklərini bildirirlər.

Hadisə şahidlərinin sözlərinə görə, yük maşını xarab olduğu üçün yolda saxlayıb, ətrafa daş düzüb ki,  digər avtomobillər daşları görüb,  yaxınlaşmasın. Sürücünün fikri yoldan keçən piyadalara yayındığına görə, daşları görməyib, idarəetməni itirib və maşın yolun kənarındakı dəmirlərə çırpılıb: “Bir xeyli məsafəni mikroavtobus hərəkətdə ola-ola sərnişinlər yola səpələnib”. 

Qeyd edək ki, bu gün səhər saatlarında Bakı-Sumqayıt yolunda ağır yol-nəqliyyat hadisəsi baş verib. Dəhşətli qəzada həyatını itirən 5 tələbənin adları məlum olub. Bu barədə Səhiyyə Nazirliyinin mətbuat xidmətinin əməkdaşı Səfayə Əhmədova AzVision.az-a məlumat verib. Belə ki, ölənlər Sumqayıt Dövlət Universitetinin Fizika və Elektroenergetika fakültəsinin 3-cü kurs tələbələri Quliyev İbrahim Vuqar oğlu, Nəsibov İbrahim Xəqani oğlu, 1999-cu il təvəllüdlü Canıyev Rəşad Füzüli oğlu, 1997-ci il təvəllüdlü Muradova Roza Eynulla qızı və 1996-cı il təvəllüdlü Quliyeva Çinarə Azər qızıdır. 

Yaralılardan biri Sosiologiya ixtisası üzrə təhsil alan 1-ci kurs tələbəsi Lalə Nəsibovadır. O, əməliyyat olunub, vəziyyəti ağırdır. İlkin məlumata görə, qəza baş verən zaman miktoavtobusda 28 nəfər olub.  

Qəzada xəsarət alanların da bəzilərinin adları məlum olub. Səhiyyə Nazirliyinin mətbuat xidmətndən Sputnik Azərbaycan-a verilən məlumata görə, hadisə nəticəsində xəsarət alan 17 nəfər — Babayev Orxan Xəqani oğlu, Mirzəyeva Mina, Qocayev Nicat Faiq oğlu, Cəfərova Aytən Əliyulla qızı, Əsgərli Oqtay Etibar oğlu, Fərzəliyeva Xavər Məlik qızı, Tağıyev Samir Məhəd oğlu, Cəbiyev Əfsər Əli oğlu, Manafov Bəybala Vüqar oğlu, Kərimova Təranə Şair qızı, Həsənov Elgiz Sərvər oğlu, Məmmədov Məhəmməd Şahin oğlu, Quluzadə Aytən Altay qızı, Baxışova İlahə Azər qızı, Amani Abbas Esmalı, Əliyev Elvin Rəşad oğlu, Mürsəlzdə Aydan Zahir qızı Sumqayıt Şəhər Təcili Tibbi Yardım Xəstəxanasına yerləşdirilib.

Bakı-Sumqayıt yolunda baş verən qəza ilə bağlı daha iki nəfər saxlanılıb. Daxili İşlər Nazirliyinin (DİN) Baş İstintaq və Təhqiqat İdarəsindən "Report"un sorğusuna cavab olaraq bildirilib ki, 50-BN-132 dövlət qeydiyyat nişanlı "Ford" markalı mikroavtobusun sürücüsü, Sumqayıt şəhər sakini 1976-cı il təvəllüdlü Hüseynov Namiq Hüseyn oğlu sürətlə hərəkət edən zaman idarəetməni itirərək yol kənarında dayanmış "ZİL" markalı yük maşınına, sonra isə dəmir yolayrıcına çırpılıb.

İdarədən, həmçinin əlavə olunub ki, "ZİL" markalı yük maşını hadisədən əvvəl xarab olaraq yol kənarında dayanıb. Hadisə ilə bağlı mikroavtobusun sücüsü ilə yanaşı "ZİL"in sürücüsü Şəmistanlı Elvin Eldar oğlu da saxlanılıb. Hər iki sürücü dindirilir, onların sərxoş olub-olmadığı da araşdırılır. Faktla bağlı cinayət işi başlanılıb.

335
Mövzu:
Bakı-Sumqayıt yolunda ağır avtoqəza (10)
Qadın sürücü

Polis Salyandan maşın qaçırdan iki qadını yaxalayıb

8
(Yenilənib 23:51 08.03.2021)
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

BAKI, 8 mart - Sputnik. Salyanda ötən gün qeyri-adi hadisə baş verib. Belə ki, Salyan Rayon Polis Şöbəsinə martın 7-də saat 16.00 radələrində rayon ərazisindən Bakı şəhər sakini S. Nəcəfova məxsus “Opel” markalı avtomobilin qaçırılması barədə məlumat daxil olub.
Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

Onların Bakı şəhər sakinləri M.Bayramova və M.Orduxanova olduğu məlum olub. Maşını qaçıranlar saxlanılarkən sükan arxasında M.Bayramova, sərnişin oturacağında isə M.Orduxanova olub. 

Salyan Rayon Polis Şöbəsi hazırda hadisənin təfərrüatlarını araşdırır. 

8
Qərənfil

Türkiyənin məşhur aktyoru dünyasını dəyişib

21
(Yenilənib 23:48 08.03.2021)
Türkiyənini Səhiyyə naziri Rasim Öztəkinin vəfat etdiyini açıqlayıb: " O, televiziyanın olduğu hər bir evdə ailədən biri idi".

BAKI, 8 mart - Sputnik. Türkiyənin məşhur aktyoru, Azərbaycanda da öz rolları ilə çox sevilən Rasim Öztəkin infarkdan müalicə aldığı xəstəxanada dünyasını dəyişib. 

Sputnik Türkiyə xəbər verir ki, Öztəkin, infakt keçirdikdən sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasına aparılıb.

Öztəkinin vəziyyəti ilə bağlı bir qədər əvvəl mətbuata açıqlama verən həkimi, professor Cevdet Uğur "xəstənin həyati təhlükəsi var və vəziyyəti ağır olaraq qalır" demişdi. 

Türkiyənin Səhiyyə naziri Fəxrəddin Qoca isə Öztəkinin vəfat etdiyini bildirib. O, sosial media hesabında "edilən bütün müdaxilələrə baxmayaraq, Rasim Öztəkin həyatdan köçüb", - yazıb. 

"Serial, teatr və kino aktyoru Rasim Öztəkin, keçirdiyi infarktdan sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasında edilən bütün müdaxilələrə baxmayaraq, dünyasını dəyişib. O, televiziyanın olduğu hər bir evdə ailədən biri idi. Başımız sağ olsun",  - nazir yazıb. 

Qeyd edək ki, Rasim Öztəkin Azərbaycan izləyicisinə "Səksənlər", "Geniş ailə" teleseriallarından, "Kabadayı", "Mandıra filosofu" və digər filmlərindən tanış idi. 

O, 14 yanvar 1959-cu ildə İstanbulda anadan olmuşdu. 

21
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

0
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

0