Sona Rəhimbəyova (mərkəzdə)

"Biz buraya gəlmişiksə, burada da öləcəyik"

1269
(Yenilənib 20:49 27.02.2017)
Onlar sağ ikən "Qocalar evi"nin, öləndə də "Kimsəsizlər qəbiristanlığı"nın sakinləridir

İradə Cəlil, Sputnik Azərbaycan

BAKI, 27 fev — Sputnik. Bilgəhdəki Müharibə və Əmək Əlilləri üçün Pansionatda (Qocalar Evi) hazırda 241 nəfər yaşayır. Onlarda 150 nəfəri qadın, 90 nəfəri isə kişidir. Pansionata 63 yaşından böyük insanlar qəbul edilir.

Vəfat etdiklərində, onları "Kimsəsizlər qəbiristanlığı"nda dəfn edirlər.

Pansionatın rəhbəri Qətibə Əsədova Sputnik Azərbaycan-a müsahibəsində bildirib ki, bəzən qocalar dünyasını dəyişəndə belə övladları gəlib onlarla maraqlanmır. Bəzənsə, valideynləri öləndən sonra onların əmlakını ələ keçirmək üçün gəlib pansionatdan ölüm kağızlarını istəyirlər.

O, valideynlərini Qocalar Evinə atıb pensiya kartını özündə saxlayan övladların da olduğunu dilə gətirib.

Sputnik Azərbaycan-ın müxbiri sözgüdən Qocalar Evində olub və buranın daimi sakinləri ilə söhbətləşib.

Həbib Qənbərov
© Sputnik / Irade JELIL
Həbib Qənbərov

68 yaşlı Həbib Qənbərov 10 ildir ki, pansionatda yaşayır. Övladları olsa da, sakit yaşamaq üçün burda qalmağa üstünlük verib: "Məni saxlamaq üçün gərək uşağın ayrı bir otağı olsun, uşaq işləsin, sonra məni saxlaya bilsin. Həm də mən sakitliyi sevirəm. Buradakı vəziyyətim çox yaxşıdır. Prezident nəzarətində yaşayırıq. Qətibə xanım bizə yaxşı baxır. Harada görsə, səhhətimizlə, yeməyimizlə maraqlanır".

Əbülfəz Süleymanov
© Sputnik / Irade JELIL
Əbülfəz Süleymanov

Digər sakin Əbülfəz Süleymanov 1939-cu ildə anadan olub. Deyir ki, 2015-ci ildən pansionatda yaşayır: "Mənim üçün bura çox rahatdır. Burada sakit yaşayıram. Bir qızım, bir oğlum vardı. Oğlum könüllü şəkildə müharibəyə getdi, 1993-cü ildə şəhid oldu. Sonra yoldaşım xəstələndi, dünyasını dəyişdi. Qaldım tək. Özüm qərara aldım ki, gəlim qocalar evində yaşayım. Hələlik yaşayıram…"

Qocalar deyirlər ki, bundan sonra bir neçə il belə yaşasalar, hər şeyə dəyər. "İnsan qocalanda ikinci dəfə uşaqlaşır. Kövrək, əsəbi, heç kimə tabe olmayan bir hala düşür. Burada öz bildiyim kimi yaşayıram. Qətibə xanım da sağ olsun, sahib çıxır bizə" — deyə buranın sakini Brilyant Koroğluyeva bildirir.

Qocalar Evində ailə quranlar da az deyil. Həbib dayı deyir ki, burada ailə qurmaq dost-həyan qazanmaqdır.

Sona Rəhimbəyova 1933-cü ildə anadan olub: "Mən 65 il akademiyada işləmişəm. Orden-medallarım da var. Evim də var idi. Amma uşaqlarım satıb xaricə köçdü. Məni də aparmaq istəyirdilər, getmədim. Bunlar haqqında danışmaq istəmirəm. Amma mənə bu günümdə övladım yox, pansionat sahib çıxdı. Bura gələndən sonra anladım ki, mən indiyə qədər heç yaşamamışam. Otaqlarımızda hər bir şərait var".

Nina Kalmıkova
© Sputnik / Irade JELIL
Nina Kalmıkova

70 yaşlı Nina Kalmıkova da 11 ildir ki, Qocalar Evində yaşayır.  Deyir, əvvəllər köhnə binada yaşayırmış: "Heç evdə belə yaxşı şərait yoxdur. Hər gün isti suyum gəlir. Bir qədər pul yığmışdım ki, özümə ev alım, sonra gördüm puluma heç nə düşmür. Gedib özümə divan dəsti aldım. Bilirsiz, biz buraya gəlmişiksə, burada da öləcəyik. Heç olmasa, ömrümüzün axır günlərini yaxşı yaşayaq. Həyat çətindir. Xoşbəxtəm ki, buradayam".

1269
Teqlər:
"Qocalar evi", Müharibə və əmək əlilləri üçün pansionat, Qətibə Əsədova, Bilgəh
Əlaqədar
Onları “Kimsəsizlər qəbiristanlığı”nda dəfn edirlər
Bakıda məşhur xəstəxananın "kimsəsizlər" palatasından reportaj
Azərbaycanda qocalar niyə intihar edir?!
Çində qocalar evi yandı
Ovçu

Azərbaycanda Milli Parkın əməkdaşlarını güllələdilər

1
(Yenilənib 12:43 28.01.2021)
Qızılağac Milli Parkının üç əməkdaşı iş başında olarkən güllələnib. Faktla bağlı Lənkəran rayon Prokurorluğunda araşdırma başlayıb

BAKI, 28 yanvar — Sputnik. Yanvarın 27-də Qızılağac Milli Parkının mühafizə yegerləri və mühafizə müfəttişinə qarşı zor tətbiq olunması ilə bağlı Lənkəran rayon Prokurorluğuna məlumat daxil olub. Rayon prokurorluğundan Sputnik Azərbaycan-a verilən məlumata görə, həmin gün saat 23 radələrində Qızılağac Milli Parkının mühafizə yegerləri Zahir Bəşirov, Ceyhun Mustafayev və mühafizə müfəttişi Natiq Rzazadənin qanunsuz ov edən şəxslərin müəyyən edilməsi məqsədilə parkda xidməti vəzifələrini icra edərkən naməlum şəxs onlara ov tüfəngindən atəş açıb. İnsident zamanı işçilər xəsarət alıblar.

Faktla bağlı Lənkəran rayon Prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib. Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilməsi istiqamətində zəruri istintaq-əməliyyat tədbirləri davam etdirilir.

1
Teqlər:
cinayət, güllələnmə, əməkdaş, Qızılağac Milli Parkı
Şuşa adlı uşaq

Əziz Şuşa, adınla böyü!

4
(Yenilənib 12:48 28.01.2021)
Vətən müharibəsində şəhid olan Elçin Ağayevin arzusu indi üzünü görə bilmədiyi övladının adı ilə yaşayır.

BAKI, 28 yanvar — Sputnik. Vətən müharibəsində şəhid olan kapitan Elçin Ağayevin övladı Şuşaya şəxsiyyət vəsiqəsi verilib. Bu barədə Sputnik Azərbaycan-a "ASAN xidmət"dən məlumat verilib.

Qeyd edilib ki, şəhid Elçin Şuşanın azadlığında iştirak etməyi arzulayıb, bu şəhəri görmək istəyib. Buna görə də onun yeni doğulan övladına Şuşa adı verilib.

4
Teqlər:
övlad, şəhid, Şuşa