Dilənçi uşaqlar

Dilənçi uşaqdan etiraf: Mən oxumaq istəyirəm, amma...

305
(Yenilənib 16:47 24.02.2017)
“Sən Əbəlfəz, mənə bir çörəkpulu ver” – deyə dilənən uşaqlar Əbəlfəzin kim olduğunu Sputnik Azərbaycan-ın əməkdaşına açıqladılar

BAKI, 24 fev — Sputnik. Ailə, Qadın və Uşaq Problemləri üzrə Dövlət Komitəsi Azərbaycanda avaralıq, dilənçiliklə məşğul olan uşaqların və küçə uşaqlarının sayını açıqlayıb. Məlumata görə, ötən il 25 küçə uşağı aşkarlanıb. 2016-cı ildə avaralıq və dilənçiliklə məşğul olan yetkinlik yaşına çatmayan 512 uşaq müəyyənləşdirilib.

Dilənçiliklə məşğul olan küçə uşaqları hər yerdə qarşımıza çıxır. Ötən gün Sabunçu qəsəbəsində “Sən Əbəlfəz, mənə bir çörəkpulu ver”, “Sən Əbəlfəz bir hamburqer al yeyim” deyən 3 uşaq qarşımı kəsdi. Birinə 40 qəpik verdim.  Digərləri “mənə də ver” deyə əl çəkmirdi. Sonra təklif etdim ki, gəlin şəklinizi çəkim, söhbət edək. Razılaşdılar. Tanış olduq. Onların adları belə idi: Yusif, Zeynəb, Mühəmməd. 

Yusif danışır ki, valideyinləri var, amma dilənçiliklə məşğul olmaq onların adətidir, çünki qanlarında var:

— Yusif, Əbəlfəz kimdir? 

— Əlinin oğlu.

— Əli kimdir?

— İmamdır da. Mənim adım da peyğəmbər adıdır. Bu adlar hamısı “Quran”da var. 

— Sən “Quran” da oxuya bilirsən?

— Mən yox, amma qardaşım oxuyur. O mənə danışır.

— Bilirsən də, “Quran”da dilənçilik yoxdur.

— Bilirəm, amma bu bizim adətimizdir, qanımızda var. Dilənməsək olmaz.

Dilənçilik edən küçə uşaqları
© Sputnik / Irade JELIL
Dilənçilik edən küçə uşaqları

Yusif çox ağıllı oğlandır. Deyir ki, o da təhsil almaq istəyir, amma adətlər var ki, onlara əməl etmək məcburiyyətindədir. Yusifin dediyinə görə, yığdıqları pulu analarına verirlər.

Sonra balaca Yusiflə danışıb razılığa gəldik ki, mən ona şalvar-köynək gətirim. Dedi ki, səni şənbə günü gözləyəcəm. Razılaşdıq və bacı-qardaşını öz dillərində başa salıb, apardı. 

Ölkəmizdə yüzlərlə belə uşaq var. Azərbaycan Uşaqlar Birliyinin sədr müavini, Uşaq Sığınacağı — Reinteqrasiya Mərkəzinin koordinatoru Vasif Akiflinin sözlərinə görə, Azərbaycanda qaraçı deyil, roman qrupuna aid uşaqlar var: “Dünyanın hər yerində olduğu kimi Azərbaycanda da roman qrupuna aid olan yetərincə insan var. Dilənçiliklə təkcə onlar deyil, onların anaları, nənələri də məşğul olur. Roman qrupundan olan uşaqlar təkcə öz uşaqlarını deyil, başqalarının uşaqlarını da diləndirirlər. Bu onların mental dəyərləridir. Onların bütün dünyada işi eynidir — dilənmək. Yəni hansısa dövlət qurumu, hansısa şəxs bunların mental dəyərlərini dəyişə bilməz”.

Akifli bildirir ki, Azərbaycan Uşaqlar Birliyinin nəzdində 6 ildən çoxdur ki, Uşaq Sığınacağı — Reinteqrasiya Mərkəzi fəaliyyət göstərir. Burada ailəsi tərəfindən imtina edilmiş, atılmış, zorakılığa məruz qalmış uşaqlar yaşayır: “Sığınacaqda iki roman uşağı da var. Uşaqlardan birinin həyatı çox maraqlı idi. Uşağı metropolitendə aşkarlayıb bizə vermişdilər. Biz onun nənəsini axtarışa vermişdik. Nənə gəlib dedi ki, “dilənmək bizim adətimizdir, biz dilənərək yaşayırıq”. Amma uşaq dilənmək istəmədiyi üçün nənəsindən qaçıb, metropolitenə sığınmışdı. O, təhsil almaq, normal yaşamaq istəyirdi”.

Müsahibimizin sözlərinə görə, roman qrupları istəsə, uşaqlarına dilənçiliyi aşılamaz. Amma bu adət-ənənə kökdən gəldiyi üçün, onlar uşağa körpəlikdən bunu öyrədirlər. 

Akifli bildirir ki, bizə hər yerdə yaxınlaşıb imamların adını sadalayan, onların canına and verən romanlar əslində heç bir dinin nümayəndəsi deyillər. Roman qrupları yaşadıqları, məskunlaşdıqları ölkələrə uyğun olaraq özlərinə din seçirlər. İnsanları din tərəfindən vurmağa çalışırlar: “Onlar bizim dini ocaqlardan, pirlərdən, imamlardan istifadə edərək bizdən pul almağa çalışırlar. Bilirlər ki, din insanların ən zəif yeridir”.   

Dilənçilik hansısa qrupda, millətdə adət-ənənə ola bilər, amma azyaşlı uşaqların dilənçiliyə məcbur edilməsi uşaq hüquqlarının pozulması deməkdir…

305
Teqlər:
Dilənçilərlə reportaj, Uşaq Sığınacağı - Reinteqrasiya Mərkəzi, Azərbaycan Uşaqlar Birliyi, Ailə, Qadın və Uşaq Problemləri üzrə Dövlət Komitəsi, Vasif Akifli, Sabunçu qəsəbəsi, Azərbaycan
Əlaqədar
Milli uşaq ədəbiyyatının banisi
“Bunu görən uşaq ya qəssab olacaq, ya da...”
500 valideynin çağırışı: Uşaqlarımızın gələcəyini məhv etməyin
Xaçmaz sakini həyat yoldaşını və uşaqlarını xilas edərkən yanıb
Məktəb, arxiv şəkli

Uşaqlar hansı yaşdan etibarən maska taxmalıdırlar?

15
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

15
Koronavirus modeli, arxiv şəkli

Koronavirus daha tez öldürməyə başlayıb

28
Alimlər eyni zamanda SARC –CoV-2 –nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

BAKI, 24 oktyabr — Sputnik. Koronavirus pandemiyasının ikinci dalğasında virusun ağırlaşmış formasında olan xəstələr birinci dalğa ilə müqayisədə daha tez ölür.

Sputnik Azərbacan Rusiya mətbuatına istinadla xəbər verir ki, bu barədə Britaniyanın fövqəladə hallar üzrə elmi məsləhət qrupunun hesabatında deyilir.

Alimlər bütün ölkə üzrə xəstəxanalarda olan 76700 sakinin məlumatlarını təhlil edərək bu nəticəyə gəlib.

Belə ki, avqustun 1-nə olan dövr ərzində koronavirusn əlamətləri müşahidə edilən gündən etibarən ağırlaşaraq ölümlə nəticələnmə 13 gün ərzində baş verirdi. Hazırda bu dövr qısalıb və ölümlə nəticələnmə bir həftəyə baş verir.

Alimlərin fikrincə, bu neqativ dinamika xəstəliyin müalicəsinin inkişafı ilə əlaqəlidir. Belə ki, hazırda həkimlər daha çox xəstənin həyatını xilas edə bilir. Xəstəlikdən ölənlər isə digər sağlamlıq problemləri olan zəif orqanizmi olan şəxslərdir.

Alimlər eyni zamanda SARC–CoV-2–nin mutasiya edə bildiyini də təsdiqləyib. Onların fikrincə, mutasiya xəstəliyin ağırllaşmasına səbəb olmasa da, sürətlə yayılmasına səbəb ola bilər.

28
ABŞ bayrağı, arxiv şəkli

ABŞ-ın Bakıdakı Səfirliyi terror təhlükəsi haqda xəbərdarlıq edib: Bu otellərdən uzaq olun

33
(Yenilənib 22:35 24.10.2020)
Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

BAKI, 24 oktyabr — Sputnik. ABŞ-ın Azərbaycandakı Səfirliyi, "Abşeron J.W. Marriott" kimi otellər də daxil olmaqla, potensial olaraq Bakının digər yerlərində ABŞ vətəndaşlarına və xarici vətəndaşlara qarşı baş verə biləcək terror hücumları və qaçırmalar barədə etibarlı məlumatlar əldə edib.

Sputnik Azərbaycan səfirliyin rəsmi saytına istinad edərək xəbər verir ki, ABŞ vətəndaşlarına amerikalıların və ya əcnəbilərin toplaşa biləcəyi yerlərdə çox ehtiyatla davranmaları tövsiyə olunur.

Xəbərdarlıqda aşağıdakı tədbirlər qeyd edilib:

- Ehtiyatlı və sayıq olun.

- Kütlənin çox olduğu yerlərdən yayının.

- Öz profilinizi büruzə verməyin.

- Ətrafınızdan xəbərdar olun.

- Əcnəbilərin sıx olduğu yerlərdə diqqətli olun.

- Yerli mediayanı diqqətdə saxlayın.

Bildirilib ki, səfirlik təhlükəsizliklə bağlı vəziyyəti nəzərdən keçirməyə davam edəcək və ehtiyac olduğu təqdirdə əlavə məlumat verəcək.

Qeyd edək ki, bir müddət əvvəl Azərbaycan Dövlət Təhlükəsizlik Xidməti ölkəmizdə gözlənilən erməni terroru ilə bağlı vətəndaşlara xəbərdarlıq edib.

33