Şamaxı şəhərinin girişindəki qala divarları önündə yerləşdirilən barelyeflər baxımsızlıqdan uçub-tökülüb

Klassiklərimizə hörmət budur?

1372
(Yenilənib 10:12 23.02.2017)
Şamaxıda yol kənarlarını bəzəyən kitabələr və barelyeflər baxımsızdır

İlham Əhmədov, Sputnik Azərbaycan

BAKI, 23 fev — Sputnik. Bəzi səhvlər var ki, onu tarix boyu bağışlamaq mümkün olmur. Tarixi şəxsiyyətlərə, tanınmış şairlərə qarşı biganəliyi onlara hörmətsizlik hesab etmək olar.

Azərbaycan ədəbiyyatına saysız-hesabsız ədiblər, şairlər və yazarlar bəxş edən Şamaxı torpağı bu gün də onlara böyük hörmətlə yanaşır. Amma bəzi insanlar öz işini icra etmədikdə və yaxud işinə düzgün yanşmadıqda, həmin şairlərə hörmətsizlik etmiş olur. Şairlər diyarı Şamaxı şəhərinin girişindəki qala divarları önündə yerləşdirilən barelyef şəhərə gələn qonaqlar üçün əvəzolunmaz  məlumat mənbəyidir və özündə şairlər haqqında informasiyanı əks etdirir. Şəhərin Bəhyəddin Mirzəyev küçəsi boyu inşa olunan qala divarları önündə Xaqani Şirvani, İmadəddin Nəsimi, Seyid Əzim Şirvani, Mirzə Ələkbər Sabir, Abbas Səhhət, Məhəmməd Hadi kimi şairlərimizin barelyefi qoyulub. Burada onlar haqqında qısa məlumat, doğum və ölüm illəri, şeir və qəzəllərindən bir neçə bənd həkk olunub. Bir neçə il öncə inşa olunan bu abidə kompleksi şəhərə xüsusi gözəllik bəxş edir. Amma bu cür abidələrə biganəlik və baxımsızlıq onların sınaraq yararız vəziyyətə düşməsinə gətirib çıxarıb. Hətta bəzi şairlərin barelyefi güclü külək nəticəsində qırılaraq yerə düşüb. Həmin abidə isə təmir olunmaq əvəzinə, qala divarlarının arxasında gizlədilib. Burada yaşayan sakinlərin sözlərinə görə, barelyef 6 aydan çoxdur burada qalıb. 

  • Şamaxı şəhərinin girişindəki qala divarları önündə yerləşdirilən barelyeflər baxımsızlıqdan uçub-tökülüb
    Şamaxı şəhərinin girişindəki qala divarları önündə yerləşdirilən barelyeflər
    © Sputnik / İlham Ahmadov
  • Şamaxı şəhərinin girişindəki qala divarları önündə yerləşdirilən barelyeflər baxımsızlıqdan uçub-tökülüb
    Abbas Səhhətin barelyefi
    © Sputnik / İlham Ahmadov
  • Şamaxı şəhərinin girişindəki qala divarları önündə yerləşdirilən barelyeflər baxımsızlıqdan uçub-tökülüb
    Bəzi şairlərin barelyefi güclü külək nəticəsində qırılaraq yerə düşüb
    © Sputnik / İlham Ahmadov
  • Şamaxı şəhərinin girişindəki qala divarları önündə yerləşdirilən barelyeflər baxımsızlıqdan uçub-tökülüb
    Hacı Ağabəy Zülalinin barelyefi
    © Sputnik / İlham Ahmadov
1 / 4
© Sputnik / İlham Ahmadov
Şamaxı şəhərinin girişindəki qala divarları önündə yerləşdirilən barelyeflər

Şamaxı şəhər icra numayəndəsi Şahnəzər Qasımov məsələ ilə bağlı bildirib ki, abidənin təmir edilməsi üçün mütəxəssislər dəvət edilib. Barelyefin yol kənarında qalaraq, anbara aparılmamasına gəldikdə, icra nümayəndəsi bunu bəzi işçilərin səhlənkarlığı ilə bağlayıb. Artıq həmin kitabə və abidə bərpa edilmək üçün anbara aparılıb. Şahnəzər Qasımov onu da qeyd edib ki, digər kitabə və barelyeflərin təmir-bərpa və bərkidilməsi işləri aparılır və bu işlər mütəmadi olaraq davam edəcək. 

Qeyd edək ki, ümumilikdə yol kənarlarında 15-dən cox barelyef mövcuddur.

1372
Teqlər:
barelyeflər, abidələr, Şahnəzər Qasımov, Məhəmməd Hadi, Xaqani Şirvani, İmadəddin Nəsimi, Abbas Səhhət, Mirzə Ələkbər Sabir, Seyid Əzim Şirvani, Bəhyəddin Mirzəyev küçəsi, Şamaxı
Əlaqədar
Rusiyada türk əsgərlərinə abidə ucaldılacaq
Təhlükə ilə üz-üzə qalan tarixi abidə
İlham Əliyev Belçikada Xurşidbanu Natəvanın abidəsini ziyarət edib
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

5
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

5
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

362
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

362