Parkinq və tıxaclar

Yol kənarında olan obyektlər götürüləcək?

379
Vaqif Əsədovun fikrincə, qarşısında avtomobillərin saxlanması üçün yer yoxdursa, obyektin tikilməsinə icazə verilməməlidir

BAKI, 21 fev – Sputnik. Bəzi mağazaların, şadlıq saraylarının, ticarət mərkəzlərinin qarşısında avtomobil saxlamaq üçün yer olmadığına görə, çox zaman həmin obyektlərə gələn müştərilər avtomobillərini yol kənarında saxlayırlar. Bu da avtomobil yolunun hərəkətdə olan hissəsini məhdudlaşdırır, tıxacların əmələ gəlməsinə səbəb olur. 

Bakı şəhər Dövlət Yol Polisi İdarəsinin Yol Hərəkətinin Təhlükəsizliyinin Təbliği və İctimai qurumlarla Əlaqə bölməsinin rəisi, polis polkovniki Vaqif Əsədov Sputnik Azərbaycan-a açıqlamasında bildirib ki, avtomobil yollarına bitişik ərazilərdə hər hansı iaşə obyektinin tikilməsi də qanunla tənzimlənməlidir: “Tutaq ki, mən restoran tikdim. O restorana minlərlə insan gələcək. Avtomobillərin dayanması üçün şərait yoxdursa, deməli, o obyektin tikilməsi sual altındadır. Düzdür, bu günə qədər bəzən bu kimi vəziyyətlər nəzərə alınmayıb. İndi isə nəzarət güclənib, qanunların icrasına tələbat artıb. Bundan sonra hər hansı bir tikili yola yaxın ərazidə tikilirsə, avtomobillərin saxlanıması üçün yerilərin olması nəzərə alınacaq. Avtomobillərin saxlanması üçün yer yoxdursa, yəqin ki, tikintiyə icazə verilməyəcək”. 

V. Əsədovun sözlərinə görə, heç kim mağazanın, obyektin qarşısını zəbt eləyib “bura mənim ərazimdir” deyə bilməz: “Məsələn, bir aptek açılır. Aptek açılırsa, onun qarşısında avtomobil saxlamaq üçün yer yoxdursa, həmin yerdə aptek açılmamalıdır. Yol-qəza hadisələrinin baş verməməsi üçün belə şeylərə diqqət yetirilməlidir. İnkişaf edən ölkələrdə iri alış-veriş mərkəzlərinin xüsusi avtodayanacaqları var. Hal-hazırda əgər ticarət mərkəzinin, şadlıq sarayının qarşısında avtomobil saxlamaq üçün yer yoxdursa, xüsusi nəzarətçilər olmalı və həmin əraziyə nəzarət etməldir ki, gələn müştərilər avtomobillərini yolun hərəkət hissəsində saxlamasınlar. Vətəndaş çıxan zaman onun avtomobilini gətirən bir xidmətçi olmalıdır. Bizdə kim harada istəyir, orada avtomobil saxlayır. Yolun hərəkət hissəsində, səkilərdə heç kim öz manefeyi naminə hərəkətə mane olmamalıdır”.

Əmlak məsələləri üzrə ekspert Ramil Osmanlının sözlərinə görə, Azərbaycan Qanunvericiliyində bu məsələ əvvəllər də olub, indi də var: “Magistral avtonəqliyyat yolları, şəhərdaxili avtonəqliyyat yollarının kənarında tikinti və qurğuların yerləşməsi ilə bağlı standartlar hər zaman olub. Şəhərsalma tikintisi məcəlləsində də bu nəzərdə tutulub, eyni zamanda Nazirlər Kabinetinin ayrı-ayrı qərar və sərəncamları, Arxitektura və Şəhərsalma Komitəsinin təlimatları və s. mövcuddur”.

Osmanlı bildirir ki, Azərbaycanda magistral avtomobil yollarının mühafizə zolaqları 30-25 metr müəyyən olunur. Bu məsafə avtomobil yolunun kənarından obyektin yerləşmə hissəsinə qədər olan məsafədir: “Sadəcə, burada qeyri-müəyyənlik var. Bu qeyri-müəyyənliklər ondan ibarətdir ki, Nazirlər Kabinetinin verdiyi sonuncu qərarda magistral avtomobil yolunun kənarından, yəni yolun ortasından iki hissəyə bölündükdən sonra olan məsafə kimi qeyd olunur. Ancaq elə avtomobil yolları var ki, onun ortasına düşən məsafə 15 metrəlik məsafəni əhatə edir”.

Osmanlı qeyd edir ki, şəhər və qəsəbədaxili yollarda isə bu məsafə 12,5 metrdir. Sadəcə bu vaxta qədər Bakı şəhərində ətraf qəsəbə və kəndlərdə tikintiyə nəzarət edən, icazə verən qurumlar bu məsələyə diqqət yetirməyiblər. Tikintilərdə bu qaydalar kobud şəkildə pozulub. 

Ekspert xatırladıb ki, təqribən iki il bundan əvvəl Nazirlər Kabineti müvafiq İcra Hakimiyyəti orqanlarına mühafizə zolaqlarına düşən tikililərin sayının müəyyənləşdirilməsi ilə bağlı tapşırıq verib: “O dövrdə Dəmiryolu idarəsi, Azəravtoyol, Azərişıq, Azərsu, Azəriqaz və s. bu kimi qurumlar bu işlə ciddi məşğul idi. Mühafizə zolağında yerləşən tikililərin sayını müəyyənləşdirmişdilər. Bu tikililərin sayı 3000-ə qədər idi. Hökümətin planı belə idi ki, həmin tikililər orda yaşayan əhaliyə kompensasiya ödənilməklə geri alınsın və mühafizə zolaqlarına nəzarət gücləndirilsin. Amma sonradan bu məsələ öz aktuallığını itirdi. Çox təəssüflər olsun ki, Bakı şəhərində nəinki ayrı-ayrı kommersiya mərkəzləri, hətta çoxmərtəbəli yaşayış binaları var ki, həmin binaların giriş qapısı birbaşa şəhərdaxili avtomobil yoluna açılır. Eyni zamanda, fərdi yaşayış evləri var ki, dəmir yolu relsinə yaxın məsafədə yerləşir".

Mütəxəssis hesab edir ki, avtomobil yolları kənarında yerləşən obyektlərin taleyi ilə bağlı məsələyə yenidən baxılmalıdır.  

379
Teqlər:
Arxitektura və Şəhərsalma komitəsi, Bakı şəhər Dövlət Yol Polisi İdarəsi, Nazirlər Kabineti, Ramil Osmanlı, Vaqif Əsədov, Azərbaycan
Əlaqədar
Avtomobili qaçıraraq qəza törətdi
İqdırda ağır qəza: ölən və yaralananlar arasında azərbaycanlılar da var
Ərdoğanın içində olduğu avtobus qəza törətdi, mühafizəçisi yaralandı
Xəstəxana

Qobustanda kütləvi zəhərlənmə baş verib

6
(Yenilənib 10:59 27.01.2021)
Onlar kustar üsulla quraşdırılan qızdırıcının nasazlığı səbəbindən mənzilə dolan dəm qazından zəhərləniblər.

BAKI, 27 yanvar - Sputnik. Qobustan rayonunda dəm qazından kütləvi zəhərlənmə hadisəsi baş verib.

Sputnik Azərbaycan APA-ya istinadla xəbər verir ki, hadisə ötən gecə Qobustan şəhərinin Tofiq İsmayılov küçəsindəki 66 nömrəli mənzildə qeydə alınıb.

Rayon sakinləri - 2003-cü il təvəllüdlü Rəhimli Zərifə İlham qızı, 2007-ci il təvəllüdlü Rəhimli Elçin İlham oğlu, 2015-ci il təvəllüdlü Rəhimli Elnur İlham oğlu, 1982-ci il təvəllüdlü Rəhimova Rəna Əli qızı, 1954-cü il təvəllüdlü Rəhimova Qənifə Ağaşiraz qızı və 1944-cü il təvəllüdlü Əkbərova Zivər Ağaşiraz qızı kustar üsulla quraşdırılan qızdırıcının nasazlığı səbəbindən mənzilə dolan dəm qazından zəhərləniblər.

Ailə üzvləri Qobustan rayon Mərkəzi Xəstəxanasına aparılıb.

Faktla bağlı araşdırma aparılır.

6
Sinif otağında dərs prosesi, arxiv şəkli

Məktəblə bağlı suallar - direktorlara göndərilən kağızlarda yazılıb?

65
(Yenilənib 00:09 27.01.2021)
Məktəb direktorlarına dərslərin hibrid formada təşkili üçün xüsusi təlimat göndərilib. Hətta sinifdə bircə şagird belə olsa, ona dərs keçiləcək

Zülfiyyə Quluyeva, Sputnik Azərbaycan

BAKI, 27 yanvar — Sputnik. Fevral ayının 1-dən etibarən ölkə üzrə ümumtəhsil müəssisələrində ənənəvi təhsil qismən bərpa olunur. Nazirlər Kabineti yanında Operativ Qərərgahın qərarına əsasən, məktəblərdə dərslər hibrid formada təşkil olunacaq. Belə ki, Bakı Abşeron, Sumqayıt və digər iri şəhərlərdə dərslər həftədə üç dəfə əyani, kənd yerlərində, şagird sıxlığının az olduğu məktəblərdə isə dörd-beş dəfə ənənəvi formada keçiriləcək. Koronavirus pandemiyası dövründə şagirdlərin ənənəvi təhsilə cəlb olunması könüllü xarakter daşıdığından valideynləri düşündürən əsas məqamlardan biri siniflərin necə bölünəcəyi, hər qrupda neçə şagirdin olacağı və məktəbə getməyən şagirdlərin dərs proqramını necə mənimsəyəcəyi barədədir.

Sputnik Azərbaycan bu suallara aydınlıq gətirməyə çalışıb.

Valideyn Gülnar Səfərova Sputnik Azərbaycan-a açıqlamasında bildirib ki, artıq sinif rəhbərləri onlayn valideyn iclasları keçirərək əyani təhsil alacaq şagirdlərin siyahısını hazırlayırlar. Övladı 3-cü sinifdə oxuyan G.Səfərova bildirir ki, valideynlərin bir qismi məktəblərin açılmasına sevinsə də, aralarında uşağını məktəbə göndərmək istəməyənlər də var: "Məktəblərin açılmasını gözləsək də, valideynlərin bəziləri uşağını məktəbə göndərməyə ehtiyat edir. Amma bilmirik ki, hər sinifdən iki-üç şagird məktəbə getsə, əyani təhsil veriləcəkmi?"

Təhsil Nazirliyinin İctimaiyyətlə əlaqələr şöbəsinin müdiri Cəsarət Valehov Sputnik Azərbaycan-a açıqlamasında bildirib ki, bununla bağlı məktəb direktorlarına təlimatlar göndərilib.

Bakı şəhəri 53 saylı məktəbin direktoru Tünzalə Zeynalova Sputnik Azərbaycan-a açıqlamasında valideynləri düşündürən bir sıra məqamlara aydınlıq gətirib. O bildirib ki, 2020-2021-ci il üzrə tədrisin ikinci yarımilində dərslər hibrid formada təşkil olunacaq. T.Zeynalovanın sözlərinə görə, ikinci yarımildən təhsil müəssisələri mərhələli şəkildə açılacaq:

"Bakı şəhərində dərslər 3 gün əyani, 3 gün distant formada təşkil olunacaq. Bizim məktəbdə üç mindən artıq şagird təhsil alır. Dərslər həftədə üç dəfə əyani, üç dəfə isə distant keçiriləcək. Məktəbimizdə ibtidai siniflərdə şagird sayı 1200-ə yaxındır. Hər sinifdə isə 40-dan yuxarı şagird sayı var. Siniflər iki qrupa bölünüb. NK-nın 10 sentyabr tarixli qərarına əsasən, bununla bağlı bütün məktəblərə təlimat göndərilib. Təlimata görə, sinif otaqlarında hər parta arxasında bir şagirdin oturması təmin edilməlidir. Şagirdlər arasında məsafə isə 1,5 metrdən az olmamalıdır".

T.Zeynalova deyir ki, əyani təhsil alan şagirdlərin sayı hər qrupda iki nəfər olsa belə, dərs əyani formada həftədə üç dəfə keçiriləcək: "Qruplarda əyani təhsil alan şagirdlərin sayı iki-üç nəfər olsa da, əyani dərslər keçiriləcək. Məqsəd təhsilin mərhələli təşkilini təmin etməkdir".

Direktor dərs saatlarının azaldılması ilə bağlı məlumatlara da aydınlıq gətirib. O bildirib ki, dərs saatı azaldılmayacaq: "Tədris planına əsasən, əyani dərs vaxtı 45 dəqiqə, distant formada isə 30 dəqiqədir".

Şagirdlərin sinifdə tibbi maskadan istifadəsinə gəlincə, T.Zeynalovanın sözlərinə görə, tibbi maskalardan istifadə bütün yaş qrupları üzrə şagirdlər üçün məcburi deyil: "NK-nın müvafiq qərarına əsasən, 12 yaşa qədər şagirdlərə maska taxmaq vacib deyil. 12 yaşdan yuxarı şagirdlər maska taxmalıdırlar. Təhsilverənlər isə mütləq şəkildə maskadan istifadə etməlidirlər".

T.Zeynalovanın sözlərinə görə, şagirlərə parça maska taxmağa qadağa olmasa da, tibbi maskadan istifadə tövsiyə edilir.

Fevralın 1-dən etibarən mərhələli şəkildə ənənəvi təhsilə start verilsə də, bu, məcburi olmayacaq. Məktəb direktoru bildirir ki, hər hansı şagird məktəbə gəlməyə məcbur edilməyəcək. Amma məktəbə getməyən şagirdlərlə bağlı valideynlər yazılı iltizam ərizəsi imzalamalıdırlar: "Hansı valideyn övladını məktəbə göndərməyəcəksə, bunun üçün iltizam ərizəsi yazmalıdır. 53 saylı məktəbdə ibtidai sinifdə təhsil alan şagirdlərin sayı 1200-dür. Məktəbəqədər hazırlıq qruplarında isə 200 uşaq təhsil alır. Biz bu sayda iltizam ərizəsi hazırlamışıq. Valideyn ərizəni imzalayaraq övladının distant təhsilə cəlb olunması ilə bağlı üzərinə öhdəlik götürür. Əgər şagird hibrid formada təhsil almırsa, distant dərslər keçirilməyən günlərdə teledərslər hesabına dərs proqramını mənimsəməlidir. Bütün bunlar iltizam ərizələrində aydın şəkildə göstərilib. Şagirdin distant təhsili üçün valideynin üzərinə məsuliyyət qoyulur".

T.Zeynalova bildirir ki, məktəblərdə əyani təhsil zamanı bütün gigiyenik qaydalara əməl edilməlidir. Hər gün təhsilalanların və təhsilverənlərin temperaturu yoxlanılacaq: "Məktəbdə izolyasiya otağı var. Kimin temperaturu 37.1 dərəcədirsə, həmin şəxs izolyasiya otağına yönəldiləcək. Artıq bütün məktəblərin bununla bağlı təcrübəsi var. Bakı Şəhəri üzrə Təhsil İdarəsindən bizim məktəbə dezinfeksiyaedici məhlullar və digər zəruri avadanlıqlar verilib".

O ki qaldı məktəbdə dərs keçəcək müəllimlərin vaksinasiyasına, məktəb direktoru bildirir ki, təhsil müəssisəsinin rəhbəri kimi bu barədə bir tapşırıq almayıb:

"Əgər tapşırıq veriləcəksə, müəllimlərin də vaksinasiyası aparılacaq. NK-nın müvafiq qərarına əsasən, 65 yaşdan yuxarı müəllimlər ənənəvi dərslərə cəlb olunmayacaqlar. Amma məktəbə göstəriş verilməyib ki, yaşı 50-dən yuxarı müəllimlər əvəzlənsinlər".

Direktor bildirir ki, müvafiq göstərişdən sonra hər bir sinif müəllimi valideynlərlə iclaslara başlayıb: "Valideynlərin əksəriyyəti öz övladının məktəbdə iştirakının tərəfdarıdır. 53 saylı məktəbdə 38 ibtidai sinifdən 12-nin sinif rəhbəri valideynlərlə onlayn iclas keçirib. Bu iclaslarda valideynlər məktəbin açılmasının tərəfdarı olduğunu söyləyiblər".

65
Teqlər:
vaksinasiya, Koronavirus, epidemiya, COVID-19, əyani, sinif, təlimat, məktəb, dərs
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Koronavirus testi, arxiv şəkli

Ermənistanda koronavirusla bağlı statistika açıqlanıb

0
(Yenilənib 11:57 27.01.2021)
Ermənistanda ümumilikdə bu virusdan ölənlərin sayı 3056-ya çatıb. Xəstəlikdən sağalanların sayı 156053 nəfər olub.

BAKI, 27 yanvar — Sputnik. Ermənistanda koronavirusa yoluxanların sayı 166427-yə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 195 nəfər artıb.

Ermənistanda son gündə daha 4 nəfər ölüb. Ümumilikdə bu virusdan ölənlərin sayı 3056-ya çatıb. Xəstəlikdən sağalanların sayı 156053 nəfər olub. Hazırda bu ölkədə 6557 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 100 milyonu keçib, 2,15 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Teqlər:
Koronavirus, epidemiya, COVID-19