Yaşlı kişi

Hər kim 500 yaşamasa...

651
İnsan ömrünün maksimum həddi ilə bağlı ekspertlərin fikirləri üst-üstə düşmür

BAKI, 20 fev — Sputnik. Gələcəkdə insanlar 500 ilə qədər yaşaya biləcəklər. Belə bir bəyanatla "Google" korporasiyasının layihəsində iştirak edən alimlər çıxış ediblər.

Onlar qeyd ediblər ki, insanlar hətta indinin özündə balanslaşdırılmış qida qaydalarına riayət etmək, zərərli vərdişləri tərgitmək və rejimə əməl etməklə 120 ilə qədər yaşaya bilirlər: "Gələcəkdə, müasir genetika və neyrocərrahiyyənin imkanlarından istifadə etməklə, ömrü 500 ilədək uzatmaq mümkün olacaq".

Sputnik Azərbaycan-ın əməkdaşı məsələ ilə bağlı mütəxəssislərin rəyini soruşub. Azərbaycanda orta yaş müddətinin 60-70 yaş arası dəyişdiyi nəzərə alınsa, 500 il yaşamaq perspektivi ilə bağlı peşəkarların rəyi maraqlı olub.

Tibbi Üsullarla Müalicə Mərkəzinin direktoru Seyfəddin Əsəd bildirib ki, insan 500 yaşa kimi yaşaya bilər: "Mən həmişə bu fikiri dəstəkləyirəm. Hətta qeyd edirəm ki, hazırda insan ömrü 300 ildən çox ola bilər. Uşaq doğulmazdan öncə ana düzgün qidalanarsa, daha sonra insan düzgün həyat tərzi sürərsə, uzun illər yaşaya bilər. Düzgün yaşam tərzi deyəndə təmiz hava, təmiz qidalar, təmiz su və daimi hərəkət və düzgün yuxu (axşam 10-dan səhər 6-ya kimi) nəzərdə tutulur. Bunlar olarsa, o zaman insan uzunömürlü ola bilər".

Həkim düzgün qidalanma haqqında bəzi məqamları qeyd edib: "İnsan gündə 2-3 litr su içməlidir. Bu mayenin çox hissəsini günortaya kimi etmək olar, eyni zamanda axşam 5-dən sonra yemək yeyilməməlidir, kompüterdən və mobil telefondan uzaq durmaq lazımdır. Bir faiz enerjisi qalan telefonla danışmaq olmaz, güclü şüalanma verir, dərman həblərini soyuq su ilə içmək olmaz, yemək yeyib uzanmaq olmaz. Bu kimi qaydalara riayət olunarsa insan sağlam olar".

O, qeyd edib ki, yaponlar bütün bunlara riayət etdiyi üçün onlarda yaşam həddi daha çoxdur: "Hətta yaxın illərdə 50 mindən çox yapon 120 yaşdan çox yaşayacaq. Səbəb isə düzgün qidalanma və ətrafı düşünmədən yalnız özlərini düşünmələridir. Stress, əsəb insan ömrünü qısaldır. Bunlar olmazsa, insan daha çox yaşamaq iqtidarındadır".

Həkim Rasif Bağırov isə insanın 500 il yaşamasını qeyri-mümkün hesab edir: "İnsan 500 il yaşaya bilməz. İnsan orqanizmi üçün yaşam maksimum 150 ildir. İnsan orqanizmi heç 200 il də yaşaya bilməz. Müasir dövrdə düzgün qidalanma və şərait olsa da, ətraf mühitin çirklənməsi və təbii qidaların azlığı insan ömrünü azaldır".

"Amma insan təmiz qidalarla qidalansa, təmiz havada olarsa və düzgün yaşayarsa 150 yaşa qədər yaşaya bilər. Artıq Avropada 90 yaş adi yaş sayılır. Çünki orada insanların daxili orqanlarında problem yaşanan kimi, ciddi müalicə aparılır, hətta tibbi müdaxilə vasitəsilə orqanları dəyişdirilir. Bunun da nəticəsində insanlar bir qədər çox yaşaya bilirlər. Amma tibbi yol belə, insanın 500 il yaşamasını təmin edə bilməz" — həkim əlavə edib.

Azərbaycanlı ilahiyyatçı Hacı Şahin məsələyə dini baxımdan yanaşıb. O, qeyd edib ki, "Qurani-Kərim"də insanların maksimum neçə yaş yaşaya biləcəyi ilə bağlı konkret məhdudiyyət yoxdur: "Quran kitabımızda yalnız o yazılır ki, insanların hamısı mütləq ölümü dadacaq. Eyni zamanda, Nuh peyğəmbər haqqında yazılıb ki, peyğımbər 950 il yaşayıb və dini təbliğ edib. Görünür, bəzi peyğəmbərlərin ömürləri uzun olub. Yəni bunu qeyri-mümkün hesab etmirəm. Elmi yollarla bu mümkün olarsa, insan bu qədər yaşaya bilər".

651
Teqlər:
Seyfəddin Əsəd, sağlam, 500 il, yaş, ömür, tibb, Sputnik Azərbaycan, Rasif Bağırov, qida, Hacı Şahin, insan
Əlaqədar
Onun tövsiyyələrinə əməl etsəniz, ömrünüz uzanar
Ən azı, ömrünüzdə bir dəfə bu ölkəyə ayaq basın!
Bu idman növü ömrü uzadır
Ömrü mübarizədə keçən qadın: "Dua edirdim ki, biz çatanadək canına qıymasın"
Ömrün müddəti insanın intellektindən asılıdır
Onlar olmasa, insan ömrü 10 ilin altına düşər
Xolesterinin ömrü uzatdığı məlum olub
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

9
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

9
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

10
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

10
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB

Rusiyalı sülhməramlılar Laçın dəhlizində təhlükəsizliyə necə nəzarət edirlər video

0
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

0