Mətanət Şamilqızı

Xərçəngdən əziyyət çəkən jurnalistin yardıma ehtiyacı var

119
Hazırkı mərhələdə onun 10 min manat vəsaitə ehtiyacı var

BAKI, 20 fev — Sputnik. Ömrünün 20 ilini jurnalistika sahəsinə həsr edən və mədəniyyət sahəsindən yazdığı məqalələrlə tanınan jurnalist Mətanət Şamilqızının təcili köməyə ehtiyacı var. Sputnik Azərbaycan xəbər verir ki, təvazökar jurnalist neçə illərdir ki, onkoloji xəstəlikdən (el arasında xərçəng xəstəliyi adlanır) əziyyət çəkir.

Bank rekvizitləri
Bank rekvizitləri

"2010-cu il noyabr ayında onkoloji xəstəlikdən əməliyyat olundum. Xəstəliyin ağır olduğunu əməliyyatdan sonra bilən həkimlər, həmin ilin dekabrın 1-də yenidən 5 saatlıq əməliyyata qərar verdilər. Hər 6 aydan bir, əməliyyat olduğum İran İslam Respublikasında həkim nəzarətində idim" — jurnalist bildirib.

"2017-ci ildə müayinə vaxtı yenidən onkoloji xəstəlik aşkarlandı və yanvarın 17-də ağır əməliyyat keçirdim. Bəd xassəli şişin böyük ərazini əhatə etdiyini görən həkimlər, fevralın 3-də növbəti əməliyyatı həyata keçirdilər. Hazırda təcili olaraq bir ay yarım hər gün şüa almalı və daha sonra beş il müddətində xüsusi olaraq həkimin təyin etdiyi dərmanla həyatımı davam etdirməliyəm. Şüa mütləq tez bir zamanda başlamalıdır" — Şamilqızı əlavə edib.

Mətanət Şamilqızı özünün 2 övladından başqa, dünyasını dəyişən bacısının iki övladını da övladlığa götürüb və həyat yoldaşı ailəni tərk etdikdən sonra 4 övladı təkbaşına tərbiyə etmək məcburiyyətində qalıb. O, gələcək 5 il ərzində ciddi həkim nəzarətində olmalıdır. Hazırkı mərhələdə onun 10 min manat vəsaitə ehtiyacı var. Bu məbləğin yarısı edilən əməliyyatlar üçün ödəniləcək. Yardım əlini uzatmaq istəyənlər üçün:

Bank rekvizitləri
Bank rekvizitləri

Əlaqə telefonu: (+994 55) 780 22 65
Beynəlxalq Bank / Manat hesabı:
AZ24IBAZ33811018403129990216
Beynəlxalq Bank / Dollar hesabı:
AZ94IBAZ33881019443129990216

119
Teqlər:
şüa, Mətanət Şamilqızı, onkoloji xəstəlik, əməliyyat, xərçəng, İran, yardım, jurnalistika, jurnalist
Əlaqədar
Jurnalistləri canlı efirdə belə qətlə yetirdilər
Robot-jurnalist ilk məqaləsini yazdı
Tanınmış jurnalist Namiq İbrahimov vəfat edib
Jurnalistlər arasında keçirilən müsabiqənin qalibləri açıqlandı
Ağabəy Əsgərov: “Azərbaycan” Nəşriyyatında "reket" jurnalist yoxdur
Roma papası jurnalistləri "yıxıb-sürüdü"
Robert De Niro

Robert De Niro çəkiliş meydançasında yaralanıb

3
(Yenilənib 22:02 16.05.2021)
Aktyor bir neçə həftə işdən uzaqlaşıb. Nyu-Yorka qayıdan Robert De Niro evində müalicəsini davam etdirir.

BAKI, 16 may — Sputnik. Məşhur aktyor Robert De Niro çəkiliş meydançasında yaralanıb.

Sputnik Azərbaycan xarici mediaya istinadən xəbər verir ki, aktyorun ayağı zədələnib. 77 yaşlı De Niro vəziyyətinin ağır olduğunu, çəkilişlərə davam edə bilməyəcəyini bildirib. Məşhur aktyor bu yaxınlarda Oklahomada Martin Skorsezenin "Killers of the Flower Moon" filminin çəkiliş meydançasında ayağından zədələnib.

Aktyor bir neçə həftə işdən uzaqlaşıb. Nyu-Yorka qayıdan Robert De Niro evində müalicəsini davam etdirir.

Eləcə də oxuyun:

Məşhur aktyor "Qızıl Qlobus" mükafatını geri qaytarıb

Doyunca gülmək istəyənlər üçün Əlixan Rəcəbovdan yeni bir film - VİDEO

Aktyorun dediyi söz başına bəla oldu - VİDEO

 

 

3
Edvgerial saytın istifadəçisi

ƏDV-nin qaytarılmasında nüanslar: daha tez mümkündürmü?

6
(Yenilənib 21:47 16.05.2021)
Bu ilin ilk rübündə çek əlavə edən müştərilərin sayında artım dinamikası müşahidə edilib. Bu da "ƏDV geri al" layihəsinə olan marağın sürətlə artmasını göstərir. İqtisadçılar ƏDV-nin geri qaytarılması məsələsindən danışıblar.

Xalid Məmmədov, Sputnik Azərbaycan

BAKI, 16 may — Sputnik. 2020-ci ilin may ayından ölkədə pərakəndə ticarət və ictimai iaşə obyektlərindən alınmış mallara görə ödənilən ƏDV-nin bir hissəsinin geri qaytarılmasını nəzərdə tutan mexanizm uğurla tətbiq edilir. Həmin dövrdən 2021-ci ilin 1-ci rübünün sonunadək istehlakçılara 60,2 milyon manat geri qaytarılıb. 2021-ci ilin 1-ci rübü ərzində çek əlavə edən müştərilərin sayında artım dinamikası müşahidə edilib. Bu da "ƏDV geri al" layihəsinə olan marağın sürətlə artmasını göstərir.

Bəs maraqlıdır, hansı mal və məhsullara ƏDV tətbiq edilmir? Vətəndaşa ƏDV-nin 1 ay içərisində deyil, daha tez geri qaytarılması mümkündürmü?

İqtisadçı Rəşad Həsənov Sputnik Azərbaycan-a deyib ki, kənd təsərrüfatı məhsulları, çörək, un və digər bir sıra məhsullar ƏDV-dən azaddır:

"Xüsusilə yeni nəsil kassa aparatlarında hər bir məhsul növü üzrə ƏDV ayrıca hesablanır. ƏDV-nin hesablanması 0-18 faiz arasında aparılır. Ola bilər ki, vətəndaşın marketdən aldığı məhsulların bir çoxu ƏDV-dən azaddır və belə olan halda az ƏDV geri qaytarılır. Ümumiyyətlə, ticarət müəssisələrinin ƏDV-nin hesablanması prosesi ilə heç bir əlaqəsi yoxdur".

Ekspertin fikrincə, ƏDV-nin daha tez geri qaytarılması mümkün deyil: "1 ay ərzində Vergi Xidməti yoxlamalar aparır. Bu proses kütləvi şəkildə olduğu üçün burada 1 ay vaxt lazım olur".

İqtisadçı Radil Fətullayev də Sputnik Azərbaycan-a deyib ki, bütün məhsullar ƏDV-yə cəlb edilmir: "Məsələn, damazlıq heyvanların, toxum və tinglərin, mineral gübrələrin, pestisidlərin idxalı və satışı, heyvan və quş ətinin satışı, kəpəyin istehsalı və satışı, heyvandarlıq və quşçuluq təsərrüfatlarında istifadə edilən yem və yem əlavələrinin satışı üzrə dövriyyələr, külçə, sikkə və ya qranula şəklində qızılın və gümüşün satışı ƏDV-dən azaddır".

ƏDV-nin daha tez geri qaytarılması məsələsinə də toxunan iqtisadçı bildirib ki, qanuna görə, 15 gün ərzində vətəndaşın məhsulu və ya malı mağazaya geri qaytarmaq hüququ var: "Ona görə də ƏDV-nin vətəndaşa geri qaytarılması 15 gündən tez ola bilməz və bu proses 1 ay çəkir. Ola bilər, vətəndaş 15 gün ərzində mağazadan aldığı malı geri qaytarsın".

O bildirib ki, yanacaqdoldurma məntəqələrindən neft və qaz məhsullarının alışı zamanı ödənilən ƏDV geri qaytarılmır:

"Onsuz da yanacaqdoldurma məntəqələri kassa çekini vururdular. Burada əsas hədəf kassa çekini vurmayan müəssisələri buna təşviq etməkdir. Başqa sözlə, bu istiqamətdə ictimai nəzarəti artırmaqdır".

Xatırladaq ki, ƏDV-nin müəyyən hissəsinin qaytarılması zamanı bir neçə məqama diqqət yetirilməlidir. İlk növbədə, istehlakçı, yəni alış-veriş edən və ya xidmətdən yararlanan tərəf fiziki şəxs olmalıdır. İkincisi, satıcı və ya xidmət göstərən tərəf mütləq ƏDV ödəyicisi olmalıdır. Eyni zamanda, alınan mal və ya xidmətlər də ƏDV-yə cəlb edilməlidir. Digər məqam isə satıcının yeni nəsil kassa aparatlarından istifadə etməsidir. ƏDV-nin bir hissəsinin qaytarılması yalnız yeni nəsil kassa aparatlarının tətbiq olunduğu obyektlərdə mümkündür.

İstehlakçı alınmış malların dəyərini nağd və ya nağdsız qaydada ödəyə bilər. ƏDV məbləğinin nağdsız ödənişlər üzrə 15 faizi, nağd ödənişlər üzrə isə 10 faizi müvəkkil banklar tərəfindən alıcının elektron kabineti açılarkən yaradılmış virtual "pul qabı"na yerləşdirilir. İstifadəçilər toplanmış vəsait ilə kommunal, mobil, internet, TV, cərimə və sığorta ödənişlərini həyata keçirə, həmçinin ölkədaxili bank kartlarına köçürmələr edə bilərlər.

Eləcə də oxuyun: 

* ƏDV, aksiz və mənfəət vergilərinin xüsusi çəkisi artıb

Banklar Assosiasiyasından vətəndaşların narazılığına səbəb olan məsələ ilə bağlı açıqlama

"Məsələ ciddidir. Biz isə yumor, ironiya istedadımızı nümayiş etdiririk"

6
Teqlər:
müddət, qaydalar, qaytarılma, vətəndaş, ƏDV