Bakı şəhərindən bir görünüş

Paytaxt əhalisi üçün 17 fevral zarafatı

12577
Yarım milyondan çox insanın əzabını müvəqqəti çətinlik kimi qəbul edin

BAKI, 20 fev — Sputnik. Etiraf edək ki, bu ölkədə özünü doğrultma göstəricisi 90 faizin üstündə olan yeganə proqnoz, Ekologiya və Təbii Sərvətlər Nazirliyinin (ETSN) açıqladığı hava proqnozudur. Və ETSN hər zaman bir gün əvvəldən sabaha gözlənilən hava proqnozunu açıqlayıb camaatı xəbərdar edir.

Beləliklə:

"Bakıda və Abşeron yarımadasında fevralın 17-də arabir qar yağacağı, axşam tədricən kəsiləcəyi gözlənilir. Güclü şimal-qərb küləyi əsəcək, axşam mülayimləşəcək. Havanın temperaturunun Bakıda və Abşeron yarımadasında gecə 0-2 dərəcə şaxta, gündüz 1-3 dərəcə isti olacağı gözlənilir. Gecə və səhər yolların buz bağlama ehtimalı var".

16 fevral 2017-ci il,
Ekologiya və Təbii Sərvətlər Nazirliyinin Milli Hidrometeorologiya Departamenti

Yenə həmin gün (hava proqnozu açıqlanandan 3-4 saat sonra) "Azəriqaz"dan da bir xəbərdarlıq gəlir:

"İstehlakçıların qaz təminatının yaxşılaşdırılması, təbii qaza olan tələbatın təmin edilməsi və şəbəkənin gücləndirilməsi üçün daxili qaz şəbəkəsində aparılacaq təmir işləri, qaz xəttində aşkar olunmuş qaz sızmasının ləğv olunması, həmçinin istismarı dayandırılmış qaz xətlərinin şəbəkədən ayrılması ilə əlaqədar, nəzərdə tutulmuş təmir işləri aparılacaq. Görulən işlər zamanı, fevralın 17-si saat 09:00-dan 17:00-dək Abşeron, Binəqədi, Nizami, Nəsimi, Yasamal və Xəzər rayonlarının bir hissəsində təbii qazın verilişində fasilələr yaranacaq.

Aparılan işlərin Sabunçu rayonunun Bakıxanov qəsəbəsi, eləcə də Xətai rayonunun Sarayeva, Q.Nəbi, Cavanşir, M.Hadi, S.Ə.Şirvani, Mehmandarov, Şıxlinski küçələrində, Gəncə prospekti və Zığ yolu ərazilərinin bir hissəsinin qaz təchizatına təsir göstərməsi də mümkündür. Görülən işlər gün ərzində yekunlaşdırılaraq təbii qazın verilişində yaranan fasilələr aradan qaldırılacaq. Yaranmış məhdudiyyətlə bağlı bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edirik.

16 fevral 2017-ci il,
"Azəriqaz" İstehsalat Birliyi

Statistika

Baxın, parçaları birləşdirdikdə hansı mənzərə meydana çıxır. Heç bir müdaxiləsiz, şərhsiz və emosiyasız, sırf statistik rəqəmləri reallıqla tutuşduracağıq.

Abşeron rayonu (bu rayonu da şərti olaraq Bakıya daxil edək) üzrə əhali sayı: 01.01.2016-ci il tarixə qeydiyyatda olan əhalinin sayı 208,2 min nəfər, icra hakimiyyətinin araşdırmalarına əsasən isə 350 min nəfərdən artıq.

Binəqədi rayonu üzrə əhali sayı: 2016-cı il yanvar ayının 1-nə olan rəsmi məlumata görə, 260,4 min nəfər.

Nizami rayonu üzrə əhali sayı: 2016-cı il statistikasına görə, 247.000 nəfər.

Nəsimi rayonu üzrə əhali sayı: 01.10.2012-ci il tarixinə rəsmi qeydiyyatda 215 120 nəfər.

Yasamal rayonu üzrə əhali sayı: 01.01.2016-cı il tarixinə rəsmi qeydiyyatda 244 900 nəfər. Bundan başqa rayonda Dağlıq Qarabağ və digər işğal olunmuş ərazilərdən 6226 ailə (23 795 nəfər) müvəqqəti məskunlaşıb.

Xəzər rayonu üzrə əhali sayı: Ən son statistikaya görə 163,500 nəfər.

Bu 6 rayon üzrə toplam əhali sayı 1 milyon 480 min nəfər edir. Bu da rəsmi qeydiyyatda olan ümumi paytaxt əhalisinin (2016-сı ilin əvvəlinə əhalinin sayı 2225,8 min nəfər), təxminən 65 faizi deməkdir.

Amma

Təbii ki, "Azəriqaz" bu sadalanan 6 rayonun bütün ərazisində vətəndaşların qazsız qalacaqlarını demirdi, "bir hissəsində" deyirdi. Gəlin, həmin bir hissəni ümumrayon əhalisinin sayının 1/3-i kimi nəzərdə tutaq. O zaman "Azəriqaz"ın hədəfinə təxminən:

Abşeron rayonunda — 117 min
Binəqədi rayonunda — 87 min
Nizami rayonunda — 83 min
Nəsimi rayonunda — 72 min
Yasamal rayonunda — 82 min
Xəzər rayonunda — 55 min

vətəndaş tuş gəlir. Bu da, yenə təxminən yarım milyona yaxın (496 min) sakin deməkdir. Üstəlik "Azəriqaz"ın "Aparılan işlərin Sabunçu rayonunun Bakıxanov qəsəbəsi, eləcə də Xətai rayonunun Sarayeva, Q.Nəbi, Cavanşir, M.Hadi, S.Ə.Şirvani, Mehmandarov, Şıxlinski küçələrində, Gəncə prospekti və Zığ yolu ərazilərinin bir hissəsinin qaz təchizatına təsir göstərməsi də mümkündür" xəbərdarlığını da nəzərə alsaq, yarım milyondan çox insan. Yəni, ümumi Bakı əhalisinin ¼-i qədər.

Deməli, "Azəriqaz" qarlı-şaxtalı 17 fevral günü (ETSN-in hava proqnozundan xəbərsiz olmaları mümkün deyil), Bakı və Abşeron yarımadasında yarım milyondan çox (aralarında uşaq, qoca, xəstə və sairin olması da istisnasızdır) insanın 8 saat (09.00-17.00) ərzində soyuqdan donmasını müvəqqəti çətinlik hesab edir. Və havaların nisbətən isindiyi vaxtlarda da aradan qaldırılması mümkün olan texniki nasazlığı ertələməyə lüzum görmür.

O yarım milyon insanın ahı var, qarğışı var…

P. S.

17 fevral günü gözlənilən təhlükədən dolayı, mətbuatın hay-küy salmasına qarşılıq "Azəriqaz"dan təxminən bu səpkidə bir cavab gəldi: "Yaxşı, görürük ki, hava çox soyuqdur, dünən planlaşdırdığımız təmir işlərini təxirə salırıq. Amma başa düşün, axı Bakı və Abşeron qaz təchizatı şəbəkəsinin xeyli hissəsi ötən əsrin 60-70-ci illərindən qalmadır".

Yəni ki, çox da şey eləməyin, bir zarafat idi, oldu-keçdi.

12577
Teqlər:
ETSN, Binəqədi, sakin, "Azəriqaz", Nəsimi, Nizami, Yasamal, əhali, qar, qaz, Abşeron, Xəzər, rayon, Bakı, paytaxt, şaxta, proqnoz, hava
Əlaqədar
"Azəriqaz" qaz kəsilmələrinə aydınlıq gətirdi
Səngəçalda qaz kəmərində yanğın söndürülüb
Azərbaycanda qaz xəttində partlayış baş verib
Qaz və işığın qiymətinin qaldırılması ilə bağlı yeni təklif verildi
Qaz idarəsinin işçisini qətlə yetirdilər
Rövnəq Abdullayev "qaz böhranı"na aydınlıq gətirdi
Ölkədə qaz böhranı başlayıb – rəsmi açıqlama
Gəncədə xəsarət alan uşaq, arxiv şəkli

Müharibə uşaqların düşmənidir

2
(Yenilənib 01:01 28.10.2020)
Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır

Müharibə ən çox uşaqların, uşaqlığın düşmənidir...

Hər dəfə dinc şəhərlər bombalananda qəhərdən boğazım düyümlənir. Bombalanmış evlərdə öldürülən, yaralanan uşaq fotolarını görəndə çarəsizlikdən boğulmaq dərəcəsinə çatıram. Və mən öldürülən hər bir uşağın yerinə ən ağır işgəncə ilə öldürülmək, yox olmaq istəyirəm. Öldürülən hər uşaqla birlikdə müharibəyə qarşı amansız bir nifrət oyanır içimdə. Çarəsizlikdən başımı divarlara çırpmaq, ağlamaq, qışqırmaq, bu iztirabdan qurd kimi ulamaq istəyirəm…

...Məsumluğu müharibənin məhrumiyyətlərinə tuş gəlmiş bütün uşaqlar kimi, doğru-dürüst uşaqlıq yaşamadığım üçün hər şeyə bir az uşaqca yanaşıram və bəlkə, bu, illərlə belə davam edəcək. Bizim nəsli “Avakado nəsli” adlandırır tədqiqatçılar. Heç vaxt böyüməyən, həmişə uşaq qalan nəsil... Uşaqlığımız travmalarla, məhrumiyyətlərlə, çarəsizliklərlə doludur. Qəhrəman hesab etdiklərimiz baş daşlarında hərbi geyimli fotolara çevrilir, arzularımızı ehtiyac adlı əjdaha kamına çəkir, gülüşlərimizi müharibə oğurlayırdı. Müharibədən yüz kilometrlərlə uzaqda müharibənin bütün ağrı-acısını yaşayır, məhrumiyyətləriylə savaşırdıq. Yaşıdlarımız müharibədə öldürülür, işgəncələr görür, bizdən daha çox itirirdilər.

İndi də övladlarımız eyni ağrılarla üz-üzədirlər. Ancaq onların bizdən çox böyük fərqi var: onlar az qala hər gün qələbə xəbərləri ilə coşur, küçələrə çıxıb şüarlar səsləndirir, daha çox qələbə xəbərlərinə fokuslanırlar…

…Sadəcə zədələnmiş, travmalı uşaqlığıma görə müharibə mənim düşmənimdir. Biz müharibəni "dava-dava" oyunu zənn edəcəkkən, tanıdığımız insanlar gerçək güllələrlə vurulub, öldürülürdü. Gəncliyi yarıda qırılan onlarla tanışımız qara çərçivəli fotolara çevrilirdi. Müharibə bizim arzularımızı, ümidlərimizi oğurlayırdı. Bizim arzusuz, ümidsiz, yoxluqlarla dolu uşaqlığımızda müharibə ən böyük kabusumuz, qələbə ən uzaq ümidimizdi.

Bizim nəslin nə kabusları bitdi, nə ümidləri çiçək açdı...

Ancaq övladlarımız bu kabusun bitəcəyinə inanır, qələbənin gəlişini duyur, zəfəri gözləyirlər.

Elə biz də hər ümidli xəbərə uşaq kimi sevinir, az qala uşaq kimi atılıb-düşürük.

Uşaqlığını yaşaya bilməyənlər uşaqlığını əlindən alan hər şeyə, hər kəsə nifrət edərlər. Bizim nəslin müharibəyə nifrəti, bəlkə də bununla bağlıdır. Həyatımızın ən şirin, əvəzolunmaz çağlarını əlimizdən alan müharibəyə nifrətlə, ikrahla yanaşmağımızın bir səbəbi də budur. Nağıllara inanmaqla keçərdi həyatımız. Nağıllar bizi ovudar, xəyallar ən son sığınacağımız olardı.

...Böyüsək də, müharibə xofu kabus kimi çıxmadı candan. Hər addımda itirmək qorxusuyla yaşadıq, hər addımda o məhrumiyyət, o yoxluq xofu bizi izlədi...

Həyatın oyunları getdikcə adiləşdi, getdikcə itirməyə alışdıq.

Bizim nəslin müharibəyə nifrət etməsinin, qələbəyə, qazanmağa təşnə olmasının səbəbi budur. Müharibə ən böyük travmamız, qorxumuzdur. İndi övladlarımıza danışacaq uşaqlıq xatirələrimizin kasadlığının tək səbəbi müharibədir.

Uşaqların əzab çəkmədiyi, öldürülmədiyi, travma almadığı sakit, sülh içində dünya istəmişik həmişə…

Müharibə uşaqların düşmənidir. Vətənində müharibə gedirsə, atəş xəttindən yüz kilometrlərlə uzaqda olmağın heç nəyi dəyişmir. Düşmən güllələri sənin arzularını, ümidlərini, oyunlarını öldürür...

2
Mövzu:
Azərbaycan və Ermənistan arasında müharibə
Əlaqədar
Beynəlxalq təşkilatların ciddi ölçü götürməməsi Ermənistanı azğınlaşdırır - Ombudsman
Mehriban Əliyeva Ermənistanın müharibə cinayətlərinə üsyan etdi
Atəşkəs Tərtərə dinclik gətirmədi: Rayon dağıntılar içində qalıb – VİDEO
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Vətən Müharibəsinin bir ayı: Azad olunmuş ərazilər - SİYAHI

Tərtər rayonunun ərazisi artilleriya atəşinə tutulub

22
(Yenilənib 08:04 28.10.2020)
Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb

BAKI, 28 oktyabr - Sputnik. Bu gün saat 07.30 radələrində Ermənistan silahlı qüvvələri Tərtər rayonunun ərazisini artilleriya atəşinə tutub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.
Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.
10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.
Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.
Bəyanata əsasən, atəşkəs rejiminin konkret parametrləri əlavə olaraq razılaşdırılacaq.
Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi

22
Teqlər:
Ermənistan-Azərbaycan, Dağlıq Qarabağ münaqişəsi, Ermənistan ordusu, erməni təxribatı, dinc sakinlər, atəş, artilleriya, Tərtər
Əlaqədar
Cəbhəyanı ərazilərdə müxtəlif növ döyüş sursatları aşkarlanıb
Goranboy, Tərtər və Bərdə rayonları raket atəşinə tutulur
Atəşkəs Tərtərə dinclik gətirmədi: Rayon dağıntılar içində qalıb – VİDEO
Ermənistan dinc əhalidən sonra ekoloji terrora keçib