Market

"Bahalaşma dalğası aprel ayınadək davam edəcək"

1146
Ekspert: "Qiymətlər rəsmi statistikada göstərilən rəqəmlərdən daha çox artıb"

BAKI, 16 fev — Sputnik. 2016-cı ilin yanvar ayına nisbətən 2017-ci ilin yanvar ayında ərzaq məhsullarının qiymətləri 14,5 faiz bahalaşıb. Cari ilin yanvar ayında 2016-cı ilin dekabr ayına nisbətən ərzaq məhsullarının qiymətləri 2,8 faiz bahalaşıb.

Ay ərzində düyünün, unun, qarabaşaq yarmasının, makaron məmulatlarının, mal, qoyun və toyuq ətinin, kolbasa məmulatlarının, balıq məhsullarının, süd məhsulları, pendir və yumurtanın, kərə və bitki yağlarının, şəkər və şəkər tozunun, qəhvə, çay və kakaonun, almanın, armudun, heyvanın, narın, portağalın, naringinin, bananın, kələmin, göyərtinin, pomidorun, xiyarın, kartofun, soğanın, sarımsağın, yerkökünün, çuğundurun qiymətlərində bahalaşma müşahidə olunub. Digər ərzaq məhsullarının qiymətlərində ciddi dəyişikliklər baş verməyib. Bu barədə Dövlət Statistika Komitəsinin məlumatında bildirilir.

Vüqar Bayramov
Vüqar Bayramov

Artıq rəsmilər də ölkədə bahalaşmanın olduğunu etiraf edirlər. Məsələn, Baş nazirin müavini Əli Əhmədov qiymətlərdə müəyyən artımın olmasının etiraf edilməli olduğunu bildirib. O, qiymət artımının qarşısının mümkün qədər alınması üçün dövlət tərəfindən proqram hazırlandığını da söyləyib.

Məsələ ilə bağlı iqtisadçı-ekspert Vüqar Bayramov Sputnik Azərbaycan-a açıqlamasında deyib ki, rəqəmlərdən göründüyü kimi, artımlar kifayət qədər böyükdür: "Dövlət Statistika Komitəsinin rəsmi rəqəmlərində belə kifayət qədər böyük rəqəmlərlə ifadə edilən artımlardan söhbət gedir. Ərzaq məhsullarının qiymətlərində 15 faizə yaxın artımın qeydə alınması böyük inflyasiya göstəricidir".

Onun sözlərinə görə, müstəqil qiymətləndirmələr göstərir ki, ərzaq məhsullarının qiymətində Dövlət Statistika Komitəsinin elan etdiyindən daha çox artımlar var: "Xüsusilə, idxal olunan məhsulların qiymətində bu ilin yanvar ayında artımlar müşahidə olunur. Xüsusən də daha çox istehlak olunan kərə yağı və ət məhsullarının qiymətlərində artımlar qeydə alınıb. Nəticə etibarı ilə vətəndaşın istehlak etdiyi bir sıra əsas ərzaq məhsullarının qiymətlərində artımlar müşahidə edilib".

"Baxmayaraq ki, Statistika Komitəsinin elan etdiyi rəqəmlərdə hiss edilən dərəcədə ciddi qiymət artımları var, amma reallıqda qiymət artımının daha çox olduğunu güman edirik" — deyə o, qeyd edib.

Ekspertin fikrincə, qeyd edilən meyvə-tərəvəzin qiymətində artımlar daha çox mövsümlə bağlıdır: "Mövsüm dövründə bazara çıxarılan meyvə-tərəvəzin həcmində azalmalar müşahidə olunur. Və bu da qiymət artımlarına gətirib çıxarır. Bu artımlar birbaşa mövsümi xarakter daşıyır. Qış mövsümü olduğuna görə, bazarda təklif azalıb. Fermer təsərrüfatlarının, eləcə də idxal ilə məşğul olan sahibkarların bazara daha ucuz məhsul çıxartmaq imkanları məhdudlaşıb. Bu da qiymət artımına gətirib çıxardır".

Natiq Cəfərli, iqtisadçı-ekspert
© Photo : N.Cəfərlinin şəxsi arxivi
Natiq Cəfərli, iqtisadçı-ekspert

V. Bayramov fevral-mart aylarında da bu tip artımların davam edəcəyini proqnozlaşdırır: "Amma aprel ayından başlayaraq bu tendensiya xeyli dərəcədə stabilləşə bilər. Xüsusən yay aylarında meyvə-tərəvəzlə bağlı daha stabil qiymətlər müşahidə edə bilərik".

İqtisadçı-ekspert Natiq Cəfərli isə Sputnik Azərbaycan-a açıqlamasında Azərbaycanda statistik məlumatların doğruluğunun və peşəkar qaydada hazırlanmasının şübhə doğurduğunu təəssüflə deyib: "Çünki alternativ mənbələr yoxdur. Bir çox ölkələrdə rəsmi statistik rəqəmlərdən başqa alternativ mənbələr olur və onlar da hesablamalar aparırlar. Nəticədə, insanlara müxtəlif məlumatlar verilir və bunların əsasında ümumi bir fikir formalaşır. Azərbaycanda isə tək Dövlət Statistika Komitəsi rəsmi hesablamalar aparır. Və onun açıqladığı rəqəmlərdə müəyyən dərəcədə insanlarda şübhə yeri yarada biləcək vəziyyət yaranır. Çünki vətəndaşlarımız onsuz da hər gün ərzaq məhsullarının gündəlik qiymət dəyişiminin şahidi olurlar".

Ekspertin sözlərinə görə, 2017-ci ilin yanvarında 2016-cı ilin yanvar ayına nisbətən ərzaq məhsullarının qiymətlərinin 14,5 faiz bahalaşması o qədər də reallığı əks etdirmir: "Çünki elə tək məzənnədə 15 faizdən çox fərq yaranır. 15 faizdən çox yaranmış fərq qiymətlərdə də əksini tapmalıdır. Buna görə də statistik məlumatların hansı dərəcədə doğru olub-olmadığını yoxlamaq üçün ölkədə alternativ mənbələrin yaradılmasına ehtiyac var. Bu, vətəndaş cəmiyyəti institutları, hansısa həmkarların və yaxud məslək birlikləri də ola bilər".

"Məsələn, Türkiyədə rəsmi dövlət statistikasından başqa, məslək quruluşları, yəni, hər hansı bir topdan və pərakəndə satışla məşğul olan iş adamlarının dərnəkləri hər ay alternativ statistika açıqlayırlar. Bunların açıqladığı rəqəmlər biznesə, vətəndaşlara da bir yol göstərmək üçün önəmli olur. Azərbaycanda da belə bir təcrübəyə keçməyə ehtiyac var" — deyə o, qeyd edib.

N. Cəfərlinin fikrincə, meyvə-tərəvəzin qiymətinin bahalaşmasına mövsümi amillər təsir edir: "Əsasən kənd təsərrüfatı məhsullarının qiymətlərində qış aylarında həmişə ciddi bahalaşma müşahidə olunur. Qış aylarında idxal məhsulları bazarda daha önəmli yer tutur. Bu da məzənnə fərqinə görə onların da qiymətinin artımına səbəb olur".

1146
Teqlər:
baha, statistika, Sputnik Azərbaycan, Natiq Cəfərli, rəqəm, bahalaşma, ərzaq, ekspert, iqtisadçı, Vüqar Bayramov, məhsul, qiymət
Əlaqədar
Millət vəkili: "Niyə istehlak mallarının hamısının qiyməti qalxıb?"
Baş nazirin müavini: "Bazarda qiymətlərin müəyyən artımı hiss olunur"
Azərbaycanda "Aİ-95" benzininin qiymətinin artması gözlənilir
"AI-95" və “Aİ-98” markalı benzinin qiyməti qalxdı
Yeni ildən etibarən cib telefonu qiymətlərində ciddi yüksəliş olacaq
"Nəqliyyatda və yanacağın qiymətində bahalaşma olacaq"
Ərzaq məhsullarının qiymətləri qalxıb
Bu gündən bütün siqaretlər yeni qiymətlə satılacaq
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

14
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

14