Parkinq və tıxaclar

Paytaxtda küçələri zəbt etməyə başlayıblar

779
(Yenilənib 11:48 27.02.2017)
Şəhərdə parkomat problemi, yaxud "Mənim ərazim!" mübahisəsi

BAKI, 15 fev — Sputnik. Mağazaların, ofis və idarələrin qarşısında, şəxsi evlərin yerləşdiyi küçələrdə avtomobil saxlamaq olmur. Ya kimsə qarşına keçib "bura mənimdir" deyir, ya da xüsusi hazırlanmış "qadağandır!" nişanı ilə qarşılaşırsan. Demək olar ki, bu problemlə bütün sürücülər üzləşirlər. Hüququnu bilən sürücü heç kimi dinləmədən avtomobilini saxlayır, bilməyən isə…

Nərimanov rayonu Nəcəf Nərimanov küçəsində təmir işlərinə başlanılıb
© Photo : Azəravtoyol ASC-nin mətbuat xidməti

Sputnik Azərbaycan-a bu məsələ ilə bağlı müraciət edən Bakı şəhər sakin İlqar Əsədov deyir ki, bu yaxınlarda mağazalardan birinin qarşısında avtomobil saxlayıb, alış-veriş etmək istəyirmiş. Avtomobilini saxlayıb düşəndə gözlənilməz reaksiya ilə qarşılaşıb: "Mağazanın qarşısında avtomobilimi saxlayıb, su almaq istəyirdim. Yenicə saxlamışdım ki, satıcı qadın hücum çəkərək qışqır-bağır saldı, avtomobili mağazanın qarşısından çəkməyimi tələb etdi".

"Qadın elə qışrqırırdı ki, mən ona mağazadan nəsə almaq istədiyimi deyə bilmədim. O qışqırırdı, mən də dayanıb baxırdım. Əslində, su alıb gedəcəkdim. Amma mən də prinsipial adamam. Düz bir saat avtomobili mağazanın qarşısında saxladım və "nə bacarırsan, et" dedim. O, da deyinə-deyinə qayıtdı mağazasına. Mağaza ilə avtomobilimi saxladığım yerin arasında hardasa 2 metrlik bir piyada səkisi də var idi" — sürücü yazır.

Digər bir şikayətçi Əli Cavadov da eyni problemlə qarşılaşıb: "Dövlət qurumlarından birinin qarşısında saxlamışdım. Halbuki orada parkomat da var. Mühafizəçi çıxıb dedi ki, bura idarəyə aiddir və burada avtomobil saxlamaq olmaz. Ərazidə DYP tərəfindən "saxlamaq qadağandır" nişanı da qoyulmamışdı. Mən pulumu parkomata ödəyib, avtomobili saxlayıb getdim. Sadəcə mənim üçün maraqlıdır. Ofis, idarə, təşkilat, mağaza və şəxsi evlərin qarşısı onlara aiddirmi?"

Problemi Sputnik Azərbaycan-a şərh edən hüquqşünas Asif Abdullayevin sözlərinə görə, idarə, ofis, təşkilat, mağaza qarşısı olan küçələr dövlətə aiddir və orada xüsusi nişan qoyulmayıbsa, heç kimin "burada saxlama, mənimdir" deməyə haqqı yoxdur: "Düzdür, bəzən idarə və təşkilatların qarşısına qanunsuz olaraq xüsusi nişanlar qoyulur, amma bu nişanlar yola vurulmayıbsa, keçərli deyil. Yəni, siz həmin yerdə avtomobil saxlaya bilərsiniz. Bu, mağazalara və digər obyektlərə də aiddir. Siz dayanma-durma qaydasını yalnız işarə olan yerlərdə avtomobilinizi saxladığınız zaman pozmuş olursunuz".

Parklama
© Karikatura
Parklama

Hüquqşünas bildirir ki, DYP heç kimə "saxlamaq qadağandır" işarəsi vermir: "Bu işarə ancaq yollara vurula bilər. O ki, qaldı kiminsə mağazasının qarşısında avtomobil saxlamasına, mağaza qarşısı da dövlətə məxsusdur. Yəni mağaza sahibi sizdən heç kimə şikayət edə bilməz".

A. Abdullayev xüsusi evlərin qarşısında, qapılarının önündə avtomobil saxlamağı qanunsuz hesab edir: "Avtomobil çıxış yolunu bağlayırsa, ev sahibinin həmin ərazidə xüsusi işarə qoymağa ixtiyarı var. Çünki bəzən olur ki, evin çıxış qapısına bir neçə cərgə ilə avtomobil yığılır, ev sahibi özü evindən çıxa bilmir".

"İnzibati Xətalar Məcəlləsinin 162-ci maddəsinə əsasən, müvafiq icazə olmadan yol hərəkətini nizamlayan texniki vasitələrin, işıqforların və yol nişanlarının quraşdırılmasına görə fiziki şəxslər 30 manatdan 50 manatadək, vəzifəli şəxslər 150 manatdan 200 manatadək, hüquqi şəxslər 1500 manatdan 2000 manatadək cərimə edilir. Yəni kimsə mağazasının, ofisinin, idarəsinin qarşısına hər hansı qadağanedici nişan qoyubsa, siz DYP-yə şikayət edə bilərsiniz" — həmsöhbətimiz vurğulayıb.

O, bundan əlavə, qeyd edib ki, qanunvericiliyə edilmiş son dəyişikliklərə əsasən, parklanma yerlərinin rezervasiya edilməsi və ya digər üsullarla nəqliyyat vasitələrinin sərbəst parklanmasına maneələr yaradılmasına görə cərimə müəyyən edilib: "Bu məbləğ 10 manatdır".

Nəqliyyat eksperti Azər Allahverənov da Sputnik Azərbaycan əməkdaşı ilə söhbətində deyib ki, kiminsə dövlətin yolunu zəbt etmək səlahiyyəti yoxdur: "Belə hallar tez-tez baş verir. Bəzi mağaza, kafe sahibləri elə hesab edirlər ki, kafenin qarşısı, ətrafı, hətta yol belə onlara aiddir. Yol dövlətindir. Kiminsə yolu zəbt etməsi, müəyyən əraziləri barmaqlıqlara alması təbii ki, qanun pozuntusudur və bu insanlardan şikayət edildiyi təqdirdə onlar 100 manatdan başlayaraq daha yüksək məbləğdə cərimə edilirlər".

Allahverənovun sözlərinə görə, sürüclər belə hallarla qarşılaşan zaman şikayət edə bilərlər. Bununla yanaşı, ekspert hesab edir ki, xüsusi həyəti olan, çəpərlənmiş idaərələrin, nazirliklərin, məktəblərin həyətində kənar avtomobillərin saxlanılması qanunla qadağandır.

"Hətta mən elə bir halla qarşılaşmışam ki, məktəbin həyətinin yarısı park yeri kimi kimlərsə tərəfindən zəbt edilib. Bu, qanunsuzdur. Bəzi obyekt sahibləri elə hesab edirlər ki, bir işçi tutub işçinin qoluna qırmızı lent bağlamaqla rəsmiyyət yaratmaq olur. Bu, düzgün deyil. Qısası, yol dövlətindir və onu qeyri-qanuni şəkildə zəbt etmək qanunu pozmaq deməkdir" — ekspert bildirib.

Bakı Şəhər Baş Dövlət Yol Polisi İdarəsinin (BŞBDYPİ) Yol Hərəkətinin Təhlükəsizliyinin Təbliği və İctimai Qurumlarla Əlaqə bölməsinin rəisi, polis polkovniki Vaqif Əsədovun bildirdiyinə görə, yolun hərəkət hissəsini məhdudlaşdırmağa qanun icazə vermir. "Qanunda qeyd edilir ki, yolun hərəkət hissəsinin dəmir və digər məmulatlarla məhdudlaşdırılması, avtomobillərin hərəkətinə maneə yaradılması inzibati xətadır" — o, Sputnik Azərbaycan-a açıqlamasında bildirib.

Onun sözlərinə görə, bu kimi hallar yalnız qanunvericiliklə tənzimlənməlidir: "Mənim mağazamın qarşısı mənim deyil. Bunun əksini düşünənlər öz şəxsi manefeyini düşünərək belə addım atırlar. Həmin ərazi — yol, küçə, səki heç kimin deyil, oradan hamının istifadə etmək hüququ var".

""Yol hərəkəti haqqında" qanuna əsasən, ümumi istifadədə olan yollarda, səkilərdə dəmir, taxta və digər məmulatlarla yolun hərəkət hissəsinin tutulması, həmin ərazilərə satış məhsullarının, qida məhsullarının, ticarət predmetlərinin qoyulması qeyri-qanunidir. Mülk sahibləri "bura mənimdir" deyə ərazini zəbt edə və ya digər avtomobillərin hərəkətinə məhdudiyyət yarada bilməzlər" — Əsədov bildirib.

Məsələ ilə bağlı Bakı Şəhər İcra Hakimiyyətindən (BŞİH) Sputnik Azərbaycan-ın sorğusuna cavab olaraq bildirildi ki, problem yaşanan ərazilər aidiyyəti icra hakimiyyəti qurumlarının balansında olan ərazilərdir: "Hansısa icra hakimiyyətinin ərazisində problem yaşanırsa, şikayətçi həmin icra hakimiyyətinə müraciət etməlidir".

779
Teqlər:
Asif Abdullayev, səki, ofis, parklama, Vaqif Əsədov, Sputnik Azərbaycan, DYP, mağaza, Azər Allahverənov, ekspert, küçə, sürücü, avtomobil
Əlaqədar
Bu yerlərdə maşınınızı park edərkən onu böyük riskə atırsınız
İlham Əliyev paytaxtda yeni yaradılan park kompleksinin açılışında iştirak edib
Paytaxtda qanunsuz parklamalara qarşı mübarizə gücləndirilir
“Şamaxinka”da parkinq ləğv olundu
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

5
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

5
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

20
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

20
Cəbrayıl və Zəngilan rayonlarının işğaldan azad olunan kəndləri

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

37
(Yenilənib 19:21 25.10.2020)
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

BAKI, 25 oktyabr — Sputnik. Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.
Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.
Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.
Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.
Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.
Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.
Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.
Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.
Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.
Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.
Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.
Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.
37