Şəhid Fuad Qafarov

Şəhidin 4 yaşlı oğlu düşməndən belə intiqam alacaq

3323
"Əvvəllər bütün qohumlar Fuadı öz övladlarına nümunə göstərirdilər, indi isə bütün rayon camaatı onu nümunə göstərəcəklər"

Leyla Abdullayeva, Sputnik Azərbaycan

BAKI, 13 fev — Sputnik. Ermənistanın təxribatı nəticəsində şəhid olan müddətdən artıq həqiqi hərbi xidmət hərbi qulluqçusu, kiçik çavuş Qafarov Fuad Fərhad oğlu dünən dəfn edilib. Fuad Qafarov 2017-ci il fevralın 11-də adını Azərbaycan şəhidləri sıralarına yazdırdı.

Fuad kimi oğlu itirmək hamımıza təsir etsə də, daha çox ailəsini, doğmalarını yandırıb yaxır. Şəhidimiz haqqında daha çox məlumat əldə etmək üçün onun doğulub böyüdüyü kəndə getdik.

Şəhid kiçik çavuş Fuad Qafarov
© Photo : Qafarovlar ailəsinin arxivi
Şəhid kiçik çavuş Fuad Qafarov

O, 1987-ci ildə Xaçmaz rayonunun Niyazoba kəndində anadan olub. Orta məktəbi də bu kənddə bitirib.

Evlərinə çatanda bizi ilk qarşılayan şəhid atası Fərhad Qafarov oldu. Başsağlığımızı qəbul edib, evə dəvət etdi.

Fuad (fotoda: solda) məktəb illərində
© Photo : Qafarovlar ailəsinin arxivi
Fuad (fotoda: solda) məktəb illərində

Ata oğlu ilə bağlı xatirələrini çətinliklə də olsa, belə anladır: "Fuad ailəmizin, eləcə də qohumlarımızın fəxri idi. İndi isə xalqımızın fəxridir. Uşaqlıqdan hərbiyə böyük maraq göstərirdi. Bir neçə dəfə fikrindən daşındırmaq istədim, amma fikrindən dönmədi".

"Həmişə qohumlarımız Fuadı övladlarına nümunə göstərirdilər. Çünki Fuad nə siqaret çəkirdi, nə də alkaqol qəbul edirdi. Həyətdə gördüyünüz daşlarla saxsı qablarla düzəldilmiş yerlər Fuadın əl işləridir. Rayonda, kənddə olmayan ağac, qeyri-adi güllər tapıb gətirib əkirdi" — ata danışır.

Fərhad Qafarov 2012-ci il mayın 12-də Fuada toy edib evinə gəlin gətirir: "İndi Fuadın təsəllisini 4 yaşlı oğlu Fəridə baxaraq tapıram. Yaxın günlərdə ikinci övladı dünyaya gələcək. Fuad balasını görmədən şəhid oldu (kişi göz yaşlarını saxlaya bilmir — L.A.)".

Şəhidin atası Fərhad Qafarov 2012-ci il ildə Fuada toy edir
© Photo : Qafarovlar ailəsinin arxivi
Şəhidin atası Fərhad Qafarov 2012-ci il ildə Fuada toy edir

"Ailəcanlı idi. Mənim ürəyimdə problem olduğunu bilirdi. 3 gün əvvəl telefonla danışan zaman səhhətimlə maraqlandı. Dedi ki, "Bakıya get, yaxşı həkimə müayinə etdir". İşində həmişə məsuliyyətli olub. Hər dəfə telefonla danışanda deyirdi, "tabeçiliyimdə 9 nəfər əsgər var, onların hər birinə başımla cavabdehəm". Elə başından da vuruldu" — müsahibimiz fikrini bitirir.

Şəhidin 4 yaşlı oğlu Fərid
© Sputnik / Leyla Abdullayeva
Şəhidin 4 yaşlı oğlu Fərid

Fuadın əmisi Səhrab Qafarov da qardaşı oğlunun şücaətindən danışır: "Fuad bizim döyünən ürəyimiz idi. Əvvəllər biz övladlarımıza onu nümunə göstərirdik, indi isə bütün rayon, kənd sakinləri övladlarına Fuadı nümunə göstərəcəklər. Tək təsəllimiz onun şəhid olmasıdır".

Ailənin digər övladı Murad anadan doğulan zamandan epilepsiyali iflic xəstəliyindən əziyyət çəkir. Şəhidimizin 4 yaşlı oğlu Fərid isə atasının intiqamını alacağını deyir. Uşaq "böyüyəndə kim olacaqsan" sualına qısaca belə cavab verdi: "Döyəcəm onları!"

3323
Teqlər:
Niyazoba kəndi, Qafarov Fuad Fərhad oğlu, əmi, qardaş, övlad, Xaçmaz rayonu, şəhid, Ermənistan, ata, təxribat
Əlaqədar
Erməni diversiya qrupunun məhv edilməsinin görüntüləri yayılıb
Sərhədi keçən erməniləri təqib edərək 3 nəfəri öldürdü, birini yaraladı
Şəhid olmuş hərbi qulluqçumuz Xaçmazda torpağa tapşırıldı
Azərbaycan ordusu şəhid verdi
Prezident şəhidin ailə üzvləri ilə görüşüb
Şəhid atası: “O biri oğlum da canından keçməyə hazırdır”
Şəhid Çingiz Qurbanov doğma rayonunda dəfn olunacaq
Şəhid Çingiz Qurbanovun nəşi geri qaytarılıb
Azərbaycan Prezidenti Şəhidlər Xiyabanını ziyarət edib
Heroin, arxiv şəkli

Yemək qazanının qulplarından heroin çıxdı

7
(Yenilənib 16:22 28.11.2020)
Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb.

BAKI, 28 noyabr — Sputnik. Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq Təcridxanasına narkotik və psixotrop maddələrin keçirilməsi cəhdinin qarşısı alınıb.

Xidmətin ictimaiyyətlə əlaqələr şöbəsindən Sputnik Azərbaycan-a bildirilib ki, cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş və hazırda Bakı İstintaq Təcridxanasında saxlanılan Ağayev Rəşad Hüseyn oğluna tanışı Qaxiyev Rauf İsmayıl oğlu tərəfindən gətirilmiş sovqata baxış keçirilib.

Rəşad Ağayevin tanışı Qaxiyev Raufa gətirdiyi sovqat

Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb. Faktla bağlı araşdırma aparılır.

7
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

3
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

3
Dəniz Mall Ticarət Mərkəzinə mənzərə, arxiv şəkli

Sabahdan hava mülayimləşir

0
(Yenilənib 16:03 28.11.2020)
Havanın temperaturu gecə 2-6, gündüz 8-12 dərəcə isti, dağlarda gecə 2-7 dərəcə şaxta, gündüz 0-3 dərəcə isti olacaq.

BAKI, 28 noyabr — Sputnik. Noyabrın 29-da Bakıda və Abşeron yarımadasında hava şəraitinin buludlu olacağı, gecə və axşam bəzi yerlərdə yağış yağacağı gözlənilir. Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 6-9, gündüz 10-13, Bakıda gecə 7-9, gündüz 11-13 dərəcə isti olacaq. Atmosfer təzyiqi normadan yüksək 773 mm civə sütunundan 770 mm civə sütununa enəcək, nisbi rütubət 65-75 faiz olacaq.

Noyabrın 29-da Azərbaycanın rayonlarında hava şəraitinin əsasən yağmursuz keçəcəyi, lakin gündüzdən başlayaraq bəzi yerlərdə yağış, dağlıq ərazilərdə qar yağacağı gözlənilir. Ayrı-ayrı yerlərdə intensiv olacağı ehtimalı var. Gecə və səhər bəzi yerlərdə duman olacaq. Şərq küləyi əsəcək. Havanın temperaturu gecə 2-6, gündüz 8-12 dərəcə isti, dağlarda gecə 2-7 dərəcə şaxta, gündüz 0-3 dərəcə isti olacaq.

Tibbi-meteoroloji proqnoza gəlincə, noyabrın 29-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0
Teqlər:
hava proqnozu, Hava proqnozu, Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti, Ekologiya və Təbii Sərvətlər Nazirliyinin Milli Hidrometeorologiya Departamenti, Milli Hidrometeorologiya Departamentinin Hidrometeoroloji Proqnozlar Bürosu, Milli Hidrometeorologiya Departamenti