Bakıda avtobus dayanacağı

Bakının dayanacaq problemi: əhali nədən narazıdır?

268
Şəhər daxilindəki dayanacaqlar arasında məsafə 400-600 metr olmalıdır, amma bəzi istisnalar var

BAKI, 13 fev — Sputnik. Bakı şəhərində avtobus dayanacaqları insanların ən çox şikayət etdiyi mövzulardandır. Sərnişinlər bildirirlər ki, bəzən lazımlı yerlərdə dayanacaq quraşdırılmır, əvəzində isə lazım olmayan, "insan ayağı dəyməyən" məkanlarda dayanacaq qoyulur.

Sputnik Azərbaycan-ın redaksiyasına gələn bu dəfəki şikayət məktubu da məhz Bakı şəhərində quraşdırılan dayanacaqlar ilə bağlıdır. Məktubu olduğu kimi qeyd edirik:

"Mən, Şəmsəddin Xudiyev neçə ildir işə Milli Məclisin yanındakı dayanacaqda avtobusdan düşərək gedirdim. Evə geri dönən zaman isə Milli Məclis ilə üzbəüz "Alov qüllələri" kompleksinin yanından avtobusa minərək gəlirdim. İki gün öncə yenə də həmişəki kimi "Alov qüllələri" kompleksinin yanında dayanıb gözlədim. Xeyli müddət gözləsəm də, avtobuslar artıq həmişə olduğu kimi saxlamır və gəlib yanımızdan keçirdi. Məcbur qalıb, soyuq, yağışlı havada növbəti dayanacağa kimi piyada getdim və orada avtobus sürücülərindən niyə dayanmadıqlarını soruşdum. Məlum oldu ki, Nəqliyyat Agentliyi "Alov Qüllələri" kompleksinin yanında avtobus dayanmasını qadağan edib. Ona görə də, avtobuslar artıq orada dayanmır. Digər dayanacağa getmək isə çox uzaqdır. Xahiş edirəm bizə kömək edin".

Məsələni dəqiqləşdirmək üçün Bakı Nəqliyyat Agentliyinin (BNA) mətbuat xidmətinin rəhbəri Mais Ağayevə müraciət etdik. Mətbuat xidmətinin rəhbəri yaranan problemlə bağlı bildirdi ki, "Alov qüllələri" kompleksinin yanında heç zaman dayanacaq olmayıb: "Avtobuslar orada icazəsiz dayanaraq, süni şəkildə "dayanacaq" yaradıb. Eyni zamanda, orada dayanacağın olması normal deyil. Çünki yol hərəkətinə təhlükə yaradır. Avtobus dönən kimi dayanırdı, bu da digər nəqliyyat vasitələrinə maneə törədirdi. Həm də, orada piyada keçidi var. İnsanlar avtobusun önündən keçərək piyada keçidindən keçən zaman, arxadan gələn avtomobil ötmə hərəkəti zamanı piyadanı görməyib vura bilərdi. Bunları nəzərə alaraq orada avtobusların dayanmasını qadağan etdik".

Mais Ağayev qeyd edib ki, hal-hazırda dayanacaqla bağlı araşdırma gedir: "Şəhərlərdə dayanacaqlar arasında məsafə 400-600 metr olmalıdır. Bu ərazidəki dayanacaqlar arasında məsafə çox olarsa, piyadalara çətinlik törədərsə, o zaman məsələyə yenidən baxılıb dəyişiklik edilə bilər".

"Əhalinin kütləvi müraciəti zamanı haradasa dayanacaq quraşdırıla bilər. Amma bir şərtlə ki, həmin ərazidə yerləşdirilən dayanacaq heç bir təhlükə yaratmasın" — BNA sözçüsü vurğulayıb.

O, əlavə edib ki, dayanacaqlarla bağlı təhlillər aparılıb, lazımsız, təhlükəli dayanacaqlar yığışdırılacaq və daha əlverişli yerlərdə quraşdırılacaq: "Bu, ilk ləğv edilən "dayanacaqdır". Yaxın günlərdə daha bir neçə dayanacaq, o cümlədən avtobusların icazəsiz dayandığı yerlər ləğv edilib, başqa yerə keçiriləcək. Dayanacaq yığışdırılmır, sadəcə, piyadalar və digər sürücülər üçün daha uyğun və təhlükəsiz yerlərə köçürülür".

Nəqliyyat eksperti Azər Allahverənov isə Sputnik Azərbaycan-a şərhində deyib ki, dayanacaq quraşdırılanda mütləq şəkildə yol infrastrukturu və əhalinin sıxlığı nəzərə alınır: "Əhali sıx ola bilər, amma yol imkan vermirsə, üzbəüz yox, bir az uzaq yerdə dayanacaq quraşdırıla bilər".

"Hətta elə yerlər var ki, orada quraşdırılan dayanacaqlar standartlara cavab vermir. Amma Bakı Nəqliyyat Agentliyi yaranandan sonra artıq bu problemləri nəzarətdə saxlayır və dəyişikliklər edir. Bu dayanacağın da ləğv edilməsi standartlara cavab verməməsi ilə əlaqəli ola bilər" — Allahverənov bildirib.

Ekspert onu da diqqətə çatdırıb ki, şikayətçi olan insanlar birləşərək məktub vasitəsi ilə BNA-ya müraciət edə və məsələni yenidən gündəmə gətirərlərsə, orada dayanacaq problemi həll edilə bilər.

268
Teqlər:
Mais Ağayev, BNA, qadağan, Bakı Nəqliyyat Agentliyi, sakin, şikayət, dayanacaq, Azər Allahverənov, əhali, nəqliyyat, Sputnik, ekspert, avtobus, Bakı, Azərbaycan, sürücü, şəhər
Əlaqədar
Rayon maşınları Bakının girəcəyində pulsuz duracaqlarda dayanacaqlar
Avtobus sürücüləri nəzarətə götürülüb
"Avtobus sürücülərini 8 saat əvəzinə 14-15 saat işlədirlər"
"Bütün avtobuslar dövlət nəzarətinə keçməlidir"
Bu avtobusların hərəkət istiqaməti dəyişdirilib
BNA: Bu şəxslər avtobus sürə bilməyəcəklər
Sərnişin avtobusları üçün xüsusi hərəkət zolaqları təşkil ediləcək
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

8
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

8