Siqaret

Parazitlər üçün göydəndüşmə fürsət

567
(Yenilənib 12:13 13.02.2017)
Artıq psixoloji gərginlik həddinə çatan siqaret böhranı kimin, ya da kimlərin iqtisadi maraqlarını təmin etməyə hədəflənib?

BAKI, 13 fev — Sputnik. Ötən həftə gündəm zəngin oldu. Lapşinin Belarusda saxlanılıb Azərbaycana təhvil verilməsindən tutmuş, türk əsgərlərinin rus qırıcısı tərəfindən bombalanmasına, manatın dollar üzərində ard-arda qələbələrindən başlamış, yeni doğulmuş körpənin zibil qutusuna atılmasına qədər…

Əslində, son hadisədən yazmamaq üçün özümü güclə saxladım. Çünki ədəb sərhədlərini keçməyəcəyimə dair özüm özümə zəmanət verə bilmədim. Yaza bilərdim ki, körpəsini zibil qutusuna atan qadının hansısa murdar toxumdan əmələ gəldiyi anlaşılır da, indiyədək insana çevrilməməsi təkümül nəzəriyyələrini alt-üst edir. Və bu cür iyrənc məxluqlarla eyni havanı udduğuma görə, başıma sellofan torba keçirib özümü boğmaq istədiyimi qeyd edəcəkdim. Bu səbəbdən yazmadım! Yaza bilmədim!

Əllərim titrədi, eyvana çıxıb bir siqaret yandırmaq, əsəbimi qorumaq naminə ciyərimi qurban vermək istədim. Qutu boş idi… Az qala, unudacaqdım. Axı, son bir ayda paytaxtın irili-xırdalı əksər dükanlarını dolaşmışdım, sinəmə düşən 1-2 marka siqaretdən tapım deyə. Tapa bilməmişdim. Sonra məcburən, damaq dadıma daban-dabana zidd olan başqa bir siqaret almış, gecələr öskürəkdən evdəkilərin yuxusuna haram qatmışdım.

Və öskürəyin səyi nəticəsində yuxudan ayılıb, səhərədək yerimin içində düşünmüşdüm: axı bu, kimə və niyə lazımdır? Artıq psixoloji gərginlik həddinə çatan siqaret böhranı kimin, ya da kimlərin iqtisadi maraqlarını təmin etməyə hədəflənib? Əsas tələbat olan siqaret markalarının, naməlum səbəblərdən bazardan çıxarılması kimlərinsə arasında nüfuz savaşının təzahürüdürsə, bunu daha rahat yolla həll etmək olmazmı? Məsələn, tutursan birinin qulağından, nəzarətində olanları alıb verirsən digərinin nəzarətinə. Yeni adam da köhnə qaydada bu işi davam etdirir.

Gələk büdcənin maraqlarına. İqtisadçı deyiləm. Statistik rəqəmlərlə də işim olmaz. Sadəcə məni bir nüans maraqlandırır: Nağdsız ödəniş sisteminə keçidlə əlaqədar son bir ayda tütün məhsullarının satışdan yığışdırılması sahibkarlara və onların qazancından formalaşan büdcəyə nə qədər ziyan vurdu? Yəni, əldə olunması üçün bütün imkanların səfərbər edildiyi o 1 faiz var ha, o 1 faiz, bir gündə nağd siqaret satışı ilə bağlı bazarda fırlanan bir neçə yüz milyon manatdan dahamı çox iqtisadi dividend gətirəcək?

Курение в общественных местах
© Sputnik / Владимир Астапкович

Üstəlik nəzərə almalıyıq ki, yerli firmaların çökdürülməsi ölkənin sərhəd regionlarında digər qonşularımızın istehsalı olan tütün məhsullarının "meydan sulaması" ilə nəticələnir. Cənub bölgəsində İran, şimal bölgəsində Rusiya (Dağıstan), qərb bölgəsində Gürcüstan mənşəli siqaretlərin yerli məhsulları sıxışdırmağa başladığı xəbərlərini eşitməyənlərin sayı çox azdır.

Bundan da başqa, leqal istehsal və ticarətlə məşğul olan, vergisini, rüsumunu ödəyən firmalara divan tutmaq bazara parazitlərin doluşması üçün fürsət yaradır. Piştaxtalarda leqal siqaretlərin yerini qaçaqmal yolu ilə gətirilən, büdcəyə heç bir vergi və rüsumu ödənilməyən, mənşəyi bilinməyən siqaretlər tutur. Belə siqaretlərə qarşı mübarizə isə faktiki olaraq aparılmır. Nəticədə, bundan həm dövlət, həm iş adamları, həm də siqaret çəkən əhali qrupu zərərli çıxır.

Və yaranan mənzərə: aksiz markalı və öldürücü təsiri daha az olan siqaretlərin qıtlığı (ya da ümumiyyətlə aradan qalxması), qaçaqmal və ciyərlərimizi daha qısa müddətdə parçalayan məhsulların bazarı bürüməsi, qiymətlərin süni şəkildə qaldırılması, nəhayət dövlət büdcəsinə daxil olan vergi və rüsumların azalması. Bizə bumu lazımdır?

567
Teqlər:
ciyər, qaçaqmal, leqal, satış, tütün, öskürək, siqaret, firma, məhsul
Əlaqədar
Siqaret cibində partladı
Ölkədə siqaretlər yenidən bahalaşdı
Siqaret ilə bağlı cəzalar artırıldı
Azərbaycanın ən çox siqaret çəkilən rayonları bunlardır
Siqaret və spirtli içkilər bahalaşıb
Bu gündən bütün siqaretlər yeni qiymətlə satılacaq
Siqaret satışı ilə bağlı sərt qərar qəbul edildi
Ölkəyə siqaret keçirmək istəyən şəxs yaxalandı
Asteroid

Yer kürəsi təhlükədə - beş asteroid birdən yaxınlaşır

87
(Yenilənib 00:52 06.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

87

Gəncədə sərnişinlərin olduğu mikroavtobus qəzaya uğrayıb, yaralılar var

61
(Yenilənib 23:22 05.03.2021)
Hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

BAKI, 5 mart - Sputnik. Gəncə şəhərində 11 nömrəli marşrut xətti üzrə hərəkətdə olan sərnişin mikroavtobusu minik avtomobili ilə toqquşub.

Sputnik Azərbaycan Report-a istinadla xəbər verir ki, hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

Xəsarət alanlar Mövsümov Vasif Hüseyn oğlu (1985-ci il təvəllüdlü), Hüseynov Akif Qabil oğlu, Əliyev Ayxan Elnur oğlu (2014), İsgəndərov Nail Hamlet oğlu (1978) və Zeynalova Fatimə Kamil qızıdır (1987).

Qəzanın baş verdiyi əraziyə Dövlət Yol Polisi əməkdaşları cəlb olunub.

Faktla bağlı araşdırma aparılır.

61
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO