Mətbəxdə su kranı. Arxiv şəkli

İşə saqqalı gəlmək məcburiyyəti ya "Azərsu"yun daimi "qəzası"

518
Axı kartlı sayğacları quraşdırandan sonra 1 qəpik belə, borc olan kimi suyu kəsirsiniz

Mətin Məcidli, Sputnik Azərbaycan

BAKI, 10 fev — Sputnik. "Salam! Nə olub? Nəsə baş verib ki, saqqal saxlayırsan, üzünü qırxmırsan?!" — bu gün səhər işə gələndə, ofisimizin qarşısında görüşdüyümüz adamların mənə verdiyi ilk sual elə bu oldu.

Mən təbii ki, başıma nə gəldiyini soruşan insanları sakitləşdirir və heç nəyin baş vermədiyini, sadəcə səhər üzümü təraş etməyə, necə dəyərlər "oxot" olmadığını söylədim. Əslində yalan dediyimdən utandım hətta bir az da. Dedim, indi fikirləşəcəklər ki, bu boyda adam "həvəsim yoxdur" deyərək, işə niyə belə səliqəsiz gəlməyi özünə rəva bilir. Amma bir az dərindən fikirləşəndə gördüm ki, utanmalı olan mən deyiləm…

Mən əhvalımı xəbər alanlara necə deyəydim ki, artıq üçüncü gündür evdə bir qram da su gəlmir və mənim çoxdan bəri yarızarafat fikirləşdiyim "Bakıda Apokalipsis Yasamaldan başlayacaq" fikri artıq özünü doğrultmağa başlayır? Suyun niyə gəlməməsinin səbəbini mən bir çox jurnalistlərimiz kimi keçmişdə qələm dostumuz olan, indi isə "Azərsu"yun mətbuat xidmətinin rəhbəri çalışan Anar Cəbrayıllıdan soruşmuram. Niyə kişini narahat edim ki? Rəhmətlik Yaşar Nuri demiş, "tem bolee" bu boyda strukturun yaratdığı və fəxrlə reklam etdiyi "qaynar xətt"i var — 955. Artıq suyun gəlməməsi səbəbindən bu illər ərzində o qədər zəng eləmişəm ki, oradakı xanımlar da mənim səsimi gözəl tanıyır, mənə adımla müraciət edirlər. Bu dəfə də soruşdum səbəbini — qəza!

Xanıma nə illah elədimsə o qəzanın yerini desin, gedim baxım, elə "20 yanvar zonasındadı, iş gedir" söylədi. İsti yay aylarında da gündəlik olaraq belə cavablar alırdım, amma onda yenə bilirdim ki, yekə-yekə maşınlarda gəzən yekə-yekə kişilər bağa köçüb və bizim suyumuzu onlara yönəldirlər ki, o yekə-yekə adamlar "Azərsu"yun sədrindən daha yekə adamlara şikayət etməsinlər, bizim suyumuzla pul da vermədən, qumsallıqda yetişdirməyə çalışdıqları bahalı palmalarını rahatca sulasınlar. Amma indi qışdır, odur ki, xanımın "yay cavabında" israr etməsindən anladım — bu dəfə də yola verilirik…

Demək olar ki, həftədə 2-3 dəfə agentliyimizin poçtuna Azərbaycanda regionların inkişafı proqramı çərçivəsində hansısa kəndin və ya rayonun su təhcizatının yaxşılaşdırılması proqramı daxilində ucqar kənddə yarım metrəlik su borusunun böyük təntənə ilə açılışı barədə "Azərsu"dan press-relizlər daxil olur. Hələ 5-6 bazburutlu kişi və sevincli kənd camaatı təsvir olunmuş şəkillər də əlavə olunur pres-relizə. Təbii ki, götürürük, yazırıq rayonlardakı sürətli inkişaf barədə. Amma XXI əsrdə şəhərin ortasında — Yasamal rayonu 1-ci Alatava küçəsində 3 gündür ki su gəlmir!

Ola bilər, bu yazıdan sonra "Azərsu"dan desinlər ki, bəs, biz məlumat yaymışdıq ki, hansısa boru xəttində, mən nə bilim neçə metrlik su borusu dəyişdirilir, əhali xəbərdar idi və s. Bu kimi bürokratik bəhanələr gətirsinlər. Amma nə fayda. Dövlət qurumlarından yalnız Dövlət Yol Polisinin şöbə müdiri, polkovnik Vaqif Əsədov hansısa yol bağlananda, sürücüləri alternativ yollardan istifadə etməyə çağırır. Düzdür, əksər hallarda bu alternativ öz adını ümumiyyətlə doğrultmur, amma yenə də.

Bəs ölkə Prezidentinin tapşırığı ilə Bakı şəhərini fasiləsiz olaraq içməli su ilə təmin etdiyini söyləyən "Azərsu" rəhbərliyinin alternativi nədir? Yəni bu qurumun sədri Qorxmaz Hüseynov anlamır ki, qəza olsa da, xalqımızın işıqlı və xüsusən də sulu gələcəyi naminə iri su borusu dəyişdirilirsə də, Bakıda yaşayan əhali 3 gün susuz qala bilməz? Orada yaşayanlar iş yerlərinə, uşaqlar isə məktəblərə çatandan sonra əl-üzlərini yuya bilməzlər? Bu, absurddur və inkişaf edən ölkənin ən iri monopolistlərindən biri olan bir qurum üçün xəcalətdir!

Sual olunur: niyə "Azərsu" su gəlməyən məhəllələr üçün su maşınları təşkil etmir ki, insanlar da susuz qalmasın? Niyə bu məhəllələrin insanları yaxınlıqdakı marketlərdən içməli suyu pulla almalı, yaxalanmaq üçün başqa yerlərdə yaşayan qohumlarını narahat etməlidirlər? Axı kartlı sayğacları quraşdırandan sonra 1 qəpik belə, borc olan kimi suyu kəsirsiniz! Bəlkə doğurdan da ölkədə monopoliyaya son qoymaq üçün əhalinin maaşından verilən vergilər hesabına, əhalidən yığılan pullar hesabına yaşayan bu qurumların rəhbərliyində ciddi təmizləmələr aparılmalıdır? Bəlkə bu insanlar ondan sonra anlayacaqlar ki, altlarındakı maşınlar belə mənim, sənin, onun cibindən gedən pullar hesabına alınıb? Əvəzində isə… İçərisindən su əvəzinə hava gələn kranlar…

P.S. Dünən "qaynar xəttd"əki xanıma "su nə vaxt gələcək" sualına cavab almadığım üçün əsəbimdən belə bir xahiş etdim: "Xanım, sizdə "Azərsu" sədrinin ev ünvanı varsa, verin, səhər onlara dəyim, sonra işə gəlim. Üstündə Bəhram Bağırzadənin gülərüz siması olan istənilən marketdən bir "jilet" alaraq, üzümü onlarda qırxmaq üçün…"

518
Teqlər:
qış, yay, Yasamal, Bakı, ünvan, ev, "Azərsu", su
Əlaqədar
Yeyib-içmək "Azərsu" məmuruna baha başa gəldi
“Azərsu” ASC tariflərin artırılmasına münasibət bildirib
"Azərsu" ASC-də ciddi nöqsanlar aşkarlanıb
"Azərsu"da faciə baş verib
“Azərişıq” “Azərsu”nun işığını kəsəcək
Maliyyə hesabatı, arxiv şəkli

Məcburi dövlət sosial sığorta haqqı müvəqqəti azaldılıb

12
(Yenilənib 22:37 03.06.2020)
Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödəniləcək.

BAKI, 3 iyun — Sputnik. Azərbaycanda sahibkarlar bu il aprelin 1-dən dekabrın 31-dək məcburi dövlət sosial haqlarını güzəştlə ödəyəcək.

Sputnik Azərbaycan-a bununla bağlı Prezident İlham Əliyev “Sosial sığorta haqqında” qanuna dəyişiklikləri təsdiqləyib. Beləliklə, bu ilin 9 ayı üçün sahibkarlıq fəaliyyəti üzrə minimum aylıq əməkhaqqının tikinti və ticarət sahələrində 25 faizi, digər sahələrdə 15 faizi miqdarının Bakı şəhərində 100 faizi, Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödənilməlidir.

2021-ci il yanvarın 1-dən 2025-ci il dekabrın 31-nə qədər isə əvvəlki qaydada - sahibkarlıq fəaliyyəti üzrə minimum aylıq əməkhaqqının tikinti sahəsində 50 faizi, digər sahələrdə 25 faizi miqdarının Bakı şəhərində 100 faizi, Sumqayıt və Gəncə şəhərlərində 90 faizi, digər şəhərlərdə 80 faizi, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi, kənd yerlərində isə 50 faizi miqdarında məcburi dövlət sosial sığorta haqqı ödəniləcək.

12
Bakıda yaşayış kompleksi, arxiv şəkli

Güzəştli mənzillər adlarına uyğundurmu yaxud bunun nəyi güzəştdir?

143
(Yenilənib 22:02 03.06.2020)
Mənzil 10% ilkin ödəniş edilərək, 4% dərəcəsi ilə 30 il müddətinə güzəştli ipoteka krediti ilə alındıqda 1 otaqlı mənzil üçün aylıq 138-143 manat, 2 otaqlı mənzil üçün 182-230 manat, 3 otaqlı mənzil üçün isə 245-268 manat ödəniləcək.

Xalid Məmmədov, Sputnik Azərbaycan

BAKI, 3 iyun — Sputnik. Mənzil İnşaatı Dövlət Agentliyi (MİDA) Hövsan qəsəbəsindəki yaşayış kompleksində güzəştli mənzillərin satışını elan edib. Satışa ümumilikdə 249 mənzil çıxarılır. Bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunur.

Sputnik Azərbaycan xəbər verir ki, MİDA-nın məlumatına görə, Agentliyin sərəncamında olan mənzillərin əldə edilməsi "Elektron hökumət" portalı üzərində (www.e-gov.az) "Güzəştli mənzil" sistemi vasitəsilə elektron qaydada həyata keçirilir. Yalnız "Güzəştli mənzil" sistemində elektron kabinetə sahib olmuş vətəndaşlar mənzil almaq hüququna malikdir. Elektron kabinetə sahib olmuş bütün vətəndaşlar qeydiyyat tarixindən və sıra nömrəsindən asılı olmayaraq, mənzillərin seçimində bərabər hüquqa malikdir.

Əmlak məsələləri üzrə ekspert Ramil Osmanlı Sputnik Azərbaycan-a açıqlamasında satışa çıxarılan mənzillərin qiymətlərindən, tətbiq edilən güzəştlər və əlavə endirimlərdən danışıb.

Ekspert bildirib ki, MİDA-nın bu istiqamətdə kifayət qədər təcrübəsi var: "Mənzil İnşaatı Dövlət Agentliyinin ilk layihəsi olan Yasamal Yaşayış Kompleksi istər qiymət, istər prosesin icrası baxımından özünü doğruldub. Digər tərəfdən, bu yaxınlarda güzəştlə mənzil əldə etmək hüququ olan vətəndaşların kateqoriyaları da genişləndirilib. Artıq gənc ailə üzvü olan müəllimlər üçün əmək stajı tələbi 5 ildən 3 ilə endirilməklə yanaşı, yalnız ümumtəhsil məktəbində işləyən deyil, digər ümumi təhsil müəssisələrində çalışan gənc ailə üzvü olan müəllimlər də güzəştli mənzil əldə edə biləcəklər. Eyni zamanda buraya "ən azı 15 il dövlət ümumi təhsil müəssisəsində müəllim işləyən şəxs" kateqoriyası da əlavə olunub. Həmin kateqoriyaya aid olan vətəndaşlar yaşından və ailə vəziyyətindən asılı olmayaraq güzəştlə mənzil əldə etmək hüququndan yararlana biləcəklər".

Hövsan yaşayış kompleksi, arxiv şəkli
© Official website of President of Azerbaijan Republic

Bu kateqoriyaları daha da genişləndirmək mümkündürmü sualına ekspert belə cavab verib: "Güzəştlə mənzil əldə etmək hüququ olan vətəndaşların kateqoriyalarını daha da genişləndirmək olar, amma bu məsələ hələlik bu gün üçün aktual hesab edilmir. Onsuzda müraciətlərin sayı çoxdur. Məsələn, Yeni Yasamal layihəsində təxminən 1800 mənzil üçün 20 minə yaxın müraciət var idi. Bu mənada hesab edirəm ki, indiki halda kateqoriyaların genişləndirilməsi müraciətlərin sayını bir qədər də artıracaq və əlavə texniki problemlər yarada bilər. Amma layihələrin istiqamətləri genişlənərsə, bu addımı atmaq olar".

Mənzillərin qiymətlərindən danışan ekspert bildirib ki, mənzillərin qiymətini normal hesab etmək olar: "Hövsanda 1 otaqlı mənzillərin qiyməti 32 min 130 manatdan, 2 otaqlılar 42 min 415 manatdan, 3 otaqlılar 57 min 120 manatan başlayır. Hazırda əvvəlki texniki və digər qüsurlar yoxdur, aradan qaldırılıb. Mənzili ipoteka krediti ilə deyil, nağd şəkildə alanlara 10% güzəşt ediləcək. Yəni şəxs mənzilin pulunu tam ödəyirsə, həmin vəsaitdə 10 faiz güzəşt nəzərdə tutulur. Belə ki, mənzilə öz vəsaiti hesabına birdəfəlik ödəniş edərək sahib olmaq istəyən vətəndaş üçün mənzillərin satışı 1 otaqlılar üçün 28 min 917 manatdan, 2 otaqlılar üçün 38 min 174 manatdan, 3 otaqlılar üçün 51 min 408 manatan başlayır".

O qeyd edib ki, gələcəkdə MİDA-nın həyata keçirdiyi layihələrə alternativ başqa layihələr təklif olunarsa, o halda qiymətlərə düzəlişlər qaçılmaz olacaq: "Amma bugünkü şərtlər daxilində tələb yüksəkdir və tələb yüksək olduğu dövrdə MİDA-nın təqdim etdiyi qiymətlər mövcud bazar qiymətlərindən aşağıdır. Məsələn, MİDA tərəfindən Yeni Yasamalda təmirli mənzilin 1 kvadratmetri 950 manata təklif olunurdu. Nağd alışlarda bu rəqəm hətta 860 manatadək gəlib düşürdü. Amma biz faktiki olaraq Yeni Yasamalın mənzil bazarını araşdırdıqda orada təmirli mənzilin bir kvadratmetrinin 1150-1200 manatdan başladığının şahidi oluruq. Burada növbəlilik mütləq şəkildə gözlənilir".

Qeyd edək ki, Bakı şəhəri, Suraxanı rayonu, Hövsan qəsəbəsi Zığ şosesi - Hava Limanı 12-ci km. "22" ünvanında yerləşən Hövsan Yaşayış Kompleksinin 1 saylı binası üzrə 249 mənzilin satışı 30 iyun 2020-ci il tarixində saat 11:00-da başlayacaq və 7 iyul 2020-ci il tarixi saat 11:00-dək davam edəcək. Bu elan çərçivəsində mənzillərin satışı həm ipoteka kreditindən istifadə etməklə, həm də öz vəsaiti hesabına ödəniş üsulu ilə nəzərdə tutulub. Mənzillərin satış qiymətinə ƏDV daxildir. Mənzillərin sahəsi isə 1 otaqlılarda 38-39 kvadratmetr, 2 otaqlılarda 50-63 kvadratmetr, 3 otaqlılar 67-73 kvadratmetr arasında dəyişir. Bu, mənzillərin daxili perimetrlə ölçülən sahəsidir.

Vətəndaş mənzili İpoteka və Kredit Zəmanət Fondunun güzəştli ipoteka krediti vəsaiti hesabına aldıqda 10 faiz minimal ödəniş tələb olunur. Mənzil 10% ilkin ödəniş edilərək, 4% dərəcəsi ilə 30 il müddətinə güzəştli ipoteka krediti ilə alındıqda 1 otaqlı mənzil üçün aylıq 138-143 manat, 2 otaqlı mənzil üçün 182-230 manat, 3 otaqlı mənzil üçün isə 245-268 manat ödəniləcək. Qeyd edək ki, kredit illik 4 faiz dərəcəsi ilə 3-30 il müddətinə verilir.

143
“Keşikçidağ”da Keşikçi qala” sərhəd zastavası kompleksi istifa­dəyə verilib

Bu gün "Keşikçidağ" istiqamətində təxribat törədiləcək?

0
DSX: “Keşik­çidağ” ərazisində bir qrup Gürcüstan vətəndaşının dövlət sərhədini pozmaqla təxribat törədəcəyi barədə məlumat­lar əldə olunub

BAKI, 4 iyun - Sputnik. İyun ayının 4-də Azərbaycan-Gürcüstan dövlət sərhədində “Keşik­çidağ” Dövlət Tarix-Mədəniyyət Qoruğunun ərazisində bir qrup Gürcüstan vətəndaşı  tərəfindən dövlət sərhədini pozmaqla təxribat xarakterli hərəkətlərin törədiləcəyi barədə məlumat­lar əldə olunub. Əldə olunmuş məlumatlar barədə Gürcüstanın Sərhəd Mühafizəsi rəsmi qaydada məlumatlandırılıb.

Sputnik Azərbaycan xəbər verir ki, bu barədə Dövlət Sərhəd Xidmətinin Mətbuat Mərkəzinin yaydığı məlumatda qeyd edilir.

Məlumata görə, Dövlət Sərhəd Xidməti bununla əlaqədar rəsmi olaraq bildirir ki, dövlət sərhədində istənilən təxribatın qarşısı qətiyyətlə alınacaq və bu zaman baş verə biləcək fəsadlara görə təxribatın təşkilatçıları məsuliyyət daşıyacaqlar.

0