20 yanvar dairəsi

Üç rəsmi qurum bu problem üzərində baş sındırır

856
Bakının yeni işıqforları: daha yaxşı olmasını istədilər, amma heç nə dəyişmir

BAKI, 9 fev — Sputnik. Bütün cəhdlərə baxmayaraq, "20 yanvar" dairəsində yaranan tıxaclar paytaxtın şimal girişi istiqamətində hərəkət edən avtomobillərə problem yaradır. Sputnik Azərbaycan-ın məlumatına görə, "20 yanvar" metrostansiyasının ətrafında bir neçə işıqfor quraşdırılsa da, tıxac problemi həllini tapmayıb.

Əvvəllər yol polisi nəqliyyat axınının hərəkətini tənzimləmək üçün avtomobilləri müvafiq yollara yönləndirirdi. Sözügedən ərazidə hərəkətin yol inspektorlarının nəzarəti altında baş verməsini Hindistan yollarındakı vəziyyətlə müqayisə etmək olardı.

Amma bu günlərdə sözügedən əraziyə yeni işıqforlar quraşdırıblar. Sürücülər artıq tıxaclarda "çürüməyəcəkləri" ümidi ilə rahat nəfəs almağa başlamışdılar. Fevralın 6-dan başlayaraq, həmin işıqforlar elektrik enerjisi ilə təchiz edilmişdi.

Lakin gözləntilərin əksinə olaraq, yollarda tıxac aradan qalxmadı, əksinə, vəziyyət daha da pisləşdi. Hazırda orada yüksək nəqliyyat sıxlığı müşahidə edilir. Əvvəllər bu tıxac Bakı Beynəlxalq Avtovağzalından başlayırdısa, indi daha da uzaqdan — Xırdalan dairəsindəki tuneldən başlayır.

Bu vəziyyəti Sputnik Azərbaycan-a şərh edən Bakı Nəqliyyat Agentliyinin (BNA) mətbuat katibi Mais Ağayev bildirib ki, BNA-nın ekspertləri Bakı Şəhər Baş Dövlət Yol Polisi İdarəsinin (BŞBDYPİ) və "Azəravtoyol" ASC əməkdaşları ilə birlikdə aylarla işləyərək "20 yanvar"dakı nəqliyyat axınının hərəkətini tənzimləmək üçün 6 tövsiyə irəli sürüblər: "Onlardan ikisi artıq həyata keçirilib. Onlardan biri işıqforların quraşdırılması, digəri isə yolların Moskva prospekti istiqamətindəki tunelin çıxışına doğru 6 zolağa qədər genişləndirilməsidir".

"Növbəti mərhələ nəqliyyat vasitələrinin Müzəffər Həsənov, Zərdabi küçələrinə və Tbilisi prospektinə dönməsi üçün keçidin qoyulmasıdır. Yalnız bütün kompleks tədbirlər görülüb başa çatandan sonra nəqliyyatın fasiləsiz hərəkətini təmin etmək mümkün olacaq. Lakin bu gün "20 yanvar"dakı nəqliyyat qovşağında münaqişə nöqtələri qalmaqda davam edəcək. Bununla əlaqədar olaraq, orada nəqliyyatın hərəkətində ləngimə müşahidə olunur və nəticədə də tıxac yaranır" — M. Ağayev bildirib.

Bununla yanaşı, BŞBDYPİ-nin bölmə rəisi, polis polkovniki Vaqif Əsədov bildirib ki, "20 yanvar dairəsi" adlanan ərazidə süni vasitələrlə sıxlığın aradan qaldırılması və yol-nəqliyyat hadisələrinin sayının azalması üçün islahatlara ehtiyac var: "20 yanvar"da işıqforların quraşdırılması, nəqliyyat vasitələrinin keçidini tənzimləmək üçün zəruri idi. Hazırda zəruri avadanlıq quraşdırılıb və eksperiment aparılır. Tamamilə mümkündür ki, tədqiqatların nəticələri müsbət olsa, bu ərazidə nəqliyyatın hərəkəti işıqforların köməyi ilə tənzimlənəcək".

O, əlavə edib ki, "Xırdalan dairəsi"ndən başlanan tıxaclara səbəb yeni işıqforlar yox, oradakı "Şamaxinka" deyilən yerə çıxan küçələrdəki iki piyada keçididir.

Rəyini soruşduğumuz sürücülər yekdilliklə bildirdilər ki, onlar "20 yanvar"da işıqforun köməyi ilə problemin həllinə tərəfdardırlar. Onlar qeyd ediblər ki, işıqfor əsasən problemli olan bir istiqamətə mütləq qoyulmalıdır. Söhbət Tbilisi prospektindən Moskva prospektinə keçiddən gedir. Burada hərdən avtomobillər körpünün altındakı dairəvi yola düşmək üçün uzun müddət gözləməli olurlar.

856
Teqlər:
işıqfor, "20 yanvar", Mais Ağayev, dairə, tıxac, hərəkət, küçə
Əlaqədar
Avtobuslar üçün ayrılmış xüsusi zolaqlar tıxac problemini həll edəcəkmi?
Paytaxtda tıxacın qarşısını almaq məqsədilə növbəti addım
Paytaxtın tıxac yaşanan küçələri açıqlandı
Göydələnlərdən və tıxaclardan "bixəbər" paytaxt
Bakı-Sumqayıt yolundakı tıxac problemi noyabrın sonunda həll olunacaq
Ziya Bünyadov prospektində baş vermiş qəza tıxaca səbəb olub
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

16
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

16
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

8
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

8