Traktorçu Alqayıt Quliyev

İki gün intensiv atəş altında...

308
(Yenilənib 10:16 09.02.2017)
"O gündən sonra hər dəfə texnikanı sahəyə salanda tez-tez qarşı tərəfə boylanıram. Bəlkə də həyatım oradan atılacaq bir gülləyə bağlıdır".

Ramil İbrahimov, Sputnik Azərbaycan

BAKI, 9 fev — Sputnik. Alqayıt Quliyev Tərtər rayonunun cəbhə xətində yerləşən Qapanlı kəndindəndir. Traktorçudur. İlk baxışdan adi peşə sahibi kimi görünsə də, 5 ildən artıqdır ki, hər gün ölümlə üz-üz gəlir. Sahəyə çıxdığı andan etibarən birbaşa düşmən tərəfin snayperlərinin hədəfindədir.

Dəfələrlə atəşə məruz qalıb. Traktorundakı güllə izləri də bunu sübut edir. Təhlükəli olduğundan təmas xəttinə yaxın olan sahələri gecələr şumlayır. Çünki əkin sahələri gündüz saatlarında qarşı tərəfin mövqelərindən aydın müşahidə edilir.

Iki il əvvəl traktor əkin sahəsində gülləbarana məruz qalıb
© Sputnik / Ramil Ibrahimov
Iki il əvvəl traktor əkin sahəsində gülləbarana məruz qalıb

Buna baxmayaraq, mütləq işini başa vurmalıdır. Həm özünün, həm də onlarla ailənin yeganə qazanc mənbəyi olan torpağın əkilib-becərilməsi onun işinin nəticəsindən asılıdır.

"İşləməmək olmur. Camaatın işini yola verməliyik. Nə qədər çətin də olsa, birini edib digərini saxlamaq olmur. Əkin sahələri erməni hərbçiləri tərəfindən müşahidə edildiyindən, gecələr işləyirik. Dolanışıq üçün işləməliyik" — deyir Alqayıt Quliyev.

Üstəlik traktoru 10 il müddətinə 40 min manata kreditlə alıb, işləyib həmin məbləği də ödəmək məcburiyyətindədir. 1 ha sahənin şumlanmasından, təqribən 40 manat gəlir əldə edir.

Alqayıt Quliyev
© Sputnik / Ramil Ibrahimov
Alqayıt Quliyev

Həmsöhbətimiz həyatının ən təhlükəli anını iki il əvvəl, əkin sahəsində suvarma arxı çəkən ekskovatorun gülləbarana məruz qaldığı vaxt yaşayıb. Yararsız hala düşən texnika intensiv atəş altında olduğundan, iki gün sahədə qalıb. İki gündən sonra isə ekskovatoru təhlükəli ərazidən çıxarmaq üçün A. Quliyev traktoru ilə əraziyə gedib. Ardı-arası kəsilməyən güllələrdən biri traktorun dəmirinə dəyərək istiqamətini dəyişib və onu ayağını parçalayıb. Yaxınlıqdakı insanlar çətinliklə də olsa, traktorun içərisində yaralı vəziyyətdə qalan Alqayıtı çıxararaq xəstəxanaya çatdıra biliblər.

"O gündən sonra hər dəfə texnikanı sahəyə salanda tez-tez qarşı tərəfə boylanıram. Bəlkə də həyatım oradan atılacaq bir gülləyə bağlıdır. İndi bəzən 1 ha sahəni 2 gecəyə şumlayıram, atəş səsi eşidən kimi işi saxlamalı oluram" — deyir.

Ümumilikdə Qapanlı kəndində 360 ha əkinə yararlı torpaq sahəsi var. 100 ha sahədə münaqişə səbəbindən ümumiyyətlə əkin-biçin mümkün deyil. 260 ha sahənin 100 hektarı isə ancaq gecələr əkilib-becərilir.

308
Teqlər:
ekskovator, traktor, traktorçu, Alqayıt Quliyev, Qapanlı, sahə, əkin, Tərtər, atəş, erməni
Əlaqədar
Mərmi və dolu döyən kəndlərdə mal-qara da psixoloji travma alıb
Azərbaycanda torpağı qanla suvarılan kənd
Düşmən atəşkəs rejimini daha 39 dəfə pozub
Erməni hərbçiləri mövqelərimizə atəş açıblar
Ordumuzun mövqeləri atəşə tutulub
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar