Gürcüstan sərhədi

Gürcüstan azərbaycanlılarının geriyə axını başlayacaq

3480
(Yenilənib 14:51 08.02.2017)
Azər Süleymanov: "Əgər kimsə nə vaxtsa Gürcüstan vətəndaşlığından imtina edibsə, onun yenidən vətəndaşlıq alması çox çəkən olacaq"

BAKI, 6 fev — Sputnik. Avropa Parlamenti Gürcüstan vətəndaşları üçün Şengen zonasına viza rejiminin ləğvi barədə qərar qəbul edib. Bundan sonra Gürcüstan vətəndaşı olan şəxslər heç bir maneə olmadan Şengen zonasına səfər edə biləcəklər. Bəs Gürcüstanda yaşayan soydaşlarımız bu qərardan necə yararlana biləcəklər?

Депутат от партии Единое национальное движение Азер Сулейманов
Депутат от партии Единое национальное движение Азер Сулейманов

Gürcüstan parlamentinin Marneulidən seçilən millət vəkili Azər Süleymanov Sputnik Azərbaycan-a verdiyi açıqlamasında qeyd edib ki, Gürcüstanda yaşayan azərbaycanlar bu ölkənin tam hüquqlu vətəndaşlarıdır və bu dövlətin bir parçasıdır: "Biz Gürcüstan vətəndaşlarıyıq! Gürcüstanın uğuruna sevinən, kədərinə kədərlənən, Gürcüstanda bütün qayda-qanunlara tabe olan, Gürcüstan üçün heç bir problem yaratmayan vətəndaşlarıq".

A. Süleymanov bildirib ki, Gürcüstan vətəndaşlığı və pasportu olan hansısa şəxs Avropaya girişdə heç bir problem yaşamayacaq: "Minlərlə gənc ingilis dilində təhsil almağa başlayıb və onlar Avropanın bütün standartlarına cavab verən mütəxəssislərdir. Miqrasiya məsələsinə gəldikdə, Avropa qucağını açıb hər kəsi gözləmir. Amma Avropanın da şərtləri var. Onlar istənilən zaman viza rejimini bərpa edə bilərlər. Əgər Gürcüstan vətəndaşları bəzi şərtləri yerinə yetirmədən gedib bir ilin içində orada qalsalar, əlbəttə Avropa viza məsələsini qaytara bilər".

"Bilirsiniz ki, Avropanın da problemləri az deyil. Dünyada qaçqın böhranı yaşanır və onların böyük hissəsi Avropaya sığınıb. Avropanın hər yerində qaçqınlar var. Avropada Suriyadan və başqa ərəb dövlətlərindən qaçan qaçqınlar var. Gürcüstanlılar oraya gedərək qeyri-leqal çalışa bilməyəcəklər və bu, bizi qorxutmur. Kiminsə istəyi olsa, vizalı da, vizasız da, başqa yollara da əl ataraq ora gedə bilər. Bu Azərbaycana da, Gürcüstana da, başqa dövlətlərə də aiddir" — millət vəkilib bildirib.

Süleymanovun sözlərinə görə, Gürcüstanda ikili vətəndaşlıq olmadığı üçün, hal-hazırda Azərbaycanda yaşayan və vaxtilə Gürcüstan vətəndaşı olan insanlar müəyyən problemlər yaşayacaqlar: "Əgər onlar nə vaxtsa Gürcüstan vətəndaşı olmaqdan imtina ediblərsə, yenidən vətəndaşlıq almaları bir az uzun çəkən prorses olacaq. Amma hazırda Azərbaycanda yaşayan Gürcüstan vətəndaşları üçün Avropaya gedib-gəlməklə bağlı heç bir problem olmayacaq".

Müsahibimiz əlavə edib ki, bundan sonra Gürcüstan vətəndaşlığı almaq prosesi də çətinləşəcək: "Çünki Avropaya vizasız rejimlə bağlı, bir çoxları Gürcüstan vətəndaşlığına geri qayıtmaq istətəcəklər. Bu gün Cavahetiyada bir çox ermənilər var ki, ciblərində Rusiya pasportu daşıyırlar. Ədliyyə Nazirliyində onların Gürcüstan pasportu ləğv edilib. Ermənilər seçim arasında qalıblar. Onlar ya Gürcüstan vətəndaşı olmalıdırlar, ya da Rusiya. İki pasport gəzdirən ermənilərin Gürcüstan pasportu ləğv edilib. Qısası, Gürcüstanda ikili vətəndaşlıq qəbul edilmir. Bu, ancaq Prezidentin xüsusi göstərişi ilə ola bilər".

A. Süleymanovun sözlərinə görə, bu da ciddi problem yaradır: "Çünki vizanın şərtləri pozularsa, başqa problemlər baş qaldıra bilər. Moldova bizdən bir il öncə vizasız rejimə keçmişdi. Və Moldovada 3000 nəfər qaydanı pozmuşdu. Düzdür, bunu ciddiyə almadılar. Amma viza üçün də müəyyən hədd var ki, aşılarsa, vizasız rejim dondurula bilər".

Sputnik Azərbaycan-a danışan Gürcüstan Azərbaycanlıları Konqresinin sədri Əli Babayevin fikrincə isə, Gürcüstan vətəndaşları bu qərarı çoxdan gözləyirmişlər: "Gürcüstan 1990-cı ildə müstəqillik əldə etdikdən sonra əsas məqsəd Avropaya inteqrasiya və NATO-ya üzv olmaq idi. 27 il keçməsinə baxmayaraq Gürcüstan buna nail ola bilmirdi. Bunun da məlum səbəbləri vardı. Gürcüstan Avropa standartlarına uyğun olmalıydı. Qeyd edilən standartlara uyğunlaşmaq üçün Gürcüstanın daxilində də problemlər yaşanırdı. Bu problemlərdən ən böyüyü milli azlıqların olması idi. Biz azərbaycanlılar da həmin milli azlıqlardanıq. Öz növbəmizdə, bizim də bəzi problemlərimiz var idi. O problemlər bu gün də var".

Председатель  Национального конгресса азербайджанцев Грузии (КАГ)  Али Бабаев
© Photo : Oktay Abdullayev
Председатель Национального конгресса азербайджанцев Грузии (КАГ) Али Бабаев

Müsahibimiz hesab edir ki, Şengen vizasının qaldırılması o demək deyil ki, Gürcüstan Avropaya inteqrasiya olunub: "Bu o deməkdir ki, Gürcüstan Avropaya bir qədər də yaxın oldu. Yeni rejimin öz şərtləri var. İndi Gürcüstan vətəndaşları 90 gün müddətində Avropa ölkələrinə gedə bilərlər. Kimlər gedə bilər, hansı yolla gedə bilər — həmin şərtlərdə qeyd olunub. Amma 90 gün bitdikdən sonra mütləq viza götürülməlidir. Əsas odur ki, biz buna layiq olduq. Bundan sonra bizim vətəndaşlar, bizim tələbələr də gedib Avropanı gəzə bilər, orada ali təhsil müəssisələrində təhsil ala bilərlər".

"Əlbəttə, yenə də Gürcüstan azərbaycanlılarının problemləri qalır. Mən hər zaman bu barədə danışmışam. Bizim ən böyük problemimiz odur ki, biz Gürcüstanda yaşayırıq, amma vətənimizin dilini bilmirik, vətənimizə inteqrasiya ola bilməmişik" — Babayev bildirib.

O, hesab edir ki, Avropaya daha çox dil bilənlər — ingilis, alman, italyan, fransız dilini bilənlər gedəcəklər: "Bu insanlar orada oxumağa gedəcək, özlərinə iş də tapacaqlar. Turist kimi gedib-gələnlər də çox olacaq. Avropaya savadlı insanlar gedəcək. Savadsız insanlar gedib orada nə edəcək? Fəhlə işləsən də, gərək professional olasan ki, orada işə götürsünlər. Çoxu elə düşünür ki, Avropa açıldı, indi gedib orada yaşayacağıq. Düşünürəm ki, bu məqsədlə ora gedənlər deportasiya ediləcəklər. Əlbəttə, biz çalışacağıq ki, gedib Avropanı, İtaliyanı, Almaniyanı görək. Ancaq bizim vətənimiz Gürcüstandır".

Ə. Babayev qeyd edir ki, bir çox iş adamları var ki, hazırda Azərbaycanda yaşayırlar: "Təbii ki, onların bir hissəsi geri qayıtmağa çalışacaqlar. Amma nəzərə alaq ki, Avropanın bizim prezidentimizlə bağlı problemləri var. Hökümətlərarası problemlər var, onun NATO-ya münasibəti fərqlidir. Biz çox dəyişikliklər gözləyirik. Rusların sözü ilə desək, "yaşayarıq, görərik".

Qeyd edək ki, Şengen vizası 1 ilin 180 günü ərzində 90 gün müddətinə verilir.

3480
Teqlər:
Şengen, Azər Süleymanov, Əli Babayev, viza, vətəndaş, pasport, Gürcüstan, Avropa, Azərbaycan, hüquq
Əlaqədar
Azərbaycan-Gürcüstan-Türkiyə hərbi əməkdaşlığı regiona nə vəd edir?
Azərbaycan, Türkiyə və Gürcüstan üçtərəfli birgə təlimlər keçirəcək
Azərbaycan turizmi daha cəlbedicidir, yoxsa Gürcüstan?
Gürcüstan qaz üçün yenə Azərbaycana müraciət etməli oldu
Azərbaycan, Gürcüstan, Rusiya: qaz ixracına üç baxış
Azərbaycan prezidenti: Gürcüstan bizim üçün Avropaya çıxış yoludur
Cütlük, arxiv şəkli

Oğlanlar evlənməyə qız tapmayacaqlar - Demoqrafik təhlükə

45
(Yenilənib 21:48 26.01.2021)
Ekspertlər hesab edirlər ki, əgər hazırkı disbalans davam edərsə, demoqrafik prosesə və genefonda mənfi təsir göstərə bilər.

Zülfiyyə Quluyeva, Sputnik Azərbaycan

BAKI, 26 yanvar — Sputnik. “İlk hamiləliyimdə bətnimdəki uşağın oğlan olduğunu bilən həyat yoldaşım az qalırdı məni ovucunun içində saxlasın. Ürəyim nə istəyirdi alırdı. Tale elə gətirdi ki, uşaq 4 ayında bətnimdə inkişafdan qaldı. Məcbur olub uşağı abort etdirdik. İkinci dəfə hamilə qalanda uşağın cinsini öyrənmək üçün hər həftə qaynanam məni həkimə aparırdı. Yoldaşım deyirdi ki, oğlan olmasa, abort etdirərsən. Gecə-gündüz dua edirdim ki, bətnimdəki uşaq oğlan olsun. Həkim uşağın qız olduğunu deyəndə qaynanam tez yoldaşıma zəng elədi. O da dedi ki, uşağı elə orada götürdüb, evə gəlsin. Evimizdə buna görə çox söz-söhbət yarandı. Mən sağlam qız uşağını hamiləliyimin 12-ci həftəsində abort etdirdim”.

Yeni doğulmuş uşaq, arxiv şəkli
© AP Photo / Fernando Antonio

Söhbətin bu yerində gözləri dolan Mahirə (adı şərtidir) hər dəfə başına gələn bu hadisəni yadına salanda bir ana kimi özünü günahkar hesab etdiyini deyir. Azərbaycanın rayonlarının birindən olan həmsöhbətimiz ailə qurub, Bakıya köçdükdən sonra iki oğlan uşağı dünyaya gətirib. Deyir ki, baldızı boşanıb ata evinə qayıtdığından yoldaşı qız uşağının doğulmasına qarşı olub...

Elə Dövlət Statistika Komitəsinin doğulan uşaqların cins nisbəti ilə bağlı yaydığı məlumat da cəmiyyətdə oğlan uşaqlarının dünyaya gəlməsinə daha çox marağın olduğundan xəbər verir. Komitənin yaydığı xəbərə görə, 2020-ci ilin 11 ayı ərzində Ədliyyə Nazirliyinin rayon (şəhər) qeydiyyat şöbələri tərəfindən 116454 doğulan körpə qeydə alınıb və əhalinin hər 1000 nəfərinə bu göstərici 12,7 təşkil edib. Doğulanların 53,3 faizi oğlan, 46,7 faizi isə qız uşaqlarıdır.

"Təmiz Dünya" Qadınlara Yardım İctimai Birliyinin sədri Mehriban Zeynalova Sputnik Azərbaycan-a açıqlamasında bildirib ki, Azərbaycanda oğlan uşaqlarının doğulmasına olan maraq son illər qismən azalsa da, bu tendensiya davam edir: “Hələ əvvəlki illərlə müqayisədə ölkəmizdə qız uşaqlarının doğulmasına qarşı diskriminasiya azalıb.

Ümumiyyətlə, Azərbaycanda qız uşağı yük kimi qəbul olunur. Cəmiyyətdə qızların davranışlarına çox ciddi diqqət yetirilir. Onların qoyulan çərçivədən çıxması, azadlığı namussuzluq kimi qəbul olunur.

Bütün bunların nəticəsində cəmiyyətdə qız uşaqlarının doğulmasına qarşı mənfi fikirlər yaranır. Valideynlər hesab edirlər ki, bizim cəmiyyətdə qızın yükünü çəkmək çətindir. Bu da selektiv abortlara gətirib çıxarır. Səhiyyə Nazirliyinin təlimatlarına görə, dölün ana bətnində cinsinin deyilməsi, cinsə görə abort yolverilməzdir. Son illər həkimlər bu qaydaya əməl etməyə başlasalar da, bu məsələyə nəzarət gücləndirilməlidir. Eyni zamanda, doğulan qız uşaqlarının oğlan uşaqlarına nisbətdə azalmasının qarşısını almaq üçün qadınların cəmiyyətdə sosial müdafiəsini gücləndirmək lazımdır. Əks halda, bu əhalinin cins tərkibində disbalans yaradacaq. Oğlanlar evlənməyə qız tapmayacaqlar, qarışıq nikahlar artacaq”.

Statistik rəqəmlərdən də görünür ki, doğulan uşaqlar arasında cins nisbəti illər üzrə dəyişib. Dövlət Statistika Komitəsindən aldığımız məlumata görə, bioloji normaya əsasən, hər 100 doğulan qıza 105-107 oğlan düşməli olduğu halda, 2010-cu ildə hər 100 qıza 118, 2011-2014-cü ildə 116, 2015- 2017-ci illərdə 114 oğlan düşüb. 2018-ci ildə bu nisbət yenidən artaraq 115-ə yüksəlib. 2019-cu ildə isə bu göstərici yenidən azalaraq, 114-ə enib. Ümumiyyətlə, 1990-cı ildən sonra ölkədə yenidoğulan oğlanların sayının daha çox üstünlük təşkil etdiyi illər 2003 və 2009-cu illər olub. Həmin illərdə hər 100 qıza 118 oğlan düşüb.

Səhiyyə Nazirliyinin baş mama-ginekoloqu Sevinc Məmmədova Sputnik Azərbaycan-a açıqlamasında bildirib ki, oğlan uşaqlarının doğulmasına maraq müxtəlif xalqlarda var. Amma dünyanın heç bir yerində selektiv abortlara icazə verilmir: “Ana bətnindəki dölün məhv edilməsinə tibbi göstəriş varsa, qadın məsləhətxanasının nəzdindəki həkim ekspertizası komissiyasından təsdiqləndikdən sonra icra oluna bilər. Amma hamiləliyin pozulmasına sosial göstərişlər də var. Hamiləliyin pozulması bu halda 12 həftəyədəkdir. Burada da bölünmələr var. Bunlar tibbi və sosial göstərişlərdir. Sosial göstərişlərdə hamiləliyin iri müddətində sonlandırılmasına icazə verilir. Əgər hamilə qadının həyat yoldaşı vəfat edibsə, əri cəzaçəkmə müəssisəsindədirsə, kişi yaxud qadının heç biri işləmirsə, ailədə uşaq sayı 5-dən çoxdursa, bu hallarda abort sosial göstəriş sayılır. Bu zaman hamiləlik 12 həftədən sonra da sonlandırıla bilər”.

S.Məmmədova deyir ki, “Reproduktiv Sağlamlıq Haqqında” qanun layihəsində selektiv abortların qarşısının alınması üçün dölün ana bətnində cinsinin təyin edilməsinin qadağan olunması təklif olunub: “Layihədə təklif olunub ki, ultrasəs müayinəsi (USM) zamanı uşaqların cinsi deyilməsin. Qanun təsdiqlənərsə, bu halların qarşısını almaq olar”.

Baş mama-ginekoloq bildirir ki, hamiləliyin 10-11 həftəsinə qədər cinsiyyət üzvlərinin formalaşması gedir. USM vasitəsilə 12 həftədən sonra dölün cinsini təyin etmək mümkündür: “Hamiləliyin erkən mərhələsində qandan və dölün hüceyrəsindən analiz götürməklə cinsi təyin etmək olur. Amma qeyri-invaziv yolla hamiləliyin 12 həftəsində dölün ultrasəs müayinəsi edərək cinsini müəyyən etmək olur. Biz bunu tibbi göstəriş olmadığı halda məhdudlaşdırmalıyıq”.

Milli Məclisin Səhiyyə komitəsinin üzvü deputat Müşfiq Məmmədli Sputnik Azərbaycan-a açıqlamasında bildirib ki, selektiv abortlara qadağa məsələsi Milli Məclisə təqdim olunan “Reproduktiv Sağlamlıq Haqqında” qanun layihəsinin iş planına salınıb. Onun sözlərinə görə, bunun üçün müvafiq təkliflər verilib: “Biz təbii balansı qorumağa çalışmalıyıq ki, sonradan cəmiyyətdə disbalans yaranmasın. Selektiv abort birmənalı olaraq qadağan olunmaldır!”

Milli Məclisin Ailə, qadın və uşaq məsələləri komitəsinin sədri Hicran Hüseynova isə Sputnik Azərbaycan-a açıqlamasında bildirib ki, demoqrafik strukturun gender balansının maksimum nisbəti 100-106 çərçivəsində olmalıdır. Son illər isə əhalinin gender balansı normal səviyyədən (100-107) qeyri-normal səviyyəyə (100-115) qalxıb: “Uşaqların cins nisbətinin pozulması əvvəllər o qədər də hiss olunmayan, lakin hazırda cəmiyyəti düşündürən məsələlər sırasında dayanır. Əgər bu disbalans davam edərsə, demoqrafik prosesə və genefonda mənfi təsir göstərə bilər. Abortlar arasında selektiv abortların sayını göstərən statistika olmasa da, yeni doğulan cinslər arasında olan disbalans göstəricisi böyük ehtimal ilə selektiv abortların payına düşür. Azərbaycanda 2000-2019-cu illərdə abortların sayı da 17 min 500-dən 37 min 300-ə qalxıb. Problemin aradan qaldırılması istiqamətində maarifləndirmə işlərinin geniş şəkildə aparılması və səhiyyə xidmətlərinin inkişaf etdirilməsi vacibdir. Xüsusilə kənd yerlərində qadınlar arasında bu məsələlərlə bağlı maarifləndirmə kampaniyaları aparılır.

45
İş adamı, arxiv şəkli

Sahibkarlara koronavirusla bağlı xəbərdarlıq

8
(Yenilənib 21:38 26.01.2021)
Sahibkarlara koronavirusa görə xəbərdarlıq edən agentlik sıravi vətəndaşları da sayıq olmağa səsləyib. Onlar 1003 çağrı mərkəzinə şikayət edə bilrlər

BAKI, 26 yanvar — Sputnik. Azərbaycan Qida Təhlükəsizliyi Agentliyi (AQTA) ictimai iaşə müəssisələrində koronavirus (COVID-19) infeksiyasına qarşı effektiv mübarizə tədbirlərinin təmin olunması ilə bağlı sahibkarlara müraciət edib. Sputnik Azərbaycan-ın məlumatına görə, müraciətdə bildirilir ki, sahibkarlar xəstəliyin yayılmaması üçün əks-epidemik tədbirlərə ciddi riayət etməli, ictimai iaşə müəssisələrində karantin rejiminin tələblərini daim diqqət mərkəzində saxlamalıdırlar.

İctimai iaşə müəssisələrində virusun yayılmasının qarşısının alınması və təhlükəsizliyin təmin edilməsi məqsədilə Nazirlər Kabineti yanında Operativ Qərargahın qəbul etdiyi qərarlara və müəyyənləşdirdiyi qaydalara mütləq əməl edilməlidir. Belə ki, insanların sıx toplaşdığı mühit infeksiyanın yayılma intensivliyinə birbaşa təsir etdiyindən COVID-19-un profilaktikası məqsədilə hər bir ictimai iaşə müəssisəsində müştəri qəbulu 2 dəfə azaldılmalı, hər adambaşına müəyyən edilən sahə isə 2 qat artırılmalıdır.

Həmçinin qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. İctimai iaşə müəssisələrində mütəmadi dezinfeksiya işləri aparılmalı, hər bir masada dezinfeksiyaedici məhlulların yerləşdirilməsi təmin olunmalıdır. Qida qəbulu zallarında, otaqlarda və açıq məkanlarda sərinkeşlərdən (ventilyatorlardan) istifadə olunmamalı, təmizlik-dezinfeksiya işləri iş saatı ərzində əsasən işlək sahələrdə (giriş-çıxış, kassa və s.), iş saatından sonra isə bütün sahələrdə həyata keçirilməlidir. Müəssisə təmizlik vasitələri, dezinfeksiyaedici maddələr, axar isti və soyuq su təchizatı ilə daimi olaraq təmin edilməlidir. Sanitar məişət otaqlarının (sanitar qovşaq, soyunub geyinmə otağı və s.) işlək və təmiz vəziyyətdə saxlanması əsas şərtlərdəndir.

İşçi heyət hər zaman şəxsi gigiyena qaydalarına ciddi riayət etməlidir. Həmçinin onlar dəyişəkli, təmiz iş geyimi, gün ərzində bir çox insanla təmasda olduqlarından qoruyucu vasitələr və dezinfeksiyaedici məhlulla təmin olunmalıdırlar. Həmçinin kafe və restoranlarda məhsulların, mətbəxdə istifadə olunan əşya və avadanlıqların istifadədən əvvəl təmizliyinə diqqət edilməli, yeməklər hazırlanarkən termiki emala düzgün əməl olunmalıdır.

Agentlik sahibkarları mövcud qaydalara əməl etməyə, koronavirus pandemiyasına qarşı mübarizə tədbirlərinin artırılması istiqamətində səylərini gücləndirməyə çağırır. Vətəndaşlardan ictimai iaşə müəssisələrində qaydalara əməl edilmədiyi halları ilə rastlaşdıqda bu barədə Agentliyin 1003-Çağrı Mərkəzinə zəng edib məlumat vermələri xahiş olunur.

8
Teqlər:
AQTA, xəbərdarlıq, Koronavirus, epidemiya, COVID-19, sahibkar
Aleksey Navalnıy, arxiv şəkli

G7 ölkələrinin Navalnı tələbi

0
G7 ölkələrinin - Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri Aleksey Navalnının dərhal azad edilməsini tələb ediblər

BAKI, 26 yanvar - Sputnik. G7 ölkələri Rusiya hökumətini bloger Aleksey Navalnını həbsdən azad etməyə çağırıb.

Sputnik Azərbaycan bu barədə RİA Novosti-yə istinadən məlumat verir. 

"Biz, Kanada, Fransa, Almaniya, İtaliya, Yaponiya, Böyük Britaniya və ABŞ-ın xarici işlər nazirləri, eləcə də AB-nin yüksək statuslu nümayəndəsi, Aleksey Navalnının saxlanılmasını və siyasi motivli həbsini qətiyyətlə pisləyirik", - nazirlərin bəyanatında deyilir.

"Biz həmçinin minlərlə dinc nümayişçinin və jurnalistlərin saxlanılmasından da narahatıq və Rusiyanı özünün beynəlxalq və daxili öhdəliklərini yerinə yetirməyə, yanvarın 23-də özlərinin sərbəst toplaşma hüququnu reallaşdırmağa cəhd etdiklərinə görə saxlanılanları azad etməyə çağırırıq. Vətəndaşların öz rəylərini ifadə etmək hüuququnu polislər vasitəsilə, güc yoluyla dəf etmək qəbuledilməzdir", - bəyanatda yazılıb.

Nazirlər həmçinin bildiriblər ki, Avropa İnsan Haqları Məhkəməsi Navalnının tutulmasına rəvac verən məhkəmə qərarını da dəstəkləməyib. 

"Rusiya hökumətini qeyri-şərtsiz və dərhal cənab Navalnını azad etməyə çağırırıq... Biz cənab Navalnının, etirazçıların və jurnalistlərin həbsdən azad olunmaları barədə beynəlxalq çağırışlara Rusiyanın necə reaksiya verəcəyini, eləcə də cənab Navalnının zəhərlənməsinə görə cinayət işinin necə araşdırılacağını nəzarətdə saxlayacağıq", - nazirlər bildiriblər. 

Qeyd edək ki, yanvarın 23-də Rusiyanın müxtəlif şəhərlərində razılaşdırılmamış etiraz aksiyaları keçirilib. İnsanları mitinqlərə Navalnının tərəfdarları səsləyiblər. Saxlanılanlara hökumət nümayəndələrinə qarşı zorakılıq, yolların bağlanması, xuliqanlıq və sanitariya qaydalarının pozulmasına görə bir neçə cinayət işi açılıb. 

Aleksey Navalnı isə yanvarın 17-də Şeremetyevo aeroportunda həbs olunub. Həmin gün o, uzun müddət Almaniyada zəhərlənmədən müalicə aldıqdan sonra vətəninə qayıtmışdı.

0
Teqlər:
Rusiya, azadlıq, tələb, nazirlər, G7, Aleksey Navalni