Buzda sürüşən piyadala

Bakıda piyadaların həyatını cəhənnəmə çevirən maniya

9608
(Yenilənib 14:32 06.02.2017)
Bir neçə gün intensiv yağan qar paytaxt və bölgələrdə bir sıra problemlər meydana çıxarıb

BAKI, 6 fev — Sputnik. Ötən həftə bir neçə gün fasiləsiz yağan qar paytaxt və bölgələrdə ciddi fəsadları meydana çıxardı. Mənzillərdə istilik çatışmazlığından tutmuş, küçələrdə nəqliyyatın hərəkətinə qədər müxtəlif sahələrdə problemlər yaşandı. Sputnik Azərbaycan-ın əməkdaşı sosial şəbəkə istifadəçiləri arasında, qar yağmasından dolayı hansı problemlərlə üzləşdiklərinə dair kiçik sorğu keçirib.

Şahidə Tapdıq: "Problemlər kifayət qədər çox oldu. Avtobuslar vaxtından ən azı 20 dəqiqə gecikmə ilə gəlirdi. Taksi xidmətləri qiyməti ən azı 2 dəfə qaldırmışdı. İşə gecikmə halları artdı. Xəsarət almasam da, bir neçə dəfə təhlükəli sürüşmə vəziyyəti ilə üzləşdim".

Kənan Quluzadə: "İşıq, qaz, su təchizatında problem olmadı. İctimai nəqliyyat da normal işləyirdi. Amma səkilər bizi qırdı. Mərmər maniyası piyadaların həyatını cəhənnəmə çevirib".

Bəxtiyar Hacıyev: "Bakıətrafı qəsəbələrin yolları təmizlənmədiyi üçün avtobus tapılmırdı. Qarın yağdığı ilk gün qaz olmadı. Mərmər səkilər yenə bizə badalaq gəldi".

İlhamə Dağlı: "Qarlı havada sputnik antenası tutmurdu. Heç nəyə baxa bilmirdik. Yollar sürüşkən idi, yıxılanlar isə ən çox qadınlar oldu. Qazımız gəlmədi, evimizdə həyat donmuşdu".

Günel Fərhadova: "Buza görə evimdən çətinliklə işə gedə bildim, axşam işdən qayıdanda avtobus tapmaqda ciddi sıxıntı yaşadım. Evdə borular dondu, suyun təzyiqi azaldı, qaz zəiflədi. Yol gedərkən buzda sürüşməmək üçün, kəndirbaz kimi tarazlığı saxlaya-saxlaya yeriyirdim. Radio dalğaları itmişdi, bəzi yerlərdə işıqforlar işləmirdi. Piyadalar üçün yeraltı keçidlər işlək vəziyyətdə deyildi. Eskalatorların bəzisi sıradan çıxmışdı, pilləkan olan yerin isə döşəmə örtüyü çox sürüşkən idi".

Mahir Məmmədli: "Qar yağanda problem görmədim. Problem qardan sonra meydana çıxdı. Qar əriyir, amma böyük marketlərin heç biri cüzi xərc çəkib qapılarının ağzını təmizlətmir. Marketə girmək üçün mütləq ərimiş qar və su qarışığının içindən keçməlisən. Əksər yerlərdə isə səkilər də qardan təmizlənməyib. Nəticədə piyadalar maşın yolu ilə getməli olurlar. Yol kənarından qarın təmizlənməməsi avtomobillərin hərəkət zolağını da məhdudlaşdırıb, üç zolaqlı yolun yalnız biri ilə hərəkət etmək mümkündür".

Gülşən Şərif: "Bu il qışı Gəncədə keçirdim. Bakıdan fərqli olaraq, kommunal xidmətlərdə ciddi problem olmadı, avtobuslar həmişəki qayda ilə işlədi. Bakıda keçirdiyim qış aylarının hamısında yollar axırıma çıxırdı. Avtobusda da, metroda da əsl vəhşilik olur. Kommunal xidmət də sıfır səviyyədə. Yeganə qışdı ki, soyuq havanın yaratdığı stresdən, əsəbdən uzaq yaşadım".

9608
Teqlər:
qış, təmizlik, işıq, su, buz, yol, qar, qaz, Bakı
Əlaqədar
Qar uçqunlarında ölənlərin sayı 100 nəfəri keçdi
Qar təmizləyən qadının faciəsi
Şimal-qərb bölgəsinə yarım metrədək qar yağıb
Bakıda qar kollapsı: şəhər iflic olub
Sabaha olan hava proqnozu: Qar, külək
Sinoptiklərdən xəbərdarlıq: Qar yağacaq, yollar buz bağlayacaq
Sabah paytaxta qar yağacaq
Nazirlikdən xəbərdarlıq: Güclü külək və qar olacaq
Suqovşan

Su ehtiyatlarının qiymətləndirilməsi sahəsində dönüş yaranır

3
(Yenilənib 12:39 30.11.2020)
Ramiz Məmmədov suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyac olduğunu vurğulayıb.

BAKI, 30 noyabr — Sputnik. Azərbaycan Milli Elmlər Akademiyasının akademiki H.Ə.Əliyev adına Coğrafiya İnstitutunun direktoru, akademik Ramiz Məmmədovun ölkənin su təminatı ilə vəziyyətinə aydınlıq gətirən məqaləsi dərc edilib. AMEA-dan Sputnik Azərbaycan-a verilən məlumata görə, Azərbaycanın şirin su ekosistemləri: problemlər və gözləntilər" adlı məqalədə bu ilin yay-payız aylarında Kür çayında yaranmış vəziyyətlə əlaqədar aparılan tədqiqat işlərinin nəticələr yer alıb. Şirin su ilə bağlı problemlərin hələ bir müddət davam edəcəyini proqnozlaşdıran akademik bununla əlaqədar iqtisadiyyatın strateji sahələrinin strukturunda dəyişikliyə ehtiyac olduğunu diqqətə çatdırıb.

Qeyd olunub ki, Türkiyənin təcrübəsindən yararlanaraq, respublikamızın intellektual bazası hesabına "elm-bilik" mərkəzlərinin yaradılması ilə daha az şirin su işlədən emaledici sənayenin, xüsusilə yüksək texnologiyaya əsaslanan sahələrin inkişafını sürətləndirmək olar. Bundan başqa, suvarma sahəsində qabaqcıl, müasir təcrübəyə malik yerli və xarici ölkə fermerlərinə həsr olunmuş müntəzəm televiziya verilişlərinə ehtiyacın olduğu vurğulanıb.

Alim həmçinin bildirib ki, Tərtər çayı üzərindəki Suqovuşan, Araz çayı üzərindəki Xudafərin, Köndələnçaydakı Kaskad su anbarları, bir sıra çaylarımız, vaxtilə qazılmış yüzlərlə subartezian quyuları, İranla müştərək tikilməsi nəzərdə tutulmuş Qız qalası hidroqovşağı su ehtiyatlarının qiymətləndirilməsi və istifadəsi sahəsində bir dönüş yaradacaq.

3
Teqlər:
Kür çayı, təcrübə, Suqovuşan, su
Tibb işçisi Dövlət Gömrük Komitəsinin hospitalında, arxiv şəkli

Bakıda bu rayon koronavirusa yoluxma liderdir

4
(Yenilənib 12:35 30.11.2020)
Sonrakı yerlərdə 12,7 faizlə Xətai, 11,6 faizlə Yasamal, 11,3 faizlə Sabunçu, 8,4 faizlə Suraxanı, 8,3 faizlə Nəsimi, 8 faizlə Nərimanov, 7,3 faizlə Nizami, 6,3 faizlə faizlə Qaradağ, 6,3 faizlə Xəzər, 4,8 faizlə Səbail, 0,3 faizlə Pirallahı rayonları qərarlaşıb.

BAKI, 30 noyabr — Sputnik. Azərbaycanda COVİD-19 virusuna yoluxanların 53,5 faizi Bakıdadır. Sputnik Azərbaycan-ın koronavirusinfo.az saytına istinadən xəbər verir ki, paytaxt daxilində ən çox yoluxma yenə də 14,7 faizlə Binəqədi rayonundadır.

Sonrakı yerlərdə 12,7 faizlə Xətai, 11,6 faizlə Yasamal, 11,3 faizlə Sabunçu, 8,4 faizlə Suraxanı, 8,3 faizlə Nəsimi, 8 faizlə Nərimanov, 7,3 faizlə Nizami, 6,3 faizlə faizlə Qaradağ, 6,3 faizlə Xəzər, 4,8 faizlə Səbail, 0,3 faizlə Pirallahı rayonları qərarlaşıb.

Tibbi Ərazi Bölmələrini İdarəetmə Birliyi (TƏBİB) koronavirus infeksiyasının qlobal pandemiya elan olunduğunu və virusun geniş yayılma tendensiyasının davam etdiyini nəzərə alaraq, bir daha vətəndaşları diqqətli olmağa, Ümumdünya Səhiyyə Təşkilatının tövsiyələrinə riayət etməyə, əhalinin sağlamlığının etibarlı qorunması və təhlükəsizliyinin təmin edilməsi məqsədilə Nazirlər Kabineti yanında Operativ Qərargahın qəbul etdiyi qərarlara və müəyyənləşdirdiyi qaydalara tam əməl etməyə çağırır.

4
Teqlər:
Yasamal rayonu, Binəqədi rayonu, Xətai rayonu, Koronavirus, COVID-19