Qəbələdə qar

Şimal-qərb bölgəsinə yarım metrədək qar yağıb

6834
(Yenilənib 17:59 01.02.2017)
Vəziyyətlə əlaqədar dünən gecə saatlarından etibarən yolların qardan təmizlənməsinə başlanılıb

İlham Əhmədov, Sputnik Azərbaycan

BAKI, 1 fev — Sputnik. Son iki gün ərzində respublikanın şimal-qərb bölgəsinə, o cümlədən Qəbələ rayonuna güclü qar yağıb. Sputnik Azərbaycan-ın bölgə müxbiri xəbər verir ki, Qəbələ şəhərində qarın qalınlığı 25-30 sm, dağlıq kəndlərdə isə 50 sm-dək olub.

Hazırda da qar yağması davam edir. Vəziyyətlə əlaqədar dünən gecə saatlarından etibarən yolların qardan təmizlənməsinə başlanılıb. 11 saylı Yol İstismar İdarəsi tərəfindən küçələrin qardan təmizlənməsi davam edir.

İdarənin rəisi Naməddin Qədirovun sözlərinə görə, balanslarında olan bütün texnika yolların təmizlənməsi işinə təhkim olunub: "Rayonun Laza, Durca, Qəmərvan və digər dağətəyi kəndlərinə gedən yollar qardan təmizlənib və hazırda da proses davam edir. Şəhərdaxili və magistral yollarda hec bir problem yoxdur, yollar qardan təmizlənib və mütəmadi olaraq yollara nəzarət olunur".

Qeyd edək ki, Qəbələ 11 saylı Yol İstismar İdarəsinin balansında 84 km Respublika əhəmiyyətli, 234 km isə yerli əhəmiyyətli yol var.

6834
Teqlər:
təmizlən, Respublika, texnika, Qəbələ, yol, qar
Əlaqədar
Bakıda qar kollapsı: şəhər iflic olub
Sabaha olan hava proqnozu: Qar, külək
Sinoptiklərdən xəbərdarlıq: Qar yağacaq, yollar buz bağlayacaq
Qarlı hava şəraiti davam edəcək, yollar buz bağlayacaq
Qarlı hava şəraiti ilə bağlı sürücülərə xəbərdarlıq edildi
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

21
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

21
Ramil Quliyev

Dünya çempionu da "Qarabağ Azərbaycandır!" dedi

22
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

22