Teatr pərdəsi. Arxiv şəkli

Nümayişi qadağan olunan tamaşa

436
Qəfildən gözüm gözünə sataşdı. O baxışda ikimizin də nə etməli olduğumuz əks olunurdu.

BAKI, 30 yan — Sputnik. Bəzən mövzu axtarırsan. Bəzən də mövzü özü səni axtarıb tapır. Bu dəfə sən ona naz edirsən. Onu gün üzü görüb-görməyəcəyinə dair tərəddüddə saxlayırsan. Əslində, özün də qəti qərarlı deyilsən. Ki, bu mövzunu qələmə almaq olarmı deyə. Məsələn, dünən olduğu kimi…

Jurnalist iş masası arxasında
© Sputnik / Murad Orujov

Axşam saatları idi. Qaş qaralmağa başlamışdı. 20 Yanvar metrostansiyasının ətrafında qaynaşma vardı. İnsanların qışqırığı avtomobillərin siqnallarına qarışmışdı. Hamı harasa tələsirdi, təbii ki, tıxac imkan versəydi.

Metro çıxışının qarşısında gözüm bir qaraltıya sataşdı. Yaxınlaşdım, 35-36 yaşlarında bir kişi yerdə, qarın içində üzü üstə uzanmışdı. Diksindim, başına bir şeymi gəlib dedim. Ürəyi tutar, filan. Əyilib ehmalca arxası üstə çevirdim, çox şükür, salamat idi. Amma necə…

Qardaşın keyfi ala buludda idi. Nəfəsindən və qarın içində pərqu yorğan-döşəkdəymiş kimi xumarlanmasından müəyyən etmək olardı ki, yemək gələnə kimi artıq yarım litr gillədib. Nə o qar-şaxtanı vecinə alırdı, nə də qar, "altımda biri qaldı" deyə yavaşıyırdı.

Nəysə, başa düşdüm ki, qardaş gecəni küçənin ortasında, qarın altında keçirməkdə israrlıdır. Amma təbii ki, onun vecinə olmasa da, bu gedişlə 3 saata donub öləcəkdi. 3 dəfə cəhd edib birtəhər yerdən qaldırdım, hara getmək istədiyini, kim olduğunu soruşdum. Donuq nəzərlə üzümə xeyli baxdı, lakin cavab vermədi.

Buraxıb getmək istədim, geri baxıb yenə yerdə uzanan gördüm. Ayaqlarım yerimədi. Təkrar qayıtdım, yenə kim olduğunu, hara getmək istədiyini soruşdum. Eyni qarşılıq — donuq gözlər və sükut. Nəfəs gedib-gəlirdi, göz həlqələri də açıq idi, nəzərləri üzümə zillənmişdi, amma əmin idim ki, məni görmür. Heç olmasa hara getməli olduğunu desəydi, bir vasitə tapıb ünvana daşıyardım bu canlı meyiti. Çünki, dediyim kimi, adamın donub ölməsi üçün 3 saat kifayət idi.

Narazı insanlar
© REUTERS / Sertac Kayar

Vəziyyətdən çıxa bilməyəcəyimi anlayırdım. Nəsə düşünməliydim. Və ilk ağlıma gələni etdim — ərazidə asayişə nəzarət edən polis serjantını tapıb ondan adama yardım etməsini xahiş etdim. "Gecə donub ölməsin, haradasa qapalı bir yerdə gecəni saxlasanız, yaxşı olar" dedim.

Haqq üçün, polis də dərhal mənimlə birlikdə adamın yanına gəldi. Qardaşı yerdən qaldırıb qolunu öz boynuna keçirdi. Ki, daşısın. Elə bu vaxt adam gözlərini hərləyib yuxarı baxdı. Sanki gecənin qaranlığında hansısa dəmir parıltısından gözləri qamaşdı. Bir neçə dəfə gözlərini qırpıb udqundu. Polisin qolları arasında yüngülcə çırpındı və sol tərəfi üstə (polis əməkdaşına tərəf) qanrılıb zarıdı: "Rəis, balana qurban olum, məni aparma! Vallah bir qələtim yoxdur".

Bəli, adam danışdı… Mənim 1 saat ərzində kəlbətinlə dilindən söz qopara bilmədiyim canlı meyit dilə gəldi.

Deyəsən, davranışımdan və əlimdəki noutbukdan məni "demoqoq"a bənzədən polis əməkdaşı da "Ay vətəndaş, sizə yardım etmək istəyirəm, hələ gəlin gedək" deyərək içkili qardaşı daşımağa çalışırdı. Bayaqdan dilini və ayaqlarını itirən qardaşsa "Rəis, burax, çıxım gedim. Bir qələtdir, eləmişəm, 200 qram zəhər içmişəm" deyə yalvarmağa başladı.

Millət yavaş-yavaş başımıza toplaşırdı. Mən də çıxılmaz duruma düşmüşdüm (polis çağırıb adama yardım etmək istədiyim üçün), polis əməkdaşı da (indi sənin gözlərin önündə necə edim — deyə). Yuxarıdan qar, aşağıdan sazaq. Vəziyyət get-gedə gərginləşirdi.

Birdən gözüm polisin gözünə sataşdı, ayıldım. O baxışda ikimizin də nə etməli olduğumuz əks olunurdu. Tez adamların arasından sivişib ərazidən uzaqlaşdım. Və arxadan eşidilən

- Əəə qodux, uje bezdirdin eee, düş qabağıma görüm!
— Rəis, başına dönüm vurma, gəlirəm

dialoqu o qədər doğma gəldi ki…

436
Teqlər:
donub, adam, mövzu, qar, metro, insan, polis, şaxta
Əlaqədar
Ey əhali, duyduq-duymadıq deməyin!
Bu həqiqət isbat olunmalıydı
Yaşıl əskinasın qürubu
Həyat dərsi
Ora sənin arzularının ölkəsidir
Dərsliklər, arxiv şəkli

Erkən nikahlarla bağlı mövzular dərsliklərə məqsədlə salınıb

6
(Yenilənib 13:33 04.07.2020)
"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir" - Kamran Əsədov

Nigar İsgəndərova, Sputnik Azərbaycan

BAKI, 4 iyul — Sputnik. Növbəti tədris ilindən etibarən erkən nikahlar və qohum nikahlarla bağlı dərsliklərə maarifləndirici material daxil ediləcək. Maraqlıdır, bunun effekti nə dərəcədə olacaq?

Bu barədə Sputnik Azərbaycan-a danışan təhsil üzrə ekspert Kamran Əsədov bunun heç bir faydasının olmayacağını vurğulayıb: "Burada auditoriya düzgün seçilməyib. Çünki erkən nikahları həyata keçirən şagirdlər deyil. Şagirdlər tərəfindən bu dərslərin nə dərəcədə mənimsənilməsi bunun həyata keçməsi demək deyil, yəni, bu erkən nikahdan qorunmaq deyil. Tutaq ki, şagird erkən nikahla bağlı materialı mənimsəyib. Bəs, valideyn? Bu səbəbdən də deyirəm ki, maarifləndiriləcək kütlə düzgün seçilməyib. Valideynin qonşusunda imkanlı biri olandan, atası başlıq pulunu alandan sonra nə olacaq?! Şagird valideynin fikrini dəyişə biləcəkmi".

"Baxın, erkən nikahlar restoranlarda qeydə alınır. Bəs, restoran sahibinin guya bundan xəbəri yoxdur?. Necə olur ki, bu gün maskaya görə cərimələr yazılır, amma erkən nikaha görə, kimsə cinayət məsuliyyətinə cəlb olunmur. Hər il Azərbaycanda 500-dək erkən nikah qeydə alınır, bəs buna görə məsuliyyət hanı, qeydə alınırmı?", - deyə K.Əsədov əlavə edib.

K.Əsədov bildirib ki, erkən nikahlar daha çox imkansız, çox qız uşaqlarının olduğu ailələrdə baş verir.

"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir. Yolda birinin ürəyi getsə, ilkin tibbi yardım göstərə biləcəksiniz? Yol hərəkəti qaydalarını hamı bilirmi? Məktəblər bunu öyrətməlidir. Məktəb insanı həyata hazırlamalıdır",- deyə ekspert əlavə edib.

6
Bakıda alternativ qaz xətləri yaradılır

Bakıda alternativ qaz xətləri yaradılır

1
Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb.

BAKI, 4 iyul — Sputnik. Bakı şəhərində bir sıra ərazilərdə mövcud qaz xətlərinə alternativ xətlərin çəkilməsinə diqqət ayrılıb.

"Azəriqaz" İstehsalat Birliyindən verilən məlumata görə, bu cür üsuldan istifadə etməklə müəyyən ərazilərdə hər hansı texniki problemlər aradan qaldırılarkən qaz təchizatının dayandırılmasını minimuma endirməyə çalışacaq.

Dairəvi sistem kimi çalışacaq bu xətlər qəza hadisələrinin təsirindən yaranan təchizatdakı dayandırmaların əhatə dairəsini azaldacaq. Hazırda Xəzər rayonu ərazisində 219 mm diametrində olan 5800 metr uzunluqda "Aşağı Şağan" qaz xəttinin 2500 metrlik hissəsi əsaslı təmir olunur. 2003-cü ildə istifadəyə verilən bu xətlə qaz alan Buzovna, Şağan, Şüvəlan və Mərdəkan qəsəbələrinin təqribən 19 min abonenti tez-tez təchizatdakı problemlərdən narahatlıqlarını ifadə edirdilər. Bu xəttin böyük bir hissəsi torpaq altında qalıb, dirəklərdən düşmüş vəziyyətdədir.

© Photo : AzeriGas Production Union
Bakıda alternativ qaz xətləri yaradılır

Son 17 il ərzində adları çəkilən qəsəbələrdə aparılan tikinti işləri, yol çəkilişləri zamanı "Aşağı Şağan" qaz xəttinin çox hissəsi torpaq altına düşdüyündən korroziyaya uğrayıb. Onu da qeyd edək ki, haqqında danışılan qaz xətti Sabunçu rayonunda hər hansı səbəbdən qaz verilişində fasilə yaranarsa, alternativ xətt kimi istifadə ediləcək. Belə ki, fasilələr zamanı bu rayonda Bilgəh, Pirşağı və Kürdəxanı qəsəbələrinin təqribən 15 min abonentinin ehtiyaclarını "Aşağı Şağan" qaz xətti ilə ödəmək mümkün olacaq.

1