Manat

Bir ay ərzində banklardan 200 milyon manat əmanət çıxarılıb

983
(Yenilənib 14:28 29.01.2017)
Banklar vətəndaşların öz əmanətlərini geri çəkmələri ilə bağlı problem olmadığını bildirsə də, mütəxəssislər vəziyyəti ürəkaçan hesab etmirlər

BAKI, 28 yan — Sputnik. Ötən günlərdə mətbuatda belə məlumat yayılmışdı ki, milli valyutanın məzənnəsinin sürətlə yenilənməsi ilə əlaqədar, əhalinin banklardakı depozitlərini kütləvi şəkildə geri çəkməyə başlayıb. Qeyd olunurdu ki, bu prosesin kütləvi hal alması səbəbindən bəzi banklar əmanətləri qaytarmaqda çətinlik çəkir və bu da vətəndaşların narazılığına səbəb olur.

Sputnik Azərbaycan-ın əməkdaşı, ölkənin bir neçə böyük banklarından sözügedən məsələyə aydınlıq gətirməyə çalışıb. Azərbaycan Beynəlxalq Bankının (ABB) mətbuat xidmətinin rəhbəri Yadigar Cəfərli bildirib ki, Beynəlxalq Bankın filial və şöbələrində belə bir kütləvi hal müşahidə edilmir: "Beynəlxalq Bank dövlət bankı olduğundan və dövlət onun inkişafına dəstək verdiyindən, bu banka əhalinin inamı çox böyükdür. Ona görə də, əmanətçilər öz vəsaitlərini tərəddüdsüz şəkildə Azərbaycan Beynəlxalq Bankına etibar edə bilirlər".

"Unibank"ın mətbuat xidmətinin rəhbəri Sülhiyyə Şirinova da qeyd edib ki, son günlər müştərilərin öz depozitlərini çıxarmaları ilə bağlı "Unibank"a müraciətlərində artım qeydə alınmayıb: "Əgər kimsə depozitini çıxarmaq istəsə belə, heç bir problem yaşamadan istədiyi vaxt bank filialına yaxınlaşıb depozitini çıxara bilir".

"Kapital Bank"ın mətbuat xidmətinin rəhbəri Pərviz Kamalın sözlərinə görə, onların bankında da belə bir tendensiya yoxdur: "Bizə əmanət qoymaq üçün müraciət edən müştərilərin sayı günü-gündən artır. Çünki, bankımıza qoyulan əmanətləri Əmanətlərin Sığortalanması Fondu sığortalayır. Həm də, müştərilərə etibarlı bank lazımdır. Bu səbəbdən bizə müştəri axını var. O ki qaldı pulun olmamasına, bizim bankda heç bir problem yaşanmır. İstənilən müştəri istədiyi zaman gəlib bizdən əmanətini geri ala bilər. Bankımızın filiallarında heç bir növbə müşahidə olunmayıb".

Bank eksperti Əkrəm Həsənov
© Photo : REPORT
Əkrəm Həsənov

Məsələni Sputnik Azərbaycan-a şərh edən bank və maliyyə məsələləri üzrə ekspert Əkrəm Həsənovun sözlərinə görə isə, əmanətlərin banklardan çıxarılması halları həqiqətən çoxalıb və devalvasiya davam etdikcə daha da çoxalacaq: "Əmanətlərin kütləvi şəkildə banklardan çıxarılmasının iki səbəbi var. Biri odur ki, əhalinin gəliri kəskin azalıb və qiymətlər artıb. Ona görə də əmanətlərini banklardan çıxarırlar. İkinci səbəb isə banklara inamın azalmasıdır".

"Ümumiyyətlə, hər ay bank sistemində əmanət həcmi azalır. İki il ərzində banklardan hər ay ən azı 20-30 milyon manat əmanət çıxarılıb. Hətta elə ay olub ki, 200 milyon manat əmanət banklardan çıxarılıb" — Həsənov bildirib.

Ekspert keçən il ərzində 11 bankın bağlandığını da diqqətə çatdırıb: "O bankların əksəriyyətində sığorta edilmiş əmanətlər qaytarıldı, amma sığorta edilməmiş əmanətlər batdı. Digər tərəfdən, sahibkarlar və şirkətlərin sığorta təminatı olmadığından, onların da əmanətləri geri qaytarılmadı. Ümumiyyətlə, müflis olmuş bankların ləğv edilmə prosesi də çox qeyri-şəffafdır. Heç banklar özləri də bilmir ki, pulları haradadır".

Maliyyəçinin sözlərinə görə, bu faktlar nəinki sahibkarları, hətta adi şəxsləri də vadar edir: "Nəticədə onlar əmanətlərini geri götürürlər. Təbii ki, bankların da buna maddi imkanı yoxdur. Bu məsələnin son bir ayda daha çox kəskinləşməsinin əsas səbəbi odur ki, bir çox banklar əmanətləri vaxtında qaytarmır. Bu dəqiqə bir neçə bank var ki, onlar əmanətləri geri vermir. Hətta xarici vətəndaşlar da əmanətlərini ala bilmirlər və xarici vətəndaşlar artıq məhkəmələrə müraciət edirlər. Qanunvericiliyə görə, əmanətin banka qoyulma müddətindən asılı olmayaraq əmanətçi pulunu geri götürə bilər. Bank maksimum 5 gün ərzində əmanəti geri qaytarmalıdır".

Əkrəm Həsənov qeyd edib ki, əmanətini ala bilməyən vətəndaş bu halda məhkəmədə banka qarşı iddia qaldıra bilər: "Bankdan əmanəti geri almağın digər yolu isə Maliyyə Bazarlarına Nəzarət Palatasına müraciət edib həmin bankın müflisləşdiyini elan etməsini təmin etməkdir. Bu zaman bank müflis elan olunsa, Əmanətlərin Sığortalanması Fondu vətəndaşın pulunu geri qaytara bilər".

Ekspert onu da qeyd edib ki, hələlik belə hallar mövcud deyil və banklarla müştərilər özləri aralarındakı problemləri həll edə bilirlər.

983
Teqlər:
milli valyuta, müştəri, depozit, vətəndaş, əmanət, məzənnə, bank, manat
Əlaqədar
Mərkəzi Bankda qəfil toplantı: manatla bağlı nə qərar veriləcək?
Azərbaycan bankları xilas oldu, amma necə...
Mərkəzi Bankdan manatla bağlı əhaliyə xəbərdarlıq
Mərkəzi Bankdan radikal addım: nağd pul kütləsi nəzarətə götürüldü
Dolların real məzənnəsi bankların ixtiyarına buraxılır
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

31
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

31
Mövzu:
Azərbaycan və Ermənistan arasında müharibə
Bakıda yağışlı hava

Sabaha hava proqnozu açıqlandı

14
Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

BAKI, 21 oktyabr — Sputnik. Sabah Bakıda və Abşeron yarımadasında havanın dəyişkən buludlu olacağı, arabir tutulacağı, günün birinci yarısında bəzi yerlərdə duman olacağı, çiskinli yağış yağacağı gözlənilir. Mülayim cənub küləyi əsəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Bakıda və Abşeron yarımadasında gecə 12-14, gündüz 18-20 dərəcə isti olacaq. Atmosfer təzyiqi normadan yüksək 771 mm civə sütunundan 767 mm civə sütununa enəcək, nisbi rütubət gecə 70-80, gündüz 55-60 faiz təşkil edəcək.

Oktyabrın 22-də Azərbaycanın rayonlarında hava şəraitinin əsasən yağmursuz keçəcəyi, lakin gecə və səhər bəzi yerlərdə duman olacağı, yağış yağacağı gözlənilir. Mülayim şərq küləyi əsəcək. Havanın temperaturu gecə 10-15, gündüz 18-23, dağlarda gecə 3-7, gündüz 14-18 dərəcə isti olacaq.

Tibbi-meteoroloji proqnoza gəldikdə isə, oktyabrın 22-23-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.

14
(1:13 / 9.91Mb / просмотров видео: 54)

İşğalçıların döyüş meydanında atıb-qaçdığı növbəti hərbi texnikalar - VİDEO

26
(Yenilənib 15:04 21.10.2020)
Azərbaycan ordusunun hərbçiləri yenə Ermənistan silahlı qüvvələrinin hərbi texnikasını qənimət olaraq götürüblər.

Müdafiə Nazirliyi Ermənistan silahlı qüvvələrinin döyüş meydanında atıb-qaçdığı, həmçinin bölmələrimiz tərəfindən məhv edilən növbəti hərbi texnikaları nümayış etdirib. 

Sputnik Azərbaycan həmin görüntüləri təqdim edir.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dördçinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Aybasanlı, Cəbrayıl rayonunun Səfərşa, Həsənqaydı, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

26
Mövzu:
Azərbaycan və Ermənistan arasında müharibə