Pəncərə qarşısında fikrə dalmış qız

Psixoloqun intiharı cəmiyyətdə arzuolunmaz tendensiyalara yol açacaq

2143
(Yenilənib 16:07 27.01.2017)
Ekspert: "Bu olay cəmiyyətdə intihar hallarının ən azı 2 dəfə artacağına səbəb olacaq"

BAKI, 27 yan — Sputnik. İki gün öncə mənzilində meyiti tapılan psixoloq Dəyanət Rzayevin intiharı sosial şəbəkələrdə əsas müzakirə mövzusuna çevrilib. Onun ölümü yaxınları, dostları və ümumiyyətlə bütün onu tanıyanlar üçün şok effekti yaradıb. Bir şoxları bu fikirdədir ki, Dəyanət Rzayevin özünə qəsd etməsi cəmiyyət üçün ciddi nəticələrə səbəb olacaq.

Psixoloq Şükran Dədəyev
© Photo : STR
Psixoloq Şükran Dədəyev

Sputnik Azərbaycan-ın əməkdaşı, cəmiyyətdəki intiharlara qarşı hər kəsə maarifləndirici fikirlər söyləyən psixoloqun özünə qəsd etməsinin cəmiyyət üçün hansı nəticələrə səbəb ola biləcəyi ilə bağlı mütəxəssislərin rəyini soruşub. Psixoloq Şükran Dədəyev bildirib ki, psixoloq da insandır və onun da problemləri ola bilər: "Bunu həkimlərin timsalında da göstərə bilərik. Məsələn, ürək həkimləri hər kəsi siqaret çəkməməyə çağırırlar. Amma elə ürək həkimləri də var ki, başqasına məsləhət versələr də, özləri siqaret çəkir və bu səbəbdən də tez biz zamanda dünyalarını dəyişirlər".

"Psixoloqlar özləri də hər kəsə kömək etməyə çalışırlar. Amma onların özlərinin də bəzən mənəvi köməyə ehtiyacları olur. Mənəvi dəstək almadıqda psixoloq özü də pis vəziyyətə düşə bilər. "Psixoloq xəstələnə bilməz, depressiyaya düşə bilməz, intihar edə bilməz" kimi fikirlər düzgün yanaşma deyil. Sadəcə, psixoloqlar özləri cəmiyyəti intihardan uzaqlaşdırdığı üçün, onların intihar etməsi bir qədər qəribə qəbul edilir. Dəyanət Rzayev özü cəmiyyəti intihardan uzaqlaşdırmağa çalışan şəxs olduğundan, onun özünə qəsd etməsi çox pis haldır" — mütəxəssis bildirib.

Psixoloq onu da qeyd edib ki, Dəyanət Rzayevin intiharından sonra, onun yanına gələn xəstələrin, hətta digər zəif iradəyə malik insanların da intihara meyllənməsi baş verə bilər: "Bu da qorxulu haldır. Onlar da bu prosesi təkrarlaya bilərlər. Xüsusilə yeniyetmə və gənclər arasında intihar problemi ilə bağlı xəstələr olubsa, onların həyatı üçün xüsusi təhlükə yaranıb".

Psixoloq Tariyel Faziloğlu da "psixoloq intihar edə bilməz" yanaşmasını doğru hesab etmir: "Onlar şəxsi problemləri səbəbindən belə addım ata bilərlər. Dəyanətin başına gələn hadisədə vəziyyət başqadır. Çünki, Dəyanət öz intiharına hazırlaşıb. İntiharı planlı şəkildə edib. Bir psixoloqun hansısa cəmiyyətdə belə addım atması həmin cəmiyyətdə ciddi nöqsanlar olmasından xəbər verir".

Psixoloq Tariyel Faziloğlu
© Sputnik / Murad Orujov
Psixoloq Tariyel Faziloğlu

"Çünki, cəmiyyətdə baş verənləri ən qabarıq hiss edən psixoloqlardır. Psixoloqlar insanların yaşadıqları sıxıntıları insanlarla birgə hiss edir və yaşayırlar. Və təbii ki, bu amil psixoloqun da psixologiyasında dərin izlər buraxır. Cəmiyyətdə problemlərin böyüməsi, insanlarda psixoz və nevroz hallarının artması, intiharların çoxalması psixoloqlarda da stress və gərginlik yaradır" — Faziloğlu vurğulayıb.

Onun sözlərinə görə, Dəyanət Rzayev emosional insan olub və cəmiyyətdə baş verənləri emosional şəkildə yaşayıb: "Üst-üstə yığılan bu stresslər də Dəyanətin belə addım atmasına səbəb olub. Dəyanət Rzayevin intiharı nəinki onun xəstələri, hətta cəmiyyətin həssas təbəqəsi üçün böyük təhlükə yaradır. Bu olay cəmiyyətdə intihar hallarının ən azı 2 dəfə artacağına səbəb olacaq".

Rəsul Mirhəşimli
© R.Mirhəşimlinin şəxsi arxivindən
Rəsul Mirhəşimli

Tanınmış jurnalist, ilahiyyatçı Rəsul Mirhəşimli isə o fikirdədir ki, bir insanın özünü öldürməsinin səbəbini onun özündən yaxşı heç kim bilmir: "İntihar isə bu səbəbləri ölən insanla birlikdə aparır. İnsanın özünü öldürməsi yaxşı hadisə deyil. Amma yəqin ki, fərdi məsələ olduğu üçün, psixoloji sarsıntıların yaratdığı səbəblər dərindir".

"İntihar edən şəxsin ölümünə üzülən insanlar olduğu kimi, onu qınayan, tənqid edən, hətta lağa qoyanlar da az deyil. İntihar heç bir halda yaxşı hadisə olmasa da, dinimizin bizə öyrətdiyi bir hikmət var: "Ölənin arxasınca ya yaxşı danışın, ya da heç danışmayın". Çünki bundan sonra olacaqlar dünyasını dəyişənlə Allah arasındadır. Kiminsə buna qarışması təqdir olunan məsələ deyil" — deyə Rəsul Mirhəşimli əlavə edir.

İlahiyyatçı dinin intihara münasibəti barədə danışarkən bildirib ki, bu barədə buyurulan açıq-aşkar ortadadır: "Ey iman gətirənlər!…özünüzü öldürməyin!" ("Nisa" surəsi, ayə 29).

R. Mirhəşimli onu da qeyd edib ki, təkcə İslam dininin deyil, bütün səmavi dinlərin intihara münasibəti mənfidir: "Qədim xristian ənənələrinə görə, intihar edəni dini qaydada, hətta ümumi qəbirstanlıqda dəfn etməzdilər. Can Allahın insana verdiyi əmanətdir. Sahibindən aldığımız əmanəti Özünə yalnız Onun əmri ilə qaytarmalıyıq. Cana qıymaq Allahın bizə verdiyi əmanətə xəyanətdir. Bu dünyadan bezib canına qıyan şəxs, dinimizə görə, özünü axirət əzabına da düçar etmiş olur".

İlahiyyatçı sonda onu da vurğulayıb ki, istənilən insanın intihar etməsinin mütləq dərin sarsıntılara yol açan və canına qıymağa məcbur edən bir səbəbi var: "Dinimizin hikməti öz yerində. Özünü öldürən şəxsə görə təəssüf hissi keçirmək də anlaşılandır. Amma bu insanı ittiham etmək düzgün deyil. Belə görünür ki, bu cəmiyyətdə ən asan iş başqalarını suçlamaq, ondan da asanı özünü öldürəni ittiham etməkdir".

2143
Teqlər:
psixoloji, Şükran Dədəyev, Tariyel Faziloğlu, ilahiyyatçı, Rəsul Mirhəşimli, depressiya, Dəyanət Rzayev, intihar, psixoloq, insan, Azərbaycan, cəmiyyət
Əlaqədar
İntihar edən psixoloqun son məktubunda gözyaşardıcı qeyd
Keçmiş polis rəisi intihar etdi
Yaşlı qadın özünü asaraq intihar edib
Yeniyetmə yaşında intiharların vacib bir səbəbi var
İntihar edən azərbaycanlı məşhurlar
Vitse-spikerin qızı intihar etdi
Bakı kəndində zəncirvari intihar dalğası və açılmamış sirlər...
Azərbaycan Respublikasının Prezidenti İlham Əliyev

Hərbçilər barədə gözlənilən sərəncam imzalandı - Qəhrəmanlar evlərinə dönürlər

6
(Yenilənib 15:17 01.12.2020)
Azərbaycan Respublikası Prezidentinin 2020-ci il 28 sentyabr tarixli 2280 nömrəli Sərəncamına əsasən hərbi xidmətə çağırılmış bəzi kateqoriyadan olan hərbi qulluqçular 2020-ci il dekabrın 2-dən səfərbərlik üzrə hərbi xidmətdən tərxis ediləcəklər.

BAKI, 1 dekabr - Sputnik. Prezident İlham Əliyev bir qrup hərbi qulluqçunun səfərbərlik üzrə hərbi xidmətdən tərxis edilməsi haqqında sərəncam imzalayıb.

Sputnik Azərbaycan xəbər verir ki, sərəncama əsasən, Azərbaycan Respublikası Prezidentinin 2020-ci il 28 sentyabr tarixli 2280 nömrəli Sərəncamına əsasən hərbi xidmətə çağırılmış aşağıdakı kateqoriyadan olan hərbi qulluqçular 2020-ci il dekabrın 2-dən səfərbərlik üzrə hərbi xidmətdən tərxis edilirlər:

1.1. üç və ya daha çox uşağı olan;

1.2. himayəsində I dərəcə əlilliyi müəyyən edilmiş şəxs olan;

1.3. himayəsində yetkinlik yaşına çatmayan bacısı və ya qardaşı olan;

1.4. ailənin tək övladı olan;

1.5. ataları və ya qardaşları döyüş əməliyyatları, habelə hərbi xidmət üzrə vəzifələrin icrası zamanı həlak olmuş və ya vəfat etmiş;

1.6. döyüş əməliyyatları zamanı yaralanmış, habelə hərbi-həkim komissiyaları tərəfindən dinc dövrdə hərbi xidmətə yararsız, müharibə dövründə məhdud yararlı sayılan;

1.7. yaxın qohumları Ermənistan Respublikasının hərbi təxribatları və Azərbaycan Respublikasının ərazilərini atəşə tutması nəticəsində həlak olmuş;

1.8. mülkiyyət və təşkilati-hüquqi formasından asılı olmayaraq dövlət qeydiyyatına alınmış, fəaliyyətinə xüsusi razılıq (lisenziya) verilmiş və akkreditasiya olunmuş təhsil müəssisələrində, eləcə də onların filiallarında, Azərbaycan Milli Elmlər Akademiyasında və Azərbaycan Respublikası Nazirlər Kabinetinin 2010-cu il 14 dekabr tarixli 235 nömrəli Qərarı ilə təsdiq edilmiş “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların Siyahısı”nda nəzərdə tutulmuş digər elmi təşkilatlarda əyani təhsilalma formasında bakalavriatda, magistraturada, doktoranturada (adyunkturada), əsas (baza ali) tibb təhsili və rezidenturada təhsil alan.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etməlidir.

Sərəncam imzalandığı gündən qüvvəyə minir.

6
Teqlər:
Prezident İlham Əliyev, səfərbərlik, hərbi qulluqçular, sərəncam
Koronavirus testi, arxiv şəkli

Azərbaycanda COVID-19-dan daha 41 nəfər vəfat edib

4
(Yenilənib 15:06 01.12.2020)
Son sutka ərzində yeni yoluxma hallarının müəyyənləşdirilməsi ilə əlaqədar 17 621, ötən müddət ərzində isə ümumilikdə 1 746 198 test aparılıb.

BAKI, 1 dekabr — Sputnik. Azərbaycan Respublikasında koronavirus (COVID-19) infeksiyasına 4426 yeni yoluxma faktı qeydə alınıb, 1995 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 41 nəfər vəfat edib.

İndiyədək ölkədə ümumilikdə 125 602 nəfərin koronavirus infeksiyasına yoluxması faktı müəyyən edilib, onlardan 76 897 nəfər müalicə olunaraq sağalıb, 1 433 nəfər vəfat edib, aktiv xəstə sayı 47 272 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17 621, ötən müddət ərzində isə ümumilikdə 1 746 198 test aparılıb.

4
Teqlər:
Koronavirus, COVID-19, yoluxma, Vəfat