Bank əməliyyatları

Azərbaycan bankları xilas oldu, amma necə...

1933
(Yenilənib 16:25 25.01.2017)
Bank sektorunu sadələşdirilmiş vergi ödəyicilərinin hesabına xilas etmək qərara alındı

BAKI, 25 yan — Sputnik. "Nağdsız hesablaşmalar haqqında" Azərbaycan Respublikası Qanununun qüvvəyə minməsi sadələşdirilmiş vergi ödəyicilərinin həyatını çətinləşdirəcək. Söhbət əlavə xərclərin meydana çıxmasından gedir.

"Nağdsız hesablaşmalar haqqında" qanunun məqsədi Azərbaycan Respublikası ərazisində mülki dövriyyənin iştirakçıları arasında aparılan əməliyyatların və hesablaşmaların şəffaflığını, istehlakçıların hüquqlarının müdafiəsini təmin etmək, nağd pul hesablaşmalarının nağdsız hesablaşmalarla əvəzlənməsini stimullaşdırmaq, bank sisteminin inkişafını sürətləndirməkdir.

Nağdsız hesablaşmalarla bağlı yeni qanunun qəbulu öz maliyyə vəziyyətini yaxşılaşdırmağa çalışan ölkə banklarına maddi dəstəyin verilməsilə əlaqədardır. Hazırda ölkədə nağdsız hesablaşmaların həcminin nə qədər artacağını qabaqcadan demək çətindir, amma bundan mənfəət əldə edəcək bankları indidən proqnozlaşdırmaq mümkündür.

Ən azından ticarət sektorunun bank sisteminin köməyi ilə ödədiyi məbləğ bir neçə dəfə artmalıdır. Ötən il bəzi iri supermaketlərin nümayəndələri ticarət obyektinin rentabelliyini artırmaq üçün əlavə dəyər vergisinin ləğv olunmasının vacibliyini dilə gətirdilər.

Ticarətlə məşğul olan sahibkarlar üçün bu cəhdlər tamamilə uğursuzluqla nəticələnib. Üç supermarket şəbəkəsindəki ticarət obyektlərində aparılan vergi yoxlamalarının nəticələrinə görə, ticarət dövriyyəsinin gizlədilməsi faktı 15,4, 19,3 və 35,9 dəfə olub.

Təəccüblü deyil ki, nağdsız hesablaşmalarla bağlı qəbul edilmiş sözügedən qanunda əsas diqqət ticarət obyektlərinə yönəldilib. İllik dövriyyəsi 200 min manatdan çox olan ticarət obyektləri ayda 30 min manatadək nağd hesablaşma həyata keçirə biləcəklər, digərləri üçün bu rəqəm 15 min manatdır.

Yeri gəlmişkən, siqaret çəkənlər bu qanunun "gözəlliyi"ni ilk olaraq öz üzərilərində hiss etdilər — növündən asılı olaraq siqaretlərin qiyməti 20-60 qəpik artdı. Topdansatış mərkəzləri bunun səbəbini gizlətmədi. Bildirdilər ki, bu qiymət artımının səbəbi nağdsız hesablaşmalarla bağlı qanundur. Çünki bu qanunda nəzərdə tutulanların tətbiqi nəticəsində gəlirlərin hamısını göstərmək lazım gələcək və deməli, vergi öhdəlikləri də artacaq.

Sadələşdirilmiş vergi ödəyicilərini də əlavə xərclər gözləyir. Müvafiq olaraq, qonorar, maaş və sairin ödənilməsinin nağdsız həyata keçirilməsi tələbi ilə bağlı bankirlərin gəlirləri və dövlət büdcəsinə köçürmələr artacaq. Qeyd edək ki, 740 mindən artıq vergi ödəyicisi bank hesablarından vəsait çıxarmağa görə 1% həcmində sadələşdirilmiş vergi ödəyəcək. Bura nağdlaşdırmaya görə banka ödənilən komissiyanı da əlavə etmək lazımdır.

Yeri gəlmişkən, Dövlət Statistika Komitəsinin məlumatına görə, ölkədə orta aylıq əmək haqqı 2016-cı ilin yanvar-noyabr aylarında 494,3 manat təşkil edib. Sözsüz ki, banklar heç də pis dividend əldə etməyəcək, çünki vergi ödəyiciləri aprelin 1-dən yeni sistemə keçəcəklər.

Kimsə etiraz edə bilər ki, nağdsız hesablaşmaların tətbiqi ölkədə sivil bazar münasibətlərinin yaranmasına aparır. Lakin biznesin idarə olunması və gəlir əldə edilməsinin manatın devalvasiyası ilə bağlı çətinləşdiyi ağır dönəmdə əhali qəbz kitabçası, ödəniş bank kartı və s.-in alınması üçün vəsait xərcləməli olacaq.

Növbəti dəfə Azərbaycan hökuməti islahatların keçirilməsini vətəndaşların çiyninə atır. Vətəndaşların hesabına ölkədəki 32 bankı xilas etmək, büdcə gəlirlərini artırmaq qərarı verilib. Hələ yeni qaydalara keçid və yeni sənədlərin doldurulması ilə bağlı sahibkarların vaxt itirməsinin onların həyatını daha da ağırlaşdıracağını demirik. Ayrıca, hökumət bir çox biznesmenin sovet dövründə böyüdüyünü və nağdsız hesablaşmalara keçidlə bağlı yenilikləri çətin qavradığını yada salsa, pis olmaz.

Ölkədə nağdsız hesablaşmalara keçid yeni qanun və qərarların ortaya çıxması ilə deyil, bir çox sahibkarların maliyyə savadsızlığının aradan qaldırılması ilə həyata keçirilməlidir. Sadələşdirilmiş vergini ödəyənlər istehlakçılardır və nağdsız hesblaşmalara keçidin, o cümlədən bankların ödəmə kartları ilə ödəniş həyata keçirməyin əvəzində güzəşt əldə edə bilərdilər.

Məsələn, həmin ticarət mərkəzlərində alver edərkən onlar üçün ƏDV aşağı salına bilər. Gələcək yüksək gəlirləri nəzərə alaraq banklar da öz rüsumlarına yenidən baxsa, pis olmaz…

1933
Teqlər:
nağdsız hesablaşma, ödəmə, faiz, əhali, vergi, bank, hökumət
Əlaqədar
Mərkəzi Bankdan manatla bağlı əhaliyə xəbərdarlıq
Banklarla əhali arasında yeni problem meydana çıxıb
Bakıda bankomatdan 40 min manat oğurlandı
Mərkəzi Bankdan radikal addım: nağd pul kütləsi nəzarətə götürüldü
Mərkəzi Bankın valyuta ehtiyatları azalıb
Dolların real məzənnəsi bankların ixtiyarına buraxılır
Bu bankın rəhbəri dəyişdi
İmtahan, arxiv şəkli

Nazirlikdən imtahanlarla bağlı açıqlama

9
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

9
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

27
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

27
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0