20 Yanvar - Şəhidlik zirvəsi mövzusunda konfrans keçirilib

"20 Yanvar - Şəhidlik zirvəsi" mövzusunda konfrans keçirilib

50
(Yenilənib 17:22 19.01.2017)
Qafqaz Müsəlmanları İdarəsinin sədr müavini: "Şəhidlər üçün məzarlar qazılanda biz onları yumadan, öz geyimləri ilə dəfn etmək istəyirdik"

BAKI, 19 yan – Sputnik. Bu gün Dini Qurumlarla İş üzrə Dövlət Komitəsinin təşkilatçılığı ilə “20 Yanvar — Şəhidlik zirvəsi” mövzusunda konfrans keçirilib. 

Sputnik Azərbaycan məlumat verir ki, konfransda Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayev, Dini Qurumlarla İş üzrə Dövlət Komitəsinin sədri Mübariz Qurbanlı, Qafqaz Müsəlmanları İdarəsinin sədr müavini Fuad Nurullayev, ölkəmizdəki dini konfessiya rəhbərləri, Yeni Azərbaycan Partiyası Gənclər Birliyinin üzvləri, eləcə də dini təhsil müəssisələrinin müəllim və tələbələri iştirak ediblər.

Tədbir Azərbaycan himninin səslənməsi ilə başlayıb. Daha sonra 20 Yanvar şəhidlərinin ruhu 1 dəqiqəlik sükutla anılıb. 

Konfransda çıxış edən Dövlət müşaviri Kamal Abdulla 20 Yanvar hadisələrinin Azərbaycan xalqının taleyində oynadığı roldan danışıb: “20 Yanvarda Azərbaycanın istiqlaliyyəti uğrunda müxtəlif millətlərin nümayəndələri şəhid oldu. Bu da Azərbaycan xalqının mübarizəsini əks etdirir. Ulu öndər Heydər Əliyev 20 Yanvar hadisəsindən sonra Azərbaycanın Moskvadakı daimi nümayəndəliyinin binasında bu qanlı hadisəni qətliam adlandırdı. Bu da böyük tarixi bir addım idi”. 

Daha sonra söz Dini Qurumlarla İş üzrə Dövlət Komitəsinin sədri Mübariz Qurbanlıya verilib. O bildirib ki, 20 Yanvar xalqımızın yaddaşına qəhrəmanlıq salnaməsi kimi həkk olunub: “Bu qətliama əsl qiyməti Ulu Öndər Heydər Əliyev verdi. Hadisəni ört-basdır etmək istəyən imperiya rəhbərliyinin Azərbaycan əleyhinə xəyanətkar siyasətinə qarşı çıxaraq, ölkəmizin haqq səsini müdafiə etdi. 20 Yanvardan sonra Azərbaycan xalqının ictimai şüurunda da böyük dəyişiklik baş verdi. Xalqımız milli-azadlıq hərəkatına başladı. 20 Yanvar şəhidlərinin qanı hədər getmədi. Onlar Azərbaycan xalqı üçün qanlarından, canlarından keçdilər”. 

  • Dini Qurumlarla İş üzrə Dövlət Komitəsinin sədri Mübariz Qurbanlı
    Dini Qurumlarla İş üzrə Dövlət Komitəsinin sədri Mübariz Qurbanlı
    © Sputnik / Irade JELIL
  • 20 Yanvar - Şəhidlik zirvəsi mövzusunda konfrans keçirilib
    "20 Yanvar - Şəhidlik zirvəsi" mövzusunda konfrans keçirilib
    © Sputnik / Irade JELIL
  • Qafqaz Müsəlmanları İdarəsinin sədr müavini Fuad Nurullayev
    Qafqaz Müsəlmanları İdarəsinin sədr müavini Fuad Nurullayev
    © Sputnik / Irade JELIL
  • 20 Yanvar - Şəhidlik zirvəsi mövzusunda konfrans keçirilib
    "20 Yanvar - Şəhidlik zirvəsi" mövzusunda konfrans keçirilib
    © Sputnik / Irade JELIL
  • 20 Yanvar - Şəhidlik zirvəsi mövzusunda konfrans keçirilib
    "20 Yanvar - Şəhidlik zirvəsi" mövzusunda konfrans keçirilib
    © Sputnik / Irade JELIL
  • Dövlət müşaviri Kamal Abdulla
    Dövlət müşaviri Kamal Abdulla
    © Sputnik / Irade JELIL
  • 20 Yanvar - Şəhidlik zirvəsi mövzusunda konfrans keçirilib
    "20 Yanvar - Şəhidlik zirvəsi" mövzusunda konfrans keçirilib
    © Sputnik / Irade JELIL
1 / 7
© Sputnik / Irade JELIL
Dini Qurumlarla İş üzrə Dövlət Komitəsinin sədri Mübariz Qurbanlı

Bakı şəhəri Dağ yəhudiləri dini icmasının sədri Milix Yevdayev çıxışı zamanı dünyada Günəşə və ölümün gözünə dik baxmağın mümkün olmadığını qeyd edib: “Şəhid olmaq yenidən dünyaya gəlmək, yenidən yaşamaqdır. Qəhrəmanlar ölümün gözünə baxaraq hər gün yenidən dünyaya gəlirlər. Mən düşünürəm ki, müstəqil Azərbaycan mövcud olduğu qədər, şəhidlərimiz də yaşayacaq”. 

Daha sonra Roma Katolik Kilsəsinin ordinarisi Vladimir Fekete, Rus Pravoslav Kilsəsinin Bakı və Azərbaycan Yeparxiyasının nümayəndəsi keşiş Konstantin çıxış edərək 20 Yanvar hadisələrinin müstəqil Azərbaycanın tarixində oynadığı roldan danışıblar.  

Şəhid Fəxrəddin Qurbanlı
© Photo : Qurbanovlar ailəsinin arxivi

Konfransın sonunda Qafqaz Müsəlmanları İdarəsinin sədr müavini Fuad Nurullayev çıxış edərək 20 Yanvarda yaşanılan hadisələri bir daha xatırladıb: “O zaman şəhidlər üçün məzarlar qazılanda biz onları yumadan, öz geyimləri ilə dəfn etmək istəyirdik. Çünki Şəhidlər öz geyimləri ilə dəfn edilməlidir. Amma həmin dövrdə buna xalq icazə vermədi. İlham dəfn ediləndən 3 gün sonra həyat yoldaşı Fərizə də intihar etdi. Biz onu İlhamın qəbrini ikiyə bölərək yanında dəfn etdik. Çox ağır günlər yaşadıq. Bu hadisələrin şahidi kimi deyə bilərəm ki, şəhidlik ən uca zirvədir. Onlar Azərbaycanın azadlığı üçün qanlarından, canlarından keçdilər. Onlar ölmədilər, Haqqa ucaldılar”.

Konfransın sonunda şəhidlərin ruhuna dua oxunub.

50

Manas Ata Dədə Qorqudun ruhu sizə kömək olsun - Qırğız ziyalılar İlham Əliyevə dua etdi

13
(Yenilənib 01:31 27.10.2020)
Qırğız ziyalılardan İlham Əliyevə dəstək: "Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır".

BAKI, 27 oktyabr — Sputnik. "Biz, Aytmatov Əskər Çingizoviç, Osmanaliyev Kayrat Mederbekoviç, əsas vəzifəsi qırğız və türk yazıçısı Çingiz Aytmatovun yaradıcılıq və mənəvi irsinin qorunub saxlanılması və təbliği, onun humanist ideallarının təşviqi olan “Ç.Aytmatov adına Beynəlxalq İssık-Kul Forumu” İctimai Birliyinin üzvləriyik".

Sputnik Azərbaycan-ın məlumatına görə, "Çingiz Aytmatov adına Beynəlxalq İssık-Kul Forumu" İctimai Birliyinin üzvlərinin Azərbaycan Prezidenti İlham Əliyevə ünvanladığı məktub bu sətirlə başlayır.

Məktubda daha sonra deyilir:

"Biz qürur duyuruq ki, Çingiz Aytmatovun kitabları qardaş Azərbaycanda çox oxunur və sevilir, Azərbaycan xalqı onu öz yazıçısı kimi qəbul edir.

Biz ölkənizin inkişaf edən bir dövlət qurmaq istiqamətində qazandığı uğurlara, dünya miqyasında malik olduğu nüfuza sevinirik.

Bununla yanaşı, hər zaman azərbaycanlı qardaşlarımızın uzun müddətdir sağalmayan yarası - işğal olunmuş Dağlıq Qarabağ problemi ilə bağlı ağrı-acısını bölüşmüşük.

Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır. Qızıl qartal havada qürurla yeni üfüqlərə doğru uçur, lakin yaralı qanad ona daha yüksəklərə qalxmağa və uçmağa imkan vermir.

İndi Qarabağda müharibə gedir və bütün dünya hərbi əməliyyatların gedişini narahatlıqla izləyir.

Azərbaycan Ordusu yüksək döyüş ruhu, döyüş qabiliyyəti və qalib gəlmək əzmi nümayiş etdirir.

Böyük Lev Tolstoyun və Çingiz Aytmatovun ardınca müharibənin insan zəkasına və mahiyyətinə zidd fenomen olduğuna əminik. Ancaq bəzən xalq belə bir addım atmağa məcbur olur. Vətəninə, torpağına məhəbbət - bu müqəddəs hiss hər bir xalqa instinktiv səviyyədə xasdır.

Azərbaycanlılar üçün Qarabağ onları birləşdirən milli meqafikrə, müstəqil dövlət olaraq yetkinlik və məsuliyyət imtahanına, ölkəsinin suverenliyini və ərazi bütövlüyünü qorumaq əzminə çevrildi.

Uca Allahdan döyüş əməliyyatlarının ən qısa müddətdə bitməsini, danışıqlar prosesinin bərpa edilməsini və Qarabağın Azərbaycanın ayrılmaz hissəsi olduğu dərk edilərək problemin sülh yolu ilə həll olunmasını diləyirik.

Hər hansı müharibə, xüsusilə mülki əhaliyə qarşı bəşəriyyətin əsrlər boyu yaşadığı acı təcrübə əsasında aparılan müharibə qaydalara məhəl qoyulmadığı zaman qəddarlıq və insanlıqdan kənar nəticələrə gətirib çıxarır.

Müharibə cinayətlərinin bilərəkdən və soyuqqanlılıqla törədilməsi, Ermənistan ordusunun cəbhə xəttindən çox uzaqda yerləşən sülhsevər Azərbaycan şəhərlərini qəsdən bombalaması faciəvidir və dərindən pislənilməlidir. Uşaqlar da daxil olmaqla mülki şəxslərin qurban olması çox təəssüf doğurur.

Cənab Prezident, Sizə və bu hücumlar nəticəsində həlak olanların yaxınlarına dərin hüznlə başsağlığı veririk. Yerləri cənnət olsun. Bütün yaralıların tezliklə sağalmalarını arzu edirik.

Əminik ki, bu cür çirkin hərəkətlər Azərbaycan Ordusunun döyüş ruhunu qıra bilməyəcək, Azərbaycan xalqını qorxutmayacaq, müharibənin gedişini öz xeyrinə dəyişə bilməyəcək, əgər bu qeyri-insani hərəkətlərin məqsədi belə idisə.

Cənab Prezident, Siz dahi atanız və bütün Azərbaycan xalqının atası - Heydər Əliyevin işlərinin layiqli davamçısısınız.

İndi Azərbaycan xalqının qarşınıza qoyduğu tarixi vəzifənin - ölkənin ərazi bütövlüyünün bərpası üçün həlledici andır. Əminik ki, müdrik və uzaqgörən lider olaraq, bu missiyanı qardaş Azərbaycan xalqı naminə, bölgədə və dünyada sülhün və sabitliyin qorunması naminə, beynəlxalq hüquq və sivil vasitələr çərçivəsində danışıqlar yolu ilə layiqincə yerinə yetirməkdə uğur qazanacaqsınız. Ulu əcdadlarımız Manas Ata və Dədə Qorqudun ruhu bu nəcib işdə sizə kömək olsun".

13
Türkiyənin Hatay vilayətində İsgenderun rayon mərkəzində terror aktı

Türkiyədə terror aktı törədilib - partlayış anının dəhşət saçan görüntüləri

55
(Yenilənib 23:45 26.10.2020)
Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

BAKI, 26 oktyabr — Sputnik. Türkiyənin Hatay vilayətinin İsgəndərun rayonunun mərkəzində yerləşən Fənər prospektində güclü partlayış baş verib.

Sputnik Türkiyə xəbər verir ki, bu barədə Hatay valisi Rahmi Doğan məlumat yayıb.

Vali deyib ki, İsgəndərunun mərkəzində Fənər küçəsində yerli vaxtla 20.30-da iki terrorçudan biri öz üzərinə bağladığı partlayıcı ilə birgə partlayış törədib və o, zərərsizləşdirilib. Digər terrorçunun isə axtarışı davam edir.

Hadisə yerinə çox sayda təhlükəsizlik, səhiyyə, fövqəladə hallar və hüquq-mühafizə işçiləri cəlb edilib.

Vali partlayışda ölənlərin olmadığını deyib. Hadisə zamanı biri polis olmaqla 3 nəfərin yaralandığı bildirilir.

55