Qaz sobası

Onlar evimizi həm yoxlaya bilərlər, həm yox

16499
(Yenilənib 16:31 18.01.2017)
"Azəriqaz" əməkdaşlarının mənzillərə baxış keçirmələri vətəndaşları çaş-baş salıb

BAKI, 18 yan — Sputnik. Nazirlər Kabinetinin "Qazdan istifadə Qaydaları"nda dəyişikliklər edilməsi barədə müvafiq qərarından sonra, mənzillərdə qazla bağlı təhlükəsizliyə nəzarət Fövqəladə Hallar Nazirliyi (FHN) və Energetika Nazirliyinə (EN) verilib. Yəni, mənzillərə texniki baxışın keçirilməsi "Azəriqaz" tərəfindən deyil, qeyd edilən nazirliklər tərəfindən aparılır. Bura qaz avadanlıqları, tüstü bacaları və s. nəzarət daxildir.

Lakin buna baxmayaraq, son zamanlar "Azəriqaz" əməkdaşları yenidən mənzillərə gələrək, texniki baxış keçirməli olduqlarını bildirirlər. Bu barədə Sputnik Azərbaycan-a daxil olan oxucu müraciətlərindən məlum olur.

Məsələ ilə bağlı müraciət etdiyimiz "Azəriqaz" İstehsalat Birliyinin (İB) mətbuat xidmətinin rəhbəri İbrahim Kərbəlayevin sözlərinə görə, "Azəriqaz" əmədaşlarının evlərə baxış keçirmək səlahiyyətləri var: "Əgər qaz sayğacları evlərin balkonundadırsa, "Azəriqaz" nümayəndəsinin evə keçib, sayğaca baxmaq hüququ var".

"Bununla yanaşı, idarənin nümayəndələri qaz sayğaclarına baxıb, sərfiyyatı qeyd etməklə yanaşı, evə daxil olub, qeyri-qanuni yollarla qazdan istifadə edilib-edilməməsini də yoxlaya bilərlər. Bunun üçün onların vəsiqə təqdim etmələri bəs edir" — Kərbəlayev bildirib.

O, təsdiq edib ki, ötən ilin may ayında Nazirlər Kabinetinin müvafiq qərarı ilə "Azəriqaz" nümayəndələrinin mənzillərə texniki baxış keçirmək hüququ alınaraq, Fövqaladə Hallar Nazirliyinə və Energetika Nazirliyinin Dövlət Qaz Nəzarəti İdarəsinə (DQNİ) həvalə edilib: "Yəni evlərdə kustar üsulla hazırlanmış cihazlardan, sertifikatı olmayan cihazlardan istifadəyə, tüstü bacalarına, hamam otaqlarının qaz sisteminə nəzarət FHN və Qaz Nəzarəti İdarəsinin səlahiyyətinə verilib. Amma yenə də dediyim kimi, "Azəriqaz" əməkdaşları mənzillərdə qeyri-qanuni yollarla qazdan istifadə edilib-edilməməsini yoxlamaq səlahiyyətinə malikdirlər".

Dünən iki idi, bugün üçdülər...
© Karikatura
Dünən iki idi, bugün üçdülər...

DQNİ-nin hüquqşünası Samit Əliyev isə Sputnik Azərbaycan əməkdaşı ilə söhbətində, "Azəriqaz" İB əməkdaşlarının mənzillərdə texniki baxış aparmaq səlahiyyətlərinin əllərindən alındığını deyib. Bununla belə qeyd edib ki, "Azəriqaz" nümayəndələri mənzillərə ümumi baxış keçirə bilərlər.

"Bu, abonentlərlə İstehsalat Birliyi arasında bağlanan müqavilədə göstərilir. "Azəriqaz" İstehsalat Birliyininin əməkdaşlarının hüquqları var ki, qazdan istifadə qaydaları ilə bağlı evlərə baxış keçirsin. Onların texniki baxış keçirmə səlahiyyəti yoxdur, lakin ümumi baxış keçirmək səlahiyyətləri var" — Əliyev bildirib.

Göründüyü kimi, vətəndaşlar mənzilə verilən təbii qazdan istifadə etdiyi üçün, 3 fərqli qurumun əməkdaşlarının üzünə qapı açmalı, onların mənzilə baxış keçirmələri üçün şərait yaratmalıdır. Nə qədər anormal görünsə də, bu, belədir…

16499
Teqlər:
Energetika Nazirliyi, texniki, baxış, əməkdaş, nümayəndə, Nazirlər kabineti, "Azəriqaz", FHN, qaz
Əlaqədar
Səngəçalda qaz kəmərində yanğın söndürülüb
Qaz kəmərində baş vermiş qəzanın ilkin səbəbləri açıqlandı
Azərbaycanda qaz xəttində partlayış baş verib
İşıq və qazın qiyməti yenidən dəyişdi
Bu qəsəbədə qaz böhranı yaşanır və "Azəriqaz" xəbərsizdir...
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

4
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

4
Teqlər:
psixoloji yardım, sosial, reabilitasiya, əziyyət, müharibə, uşaqlar
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

26
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

26
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla