Yumruğu ilə şüşəni qıran adam, arxiv şəkli

Bu təvəllüdlü insanlarla bağlı qorxunc iddia

1544
(Yenilənib 16:42 17.01.2017)
Ekspert: "Ailələrdə uşaqlara qarşı aqressiya artdıqca, uşaqlar da bu psixoloji haldan "qidalanıb" valideynlərinə qarşı aqressiv davranacaqlar"

BAKI, 17 yan — Sputnik. "Oğul atasını öldürdü", "Ata övladını qətlə yetirdi", "Kişi həyat yoldaşının başını kəsdi", "8 nəfər bir nəfəri döyərək öldürdü", "Ata qızlarını zəncirləyib 8 il tövlədə saxladı", "Ər 17 yaşlı arvadını baltaladı"…

Mətbuatın işıqlandırdığı bu hadisələrin siyahısını istənilən qədər uzatmaq olar. Etiraf etməliyik ki, son zamanlar cəmiyyətdə insanların bir-birinə qarşı aqressivliyi xeyli artıb. Hamı "mən deyən olmalıdır" fikri ilə hərəkət edir. Heç kim qarşısındakına dinləmək üçün şans vermir. Hamı döyür, öldürür, güclü olduğunu sübut etməyə çalışır.

Psixoloq Fərqanə Mehmanqızı
© Sputnik / Irade JELIL
Psixoloq Fərqanə Mehmanqızı

Küçədə, nəqliyyatda, parkda insanların üzünə nəzər yetirəndə hər kəs çox əsəbi, aqressiv, hüznlü, kədərli görünür. Nədir insanları bu qədər aqressivləşdirən? Nədir üzümüzdən sevinc hissini yox edən?

Psixoloq Fərqanə Mehmanqızı hesab edir ki, insanların aqressiyasının daha dərinliyində yatan və onların həyatını zəhərləyən səbəblər var: "Həyatlar, talelər müxtəlifdir. Ancaq siz özünüz də bir diqqət edin — daha aqressiv insanlar hansı dövrün insanlarıdır? Mənim müşahidələrimə görə, bu gün ağır depressiya yaşayan insanların çoxunun uşaqlığı və yeniyetməliyi ötən əsrin 90-95-ci illərinə təsadüf edir. O illərin ağırlığı bu gün cəmiyyətdə irinləmiş yara kimi yaşanır. O illərin cəmiyyətə atdığı toxumlar bu gün cücərir".

Psixoloq qeyd edir ki, bu aqressiya özünü daha çox ailə münasibətlərində göstərir: "Çünki insanlar bu psixoloji halla mübarizə aparmaq əvəzinə, "mən beləyəm" deyə özlərinə haqq qazandırırlar. Belə depressiyalar zamanı sinirlər daha tez anlaqsız vəziyyətə düşə bilir. Anlaqsız vəziyyətdə isə insan həm özünə, həm də ətrafına geri dönüşü olmayan xəta yetirə bilər".

"Ailələrdə uşaqlara qarşı aqressiya artdıqca, uşaqlar da bu psixoloji haldan "qidalanıb" valideynlərinə qarşı aqressiv davranacaqlar. Bir misal var: "nə tökərsən aşına, o da çıxar qaşığına". Uşaqla necə davranacaqsansa, o da səninlə eyni cür davranacaq. Valideynlər bunu başa düşməlidirlər. Bu gün valideynlərinə qarşı aqressiv davranan, cinayət işlədən uşaqlar vaxtilə valideynlərindən aqressiya, zorakılıq görmüş uşaqlardır" — mütəxəssis qeyd edir.

O, mühüm bir məqama toxunur: "Təsəvvür edin ki, nəqliyyatda, küçədə aqressiya nümayiş etdirən insan öz ailəsində necə aqressiv davranır. Onların aqressiyası isə birbaşa uşaqlara təsir edir. Bizim cəmiyyətin aldığı travmalardan biri də şəxsiyyət əzilmişliyi, özünəinamsızlıqdır. Bu, artıq xəstəliyə çevrilib və miqyası surətlə artır".

F. Mehmanqızının fikrincə, bu xəstəlik ilk əlamətlərini ailədə göstərir: "İnsanlar hər an sübut etməyə çalışırlar ki, "mən varam". Bu "varlığı" qarşı tərəfə də qəbul etdirməyə çalışırlar. Lakin artıq xəstəlik halına gəldiyi üçün, düzgün istiqamət seçə bilmirlər. Qarşı tərəfdən bu "varlığa" qarşı itaətsizlik görəndə isə vəhşiləşmə prosesi başlayır. Belə şəxslər eqolarını qorumaq üçün cinayətə belə, əl atırlar. Bu addımla da özlərini təsdiq etdiklərini düşünürlər. "Mənim dediyimi etmədi, öldürdüm" deyə özlərinə bəraət qazandırmağa çalışırlar. Əslində isə onlar özlərini təsdiq edə bilmədikəri üçün qarşılarındakı insana qarşı zorakılıq nümayiş etdirirlər".

Cinayətkarların çoxunun psixoloji baxımdan zəif insan olduğunu qeyd edən psixoloqun qənaətincə, hətta ən qatı cinayətkarların belə, şüuraltında acizlik, özünəinamsızlıq yatır: "Ailədə qadına və uşaqlara qarşı zorakılıq halları artıb. Burada bir az cəmiyyətin də günahı var. "Kişiyə olar" düşüncəsi bu gün ailələrdə qadınların öldürülməsinə səbəb olur. Nə qədər ailədə "kişiyə olar" düşüncəsi ilə öldürülən qadın olduğunu bilirsinizmi?".

"Bu gün cəmiyyətdə cinayətlərin baş verməsində bütün problemlərin "töhfəsi" var. Yəni maddi-iqtisadi vəziyyət, ailə münasibətləri, düzgün tərbiyə verməmək, işdə, nəqliyyatda, evdə rast gəlinən aqressiya… Hamısı öz rolunu oynayır. Amma mən yenidən buna toxunmaq istəmirəm. Çünki bunlar artıq şablon hal alıb. Eyni fikri insanlara eyni baxışdan dəfələrlə çatdırmağa qarşıyam. Çünki kütlə eyni sözə adaptasiya olunduğundan, sonra reaksiya vermək hissini itirir. İnsan qarşılaşdığı hala qarşı laqeyidləşir" — ekspert vurğulayır.

1544
Teqlər:
əsəb, Fərqanə Mehmanqızı, aqressiya, depressiya, psixoloq, ailə, insan, uşaq
Əlaqədar
Onların ən çox nifrət etdikləri şüar - Öncə Vətən!
Kişilərin nifrət etdiyi 10 sual
"Sanksiyaların qalxması İranı bölgədə daha da aqressivləşdirəcək"
Ruhuna hökm etmək, yoxsa stressdən qaçış?
Azərbaycanda sancıya, baş ağrısına və stressə qarşı effektiv vasitə hazırlanır
Psixoloqlar: İqtisadi böhran cəmiyyətdə stressə səbəb olur
Cəmiyyətin psixoloji vəziyyəti və stressə qarşı profilaktika
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

4
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

4
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu
Azərbaycan Respublikasının Birinci vitse-prezidenti Mehriban Əliyeva, arxiv şəkli

Mehriban Əliyeva Laçının işğaldan azad edilməsi ilə bağlı paylaşım edib

6
(Yenilənib 16:14 01.12.2020)
Bu gün üçtərəfli bəyanatın şərtlərinə uyğun olaraq, Laçın rayonu Ermənistanın işğalından azad edildi.

BAKI, 1 dekabr — Sputnik. Azərbaycanın I Vitse-prezidenti Mehriban Əliyeva Laçın rayonunu işğaldan azad edilməsi ilə bağlı paylaşım edib.

Sputnik Azərbaycan xəbər verir ki, paylaşımda deyilir: “Laçın rayonunun işğaldan azad edilməsi münasibətilə hamınızı səmimi-qəlbdən təbrik edirəm! Qoy, Uca Allah mərhəmətini xalqımızdan əsirgəməsin, bütün həmvətənlərimizə cansağlığı və səadət, Vətənimizə sülh, firavanlıq və nurlu gələcək bəxş etsin! Qarabağ Azərbaycandır!”

6
Teqlər:
Birinci vitse-prezident Mehriban Əliyeva, Laçının azad olunması
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr