Yaşayış binaları

Sizin mənzilinizə bu bildirişdən gəlib?

1368
(Yenilənib 16:09 13.01.2017)
Əhali "dekabr küləyi"nin təsirini hiss etməyə başlayıb

BAKI, 13 yan — Sputnik. Hazırda sosial şəbəkə istifadəçilərinin ən çox müzakirə etdikləri mövzulardan biri elektrik enerjisi və təbii qazın qiymətinin qalxmasıdır. Artıq mənzillərə elektrik enerjisi ilə bağlı yeni qaydada hesablanmış borc bildirişləri gəlir.

Bununla əlaqədar olaraq, əhali arasında narazılıqlar yaranıb. Sputnik qiymət artımından sonra, vətəndaşların əlavə nə qədər işıqpulu ödədiklərini öyrənmək məqsədilə kiçik sorğu keçirib. Beləliklə:

Azər Rəhimov: "Dekabr ayının 4-dən yanvarın 5-nə kimi 12.18 qəpik pul yazıb. Artımdan əvvəl də qənaətlə işlədirdik, indi də qənaətlə işlədirik. Hamımız gün boyu ya dərsdə, ya da işdə oluruq. Hər gün fen, paltaryuyan maşın işləmir. Televizora, ümumiyyətlə avqust ayından bu yana baxmırıq. Hərənin əlində bir telefon, ya da kompüter var. Kimə nə lazımdırsa, internetdən tapır. Yəni, evdə işıq boşuna yanmır".

Sevinc Şabanova: "Bu ay elektrik borcumuz 90 manat artıq gəlib. Evdə az qala şam işığında oturmalı olacağıq".

Emil Məmmədov: "Əvvəlki dövrlə müqayisədə 25 manat daha çox işıq pulu gəlib".

Zaur Zahidoğlu: "Əvvəllər hər ay 33 manat ödəyirdim, artıq bu aydan 40 manat oldu".

Fəridə Əzizova: "160 manat keçən ay ödəmişdim, bu ay 230 manat işıq pulu ödəməli oldum. Qeyd edim ki, binada qaz olmadığından, yalnız elektrik enerjisindən istifadə edirik".

Rauf Alagözov: "Keçən ay 83 manat idi, bu ay 148 manat borc gəlib".

Elman Rəfiyev: "Mən əvvəllər qış aylarında 40-45 manat ödəyirdim. Amma bu ay 76 manat ödədim".

Şaiq Çələbi: "Biz evdə elektrik enerjisinə qənaət edirik. Üstəlik bu ay heç evdə olmamışıq. Amma 175 kilovat elektrik enerjisi borcu gəlib. Çox qəribədir".

Esmira Qasımova: "Mən əvvəllər 57-65 manat civarında işıqpulu ödəyirdim. Bu gün hesab gəldi — 121 manat 54 qəpik".

Aysel Arslan: "Əvvəllər aylıq ödədiyimiz məbləğ 35-40 manat arasında idi. İndi isə 57 manat borc gəlib. Üstəlik, bu ay qənaət rejiminə də keçdik".

Emin Məmmədov: "Əvvəllər ayda maksimum 13-18 manat arası işıqpulu ödəyirdim, keçən ay 48 manat yazıb".

1368
Teqlər:
bildiriş, elektrik enerjisi, işıq, ödəniş, borc, əhali, mənzil, qaz, pul, ev
Əlaqədar
Azərbaycanda bir ailə il yarımdır şam işığında yaşayır
İşıq və qazın qiyməti yenidən dəyişdi
İşıq və qazın qiymətinin artırılması büdcəyə 300 milyon manat qazandıracaq
Nazir: "İşıq və qazın qiyməti ilə bağlı kvota qaldırıla bilməz"
Qaz və işığın qiymətinin qaldırılması ilə bağlı yeni təklif verildi
Deputat işığın qiymətinin qaldırılmasına etiraz etdi
Bakıda yağan yağış

Bakının bu yollarında sürət həddi endirildi

2
(Yenilənib 10:53 30.11.2020)
Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib

BAKI, 30 noyabr — Sputnik. Bakıda qeyri-sabit hava şəraiti ilə bağlı əsas magistral avtomobil yollarında sürət həddi azaldılıb. Bu barədə Sputnik Azərbaycan-a Bakı Nəqliyyat Agentliyinin Mətbuat katibi Mais Ağayev məlumat verib. O bildirib ki, hazırda paytaxtda müşahidə edilən yağıntılı hava şəraiti ilə əlaqədar Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib:

"Məqsəd hərəkətin təhlükəsizliyini təmin etməkdir. Bir daha hərəkət iştirakçılarına bu cür hava şəraitində ehtiyatlı olmağı tövsiyə edirik. Sürücülərdən yollarda sürət həddinə əməl etmələrini, meteoroloji amilləri nəzərə almalarını və digər hərəkət iştirakçılarına qarşı anlayışla davranmalarını xahiş edirik. Eyni zamanda, piyadalara yolun hərəkət hissəsinə çıxmamaq və yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir".

2
Teqlər:
sürət, yol, Yağış, Bakı
Supermarketdə meyvə piştaxtası, arxiv şəkli

Şəkər xəstələri üçün təhlükəli olan meyvələr məlum oldu

5
(Yenilənib 10:35 30.11.2020)
Sağlam insanlar da karbohidrat qəbulunu azaltmalıdırlar. Qan şəkərinə nəzarət etmək üçün aşağı qlisemik indeksli qidalara - tərəvəz, qoz-fındıq, balıq, bəzi dənli bitkilər və s. üstünlük vermək lazımdır.

BAKI, 27 noyabr — Sputnik. Həkim-dietoloq Maykl Mosli "Express"ə müsahibəsində, II tip şəkər xəstəliyi üçün təhlükəli olan və qanda şəkəri dərhal yüksəldən meyvələrin adını açıqlayıb.

Sputnik Azərbaycan "RİA Novosti"yə istinadla xəbər verir ki, həkimin fikrincə, manqo, ananas, qovun, banan və digər şirin tropik meyvələrin tərkibində böyük ölçüdə gizlənmiş şəkər olur. Bu da şəkər xəstələrinə zərər verə bilər.

Mütəxəssis şəkər xəstələri üçün giləmeyvə, alma və armudun daha təhlükəsiz olduğunu qeyd edib:

"Sağlam insanlar da karbohidrat qəbulunu azaltmalıdırlar. Qan şəkərinə nəzarət etmək üçün aşağı qlisemik indeksli qidalara - tərəvəz, qoz-fındıq, balıq, bəzi dənli bitkilər və sairəyə üstünlük vermək lazımdır".

5
Teqlər:
armud, alma, xəstə, şəkərli diabet