Adamlar

Azərbaycan yeganə müsəlman ölkəsidir ki...

746
(Yenilənib 15:30 13.01.2017)
İlk dəfə idi ki, doğulduğum ölkə haqqında xoş sözləri başqa bir ölkənin adamından, başqa bir millətin nümayəndəsindən eşidirdim

BAKI, 13 yan — Sputnik. Bu yaxınlarda "Geography Now! Azerbaijan" başlığı ilə "Youtube" portalına yerləşdirilmiş bir video izlədim. Düzü, ilk dəfə idi ki, doğulduğum ölkə haqqında xoş sözləri, təbiəti, iqlimi, insanları, sərvətləri və mədəniyyəti haqqında tərifləri başqa bir ölkənin adamından, başqa bir millətin nümayəndəsindən eşidirdim.

Qaraderili insan
© Photo : GETTY IMAGES

Əlbəttə, belə olanda insanda bir özünəgüvən yaranır. Yoxsa, ingiliscə bilən azərbaycanlıları turist kimi göstərən yerli telekanalların fırıldaqlarından bezmişdik. Öz insanımıza yaddilli mətnləri əzbərlədib qarşımıza turist kimi çıxarmaq və onlara Azərbaycan haqqında tərif dolu mətnləri oxutdurmaq başımızı uca etməyəcəkdi. Biz bu halın dəfələrlə şahidi olmuşuq. Xüsusən də Avropa Oyunları ərəfəsində.

Bir də bu səhər gördüm ki, Əlcəzair telekanalında Azərbaycan haqqında, xüsusən də Lənkəran barədə maraqlı bir süjet efirə gedib. Son dönəm üzərinə yüksək yatırımlar edilən turizmin inkişafı yavaş-yavaş özünü göstərir. Hərçənd, mən avropalıların, amerikalıların telekanallarında bu süjetləri görməyi daha çox istərdim. Onlar qala-qala ərəblərin bizi tərifləməsi və Azərbaycana ərəblərin axışması elə də uğurlu inkişaf deyil. Nəticədə dünyaya terrordan qeyri bir şey verməyən ərəblər öz gəlişləri ilə Azərbaycana elmi-mədəni tərəqqi gətirməyəcəklər ki.

Əlbəttə, minlərlə insanın işsiz qalması, maaşların, təqaüdlərin azalması, ərzağın bahalaşması, sahibkarların müflisləşməsi, bank sektorunun çöküşü, kommunal xərclərin artması, hətta öz təbii sərvətlərimizin bizə yüksək məbləğə satılması bahasına başa gələn bu turizm inkişafını hansı dərəcədə uğur adlandırmaq olar, bilmirəm. Amma onu yaxşı bilirəm ki, bu qədər itkilərin müqabilində yüksək elmi uğurlar qazansaydıq, ölkəyə Nobel, Oskar gətirsəydik, musiqilərimiz, filmlərimiz, seriallarımız inkişaf etmiş ölkələrə satılsaydı, tibbdə, astrofizikada, biologiyada, kimyada, fizikada, ədəbiyyatda böyük nailiyyətlər əldə etsəydik, itkilərə bu qədər üzülməyəcəkdik.

Canınızdan iraq, bir neçə gündür xəstə yatağında olduğum üçün səhər-axşam yerli telekanalları izləməyə məcbur olmuşam. Hər səhər ATV telekanalında səhər verilişi aparan aparıcının Avropanın, Amerikanın tənəzzülü barədə əttökən nitqləri, parlayan ölkəmiz barədə pafoslu çıxışları olmasaydı, bəlkə də daha tez sağalardım. Bu aparıcının qıcıqlandırıcı, saxta sözləri immun sistemimin xəstəliklə mübarizə aparmasını ləngitdi.

Buna rəğmən, elə ATV telekanalında yayımlanan bir veriliş əhvalımı müsbətə doğru dəyişdi. Gecə saatlarında yayımlanan "Yoxlama" verilişindən gedir söhbət. Aparıcısı və layihə rəhbəri Azər Zahid olan "Yoxlama" verilişi məktəbəqədər təhsil müəssisələrin, məktəblərin və digər ictimai yerlərin xidmət səviyyəsini, gigiyenik normalarını yoxlamaq, qüsurları ictimaiyyətə çatdırmaq, bu qüsurların aradan qaldırılması üçün səlahiyyətli orqanlara səslənmək kimi mükəmməl bir işlə məşğul olur.

Heç şübhəsiz, bu veriliş alqışa layiqdir. Verilişin həmin yerlərin düzəlməsinə nə dərəcədə təsir göstərdiyini deyə bilmərik. Amma bu addımı atmaq həm cəsarət, həm zəhmət, həm bilik tələb edir. Aparıcı da bu işin öhdəsindən uğurla gəlir. Əhsən! Başqa nə demək olar!? Yolları açıq olsun!

Sonda bir daha ilk abzasda qeyd etdiyim videoya qayıtmaq istəyirəm. "Geography Now! Azerbaijan" adlı videodan öyrəndim ki, əhalisinin böyük qismi müsəlman olmasına rəğmən, müxtəlif dinlərə və təriqətlərə mənsub şəxslərin, etnik xalqların dinc yaşadığı, İsraillə münasibətləri yaxşı olan yeganə ölkə Azərbaycandır. Bir sözlə, bütün çətinliklərə baxmayaraq, terrordan, dini ixtilaflardan uzaq və dinc yeganə müsəlman ölkəsində yaşayırıq. Hər halda, buna sevinmək olar.

746
Teqlər:
"Geography Now! Azerbaijan", ölkə, iqlim, mədəniyyət, turizm, müsəlman, insan, Azərbaycan
Əlaqədar
Öz dahilərinə qənim kəsilənlər
Taksi sürən, al-ver edən, suvaq vuran ziyalılar
Qonağa ibadət edən adamlar
Toylar və yaslar - Əsrlərdən gələn düşüklük
Mavi ekran vəbası
Mİngəçevirdə keçmiş turist bazasının ərazisi

Mingəçevir sakinləri təşvişdə: "İlanlar artıq ev heyvanına çevrilib" - FOTO

344
(Yenilənib 18:07 21.06.2021)
İlan zəhəri bəzi xəstəliklər üçün faydalı olsa da, ilan sancanın həyatda qalması üçün bəzən dəqiqələr belə çatmır. Mingəçevirdə Boz dağ adlanan ərazidə daha çox yayılan gürzənin zəhərindən istifadə mümkündür. Ancaq hələ ki, ondan qorunmaq lazım gəlir.

BAKI, 21 iyun — Sputnik. Mingəçevir şəhərində yerləşən keçmiş turist bazasında ilanlar sakinlər üçün qorxulu kabusa çevrilib.

Sputnik Azərbaycan xəbər verir ki, isti günlərdə ilanların sayı daha da artdığından onlar insanlara, ev quşlarına zərər yetirirlər. Turbazada Ağdam, Kəlbəcər, Laçın rayonundan olan sakinlər məskunlaşıblar.

© Sputnik / Rahim Mammadov
Mingəçevirdə keçmiş turist bazasında məskunlaşan sakinlər

Ağdam sakini olan Valeh Məcnunov Sputnik Azərbaycan-ın müxbiri ilə söhbətində ilanların soyuducudan, divara asılan xalçanın arxasından çıxdığını deyib: “Düzünü desəm, ilanlar, demək olar ki, biz sakinlərin ev heyvanına çevrilib. Həyətdə, evin içində rahat sürünürlər. Həyat yoldaşım bir neçə gün öncə soyuducunu açanda gürzə ayağının üstünə düşüb. Çox qorxmuşdu, böyük oğlum özünü çatdırıb tez məhv etmişdi. Kiçik oğlum Muradı isə həyətdə gəzən zaman ayağından sancıb. Tez xəstəxanaya çatdırdıq, şükür, ciddi problem yaranmadı. Azyaşlı uşaqlara görə qorxuruq, onları sancsa, ağır fəsadları ola bilər. Bu zəhərli canlılara bir əncam çəksələr, yaxşı olar”.

© Sputnik / Rahim Mammadov
Laçın sakini Gözəl Teymurova

İlanlarla bərabər, əqrəb və digər zəhərli həşəratlar da turbazada təhlükə saçır. İlanlar insanlarla yanaşı, toyuq-cücəyə də zərər yetirir. Laçın sakini Gözəl Teymurova Sputnik Azərbaycan-a bildirib: “Otuz ildir burada məskunlaşmışıq, elə ilanlar da bizimlə bərabərdir. İsti günlərdə daha da artırlar. Qızım toyuq hinində də görüb, hətta qoluna dolanıb ona zərər yetirməyə az qalmış özümü çatdırıb bellə başını əzmişəm. Çox qorxuludur buralar".

Gözəl xanım tezliklə yurduna dönəcəyi və doğma torpağına qovuşmaq sevinci ilə yanaşı, sürünənlərdən də canını qurtaracağı günü gözləyir: "Çox sağ olsun şanlı ordumuz, möhtərəm prezidentimiz, torpaqlarımızı işğaldan azad etdilər. Tezliklə öz kəndimizə qayıdacağım günü gözləyirəm”.

Turbazada yaşayanlar bildirirlər ki, əvvəlki illərdə ərazi dizinfeksiya ediləndə həşəratlar, ilanlar nisbətən azalmışdı. Bu il isə burada dərmanlama işləri aparılmayıb. Mingəçevir Dezinfeksiya İdarəsindən isə Sputnik Azərbaycan-a bildirilib ki, onlar təsərrüfat hesablı idarə olduqlarına görə dərmanlama işləri üçün müqavilə bağlanmalıdır.

Eləcə də oxuyun:

344
Koronavirus testi, arxiv şəkli

Virusa yoluxma sayı azaldı

6
(Yenilənib 17:56 21.06.2021)
Nazirlər Kabineti yanında Operativ Qərargah Azərbaycanda koronavirusa yoluxma və ölüm sayı ilə bağlı son statistikanı açıqladı.

BAKI, 21 iyun — Sputnik. Azərbaycan Respublikasında koronavirus (COVID-19) infeksiyasına 28 yeni yoluxma faktı qeydə alınıb, 49 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış bir nəfər vəfat edib.

İndiyədək ölkədə ümumilikdə 335 521 nəfərin koronavirus infeksiyasına yoluxması faktı müəyyən edilib, onlardan 329 599 nəfər müalicə olunaraq sağalıb, 4 963 nəfər vəfat edib.

Aktiv xəstə sayı isə 959 nəfər olub.

Son sutka ərzində yeni yoluxma hallarının müəyyənləşdirilməsi ilə əlaqədar 5 115, bu günə qədər isə ümumilikdə 3 680 977 test icra olunub.

Qeyd edək ki, dünən Azərbaycanda koronavirus (COVID-19) infeksiyasına 56 yeni yoluxma faktı qeydə alınıb, 88 nəfər müalicə olunaraq sağalıb. İyunun 20-də  1 nəfər koronavirusdan vəfat edib.

Vaksinasiyanın statistikası

Azərbaycanda bu gün 215 nəfər vaksinasiya olunub.Bu barədə Nazirlər Kabineti yanında Operativ Qərargah məlumat yayıb. Gün ərzində birinci mərhələ üzrə vaksinasiya olunanların sayı 11, ikinci mərhələ üzrə vaksinasiya olunanların sayı 204 nəfər təşkil edib.

Azərbaycanda bu günə qədər vurulan vaksinlərin ümumi sayı 2 989 673, birinci mərhələ üzrə peyvənd olunanların ümumi sayı 1 949 646, ikinci mərhələ üzrə vaksinasiya edilənlərin sayı 1 040 027 nəfər təşkil edir.

 

 

 

 

6
Vergilər nazirliyi

Vergi ödəyicilərinin yeni qeydiyyat üsulunu öyrənmək istəyənlərin nəzərinə