Şəhid Fəxrəddin Qurbanlı

Şəhidin son halı əmisinin gözü önündən getmir

3148
(Yenilənib 13:37 13.01.2017)
"Alnında bir güllə yarası var idi. Tapdığımıza sevinirdik, amma evə qayıtmaq var idi..."

İradə Cəlil, Sputnik Azərbaycan

BAKI, 13 yan — Sputnik. Bu gün onun doğum günüdür. Yaşasaydı, 23 yaşı olacaqdı… Dünyaya gələndə ata-anası çox sevinmişdi, "oğlumuz oldu" deyə. Adını Fəxrəddin qoymuşdular. Bütün ümidlərini də ona bağlamışdılar.

Fəxrəddin böyüyəcək, anasını müalicə etdirəcəkdi. Böyüyəcək, ailəsinə sahib çıxacaqdı… Çox sakit uşaq olub, sözəbaxan, ağıllı. Ana-atasının bir sözünü iki etməzmiş.

Sən saydığını say, gör fələk nə sayır

Kamran Şirəliyev əsgər yoldaşı ilə
© Photo : Şirəliyevlər ailəsinin şəxsi arxivindən

Ötən ilin aprel döyüşləri Qurbanlı ailəsinə də hüzn gətirir. Ailənin ikinci övladı Fəxrəddin Qurbanlı, aprelin 1-dən 2-nə keçən gecə Tərtər-Seysulan istiqamətində gedən döyüşlərdə şəhid olur.

Fəxrəddin 1994-cü il yanvar ayının 13-də Bakıda dünyaya göz açır. Valideynlər ilk övladları Fəxriyyədən sonra dünyaya gələn oğlan uşağına Fəxrəddin adı qoyurlar.

Orta məktəbi bitirəndən sonra Fəxrəddin yüksək bal toplayaraq Azərbaycan Universitetinə daxil olur. "Yaxşı oxumaqla yanaşı, həm də çox aktiv uşaq idi. Sosial işlərlə məşğul olur, qocalar, uşaqlar evinə baş çəkir, hamının əlindən tutmağa çalışırdı" — anası Nazimə Qurbanova deyir.

  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
  • Aprel döyüşlərində şəhid olmuş Fəxrəddin Qurbanlının ailəsindən reportaj
    Aprel döyüşlərində şəhid olmuş Fəxrəddin Qurbanlının ailəsindən reportaj
    © Sputnik / Irade JELIL
1 / 9
© Sputnik / Irade JELIL
Aprel döyüşlərində şəhid olmuş Fəxrəddin Qurbanlının ailəsindən reportaj

2015-ci ildə Universiteti bitirən Fəxrəddin, valideynlərinin magistraturada təhsilini davam etdirməsinə dair tövsiyyəsinə baxmayaraq, hərbi xidmətə yollanır. Və ana sonuncu dəfə oğlunu keçən ilin yanvarında görür: "Yanvarın 10-da məzuniyyətə gəlmişdi. Hamıyla görüşdü. Ad gününü qeyd etdik. Deyirdi: "Ana, ürəyini sıxma, 3 ay da keçsin, evə qayıdacağam". Belə qayıtdı…"

"Elə bilirəm gələcək…"

Yanvarın 19-da Fəxrəddin hərbi hissəyə qayıdır. "Aprelin 1-i axşam saat 7 olardı, Fəxrəddin zəng etdi. Səsi həyacanlı idi. Mənim səhhətimlə maraqlandı, sonra "ana, tələsirəm, növbəyə gedirəm" deyib sağollaşdı. Sən demə döyüşə gedirmiş" — ana deyir.

Qurbanlı ailəsi səhəri gün televiziyadan cəbhədə vəziyyətin gərginləşdiyini öyrənir: "Balamdan hələ bir xəbər yox idi. Amma içimdə izah etməyə çətinlik çəkdiyim bir hiss vardı. Və sonra… onu gətirdilər. Qoymadılar balama baxım, onu elə vəziyyətdə görmədiyim üçün bu gün də gözüm yoldadır. Elə bilirəm gələcək".

Fəxrəddin aprelin 9-da Pirşağıdakı Şuşa qəbirstanlığında dəfn edilir. Atası Seyfəddin Qurbanov sonuncu dəfə aprelin 1-i axşam saatlarında Fəxrəddinlə danışır. Ayın 2-də vəziyyətin gərginləşdiyini eşidib narahat olur, oğlunun komandirinə zəng vurur, amma zəngləri cavabsız qalır. Aprelin 6-na qədər güclə səbr edən ata, ayın 6-da oğlunun xidmət etdiyi hərbi hissəyə gedir, amma heç kimi tapa bilmir.

Və aprelin 7-si axşam S. Qurbanlıya oğlunun itkin düşdüyü xəbəri verilir: "Sonradan bildim ki, Seysulan istiqamətində gedən döyüşlərdə oğlum neytral zonada qalıb. Bir gün sonra Beynəlxalq Qırmızı Xaç Komitəsinin vasitəçiliyi ilə şəhidlərin meyitləri geri verildi".

"Yaxşı ki, valideynləri son halını görmədilər"

Bacısı Fəxriyyənin dediyinə görə, Fəxrəddin yaxşı şahmat oynayırmış: "Biz bacı-qardaşdan çox, dost idik. Sonuncu dəfə keçən ilin yanvarında görüşmüşdük. Mənə dedi ki, "gəl, görüşək, gedib-gəlməmək, gəlib-görməmək var". Karyera haqqında düşünürdü. Türkiyədə təhsil almağı, iş qurmağı arzulayırdı".

Fəxrəddinin cənazəsini əmisi ilə dayısı gətirir. Əmisi Afiq həmin anları belə xatırlayır: "Aprelin 2 idi, işdəydim. Zənglər gəlirdi ki, "Fəxrəddindən xəbəriniz varmı?" Heç bir xəbərim yox idi. Ayın 7-də atası Bakıya qayıtdı. Mən dura bilmədim, axşam saat 5 olardı, dayısı Nizami ilə birlikdə hərbi hissəyə getdik. Hər yerə müraciət etdik, "gördüm" deyən olmadı. Qapanlıya getdik, Seysulana keçmək istəyirdik, amma buraxmadılar. Fəxrəddingilin bölüyündən heç bir xəbər yox idi. Orada hərbi prokurorluğa müraciət etdik. Siyahıya baxıb dedilər ki, "sizin uşaq itkin düşənlər arasındadır, gedin gözləyin".

"Ayın 8-də xəbər gəldi ki, "uşaqları gətirirlər". Fəxrəddinin meyitini Bərdədə şəhidlərin arasında tapdıq. Alnında bir güllə yarası var idi. Tapdığımıza sevinirdik, amma evə qayıtmaq var idi…" — əmi danışır.

O, Fəxrəddinin tabutunun açılmamasını doğru addım hesab edir: "Yaxşı ki, valideynləri uşağı o vəziyyətdə görmədilər. Məndən sonuncu dəfə Fəxrəddini necə gördüyümü soruşurlar. "Sonuncu dəfə necə görmüsünüzsə, elə xatırlayın" deyirəm. Amma özüm… Hər gözümü yumanda üzü beynimdə canlanır".

Hazırda Fəxrəddinin ailəsi pensiya ilə dolanır. Tək ümidləri Fəxrəddinin qayıdıb işləməsi, ata-anasına dayaq olmasıymış. "Qardaşım da, yoldaşı da xəstədir. Heç yerdə işləyə bilmirlər. Heç bilmirəm vəziyyətləri necə olacaq" — deyir Afiq Qurbanov.

Fəxrəddin Qurbanov ölümündən sonra Ali Baş Komandanın əmri ilə "İgidliyə görə" üçüncü dərəcəli medalla təltif edilib.

Allah rəhmət eləsin!

3148
Teqlər:
dayı, əmi, Fəxrəddin Qurbanlı, bacı, dəfn, ailə, şəhid, ana, ata
Əlaqədar
Şəhidin yas mərasimində duyğulu anlar
Şəhid anası: "Qorxumdan oğlumun cənazəsinə əlimi vura bilmədim..."
Şəhid ailələrinə yeni güzəştlər ediləcək
Oğlu şəhid olan atanın ilk reaksiyası: "Kürəyindən vurulmayıb ki?"
Azərbaycan ordusunun zabiti şəhid oldu
Şəhid ailəsinə veriləcək puldan imtina edən sığorta şirkəti
Oğuz meşələrində kəsilən qiymətli ağac növləri

"Bandotdel" meşədə əməliyyat keçirdi

10
Meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib.

BAKI, 28 noyabr — Sputnik. Daxili İşlər Nazirliyinin əməkdaşları tərəfindən Ekologiya və Təbii Sərvətlər Nazirliyinin mütəxəssisləri ilə birgə ölkə ərazisində meşə massivlərində ağacların qanunsuz olaraq kəsilməsi, yaşıllıq sahələrinin məhv edilməsi ilə məşğul olan daha bir dəstənin üzvlərinə qarşı uğurlu əməliyyat həyata keçirilib. DİN Mətbuat Xidmətindən Sputnik Azərbaycan-a verilən məlumata görə, Baş Mütəşəkkil Cinayətkarlıqla Mübarizə İdarəsinə Meşələrin İnkişafı Departamentinin əməkdaşlarından Oğuz rayonunun Filfilli, Xaçmaz və sair kəndlərinin ərazilərində yerləşən meşə zolaqlarında kütləvi şəkildə qanunsuz ağackəsmə əlamətlərinin müşahidə edilməsi barədə məlumat daxil olub. Hər iki qurumun əməkdaşları tərəfindən qeyd olunan xüsusatların hərtərəfli və obyektiv araşdırılması məqsədilə adıçəkilən kəndlərdə meşə zonaları nəzarətə götürülüb.

  • Oğuz meşələrində kəsilən qiymətli ağac növləri
    © AR Ministry of Internal Affairs
  • Oğuz meşələrində kəsilən qiymətli ağac növləri
    © AR Ministry of Internal Affairs
  • Saxlanılan şəxs Elşən Hüseynov
    © AR Ministry of Internal Affairs
  • Saxlanılan şəxs Etibar Muxtarov
    © AR Ministry of Internal Affairs
1 / 4
© AR Ministry of Internal Affairs
Oğuz meşələrində kəsilən qiymətli ağac növləri

Baş Mütəşəkkil Cinayətkarlıqla Mübarizə İdarəsinin əməkdaşları tərəfindən peşəkarlıqla həyata keçirilən əməliyyat tədbiri nəticəsində qısa zamanda müəyyən olunub ki, həmin meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib. Həmin şəxslər əməliyyat nəticəsində saxlanılaraq Baş İdarəyə gətiriliblər.

Elşən Hüseynov və Ehtibar Muxtarov tərəfindən qanunsuz olaraq kəsilmiş ağaclar, onların oduncaqlarının yeri və digər ləvazimatlar maddi sübut kimi Baş İdarənin əməkdaşları tərəfindən aşkar olunaraq götürülüb. Ekspert rəyi ilə məlum olmuşdur ki, bu şəxslər qanunla qorunan meşə sahələrinə külli miqdarda maddi ziyan vurublar. Həmçinin araşdırma zamanı dəstə üzvləri tərəfindən ağacların yaş halda kəsildiyi məlum olub. Onlar ifadələrində etdikləri cinayəti etiraf ediblər.

Qeyd olunan faktlarla bağlı dəstə üzvləri barəsində Baş İdarənin İstintaq və Təhqiqat İdarəsində cinayət işi başlanılıb. Hazırda cinayət işi üzrə bütün halların tam, hərtərəfli araşdırılması, eləcə də dəstənin digər üzvlərinin saxlanılması istiqamətində zəruri əməliyyat-istintaq tədbirləri davam etdirilir.

10
Teqlər:
meşə ərazisi, meşə sahəsi, meşə, Oğuz rayonu, Ekologiya və Təbii Sərvətlər Nazirlyi, ekologiya, Daxili İşlər Nazirliyi
Bərbərxana, arxiv şəkli

Restoran bərbərxanaların fəaliyyəti dayandırılıb

17
Noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

BAKI, 28 noyabr — Sputnik. Bu gündən noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargahın qərarında bildirilir.

Qərara əsasən, 2020-ci il 21 noyabr saat 00:00-dan 28 dekabr saat 06:00-dək şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə, həmçinin, restoran, bərbərxana və gözəllik salonlarında xidmət dayandırılır.

17
Teqlər:
epidemiya, pandemiya, restoran, bərbər, Nazirlər Kabineti yanında Operativ Qərargah
Nikol Paşinyan, arxiv şəkli

Paşinyan nəyinə güvənərək "Qarabağ Ermənistandır" deyirdi

0
(Yenilənib 15:08 28.11.2020)
Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdəki "Bayraktar"ı belə zərərsizləşdirə bilmirdi.

Aleksandr Xrolenko, hərbi şərhçi

BAKI, 28 noyabr — Sputnik. Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdəki "Bayraktar"ı belə zərərsizləşdirə bilmirdi.

21-ci əsrdə hərbi əməliyyatlar "ucuz" və "qəzəbli başla alınan qərarlar" əsasında təşkil oluna bilməz. Qarabağda baş verən son hadisələr bunu bir daha təsdiqlədi. Hər nə qədər müharibənin gedişatına Türkiyə istehsalı olan pilotsuz uçuş aparatları (PUA-lar) mühüm töhfə versə də, Azərbaycanın qələbə qazanmasında bu dövlətin bütövlükdə hərbi təşkilat sistemi, o cümlədən, müdafiə sənayesi potensialı, silah ehtiyatları və logistik imkanları həlledici rol oynadı. Beləliklə, Qarabağ münaqişəsi Türkiyənin "Bayraktar TB2" dronlarının havada qazandığıı uğrurla yanaşı, erməni tərəfinin yerdəki müdafiəsinin zəif təşkilini də ortaya qoydu.

Dağlıq Qarabağda atəşkəsin əldə olunmasından sonra media məkanında müharibənin yekunları ilə bağlə bir sıra məqalələr yer aldı. Bu məqalələrdə əksini tapan fikirləri iki cümlə ilə ümumiləşdirmək mümkündür:

- Azərbaycan ona görə qalib gəldi ki, onun Türkiyə istehsalı olan PUA-ları var idi, Ermənistan isə belə texnikaya sahib deyildi.
- Rusiyanın ağır hava hücumundan müdafiə sistemləri müasir "dron döyüşlərində" qətiyyən işə yaramır.

Bu cür sadələşdirilmiş yanaşma mütəxəssislərin nisbətən mücərrəd hərbi-texniki bilikləri ilə yanaşı, erməni hərbi texnikasının və döyüş heyətinin məhv edildiyini göstərən kadrların çoxluğu ilə də izah olunur. Üstəlik, həm "Bayraktar", həm də Azərbaycan Ordusunun Qarabağdakı istifadə etdiyi digər PUA-lar tərəfindən lentə alınmış videolar düyüşlərin lap əvvəlindən etibarən düşmənə sarsıdıcı mənəvi zərbə vurmağı bacardı.

Ancaq hər bir halda, döyüş sahəsindəki canlı qüvvə və texnikanın məhv edilməsində reaktiv yaylım atəşi sislemləri (RYAS) və artilleriya hissələri daha mühüm rol oynayır və artilleriyanın döyüş gücü PUA-larla müqayisədə dəfələrlə çoxdur. Məsələn, Pentaqon uzun illərdən bəri Əfqanıstan səmalarına hakim olsa da, hələ də yerdəki Talibana qalib gələ bilmir.

Ermənistanın 60-ci illərdən qalma texnikası

Düzgün təşkil edilmiş hava hücumundan müdafiə sistemi qarşı tərəfin pilotsuz təyyarələrini zərərsizləşdirməyə qadirdir və radielektron kəşfiyyat vasitələri bir neçə saniyə ərzində hərbi sursatların döyüş nəzarət nöqtələrinin koordinatlarını əldə etməyə (atəşi susdurmaq üçün) imkan verir. Bununla belə, Qarabağda adda-budda yerləşdirilən erməni qoşunlarının vahid hava hücumundan müdafiə sistemlərinin etibarlı müdafiəni təşkil edə bilməməsi yalnız həmin sistemin "köhnəlmiş" xüsusiyyətləri ilə deyil, həm də təşkilati səviyyədə yol verilən nöqsanlarla izah olunmalıdır. Qeyd edək ki, Ermənistanın istifadə etdiyi "Strela-10" və "Osa-AKM" 1960-cı illərin hava hücumundan müdafiə sistemləri idi və bəzən səkkiz kilometr hündürlükdə "Bayraktar"ı belə zərərsizləşdirə bilmirdi. Daha müasir komplekslər olan "Tor-M2KM" (qısa mənzilli) və "Buk-M2E" (orta mənzilli) isə yalnız İrəvanı və Metsamor atom elektrik stansiyasının müdafiəsinə cəlb olunmuşdu.

Ermənistan tərəfinin daha bir problemi – kamuflyaj vasitələrinə etinasızlıqla bağlı idi, ayrı-ayrı obyektlər, sanki "Gəl məni vur" deyə bağırırdılar. Qeyd edək ki, qərargah çadırının birbaşa vurulması bir neçə döyüş vahidini idarəolunmaz vəziyyətə düşməsinə gətirib çıxara bilər ki, bu da döyüş meydanında yüzlərlə, hətta minlərlə əsgərin itirilməsinə bərabərdir.

Digər tərəfdən, 1990-cı illərdə qazanılan qələbə Qarabağda erməni ordusunun məğlubedilməzliyi barədə mif yaratmışdı. Araz çayından Murovdağ silsiləsinə qədər 100 kilometrlik cəbhə xəttində ermənilərin ciddi mühəndis qurğularının olmamasını yalnız bununla izah etmək mümkündür. Açıq səngərlər, atəş nöqtələri, ayrı-ayrı blindajlar – keçən əsrin əvvələrindən qalma istehkam nümunələridir.

Erməni tərəfi uzunmüddətli atəş nöqtələrinə (dəmir betondan hazırlanmış) və yeraltı rabitə şəbəkəsinə də qətiyyən əhəmiyyət verməyib, halbuki bunun üçün kifayət qədər – təxminən 30 il vaxtı var idi. Özü də bu iş çox böyük vəsait tələb etmir. Bu məqamda Suriyada minimum texniki imkanlarla uzun tunellər tikildiyini yada salmaq olar. Elə isə sual olunur: baş nazir Nikol Paşinyan nəyinə güvənərək "Qarabağ Ermənistandır" deyirdi? Yaxud müdafiə naziri David Tonayanın "Yeni müharibə vəziyyətində yeni ərazilər" konsepsiyası hansı hərbi gücə əsaslanırdı?

Dağlıq Qarabağda döyüşlərin yenidən qızışdığı 27 sentyabrda Ermənistanın hərbi potensialı Azərbaycan tərəfinin hərbi gücündən bir neçə dəfə aşağı idi.

Suriya və Liviya təcrübəsi

Rusya Hava Hücumundan Müdafiə sistemlərinin türk PUA-ları ilə müqayisə mövzusuna qayıtsaq, Suriya və Liviyanın hava məkanında "Tor-M2KM", "Buk-M2E" və "Sosna" Zenit Raket Komplekslərindən (ZRK) yüksək peşəkarlıqla istifadəsini yada salmaq lazımdır.

"Tor-M2KM" kompleksi atəş məsafəsi 15 km-ə qədər və tutub-saxlama hündürlüyü 10 km-ə qədər olan gizli hədəfləri (Elektron paramaqnit rezonansı 0,02 kvadrat metrə qədər olan) aşkar edib vurmaq qabiliyyətinə malik səkkiz raketlə təchiz edilib. Bu sistem eyni anda 48 hədəfi müəyyənləşdirə, 10 hədəfi izləyə və 4 hədəfi sıradan çıxara bilir.

"Buk-M2E" kompleksinin maksimum atəş məsafəsi 45 kilometrdir. Sistem 15 metrdən 25 kilometrə qədər hünüdürlükdəki hədəfi tutub-saxlaya bilir. 2,5 Maxa qədər sürətlə aerodinamik hədəfləri və 4 Maxa qədər sürətlə ballistik hədəfləri vurmağa qadirdir. Eyni anda 24 hədəfə (o cümlədən, Elektron Paramaqnit Rezonansı 0,05 kvadrat metrə qədər olan və çətinliklə seçilən obyektlərə) atəş aça bilir.

"Sosna" zenit-raket kompleksi qanadlı raketləri və pilotsuz təyyarələri 12 km-ə qədər məsafədə görür. Ttəminatlı məğlubiyyət zonası: mənzili – 1,3-10 km, hündürlüyü – 2 metrdən 5 km-ə qədərdir. Atəşin idarə olunması sistemi optik-elektronikdir və kompleks özünü hər hansı bir radiasiya ilə büruzə vermir. ZRK günün istənilən vaxtında, istənilən havada, heyət üzvlərinin iştirakı olmadan avtomatik rejimdə işləyə bilir.

Sülhməramlı əməliyyat çərçivəsində Rusiya radielektron müharibəsində ən yeni kompleks hesab olunan "Leer-3" sistemini Dağlıq Qarabağa göndərib. Bu sistemin əsas vəzifəsi 3G və 4G şəbəkələrinin GSM mobil siqnallarını kəsməkdir. Kompleks bir KaMaz avtomobili və 120 kilometr radiusa malik iki-üç "Orlan"-10 PUA-sından ibarətdir. Pilotsuz uçuş aparatı telefonları, planşetləri aşkarlaya, kəşfiyyat apara, məlumatı rəqəmsal xəritəyə qeyd edərək atəş açılması üçün artilleriya qruplarına ötürə bilir.

Qarabağ münaqişəsi həll edilmədi, yenidən donduruldu, bu isə o deməkdir ki, müasir kəşfiyyat və hava hücumundan müdafiə sistemləri əhəmiyyətini qətiyyən itirməyib.

0