Kosmetik məhsullar dükanının piştaxtaları

Azərbaycanda boykot çağırışı: "O malları almayın!"

639
(Yenilənib 12:33 11.01.2017)
Bəzi ticarət müəssisələrində dövlət dilinə qarşı etinasızlıq əhalini və mütəxəssisləri narahat edir

BAKI, 11 yan — Sputnik. "Elmlər Akademiyası metrostansiyasının yaxınlığında yerləşən kosmetik vasitələr satılan dükana getmişdim. Bütün kosmetik vasitələrin tərkibi, təyinatı və hətta qiyməti belə ingilis dilində yazılmışdı. İngilis dilini bilmirəm. İndi necə anlayım ki, buradakı üz maskalarından hansı mənim üz dərimə uyğundur?"

Paytaxt sakini Sənubər Cəfərova Sputnik-ə göndərdiyi məktubunda bunları yazır. O, problemi aydınlaşdırmaq üçün dükanın satıcısına müraciət edib: "Satıcının cavabı belə oldu: "Kosmetik vasitələrin üzərində xiyar, çobanyastığı və sair tərəvəzlərin şəkilləri var. Onlara baxmaqla öz üzünüzə uyğun gələnini seçə bilərsiniz".

"Axı niyə öz ölkəmizdə həyatımızı bu qədər çətinləşdirirlər? Burada dövlət dili Azərbaycan dili deyilmi? Vətəndaş olaraq hüquqlarımız pozulur" — vətəndaş bildirir.

Azad İstehlakçılar Birliyinin (AİB) sədri Eyyub Hüseynov Sputnik-ə açıqlamasında qanunvericiliyin tələbinə toxunub: "Dövlət dili haqqında", "İstehlakçıların hüquqlarının müdafiəsi haqqında" qanunlarda, Nazirlər Kabinetinin 95 saylı qərarında birmənalı şəkildə göstərilir ki, ölkənin əmtəə bazarında olan bütün mallar və xidmətlər xarici dillə yanaşı, milli dildə də markalanmalıdır. Çox təəssüflər olsun ki, Gürcüstan və Ermənistan bu problemi həll edib, amma Azərbaycan bunu hələ də həll edə bilmir".

Alış-verişə gedəndə lüğəti evdə unutmayın
© Karikatura
Alış-verişə gedəndə lüğəti evdə unutmayın

"Çünki istehlakçıların hüquqlarını qoruyan dövlət siyasəti tam yerinə yetirilmir. Həmçinin, bu işi yerinə yetirməyə borclu olan dövlət qurumları öz vəzifələrinin öhdəsindən lazımınca gəlmir" — Hüseynov bildirib.

AİB sədrinin sözlərinə görə, Səhiyyə Nazirliyi üzərində Azərbaycan dilində məlumat olmayan dərmanların satışını qadağa etdiyi halda, hələ də apteklərdə belə dərmanlar satılır: "Eyni zamanda "Kontinental" dükanlar şəbəkəsində bir çox mallar haqqında məlumatlar xarici dildə yazılır. Avtomobillərin, mürəkkəb texniki məhsulların sənədləri əksər hallarda xarici dildə olur. Bu, anormal haldır. İqtisadiyyat Nazirliyi, çox təəssüf ki, müşahidəçi mövqeyində dayanıb".

E. Hüseynov təklif edir ki, üzərində milli dildə məlumat yazısı olmayan mallar qaçaqmal elan olunsun: "Belə mallardan imtina etmək lazımdır. Biz belə malları boykot etməliyik. Eyni zamanda, belə halla üzləşən alıcılar Azad İstehlakçılar Birliyinə müraciət etsinlər, biz də bu məsələni gündəmə gətirək".

"Biz Azərbaycan Dövlət İqtisad Universitetinin köməyi ilə 150-dən çox uşaq qidalarının üzərindəki məlumatları Azərbaycan dilinə tərcümə etmişik. Təəssüflər olsun ki, digər sahələri əhatə edə bilməmişik" — həmsöhbətimiz vurğulayıb.

Marketinq mütəxəssisi Vaqif Hüseynov isə Sputnik-ə açıqlamasında məsələyə fərqli yöndən yanaşıb: "Söhbət sahibkarın ticari marağında gedirsə, digər məqamlar onun üçün maraqlı olmur. Sahibkarın gözü ilə baxsaq, bu onun üçün qlobal problem deyil. Çünki, malı satılırsa, onun üçün yetərlidir".

"Amma bir vətəndaş mövqeyi sərgiləyəndə, sözsüz ki, malların üzərində Azərbaycan dilində də məlumat olmalıdır" — ekspert bildirib.

O, məsələyə psixoloji aspektdən də şərh verib: "Son zamanlar insanlar özlərini qlamur hiss etdiyi üçün, xarici dildə yazılan mallara, butiklərə daha çox üstünlük verirlər. Ona görə də belə dükanlarda Azərbaycan dilinə üstünlük vermir".

639
Teqlər:
Vaqif Hüseynov, kosmetik vasitə, dil, Eyyub Hüseynov, mağaza, satış, dükan, sahibkar, qanun, hüquq
Əlaqədar
Universitetlər arasında ana dili müsabiqəsi keçirilib
Məşhur triller Azərbaycan dilinə dublyaj olundu
Azərbaycanda əcnəbi dildə reklamlara icazə verilə bilər
Bitkilərin dilini bilən adam: onun bağında fəsillər dəyişmir
Azərbaycanlı professorun kitabı Çin dilində nəşr olunub
Rus dilində Qarabağ tarixinin elektron salnaməsi hazırlanıb
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

40
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

40
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

29
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

29
Azərbaycan Respublikası Müdafiə Nazirliyinin binası

MN: Ermənistan yeni atəşkəs rejimini kobud surətdə pozdu

0
(Yenilənib 08:08 26.10.2020)
ABŞ Dövlət Departamentinin dünən yaydığı məlumata əsasən, Dağlıq Qarabağda humanitar atəşkəs oktyabrın 26-da Bakı vaxtı ilə saat 08:00-da başlamalı idi.

BAKI, 26 oktyabr - Sputnik. Oktyabrın 26-da saat 08.00-dan yeni humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə əldə olunmuş razılaşmanı kobud surətdə pozub.

Bu barədə Sputnik Azərbaycan Müdafiə Nazirliyinə istinadən məlumat verir.

Xatırladaq ki, ABŞ Dövlət Departamentinin dünən yaydığı məlumata əsasən, Dağlıq Qarabağda humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0