Göygöl rayon sakini Elvin Cəfərov ağacdan müxtəlif maketlər düzəldir

Eyfel qülləsinin "əkizini" yaradan azərbaycanlı

211
Bu evdə dünyada olan bir çox abidələrə rast gəlmək mümkündür

İlham Mustafa, Sputnik Azərbaycan

BAKI, 7 yan — Sputnik. İstedad insana Yaradan tərəfindən verilən nemətdir. Bu nemət hər kəsə verilsə də, bir çoxları ona düşən xüsusi qabiyyətin nə olduğunu ömrünün sonuna qədər anlaya bilmir.

Amma bəziləri lap kiçik yaşlarından ondakı xüsusiliyi biruzə verir, maraq dairəsində olan istiqamətə daha çox yönəlir. Bu istedada mayak olmalı olan valideynlər isə əksinə, bəzən fırtına rolu oynayırlar. Yaxud istedad özü ənənədən çıxmaq qorxsunun kölgəsində qalaraq arzularını boğur. Lakin elə valideynlər də var ki, bu xüsusiliyi görərək övladlarına dəstək verir, ilk müəllim, ilk tamaşaçısı, ilk tənqidçi kimi özləri çıxış edirlər.

Göygöl rayon sakini Ağstan Cəfərov da belə valideynlərdəndir. O, oğlu Elvinin hələ kiçik yaşlarında, özündən böyük baltanı götürərərək kötüklərdən müxtəlif fiqurlar yonub düzəltməsini uşaqlıq həvəsi kimi qəbul edib. Hətta əl-ayağını kəsməsin deyə mane olmağa çalışıb, hər dəfə işə gedəndə baltanı, mişarı gizlədib.

Lakin bütün maneələrə baxmayaraq Elvin alətləri taparaq öz sevdiyi işlə məşğul olub. Atası danlamasın deyə, hazırladığı fiqurları isə gizlədib. Ağstan kişi bu prosesin Elvinin 6-7 yaşı olanda böyük adamların yona bilməyəcəyi kötüyü yonaraq gəmi düzəltməsinədək davam etdiyini deyir. Bundan sonra övladının istedadını başa düşən ata, ona mane olmağa son qoyaraq, dəstək verməyə başlayıb.

  • Göygöl rayon sakini Elvin Cəfərov ağacdan müxtəlif maketlər düzəldir
    Elvin Cəfərov indiyədək 20-ə yaxın əl işindən heç birini satmayıb
    © Sputnik / Ilham Mustafa
  • Göygöl rayon sakini Elvin Cəfərov ağacdan müxtəlif maketlər düzəldir
    Gənc ustanın düzəltdiyi nərdtaxtanın bir üzündə Azərbaycanın gerbi, digər tərəfində isə üçrəngli bayrağımızın rəngləri ilə işlənmiş Azərbaycan xəritəsi həkk edilib
    © Sputnik / Ilham Mustafa
  • Göygöl rayon sakini Elvin Cəfərov ağacdan müxtəlif maketlər düzəldir
    Elvinin ən böyük əl işi 3 ay 6 gün vaxt sərf etdiyi, 3 metrdən artıq hündürlüyü olan Eyfel qülləsidir
    © Sputnik / Ilham Mustafa
  • Göygöl rayon sakini Elvin Cəfərov ağacdan müxtəlif maketlər düzəldir
    Elvinin diplomları və fəxri fərmanları
    © Sputnik / Ilham Mustafa
  • Göygöl rayon sakini Elvin Cəfərov ağacdan müxtəlif maketlər düzəldir
    Elvin valideynləri ilə
    © Sputnik / Ilham Mustafa
  • Göygöl rayon sakini Elvin Cəfərov ağacdan müxtəlif maketlər düzəldir
    Hazırda Elvinin Bibiheybət məscidinin maketi üzərində işləyir
    © Sputnik / Ilham Mustafa
1 / 6
© Sputnik / Ilham Mustafa
Elvin Cəfərov indiyədək 20-ə yaxın əl işindən heç birini satmayıb

Elvin isə fiqur və maketlər hazırlamağı özünün hobbisi adlandırır. 16 yaşı olmasına baxmayaraq, əksər həmyaşıdlarından fərqli olaraq telefon, virtual oyunlar, vaxtını boş keçirmək kimi hallardan uzaqdır. Daim öz üzərində işləyir. Yeni layihələr, maketlər haqda düşünür. Maraqlı abidə, bina görən kimi, internetdə onun şəkillərini əldə edir və maketini yaradır.

İndiyədək 20-yə yaxın maket düzəldən Elvinin ən böyük əl işi 3 ay 6 gün vaxt sərf etdiyi, 3 metrdən artıq hündürlüyü olan Eyfel qülləsidir. Əsasən şam ağacından istifadə edən gənc usta, bu maketi qurarkən 5748 detal düzəldib. Maket hazırlandığı gündən Cəfərovların evinin ən dəyərli əşyasına çevrilib. Artıq 2 ildir ki, evdə yeni il yolkası əvəzinə Eyfel qülləsi bəzədilir.

Hazırda Elvinin üzərində işlədiyi Bibiheybət məscidi isə bir çox parametrlərinə görə 16 yaşlı ustanın şah əsərinə çevrilə bilər. Elvin 2,4 metr uzunluğu, 2 metrdən artıq hündürlüyü olan bu maketin üzərində 3 aydır çalışır və tam başa gəlməsi üçün daha bir o qədər də vaxt sərf olunacağını deyir. Bu maketin düzəldilməsində əsas vaxt aparan iş isə, reallıqda məscidin üzərinə vurulmuş aqlay daşların görüntüsünü verən ağac parçalarının kəsilib yapışdırılmasıdır. Usta çox əziyyət tələb edən bu işdən nəinki bezmədiyini, əksinə zövq aldığını deyir.

Bundan başqa, Elvinin əl işləri sirasinda Türkiyədə yerləşən Qızılay məscidi, Göygöldəki Alman kilsəsi, müxtəlif ölçülü motosikllər, evlər, yellənən kürsü və digər fiqur və maketlər də var. Elvinin maraqlı işlərindən biri də nərdtaxtadır. Onun bir üzündə Azərbaycanın gerbi, digər tərəfində isə üçrəngli bayrağımızın rəngləri ilə işlənmiş Azərbaycan xəritəsi həkk edilib. Gənc usta nərdtaxtanın içini isə türklüyün simvolu olan qurd şəkilləri ilə bəzəyib.

E. Cəfərov indiyədək 20-ə yaxın əl işindən heç birini satmayıb. Atası Ağstan kişi də onların satılmasının əleyhinədir. Özü günəmuzd fəhlə işləməsinə baxmayaraq, gəlirindən bir qismini Elvin üçün avadanlıq və alətlərin alınmasına ayırıb.

Hər bir maketin düzəldilməsi üçün xeyli avadanlıq işlədilir. Bundan başqa, alətlərin tez-tez sıradan çıxması aztəminatlı ailə üçün bəzən ciddi vəsait hesabına başa gəlir. Amma o, bütün maddi çətinliklərə baxmayaraq, oğlunun arzularından uzaq düşməsinə imkan verməməyə çalışır.

Ağstan kişi adını çəkmək istəmədiyi qurumlar tərəfindən Elvinə köməklik ediləcəyi barədə şoxsaylı vədlər eşitsə də, 3 il ərzində bu yöndə xırda bir addım belə, atılmadığını deyir. Ailənin ən böyük arzusu isə köməklik göstərildiyi təqdirdə, Elvinin əl işlərindən ibarət sərgi təşkil etməkdir.

Bu arzu da, aztəminatlı ailənin maddi durumu xaricində olduğu üçün arzu olaraq qalır. Ağstan Cəfərov əmindir ki, Elvinin əl işləri Azərbaycan daxilində Göygöl rayonunu, xaricdə isə bütün Azərbaycanı uğurla təmsil edə bilər.

211
Teqlər:
maket, Eyfel qülləsi, Ağstan Cəfərov, Elvin Cəfərov, istedad, fiqur, valideyn, övlad, Göygöl, usta, gənc, ata, azərbaycanlı
Əlaqədar
Türk usta bir möcüzə gerçəkləşdirdi
Əsərləri ilə insanları valeh edən usta
Təndir düzəldən ustaların sayı kəskin surətdə azalıb
Müştərisinin geri dönəcəyini 6 il gözləyən usta
Dairəvi Alban Məbədi, arxiv şəkli

Alban tarixinə ögey yanaşma: Nazirlik abidələrə lövhə vurmaqla işini bitmiş sayır

764
(Yenilənib 21:09 18.04.2021)
"Bəzən sosial şəbəklərdə yazırlar ki, "7 manat çox bahadır". Hansı ki, o şikayət edənlər gedib bahalı restoranlarda yemək yeyib, şəklini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat

Şahpəri Abbasova, Sputnik Azərbaycan

BAKI, 18 aprel — Sputnik. Hər il aprelin 18-i dünyada Beynəlxalq Abidələr və Tarixi Yerlər Günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Bu əlamətdar gün Azərbaycanda da geniş qeyd olunur. Azərbaycan Milli Elmlər Akademiyası, tarix üzrə fəlsəfə doktoru Akif Məmmədli Sputnik Azərbaycan-a açıqlamasında təəssüflə bildirir ki, Azərbaycanda tarixi abidələr və muzeylərlə bağlı maarifləndirmə işləri çox zəifdir:

"Son aylar nisbətən diqqət artıb. Turizm Mədəniyyət Nazirliyindən ayrıldıqdan sonra az da olsa fərqi hiss edirəm. Mədəniyyət Nazirliyinin nümayəndələri dəfələrlə mənim yaratdığım muzeydə olublar. Amma buna baxmayaraq, tarixi abidələrin qeydə alınması ilə bağlı proses bir az da ləngiyib. Mənim yaratdığım muzeyə Amerikadan, Türkiyədən, Kanadadan, Sinqapurdan gələn xarici qonaqlar olur. Bəzən hətta yol ötən sürücülər belə yaratdığım muzeyə baş çəkir. Ən azı bəşər övladının yaratdığı dəyər olduğunu anlayırlar. Təəssüf ki, bu, Azərbaycanda bu sahəyə maraq arzulanan səviyyədə deyil".

Alim tariximizə laqeyd münasibətlə bağlı Kütləvi İnformasiya Vasitələrinə və dövlət qurumlarına səslənib:

"Çox istəyərdim ki, KİV, dövlət qrumları bu məsələyə xüsusi önəm versinlər. Tarixi abidələrimiz bizim milli pasportumuzdur. Buradakı insanların dünənki tarixidir. Sabahkı tariximiz üçün bir şahiddir. Çinlilərin bir sözü var, "keçmişini yaxşı öyrən, o, gələcəyin müəllimidir". Tarixi öyrənmək üçün kitab oxumaq kifayət deyil. Mütləq tarixi məkanları, muzeyləri də ziyarət etmək lazımdır. Məsələn, Qax rayonunun Güllük kəndində böyük təpənin üzərində çox möhtəşəm abidə var idi. Amma hazırda abidənin yalnız bünövrəsi qalmaqdadır. Bu da insanların cahilliyindən, maariflənmə işinin aparılmamasından irəli gəlir. Yaxşı olar ki, alban abidələri haqqında mediada maarifləndirmə işləri aparılsın".

Alim qeyd edir ki, o sökülən başqasının deyil, bizim - Qafqazın tarixidir.

"Azərbaycanın tarixi abidələrinin tətqiqatçısı, numizmat-alim Yevgeni Paxomov yazıb: "Misir tarixi üçün ehramların nə qədər böyük əhəmiyyəti varsa, Qafqaz tarixi üçün də Katex kəndində tikilən bu səddin bir o qədər böyük əhəmiyyəti var". Mən bu abidənin restavrasiyası üçün keçmiş Mədəniyyət naziri Əbülfəz Qarayevə dəfələrlə müraciət etdim. O söz verdi, mütəxəssislər gəldi. Həftələrlə o abidənin üzərində işlədik. Mədəniyyət Nazirliyi ora bir lövhə vurmaqla öz işini bitmiş hesab elədi", - deyə mütəxəssis bildirib.

Milli Azərbaycan Tarixi Muzeyinin Elmi-kütləvi iş və təhsil şöbəsinin mütəxəssisi Qənirə Qaforava isə deyir ki, onun çalışdığı muzeydə vəziyyət heç də pis deyil. Dediyinə görə, ziyarətçi sarıdan da əziyyət çəkmirlər:

"Bizim muzeyimizə hər zaman maraq olub. Çünki, Azərbaycanda ilk yaranan muzeydir. Burada iki muzey yerləşir – həm Milli Azərbaycan Tarixi Muzeyi və Hacı Zeynalabdin Tağıyevin xatirə muzeyi. Bura Tağıyevin yaşayış yeri olub. Gələn ziyarətçi iki muzeyi ziyarət edir. İstər yerli, istərsə də xarici ziyarətçilər hər zaman maraqla gəliblər. Pandemiya dövründə bir müddət bağlandı, amma hazırda açıqdır və ziyarətçilərimiz muzeyimizə baş çəkirlər. Hazırda Tarix muzeyi təmir-bərpa işləri ilə əlaqədar müvəqqəti bağlıdır. Amma Tağıyevin 10 otaqdan ibarət xatirə muzeyi açıqdır. Xaricilər üçün 5 manat, yerli ziyarətçilər üçün 2 manatdır, amma məktəbli və tələbələr üçün 1 manatdır. Xaricilər muzeyimizi çox maraqla izləyirlər".

Milli Xalça Muzeyinin Mətbuat xidmətinin rəhbəri Ülvina Fərzəliyeva da mövzuya münasibətini bildirib:

"Giriş 7 manatdır. 6 yaşına qədər uşaqlar üçün pulsuzdur. 6 manatdan yuxarılara 3 manat, məktəb və tələbələrə də 3 manat. Azərbaycan Xalça muzeyi ölkənin ilk İnklüziv muzeydir. Fiziki məhdudiyyətli insanlar da rahat şəkildə muzeyimizi ziyarət edə bilirlər. Onların əlil arabasında girişi, liftlərdən istifadəsi, ekspozisiyalarla tanışlıq üçün bütün şərait yaradılıb. Bundan əlavə, bizdə görmə əngəlli insanlar üçün xovsuz və xovlu texnikanın birgə tətbiqi ilə xalçalarımız üzərində ornamentlər toxunub. Bunu ənənəvi texnologiya şöbəsinin toxucuları ona görə ediblər ki, görmə əngəlli insanlarımız da xalçalara toxunub hiss edə bilsinlər. Bundan əlavə, həmin ornamentlərlə bağlı brayl əlifbası ilə məlumat verilib".

Fərzəliyeva sosial şəbəkələrdə muzeyə girişin baha olmasına narazılıq edənləri də unutmayıb:

"Deyirlər, 7 manat çox bahadır. Halbuki o şikayət edənlər gedib bahalı restoranlarda yemək yeyib, şəkillərini sosial şəbəkələrdə paylaşırlar. Amma muzey üçün 7 manatı qıymırlar. Halbuki o 7 manat bir kofenin, bir çayın puludur. Gələn insanlar deyirlər ki, "sanki bir anlıq nağıllar aləminə düşdük". Bizim muzeyimizi ziyarət edənlər uzun müddət o ab-havadan çıxmırlar". 

764
Bıçaq əlində qadın, arxiv şəkil

Bacılar arasında bıçaqlaşma baş verib - Lənkəranda

93
(Yenilənib 17:34 18.04.2021)
1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib.

BAKI, 18 aprel - Sputnik. Lənkəranda bıçaqlanma hadisəsi baş verib.

Sputnik Azərbaycan Report-a istinadla xəbər verir ki, hadisə şəhərin Füzuli küçəsi 43 ünvanında baş verib. Belə ki, 1990-cı il təvəllüdlü Vahidə Qəribəli qızı Şərifova sol bazunun yuxarı hissəsinin deşilmiş yarası diaqnozu ilə Lənkəran Rayon Mərkəzi Xəstəxanasına müraciət edib. Ona zəruri tibbi yardım göstərilib.

Hadisənin ailə münaqişəsi zəminində bacılar arasında baş verdiyi bildirilir. Faktla bağlı araşdırma aparılır.

93
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0