Homoseksuallar

Homoseksuallıq xəstəlik deyil, həyat tərzidir

11833
(Yenilənib 10:44 06.01.2017)
Homoseksualizm bir çox xəstəliklər kimi müalicəsiz deyil. Psixoterapiya kursu keçən hər 3 geydən biri heteroseksual ola bilir.

BAKI, 5 yan-Sputnik. Bir dəfə Hillari Klinton ABŞ prezidentliyinə namizəd kimi irlandların illik yürüşləri çərçivəsində qey-parada qatılmışdı. Seksual azlıqların dəstəklənməsi Amerika siyasətçiləri üçün ənənəvi olan Müqəddəs Patrik bayramından daha əlverişlidir, çünki orada iştirak etmək üçün gey olmaq vacib deyil. Rusiya saytlarında dərc olunan məqalədə belə yazılır.

Elm və həyat

Homoseksualizm bir çox xəstəliklər kimi müalicəsiz deyil. Psixoterapiya kursu keçən hər 3 geydən biri heteroseksual ola bilir. Lakin hazırkı cəmiyyətlər öz cinslərindən olmayanların müalicə oluna biləcəyinə inanmır və başa düşmək istəmir ki, belə xəstələri sağaltmaq üçün əvvəlcə onların düşüncələrini sağaltmaq lazımdır. Buna isə onları cəmiyyətdən kənarlaşdıraraq nail olmaq olmaz. 

Bununla yanaşı, homoseksualizm Ümumdünya Səhiyyə Təşkilatının diaqnozları arasında xəstəlik siyahısından çıxarılıb. 1992-ci ildən etibarən homoseksualizm xəstəlik yox, həyat tərzi hesab edilir. Bir çox hallarda dünya Amerika nəzəriyyəsini kor-koranə şəkildə izləyir. ABŞ həkimləri homoseksual normaları birdən-birə qəbul etməyiblər. 

1963-cü ildə Nyu York Tibb Akademiyasının İctimai Səhiyyə Komitəsi tədqiqat tsiklini başa çatdırdı və belə bir qorxunc rəy verdi: 

“Homoseksuallıq həqiqətən də bir xəstəlikdir. Homoseksual normal heteroseksual əlaqələr qurmaqda aciz və emosional sahədə pozğunluqları olan fərddir.” 

Elə həmin vaxt da tədqiqatçıları xəbərdar etdilər ki, bir sıra homoseksuallar müdafiə mövqeyindən kənara çıxırlar və sübut etməyə başlayırlar ki, belə pozğunluq arzuolunan, nəcib və üstün həyat tərzidir. 

Həkimlərin sosial proqnozları tam təsdiq edildi. Geylərin hüquqları uğrunda hərəkatın fəallarının həlledici hücumu 1971-ci ildə baş verib. Amerikanın Psixiatrik Assosiasiyasının (APA) iclası zala daxil olan nümayişçilər tərəfindən dağıdıldı. 

«Psixiatriya – düşmən təhsilidir. Psixiatriya bizi amansız müharibə aparmağa vadar edir. Siz bunu sizə qarşı müharibə elanı hesab edə bilərsiz… Sizin bizim üzərimizdəki hakimiyyətinizi tamamilə rədd edirik” – deyə hücumçular bildirmişdilər. 

Assosiasiya çox tez güzəştə getdi: “homoseksuallıq” diaqnozu xəstəlik kimi yalnız bir halda — qeyri-ənənəvi oriyentasiyalı pasientin “əzabları gözəgörünən olduqda” qəbuledilən hesab olunur. 

Beləliklə də psixoanalizin baza prinsipi pozuldu. Özünü narahat hiss edən nevroloji, yaxud da psixoloji problemləri olan adamlar özlərinin xəstə adlandırılmasını qəbul edə bilmədilər. Onlar Assosiasiyanı məcbur etdilər ki, onları xəstə deyil, qeyri-ənənəvi 3-cü cinsin nümayəndələri kimi qəbul etsinlər. 

1973-cü ildə “homoseksualizm” və “homoseksuallıq” sözləri psixiatrik xəstəliklər siyahısından yoxa çıxdı. Bu sözlərin işlədilməsi cinsi ayrı-seçkilik elan edildi. Özü də bu addım hər hansı tədqiqat işləri və elmi araşdırmalar aparılmadan edildi. 

1978-ci ildə, bu hadisələrdən 5 il sonra APA üzvü olan 10 min amerikalı psixiatr arasında səsvermə keçirildi. 68% psixiatr hələ də homoseksuallığı psixoloji pozğunluq hesab edirdi. 

Şizofreniya və paranoyya

Bu irrasional polemikalar dünyasında homoseksualizmin əsl səbəbi hələ də araşdırılmayıb. Bir sıra həkimlər hesab edirlər ki, homoseksuallığın formalaşması genetik xüsusiyyətlərlə bağlıdır. Digərləri isə deyirlər ki, bu, mərkəzi sinir sisteminin patologiyasının və endokrin pozulmaların nəticəsidir. 

Britaniya Psixoanalitiklər Assosiasiyasının mükafatının laureatı Çarlz Sokarides 40 il bu problemi araşdırıb. Onun qiymətləndirməsinə görə, insanın homoseksuallığı bioloji amillərlə deyil, sosial faktorlarla əlaqədardır. Bu isə o deməkdir ki, oriyentasiyanı psixoterapiyanın köməyi ilə korrektə etmək mümkündür. 

Sokarides birmənalı olaraq APA-nın öz cinsi arzularına dözə bilməməklə bağlı rəsmi tövsiyəsini təkzib edib. Professorun sözlərinə görə, məhz psixiatrların bu mövqeyi ona gətirib çıxarıb ki, qeyri-təbii sevgidən xilas olmaq arzusunda olan homoseksualların çoxu müalicə kursuna getməkdən imtinaya məcbur olublar. Çünki onlara təlqin edilib ki, bu xəstəliyin müalicəsi yoxdur və onlar heç vaxt sağalmayacaqlar. 

Sokarides onu da etiraf edib ki, homoseksual hərəkətlər edənlərin demək olar ki, yarısı şizofreniyadan, paranoyyadan, latent psevdonevrotik şizofreniyadan, yaxud da manyakal-depressiv reaksiyalardan əziyyət çəkirlər. 

Sokaridesin NARTH-dakı (National Association for Research and Therapy of Homosexuality, Homoseksualizmin Araşdırılması və Müalicəsi üzrə Milli Assosiasiya) kolleqaları 3 xəstənin müalicəsinə nail olublar. Ola bilsin ki, məhz bu nəticələr sözügedən dərnəyin fəaliyyətlərinə qarşı etirazlara səbəb olmuşdu. 

Artıq bizim əsrdə Kolumbiya Universitetindən olan amerikalı psixiatr Robert Spitser daha təsəlliverici statistika açıqlayıb. 

Psixoterapiya kursundan sonra 66% kişi, 44% qadın heteroseksual olub. Onların əks cinsdən olanlarla əlaqələr sahəsindəki problemləri tamamilə aradan qalxıb və öz cinslərindən olanlara maraqları tamamilə itib. 

Mavi PR 

Muasir cəmiyyətlərdə belədir ki, istənilən ideya arqumentləşdiriləndə özünə vətəndaşlıq qazanır. Başqa sözlə desək, təbliğatın ən yaxşı yolu təxribatdır. 

1970-ci ildə baş verən münaqişə zamanı homoseksual inqilabın fəallarından biri psixiatr İrvinq Biberə demişdi: “Mən sizin kitabınızı oxumuşam. Əgər bu kitabda homoseksuallar barədə yazılanlar qaradərililər haqqında yazılsaydı, onlar sizin dərinizi soyar və şaqqalayardılar, hansı ki, siz ona layiqsiz.” 

Bu gün də geylərin hüquqlarını müdafiə edən fəalların ritorikasında hoqqabazlıq, isterika və təhqir mövcuddur. Ən yaxşı halda “Amerikasayağı gözəllik” filmində olduğu kimi, homoseksuallağın ən qatı əleyhdarı belə gey adlandırılır. 

Ən pis halda isə son Hollivud təbliğatında olduğu kimi bircinsli sevgi müdafiə olunur. Necə ki, Hollivud filmləri homoseksuallığı davamlı olaraq təbliğ edir və demək olar ki, dünyanın ən sevilən ulduzlarının bioqrafiyasında onun mütləq homoseksual olduğu qeyd edilir. Bir çox hallarda geylik ali mədəniyyət hesab olunur. 

Amma istənilən təxribat ictimai şüurda özünə yer edir və təbliğati effekt verir. Aydındır ki, bu məsələdə informasiya siyasəti də öz işini görür. 

“Times” qəzetinin müxbiri Riçard Berk qeyri-ənənəvi oriyentasiyası olan jurnalistlərin Milli Assosiasiyasının 10 illik yubileyində demişdi ki, «Bizim qəzetin oxucularının üçdə biri homoseksuallardır, hansı ki, biz onları birinci sıraya qoyuruq”. 

Yeri gəlmişkən, qeyri-rəsmi statistikaya görə, mərkəzi Rusiya telekanallarının əməkdaşlarının dörddə biri qeyri-ənənəvi oriyentasiyaya malikdir. 

Oxşar situasiya musiqidə də var. Məsələn, rusiyalı musiqiçi Boris Qrebenşikov 7-8 il əvvəl demişdi ki, son 10 ildə musiqi mavilərin monopoliyasındadır. 

Homoseksuallara qarşı guya zorakılıq olduğu barədə QHT-lərin və KİV-lərin hay-küy salması, keçirilən gey-paradlar, dövlətlərin ciddi-ciddi eyni cinsdən olanların nikahını qəbul etməsi, eynicinslilərdən ibarət ailələrə uşaqların verilməsi, eynicinslilər üçün xüsusi məktəblərin açılması və s. kimi məsələlər əslində homoseksuallığın təbliğinə fokuslaşmış məsələlərdən başqa bir şey deyil. Sadəcə belə bir tarixi qanunauyğunluq var: istənilən elmi, etik və informativ standartlar tezliklə idarəolunmaz vəziyyətə gəlib çıxır. Nəticədə dəyərlər həyat tərzini dəyişir. Amerika Psixiatrik Assosiasiyasının buraxdığı “Diaqnostika və statistika üzrə soraqça”da pedofiliya sahəsində dəyişikliyin olduğu bildirilib. Uşaqlara qarşı sadəcə şəhvət duyan və onlarla yalnız bir dəfə intim əlaqəyə girən şəxslər pedofil sayılmayacaqlar. Adam yalnız o halda pedofil sayılacaq ki, o, dəfələrlə uşaqlarla əlaqədə olsun və pedofiliya onun normal həyat tərzinə çevrilsin.

Adamyeyənlərin hüquqlarını müdafiə cəmiyyətləri

Məhz bu cür yanaşma homoseksuallığın rəsmən tanınmasına gətirib çıxardı. Bu o deməkdir ki, 10-15 il sonra adamyeyənlər peyda olmağa başlasa və onlar 1 dəfə deyil, davamlı olaraq adamları yesələr, onda rəsmən adamyeyən sayılacaqlar. Onda adam yemək leqallaşdırılacaq və adamyeyənlərin hüquqlarını müdafiə cəmiyyətləri yaranacaq. 

Dözümlülük şüarları əslində insanların “dözməli olduqları şeylər”in geniş surətdə yayılmasına və həyat tərzinə çevrilməsinə səbəb olur. Homofoblara konservator, faşist yarlığı yapışdırılır. Və bunu edənlər də liberallar hesab olunurlar. 

Mütəxəssislərin fikrincə, homoseksuallıq, pedofiliya kimi anormal insan davranışları bu gün ona görə rəsmi səviyyələrdə qəbul olunur və həyat tərzinə çevrilir ki, kimlərsə ondan siyasi alət kimi istifadə edir. Klintonun gey-paradda iştirakı əslində LGBT ittifaqından siyasi divident qazanmaq niyyətindən başqa bir şey deyildi. Yaxud da, gey bəzi siyasi fiqurlar üçün qara piar vasitəsidir. Kiminsə evini yıxmaq, seçici səslərini əlindən almaq üçün gey damğası vurmaq kifayətdir. 

Yaxud da homoseksuallar kino, musiqi, idman dünyasında bir çoxları üçün iri məbləğdə pullar qazanmaq vasitəsidir. Hollivudun başında durduğu gey təbliğatı havadan qaynaqlanmır. Elm sübut edib ki, bir çox xəstəliklər və dərmanlar ona görə mövcuddur ki, dərman şirkətləri bundan pul qazanmaq istəyir. Geylik də eynilə belədir, ondan pul qazanmaq istəyənlərin reklam etdiyi "xəstəlik".  

Bütün tədqiqatlar bir nəticəyə gətirir: Homoseksuallıq bioloji yox, psixoloji problemdir. Onunla vidalaşmaq üçün sadəcə iradəli olmaq, psixiatrik müalicə kursu qəbul etmək vacibdir. Homoseksuallıqdan xilas olmaq, normal ənənəvi cinsə dönmək hər kəsin öz əlindədir.    

11833
KT, arxiv şəkli

"Tibbi ölçü cihazları dövlət yoxlamasından keçməlidir"

6
(Yenilənib 16:38 22.01.2021)
Məqsəd diaqnostikada istifadə olunan klinik-laborator, rentgen aparatları və s.  kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır.

BAKI, 22 yanvar — Sputnik. Mülkiyyət formasından asılı olmayaraq, səhiyyə sahəsində istifadə olunan tibbi ölçü cihazları istismara verilənədək və təmirdən sonra ilkin yoxlamadan, istismar prosesində isə dövrü yoxlamadan keçirilməlidir. Bunu Sputnik Azərbaycan-a Antiinhisar və İstehlak Bazarına Nəzarət Dövlət Xidmətinin sektor müdiri Elməddin Quliyev deyib.

Məqsəd göstərilən səhiyyə xidmətləri zamanı xəstəliklərin diaqnostikasında istifadə olunan klinik-laborator, rentgen aparatları və s. kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti səhiyyə sahəsində xidmət göstərən subyektlərin nəzərinə çatdırır ki, "Ölçmələrin vəhdətinin təmin edilməsi haqqında" Azərbaycan Respublikası Qanununa əsasən, səhiyyə sahəsində yalnız üzərində yararlılığına dair yoxlama nişanı və ya yoxlama haqqında şəhadətnaməyə malik tibbi ölçü cihazlarından istifadəyə icazə verilir.

İnzibati Xətalar Məcəlləsinə əsasən, səhiyyə sahəsində ölçmələrin tipi təsdiq edilməmiş və ya yoxlamadan keçirilməmiş ölçmə vasitələrindən istifadəyə görə vəzifəli şəxslər üçün 1500 manatdan 2000 manatadək, hüquqi şəxslər üçün 3000 manatdan 4000 manatadək məbləğdə cərimə olunur. Mülkiyyət formasından asılı olmayaraq, səhiyyə sahəsində xidmət göstərən subyektlər tibbi ölçü cihazlarını ilkin yoxlamadan və ya dövrü yoxlamadan keçirmək üçün "Azərbaycan Metrologiya İnstitutu" publik hüquqi şəxsə və ya ölçmələrin vəhdətinin təmin edilməsi sahəsində akkreditasiya olunmuş digər qurumlara müraciət edə bilərlər.

İstehlakçılara tövsiyə olunur ki, səhiyyə xidmətlərindən istifadə edərkən ölçmələrin qeyri-dəqiq nəticələri ilə qarşılaşmamaq üçün tibbi ölçü cihazlarının yararlılığına dair təsdiqedici sənədi tələb etsinlər, yoxlamadan keçməmiş tibbi cihazlarla göstərilən xidmətləri almaqdan çəkinsinlər. Bu kimi hallarla qarşılaşdıqları təqdirdə istehlakçılara İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur (tel: 498-15-01 və 498-15-04).

6
Qida festivalı, arxiv şəkli

Azərbaycanda qastronomiya turizmi çiçəklənəcək: Konsepsiyada nələr var?

4
(Yenilənib 16:37 22.01.2021)
Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

BAKI, 22 yanvar — Sputnik. Dövlət Turizm Agentliyinin dəstəyi ilə Azərbaycan Turizm Bürosu tərəfindən ölkəmizdə qastronomiya turizminin inkişafı üçün "Milli dadlar" konsepsiyasının hazırlanması işinə start verilib. Sputnik Azərbaycan-a Agentlikdən verilən məlumata görə, layihənin əsas məqsədi qastronomiya turizminin inkişafına nail olmaq, tarixi milli mətbəx nümunələrinə, onların hazırlanma və təqdim edilmə ənənələrinə yenidən həyat verib, yerli və əcnəbi turistlərə çatdırılmasına dəstək verməkdir.

Azərbaycan Turizm Bürosu unudulmuş və ya unudulmaq təhlükəsi olan milli mətbəximizə məxsus nümunələrin vahid mənbədə toplanması işinə dəstək verilməsi üçün "millidadlar.az" onlayn portalını təqdim edir.

Azərbaycan Turizm Bürosu bu sahədə məlumatlı olan hər kəsi portalda qeyd edilən qısa suallara cavab verməklə ölkəmizin milli mətbəx nümunələrinin, qastronomiya ənənələrimizin qorunub saxlanılması və beynəlxalq tanıdılması işinə dəstək olmağa çağırır.

Bir il davam etməsi nəzərdə tutulan layihənin yekununda "Milli dadlar" konsepsiyası ictimaiyyətə təqdim ediləcək.

Layihə çərçivəsində ölkəmizin zəngin kulinariya potensialının dərin etnoqrafik köklərə malik olması nəzərə alınaraq Bakı-Abşeron, Quba-Qusar, Şəki-Zaqatala, Cənub regionu, Naxçıvan Muxtar Respublikası, Gəncə-Qazax, Qarabağ, Dağlıq Şirvan, Kəlbəcər-Laçın və Aran bölgələrindən olan milli mətbəxə məxsus müxtəlif nümunələr haqqında məlumatlar toplanılıb. Elmi materiallardan və birbaşa yerli əhalidən əldə olunan informasiyalar əsasında Azərbaycan üzrə 900 ədəd nümunə pasportun işlənib hazırlanması nəzərdə tutulur.

Nümunə pasportda qida və inqrediyentin tərkib hissələri və görünüşü kimi məlumatlarla yanaşı, onun mədəni, tarixi, müalicəvi əhəmiyyəti və turizm marketinqi istiqamətində uyğunluğunun qeyd edilməsi nəzərdə tutulub.

4
Müdafiə naziri general-polkovnik Zakir Həsənov və Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp arasında görüş

Azərbaycan Britaniya hərbi sahədə əməkdaşlıq edəcəklər?

0
(Yenilənib 16:41 22.01.2021)
Səfir Ceyms Şarp deyib ki, Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcək.

BAKI, 22 yanvar — Sputnik. Müdafiə naziri general-polkovnik Zakir Həsənov yanvarın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp ilə görüşüb. Bu barədə Sputnik Azərbaycan-a Müdafiə Nazirliyindən məlumat verilib.

Müdafiə naziri azad edilmiş ərazilərdə ordumuz tərəfindən həyata keçirilən tədbirlər, həmçinin Azərbaycan Ordusunda aparılan islahatlar və digər məsələlər barədə səfirə məlumat verib.

Görüş zamanı iki ölkə arasında müdafiə sahəsində, o cümlədən hərbi-texniki sahədə əməkdaşlıq üçün böyük potensialın olduğu və bu imkanların genişləndirilməsinin vacibliyi vurğulanıb.

Tərəflər ölkələrimiz arasında hərbi təhsil sahəsində əldə olunan razılaşmaların həyata keçirilməsinin, hərbi ingilis dili kurslarında dinləyicilərin sayının artırılmasının zəruriliyini xüsusi qeyd edib.

Öz növbəsində diplomat Vətən müharibəsində qazanılan qələbə münasibətilə Azərbaycan xalqını təbrik edib.

Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.

Görüşdə regional və ikitərəfli əməkdaşlıq, həmçinin qarşılıqlı maraq doğuran bir sıra digər məsələlər müzakirə edilib.

0
Teqlər:
Böyük Britaniyanın Azərbaycandakı səfiri, Böyük Britaniya