Media

Rusiyadakı azərbaycanlıları "otxod" adlandıran deputat "lider" oldu

158
2016-cı ilin dekabr ayında elektron mətbuatda deputatlarla əlaqəli 24888 xəbər yerləşdirilib

BAKI, 5 yan — Sputnik. Azərbaycanın bütün media orqanlarının monitorinqini aparan Media Təqib Mərkəzi (MTM) 2016-cı ilin dekabr ayı üzrə analiz işini yekunlaşdırıb. Mərkəz ölkədə mövcud olan bütün sahələrin analizini aparır. Monitorinq sahəsinə ölkədə dərc olunan 100-ə qədər qəzet və jurnal (o cümlədən, 35 gündəlik qəzet), elektron vasitələrdə yayımlanan 1600 sayt (o cümlədən, 500 gündəlik yenilənən sayt), 12 televiziya kanalı, 12 radio kanal və sosial şəbəkələr daxildir.

Sputnik MTM-ə istinadən deputatlarla bağlı dekabr ayı üzrə məlumatları təqdim edir:

2016-cı ilin dekabr ayında elektron mətbuatda, yəni sayt və portallarda deputatlarla əlaqəli 24888 xəbər yerləşdirilib. Bunlardan 621 xəbər mənfi, 454 xəbər müsbət və 23813 xəbər isə neytraldır. Mənfi xəbərlər arasında liderlər: Astan Şahverdiyev (299 xəbər — deputat haqqında sərt fikirlər), Hüseynbala Mirələmov (60 xəbər — deputat haqqında sərt fikirlər), Mirzəcan Xəlilov (41 xəbər — deputat fəhlənin haqqını yeməsi iddiası — şikayət). Müsbət xəbərlər arasında liderlər: Zeynəb Xanlarova (161 xəbər — millət vəkilinin "Heydər Əliyev" ordeni ilə təltif edilməsi), Əliağa Hüseynov (55 xəbər — "Şöhrət" ordeni ilə təltif edilməsi).

Xəbər sayına görə sıralama:
1 Mehriban Əliyeva 3713 xəbər
2 Oqtay Əsədov 1629 xəbər
3 Astan Şahverdiyev 1209 xəbər
4 Əflatun Amaşov 737 xəbər
5 Siyavuş Novruzov 676 xəbər
6 Rövnəq Abdullayev 665 xəbər
7 Qüdrət Həsənquliyev 656 xəbər
8 Vahid Əhmədov 636 xəbər
9 Fəzail Ağamalı 574 xəbər
10 Ziyad Səmədzadə 567 xəbər

Yazılı mətbuatda (qəzet və jurnallarda) bu sektorla əlaqəli 3910 xəbər dərc edilib. Bu xəbərlərdən 3852-si neytral, 20-i müsbət, 38-i isə mənfi xəbərlərdir. Mənfi xəbərlər arasında Astan Şahverdiyev (28 xəbər — deputata qarşı etirazlar başlanması, haqqında sərt fikirlər) liderdir. Müsbət xəbərlər arasında liderlər: Zeynəb Xanlarova (14 xəbər — millət vəkilinin "Heydər Əliyev" ordeni ilə təltif edilməsi), Əliağa Hüseynov (3 xəbər — "Şöhrət" ordeni ilə təltif edilməsi).

Xəbər sayına görə sıralama:
1 Mehriban Əliyeva 594 xəbər
2 Əflatun Amaşov 144 xəbər
3 Oqtay Əsədov 143 xəbər
4 İsa Həbibbəyli 113 xəbər
5 Hikmət Məmmədov 111 xəbər
6 Ziyad Səmədzadə 109 xəbər
7 Rövnəq Abdullayev 92 xəbər
8 Bahar Muradova 84 xəbər
9 Vahid Əhmədov 82 xəbər
10 Fuad Muradov 76 xəbər

Dekabr ayında televiziya kanallarında deputatlar haqqında 1785 xəbər göstərilib. Xəbər sayına görə sıralama:

1 Mehriban Əliyeva 320 xəbər
2 Cavid Qurbanov 100 xəbər
3 Oqtay Əsədov 91 xəbər
4 Ziyad Səmədzadə 80 xəbər
5 Fuad Muradov 79 xəbər
6 Əhliman Əmiraslanov 69 xəbər
7 Bahar Muradova 67 xəbər
8 İsa Həbibbəyli 66 xəbər
9 Hadı Rəcəbli 50 xəbər
10 Əflatun Amaşov 47 xəbər

158
Teqlər:
mənfi, müsbət, MTM, Media Təqib Mərkəzi, media, monitorinq, deputat, məlumat
Əlaqədar
Hökumət deputatların təklifini qəbul etdi
Deputatdan aztəminatlı ailələrlə bağlı mühüm təklif
Deputat hökumətdən bir milyon manat istəyir
Deputatlarımız Özbəkistanda prezident seçkilərini müşahidə edəcəklər
Deputat işığın qiymətinin qaldırılmasına etiraz etdi
Azərbaycanlı deputatlar Rusiyaya gedirlər
Bakıda çovğun, arxiv şəkli

Bazar sürprizi: Bakıda qar yağacaq, çovğun olacaq

1
Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir

BAKI, 16 yanvar — Sputnik. Azərbaycanda hava şəraiti kəskin dəyişəcək.

Milli Hidrometeorologiya Xidmətindən Sputnik Azərbaycan-a verilən məlumata əsasən, yanvarın 19-u axşamdan 21-i gündüzədək Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir. Şimal-qərb küləyi 15-20 m/s, arabir 23-25 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yanvarın 21-22-də gecə saatlarında yolların buz bağlayacağı ehtimalı var.

Azərbaycanın rayonlarında isə yanvarın 18-i gündüz qərb rayonlarından başlayaraq hava şəraitinin dəyişəcəyi, arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Qərb küləyi arabir 15-18, bəzi yerlərdə arabir 23-28 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yolların buz bağlayacağı ehtimalı var.

1
Teqlər:
çovğun, qar, xəbərdarlıq, hava proqnozu
Silahlı Qüvvələrin Təlim və Tədris Mərkəzi

Müdafiə Nazirliyindən məhkumluğu olan hərbi vəzifəlilərə - Siz gəlməyin

2
(Yenilənib 12:57 16.01.2021)
Kursu müvəffəqiyyətlə başa vuran kursantlara leytenant hərbi rütbəsi verilməklə zabitlərin həqiqi hərbi xidmətinə qəbul olunmaları barədə müqavilə bağlanır və onlar ixtisaslarına uyğun vəzifələrə təyin olunurlar.

BAKI, 16 yanvar — Sputnik. Müdafiə Nazirliyinin hərbi hissələrinə zabitlərin həqiqi hərbi xidmətinə könüllü daxil olmaq arzusunda olan, müddətli həqiqi hərbi xidmətini başa vurmuş, ali təhsilli, 28 yaşınadək vətəndaşlar yanvarın 18-dən fevralın 9-dək müvafiq sənədlərlə birlikdə Azərbaycan Respublikası Silahlı Qüvvələrinin Təlim və Tədris Mərkəzində (SQ TTM) fəaliyyət göstərən qəbul komissiyasına müraciət edə bilərlər.

Bu barədə Sputnik Azərbaycan-a nazirlikdən məlumat verilib.

"Ehtiyat zabit hazırlığı kursu"na qəbul olunmaq üçün müraciət etmiş vətəndaşlar SQ TTM-də fəaliyyət göstərən qəbul komissiyası tərəfindən hərbi xidmətə yararlılıq dərəcələrinin müəyyən edilməsi məqsədilə Müdafiə Nazirliyinin Hərbi Həkim Komissiyasına göndərilirlər. Komissiyanın qərarına əsasən hərbi xidmətə yararlı hesab edilmiş şəxslər qəbul imtahanlarına buraxılırlar.

Fiziki hazırlığı, ümumi bilik səviyyəsi, düşünmə qabiliyyəti, peşə maraqları, ünsiyyət qurmaq və qərar qəbuletmə bacarıqları, fərdi-psixoloji və digər keyfiyyətlərinin öyrənilməsi məqsədilə keçirilən imtahanları müvəffəqiyyətlə vermiş namizədlər "Ehtiyat zabit hazırlığı kursu"na müvafiq ixtisaslar üzrə qəbul edilirlər.

Kursu müvəffəqiyyətlə başa vuran kursantlara leytenant hərbi rütbəsi verilməklə zabitlərin həqiqi hərbi xidmətinə qəbul olunmaları barədə müqavilə bağlanır və onlar ixtisaslarına uyğun vəzifələrə təyin olunurlar.

Kursa qəbul olunmaq istəyən namizədlər SQ TTM-də fəaliyyət göstərən qəbul komissiyasına müraciət edərkən aşağıdakı sənədləri təqdim etməlidirlər:

- kursa qəbul olunmaq barədə ərizə (qəbul komissiyasının sədrinə);

- şəxsən yazılmış tərcümeyi-hal, əlyazma ilə 1 nüsxədə və çap edilmiş 2 nüsxədə;

- xidmət (iş və ya təhsil) yerindən xasiyyətnamə;

- ali təhsil haqqında sənədin notarial qaydada təsdiq edilmiş surəti - 1 ədəd;

- xarici dövlətlərdə təhsil almış namizədlər üçün, ali təhsil haqqında sənədin notarial qaydada tərcümə və təsdiq edilmiş surəti ilə yanaşı, həmin sənədə Azərbaycan Respublikasının Təhsil Nazirliyi tərəfindən verilmiş şəhadətnamənin notarial qaydada təsdiq edilmiş surəti - 1 ədəd;

- doğum haqqında şəhadətnamənin və şəxsiyyət vəsiqəsinin notarial qaydada təsdiq edilmiş surəti - 1 ədəd;

- nikah haqqında şəhadətnamənin notarial qaydada təsdiq edilmiş surəti (evli olduqda) - 1 ədəd;

- uşaqların doğum haqqında şəhadətnamələrinin notarial qaydada təsdiq edilmiş surəti (uşaq olduqda) - 1 ədəd;

- evlər idarəsindən və ya yerli icra hakimiyyəti orqanlarından ailə tərkibi və yaşayış yeri haqqında arayış - 1 ədəd;

- 4 ədəd rəngli fotoşəkil (baş geyimsiz, anfas, 2 ədəd 3x4 sm və 2 ədəd 4.5x6 sm ölçüdə);

- psixiatrik, nevroloji, narkoloji, vərəm və dəri-zöhrəvi dispanserlərindən (kabinetlərdən) qeydiyyatda olub-olmaması haqqında arayışlar;

- qeydiyyatda olduğu poliklinikadan sağlamlıq haqqında arayış;

- qeydiyyatda olduğu poliklinikadan son 5 (beş) ildə infeksion xəstəliklərlə bağlı müraciət edib-etməməsi haqqında arayış;

- hərbi biletin surəti (notarial qaydada təsdiq olunmuş) - 1 ədəd.

Məhkumluğu olan hərbi vəzifəlilərin "Ehtiyat zabit hazırlığı kursu"na qəbul üçün müraciət etməmələri xahiş olunur.

Ünvan: Bakı şəhəri, Yasamal rayonu, Şəfaət Mehdiyev küçəsi 76, "Qızıl Şərq" hərbi şəhərciyi (Azərbaycan Respublikası Silahlı Qüvvələrinin Təlim və Tədris Mərkəzi)

Telefon: (012) 538-85-62

Müraciət etmə vaxtı: 2021-ci il yanvarın 18-dən fevralın 9-dək hər gün (bazar günü istisna olmaqla) saat 09.00-dan 17.00-dək.

2
Teqlər:
müraciət, ehtiyat, kurs, zabit, Azərbaycan Müdafiə Nazirliyi