Tar ustası Nəsib Quliyev

32 il sonra qarşısına çıxan əsərini yandırdı

155
İbtidai musiqi təhsili olmayan bu adam, Qarabağın ən yaxşı tarlarını düzəlir

Ramil İbrahimov, Sputnik Azərbaycan

BAKI, 2 yan — Sputnik. 32 ildir tar ustası olan Nəsib Quliyev, bu qədim xalq çalğı aləti ilə ilk dəfə 14 yaşında tanış olub. Heç bir musiqi alətində ifa etməyi bacarmayan oğluna atası, tək qalanda darıxmasın deyə tar hədiyyə edir. Balaca Nəsib tarda çalmağı, o vaxt radio və televizorda məhşur tarzənlərin ifalarını dinləyərək öyrənir.

"Bu, canlı alətdir, özünə olan münasibəti dərk edir. Yorulanda elə olur ki, yatıb dincələ bilmirsən, amma beş dəqiqə bunu götürüb nəsə ifa edəndə, bütün yorğunluğun çıxır." — deyir Nəsib usta.

Bərdə rayonunda dünyaya gələn (hazırda da Bərdə rayonunda yaşayır) N. Quliyevi, sonralar tale, musiqinin beşiyi sayılan Şuşa şəhərinə aparıb çıxarır. Orta təhsilini Şuşada başa vurur. İbtidai musiqi təhsili belə, almayan Nəsib Quliyev, sənətin incəlikərinə də orada yiyələnir.

İlk tarını isə primitiv şəkildə, cəmi üç günə düzəltdiyini deyir: "Mənim tarım sındı. Bütün tarlarım, bax bu boğaz hissədən sınırdı. Fikirləşdim ki, necə olur, hamısı burdan sınır. Dedim, eləsini düzəldim ki, sınmasın. Və bir tarı bütöv ağacdan düzəltdim."

32 il əvvəl hazırladığı tar, bu il yenidən Nəsib ustanın qarşısına çıxır. O zaman əmisi oğluna hədiyyə etdiyi tarı, sahibi ustasına xatirə olaraq qaytarır. İllər əvvəl düzəltdiyi tarı nəinki bəyənməyən, hətta ondan utanan usta, ilk əl işini yandırır.

  • Tar ustası Nəsib Quliyev
    Nəsib Quliyev bu qədim xalq çalğı aləti ilə ilk dəfə 14 yaşında tanış olub
    © Sputnik / Ramil Ibrahimov
  • Tar ustası Nəsib Quliyev
    Nəsib Quliyev: "Tar canlı alətdir, özünə olan münasibəti dərk edir"
    © Sputnik / Ramil Ibrahimov
  • Tar ustası Nəsib Quliyev
    Ustanın sözlərinə görə, yaxşı tarın çanağı tut, qol və kəllə hissəsi isə qoz ağacından hazırlanmalıdır
    © Sputnik / Ramil Ibrahimov
  • Tar ustası Nəsib Quliyev
    Çanaq 1 il, gün işığı düşməyən yerdə qurudulur
    © Sputnik / Ramil İbrahimov
  • Tar ustası Nəsib Quliyev
    Tar ustası Nəsib Quliyev
    © Sputnik / Ramil Ibrahimov
1 / 5
© Sputnik / Ramil Ibrahimov
Nəsib Quliyev bu qədim xalq çalğı aləti ilə ilk dəfə 14 yaşında tanış olub

"Bağışlamışdım əmim oğluna. Bu il o tarı özümə qaytardılar, xatirə olaraq. Baxdım ki, kobud düzəltmişəm, fikirləşdim ki, gülərlər mənə. Yandırdım o tarı. Amma sonradan peşman oldum. Gərək onu qapıdan asardım. Axı, mənim ilk əl işim idi." — deyə təəssüflənir.

Dediyinə görə, yaxşı tarın çanağı tut, qol və kəllə hissəsi isə qoz ağacından hazırlanmalıdır: "Əsas məsələ uyğun ağacı tapmaqdır. Hazırlanma prossesi, bəzən bir və ya iki ildən də çox çəkir deyir. İki günə kötüyün içini çıxarırıq, çölünü hamarlayırıq. Əgər çanağın divarlarının qalınlığı 1 santimetrdən azdırsa, minimum 1 il qalmalıdır".

"Çanaq 1 il, gün işığı düşməyən yerdə quruduqdan sonra, qol və kəllə hissə xüsusi yapışqanla bərkidilir. Bundan sonra alət üzlənir, pərdələr və simlər yerləşdirilir. Ən axırda səslənmənin keyfiyyəti yoxlanılır." — Nəsib usta əlavə edir.

O, bu günə kimi düzəltdiyi tarlardan, yalnız ötən il dördünü satıb. İllərlə zəhmət çəkib ərsəyə gətirdiyi tarları satmağa əli gəlmir. Ən böyük arzusu isə — hazırladığı tarları məhşur tarzənlərdən birinin əlində görməkdir.

155
Teqlər:
tar, Nəsib Quliyev, Bərdə, əsər, usta, Şuşa
Əlaqədar
Türk usta bir möcüzə gerçəkləşdirdi
Əsərləri ilə insanları valeh edən usta
Azərbaycanlı ustanın icadı görənləri heyrətə salır
Təndir düzəldən ustaların sayı kəskin surətdə azalıb
Müştərisinin geri dönəcəyini 6 il gözləyən usta
Səmra Rəhimli, arxiv şəkli

Azərbaycanlı müğənni həyatdan tez getmiş reperlərə yeni trek həsr edib

1
(Yenilənib 19:54 10.07.2020)
Səmra Rəhimli həyatdan tez getmiş reperlərin xatirəsinə həsr olunmuş "Göz" adlı kompozisiyasının onlayn təqdimatını keçirib, tezliklə hip-hop albomunu da təqdim edəcək.

 

BAKI, 10 iyul — Sputnik, Kəmalə Əliyeva. Azərbaycanlı müğənni Səmra Rəhimli yeni hip-hop albomundan "Göz" adlı kompozisiyasının onlayn təqdimatını keçirib.

İfaçı Sputnik Azərbaycan-a bildirib ki, mahnı həyatdan tez getmiş reperlərin xatirəsinə həsr olunub.

Layihənin prodüseri müğənninin anası İlahə Baxşıyeva olub. Bu kompozisiyanı yazdırmağa onu 20 yaşında qətlə yetirilmiş amerikalı reper XXXTENTACİON-ın (Jasey Duane Ricardo Onfray) "Moonlight" ("Ay işığı") adlı məşhur hiti ilhamlandırıb.

"Mən artıq bir ildir ki, albom üzərində çalışıram. Onun yerli şou-biznesdə analoqu yoxdur, çünki bu, Azərbaycanda ilk qadın hip-hop albomudur. Bura on trek daxil olacaq. Bu albomun üzərində gənc reper və musiqiçilərdən ibarət tam bir qrup işləyir: sözlərin müəllifi Clavis və OD, musiqinin müəllifi OD, aranjman Clavis, miks və masterinq isə Drek-dir", – deyə Rəhimli qeyd edib.

Qız etiraf edib ki, hip-hop həmişə onu cəlb edib. O, hətta məktəb illərində ingilis dilində rep oxuyur, populyar reperləri dinləyirmiş. Rəhimli həmişə Azərbaycan dilində rep kompozisiyası ifa etmək istəyib.

"İllər sonra mən sevimli hip-hopuma qayıtdım və bizimlə eyni dalğada olan insanları tapmazdan əvvəl anamla bu işə çox vaxt sərf etdik. Armas sinqlinin uğur qazanmasından sonra biz bu istiqamətdə işləri davam etdirməyə qərar verdik - yeni trekləri yazmağa başladıq və bir vaxt ayıldıq ki, artıq bütöv bir albom üçün material yığılıb", - deyə müğənni etiraf edib.

Səmra Rəhimli 19 oktyabr 1994-cü ildə Bakıda anadan olub. "O Səs Türkiyə" və "Səs Azərbaycan" layihələrinin iştirakçısı olan Səmra 2016-cı ildə Stokholm şəhərində keçirilən 61-ci "Avroviziya" Mahnı Müsabiqəsində Azərbaycanı "Miracle" mahnısı ilə təmsil edib. O, "Avroviziya-2016"nın final mərhələsində 17-ci yerdə qərarlaşıb.

Hazırda müğənni çıxış etməyə və yeni layihələr üzərində işləməyə davam edir.

1
Əlaqədar
Müğənni Bəxtiyarın keçmiş həyat yoldaşı onun koronavirusa yoluxduğuna inanmır
Azərbaycanlı müğənni ukraynalı opera müğənnisinə klip çəkib
Santa-Barbarada olmuşam! Tanınmış azərbaycanlı müğənnidən fərqli paylaşım
Hamının kefi qalxacaq! Dilarə Kazımova yay hitini təqdim edib
Ulduzlarımız karantində Bakıdan Türkiyəyə qaçırlar
 Xəstəxana, arxiv şəkli

Baldızını elə silahla vurdu ki, heç kim baş aça bilmədi

4
(Yenilənib 19:07 10.07.2020)
Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

BAKI, 10 iyul — Sputnik. İyulun 09-da saat 21 radələrində Sumqayıt şəhəri, H.Z.Tağıyev qəsəbəsi ərazisində 1986-cı il təvəllüdlü Ramilə Quliyevaya yaşadığı evdə çoxsaylı xəsarətlər yetirilməsi barədə daxil olan məlumat əsasında dərhal prokurorluq və polis əməkdaşları tərəfindən hadisə yerinə baxış keçirilib.

Sputnik Azərbaycan Sumqayıt Prokurorluğunun məlumatına istinadla xəbər verir ki, araşdırmalarla Sumqayıt şəhər sakini, 1988-ci il təvəllüdlü Anar Əlizadənin baldızı, 1986-cı il təvəllüdlü Ramilə Quliyevaya hazırda istintaqa məlum olmayan kəsici-deşici alətlə aralarında yaranmış mübahisə zamanı xəsarətlər yetirməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlayıb, müvafiq ekspertizalar təyin edilib.

İş üzrə hadisənin şahidləri müəyyənləşdirilərək dindirilib, o cümlədən digər təxirəsalınmaz istintaq hərəkətləri həyata keçirilib.

Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

4
Əlaqədar
On altı yaşlı yeniyetmə 23 yaşlı gənci qətlə yetirib
Qəbələdəki qardaş qətlinin bəzi təfərrüatı bəlli oldu
Füzulidə qətl - 27 yaşlı gənci bıçaqlayıb öldürdülər
Rusiyada qətlə yetirilən azərbaycanlı tələbənin qatili saxlanıldı
Bıçağı təqdim edərək, qətli etiraf etdi...