Elektrik xətləri, arxiv şəkli

Rəsmi qurum vətəndaşla 4 metrin davasını edir

1165
(Yenilənib 16:13 28.12.2016)
Ekspert çıxış yolu göstərir: "Vətəndaş mənbədən başlayaraq, 50 metrin bitdiyi nöqtədə dirək quraşdırsa, həmin 50 metrlik məsafənin xərcini ASC ödəməlidir"

BAKI, 28 dek — Sputnik. Ötən günlərdə, İmişli şəhəri, Kür küçəsi, 18 ünvanında yaşayan qasımovlar ailəsinin üzləşdiyi problemi işıqlandırmışdıq. Ailə il yarımdır ki, gecəni şam işığında keçirir.

Ailə başçısı Qasım Qasımov deyir ki, "Azərişıq" ASC tərəfindən ondan tələb olunan məbləği ödəyə bilmədiyi üçün, mənzillərinə elektrik enerjisi verilmir. ASC-dən vətəndaşa bildirilib ki, 54 metr uzaqlıqda olan mənbədən evə elektrik xətti çəkməyin xərci vətəndaşın üzərinə duşu və bu məbləğ 1346 manat təşkil edir. Yəni, əgər həmin məsafə 50 metr olsaydı, "Azərişıq" bu xərci çəkərmiş. Şikayətçi bu məbləği ödəyəcək maddi imkanının olmadığından şikayətlənib.

Sözügedən problemi Sputnik-ə şərh edən hüquqşünas İlham Rəşidoğlunun fikrincə, öncə müəyyən olunmalıdır ki, bu 54 metr məsafə haradan haradək olan hesab olunur: "Nazirlər Kabinetinin qərarında "qoşulma nöqtəsi" deyilən anlayış var. Yəni mənzilinə elektrik çəkilməsini öz hesabına etmək istəmirsə, o zaman həmin qoşulma nöqtəsinə, birbaşa evin əhatəsindən yox, bir az kənar yerdən bir dirək basdırmaqla, həmin xərcdən azad ola bilər".

"Nazirlər Kabinetinin qərarına görə, ən yaxın mənbədən mənzilə elektrik çəkilməsinin xərci, aradakı məsafə 50 metrədək olarsa, aidiyyəti qurumun, bu məsafədən artıq olarsa, vətəndaşın üzərinə düşür. Bu ailəni belə dolaşığa salıblar ki, "sizdə məsafə 54 olduğu üçün, çəkilişin bütün xərcini özünüz qarşılamalısınız". Halbuki, 50 metrin xərcini "Azərişıq", qalan 4 metrin xərcini isə ailə ödəməlidir", — hüquqşünas bildirib.

Rəşidoğlunun dediyinə görə, Qasımovlar ailəsi mənbədən başlayaraq, 50 metrin bitdiyi nöqtədə dirək quraşdırsa, həmin 50 metrlik məsafənin xərcini ASC ödəməlidir: "Ondan sonra qalan 4 metri isə müştəri özü qoşub evinə gətirə bilər. Bununla nə qanun pozulmuş olacaq, nə də vətəndaş problemlə üzləşəcək".

1165
Teqlər:
məsafə, Qasım Qasımov, ASC, "Azərişıq", vətəndaş, İmişli, metro, Kür
Əlaqədar
İşıq və qazın qiyməti yenidən dəyişdi
Nazir: "İşıq və qazın qiyməti ilə bağlı kvota qaldırıla bilməz"
İşıq və qazın qiyməti qaldırıldı
Elektrik sayğaclarının yanmasının səbəblərinə aydınlıq gətirildi
Azərbaycanda elektrik enerjisinin qiyməti qaldırıldı

Salam, dəniz! Biz gəldik...

3
(Yenilənib 19:25 06.08.2020)
Nazirlər Kabineti yanında Operativ Qərargah çimərliklərlə bağlı qadağanı müəyyən qaydalara riayət etmək şərtilə aradan qaldırıb. Bu hadisə dəniz istirahəti həvəskarlarının sevincinə səbəb olub və paytaxt əhalisi Abşeron çimərliklərinə axışıb.

 

BAKI, 6 avqust — Sputnik. Yayın sonunadək çox az vaxt qalıb. Azərbaycanın çimərlikləri koronavirus pandemiyası səbəbindən yay mövsümünün əvvəlindən indiyədək bağlı idi. Avqustun 5-də Nazirlər Kabineti yanında Operativ Qərargah çimərliklərlə bağlı qadağanı müəyyən qaydalara riayət etmək şərtilə aradan qaldırıb. Bu hadisə dəniz istirahəti həvəskarlarının sevincinə səbəb olub və paytaxt əhalisi Abşeron çimərliklərinə axışıb. Abşeron sahillərində vəziyyətin necə olduğuna Sputnik Azərbaycan-ın fotolentində baxın.

Koronavirus pandemiyasına görə gecikmiş çimərlik mövsümü bu il çox çəkməyəcək. Abşeron, Sumqayıt, Lənkəran, Xaçmaz, Siyəzənin bütün çimərliklərində, eləcə də Azərbaycanın bir sıra digər şəhər və rayonlarında çimməyə qadağa qaldırılsa da, karantin dövrü qaydalarına və tibbi-profilaktik tədbirlərə riayət etmək məcburidir.

İstirahət edənlər heç bir icazə olmadan dənizdə çimməyə gedə bilərlər. Lakin əvvəlcədən xüsusilə yaradılmış cimerlik.az portalında çimərliyin dolu olub-olmadığını yoxlamaq lazımdır.

Hər bir çimərlikdə istirahət edənlər üçün kvota müəyyən olunub və ASAN könüllüləri buna nəzarət edirlər. Çimərliklərin doluluq səviyyəsi portalda yaşıl, sarı və qırmızı rənglərlə təsvir olunur. Çimərlik dolursa, vətəndaşlar bunu əvvəlcədən öyrənirlər.

Həmçinin çimərliklərdə sosial məsafə və gigiyena qaydalarına riayət etmək lazımdır.

Beləliklə, dəsmalları, çətirləri və çimərlik kostyumlarını götürərək təcili isti Xəzər sahillərinə gedin ki, qarşıdan gələn qış üçün bolluca D vitamini toplaya biləsiniz.

3
  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

Teqlər:
fotolent
Peşə təmayüllü məkan, arxiv şəkli

Bu şəxslər təhsil almadan peşə təhsili sənədi alacaqlar

2
Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır

BAKI, 6 avqust — Sputnik. Peşə təhsili üzrə qeyri-formal və informal təhsil formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi, eləcə də tanınması üçün kimlərin müraciət edə biləcəyi açıqlanıb.

Bu barədə Sputnik Azərbaycan-a Təhsil Nazirliyindən məlumat verilib. Bildirilib ki, ümumi orta təhsili səviyyəsini ən az 4 il əvvəl və ya tam orta təhsil səviyyəsini ən az 2 il əvvəl bitirərək, müraciət etdiyi müvafiq ixtisas üzrə azı 2 il qeyri-formal və informal təhsil formaları vasitəsilə bilik, bacarıq, səriştə və təcrübə əldə edən vətəndaşlar qiymətləndirilmə və tanınma üçün müraciət edə bilərlər.

Prosesin yekununda verilən diplom ilk peşə təhsili səviyyəsində təhsil haqqında sənədə bərabər tutulur və Nazirlər Kabinetinin 2019-cu il 16 aprel tarixli 173 nömrəli Qərarı ilə təsdiq edilmiş "Peşə təhsili pilləsinin bir səviyyəsindən növbəti səviyyəsinə keçid Qaydası"na uyğun olaraq, sahibinə peşə təhsili pilləsinin növbəti səviyyəsində təhsilini davam etdirmək və ya ixtisası üzrə əmək fəaliyyətinə başlamaq hüququ verir.

Peşə təhsili üzrə qeyri-formal və informal formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi və tanınması üçün Təhsildə Keyfiyyət Təminatı Agentliyinə müraciət olunmalıdır.

Qeyd edək ki, formal təhsil dövlət təhsil sənədinin verilməsi ilə başa çatan təhsil formasıdır. Ümumi təhsil, ilk peşə-ixtisas təhsili, orta ixtisas təhsili, ali təhsil, yenidənhazırlanma təhsili, təkrar ali və ya orta ixtisas təhsili dövlət təhsil sənədinin verilməsi ilə başa çatdığı üçün formal təhsil hesab edilir.

İnformal təhsil dedikdə özünütəhsil yolu ilə biliklərə yiyələnmənin forması başa düşülür. Qeyri-formal təhsil isə müxtəlif kurslarda, dərnəklərdə və fərdi məşğələlərdə əldə edilən və dövlət təhsil sənədinin verilməsi ilə müşayiət olunmayan təhsil formasıdır.

2