Qaz plitəsi, arxiv şəkli

Bu qəsəbədə qaz böhranı yaşanır "Azəriqaz" xəbərsizdir...

481
İbrahim Kərbəlayev: "Dediyiniz qəsəbəyə iki aydır qazın zəif verildiyi barədə məlumatdan xəbərim yoxdur. Bu barədə bizə məlumat daxil olmayıb"

BAKI, 22 dek — Sputnik. "2 aya yaxındır ki, qaz olduqca zəif verilirdi. Bu gün isə olan qazımızı da kəsdilər". Bunu Masazır qəsəbə sakini Sərxan Məmmədov Sputnik-ə ünvanlandığı şikayət məktubunda yazıb.

Vətəndaşın sözlərinə görə, uzun müddətdir ki, yaşadığı "Yeni Bakı" yaşayış kompleksində qaz yox dərəcəsindədir: "Hara gedirik, sualımıza konkret cavab verən yoxdur. Qışın soyuğunda bizi qazsız qoyublar. Problemin nə olduğunu isə heç kim izah etmir. 2 aydır istiliksiz qalmışıq. Çox cüzi ölçüdə qaz verilirdi qəsəbəyə. Bu gün birdəfəlik kəsdilər. Xahiş edirik, araşdırın və problemin mənbəyi haradan qaynaqlanır, bu barədə ictimaiyyəti məlumatlandırın".

Məsələni araşdırmaq üçün "Azəriqaz" İstehsalat Birliyinin İctimaiyyətlə əlaqələr şöbəsinin rəisi İbrahim Kərbəlayevlə əlaqə saxladıq. Maraqlıdır ki, qurumun mətbuat katibi İbrahim Kərbəlayev, Masazıra qazın verilmədiyindən xəbərsiz olduğunu bildirdi.

"Dediyiniz qəsəbəyə iki aydır qazın zəif verildiyi barədə məlumatdan xəbərim yoxdur. Bu barədə bizə məlumat daxil olmayıb. Ancaq bu gün qazın kəsildiyi doğrudur. Sızma ilə bağlı hazırda Masazıra qaz verilməsi dayandırılıb. Problem aradan qalxandan sonra qaz veriləcək. Təmir işləri gün ərzində yekunlaşacaq", — "Azəriqaz" sözçüsü vurğuladı.

Qeyd edək ki, son 2-3 aydır, Masazır qəsəbəsinə qazın zəif verildiyi ilə bağlı Sputnik-in redaksiyasına dəfələrlə şikayət ərizələri daxil olub.

481
Teqlər:
"Azəriqaz", şikayət, qəsəbə, Masazır, qaz
Əlaqədar
Qaz və işığın qiymətinin qaldırılması ilə bağlı yeni təklif verildi
Qaz idarəsinin işçisini qətlə yetirdilər
Qaz sızması bir ailənin faciəsinə səbəb oldu
Ölkədə qaz böhranı başlayıb – rəsmi açıqlama
İrandan Rusiyaya sıxılmış maye qaz nəql edilib
ABŞ-da etirazlar

Benksi etirazını bildirdi: “Kimsə qapını sındırmalı olacaq”

6
(Yenilənib 23:43 06.06.2020)
Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir

BAKI, 6 iyun — Sputnik. Britaniyalı məşhur küçə rəssamı Benksi Minneapolisdə afroamerikalı Corc Floydun polis tərəfindən öldürülməsindən sonra ABŞ-da başlanan etirazlara həsr etdiyi işini göstərib.

Sputnik Azərbaycan bildirir ki, o, şəkli özünün Instagram səhifəsində yerləşdirib.

Şəkildə rəssam qara insanın matəm portretini və onun üst tərəfindən asılmış, bir qırağı şamdan od alan Amerika bayrağını təsvir edib.

“Rəngli (qara) insanlar sistemə görə uğursuzluğa düçar olublar. Ağ sistemə görə”, - Benksi paylaşımında yazıb.

Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir.

Посмотреть эту публикацию в Instagram

Публикация от Banksy (@banksy)

“Bu düzgün olmayan sistem onların həyatını məşəqqətə çevirir, ancaq (boruları) təmir etmək – onların vəzifəsi deyil. Heç kim onları yuxarıdakı mənzilinə buraxmayacaq”, - yazan rəssam əlavə edib ki, bu, “ağ adamların problemidir” və buna görə istənilən halda kimsə “yuxarı qalxıb qapını sındırmalı olacaq”.

Mayın 25-də Minneapolisdə polis əməkdaşları afroamerikalı Corc Floydu həbs ediblər. Bu zaman onu yerə yıxıblar, polis zabitlərindən biri dizi ilə onun boynunu sıxıb. Floyd dəfələrlə nəfəs ala bilmədiyini desə də, buna əhəmiyyət verməyiblər. Nəticədə Floyd reanimasiyada dünyasını dəyişib. Bundan sonra ABŞ-da kütləvi etiraz və iğtişaşlar başlayıb.

6
Əlaqədar
İrqçilər yaddan çıxdı. Amerikadakı etirazlar necə soyğunlara çevrildi
Mən Corc Floydam: ABŞ-da başlayan etirazlar bütün dünyanı bürüyüb
Biz şokdayıq: azərbaycanlılar ABŞ-dakı iğtişaşlardan danışdılar
Amerika tənəzzülünün xronikası: uşaqlara polisə nifrət etmək öyrədilir
Yaşlı kişini ölümcül hala salan polislərə həmkarlarından dəstək - VİDEO
Bakıda küçədə tibbi maskada olan insanlar, arxiv şəkli

Koronavirusdan qorunmaq barədə sənəd: kontakt linzanı vasitə saymırlar

39
(Yenilənib 22:13 06.06.2020)
Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb

BAKI, 6 iyun — Sputnik. Tibbi Ərazi Bölmələrini İdarəetmə Birliyi (TƏBİB) koronavirus pandemiyası dövründə tövsiyə olunan fərdi qoruyucu vasitələri (PPE) açıqlayıb. Sputnik Azərbaycan-ın məlumatına görə, TƏBİB-in tövsiyəsində bildirilir ki, COVID-19 infeksiyasına yoluxduğu şübhələnilən xəsətəyə birbaşa müdaxilə edən və ya xəstəylə eyni məkanı paylaşan EMS klinisistləri Standart Ehtiyat Tədbirlərinə əməl etməli və PPE vasitələrindən istifadə etməlidirlər.

Tövsiyə edilən PPE vasitələrinə aiddir:

N-95 və ya daha yüksək səviyyəli respirator və ya üz maskası (respirator olmadıqda).

Aerozol generasiya edən prosedurları həyata keçirən zaman üz maskasının yerinə N-95 respirator və ya daha yüksək səviyyədə qoruyan respiratorlardan istifadə edilməlidir.

Gözlərin qorunması (yəni üzün ön və yan tərəflərini tam əhatə edən gözlüklər və ya birdəfəlik istifadə olunan üz qalqası). Şəxsi gözlük və kontakt linzalar adekvat göz qoruyucuları sayılmır.

Tək dəst birdəfəlik xəstə müayinə əlcəyi. Əlcəklər və izolyasiyaedici xalat yırtılıbsa və ya çox çirkləndiyi halda dəyişdirilməlidir.

Xalat çatışmazlığı olduqda, aerozol generasiya edən prosedurlarda, spreylərin istifadə edildiyi prosedurlarda və patogenlərin əldən-ələ və EMS klinisistlərinin geyimlərinə ötürülməsinə səbəb olan yüksək təmaslı xəstə baxımı fəaliyyətlərində iştirakları zamanı işçilər xüsusilə diqqətli olmalıdırlar (məs. xəstəni xərəyə yerləşdirən zaman).

Təchizat zənciri bərpa edildikdə, uyğun analizdən keçmiş təcili tibbi yardım həkimləri, COVID-19-un araşdırıldığı və ya şübhələnildiyi xəstələrlə kontakta girən zaman təkrarən respiratorlardan istifadə etməyə başlamalıdırlar.

Sürücülər xəstəyə birbaşa qulluq göstərirlərsə (məsələn, xəstələri xərəyə yerləşdirirlərsə), tövsiyə olunan bütün PPE vasitələrini geyinməlidirlər. Xəstə baxımını tamamladıqdan sonra və nəqliyyat vasitəsinin sürücüyə məxsus təcrid olunmuş hissəsinə girməzdən əvvəl sürücünün PPE-ni çıxarıb atması və bölmənin təmizliyini qorumaq üçün əl gigiyenasını yerinə yetirilməlidir.

Nəqliyyat vasitəsində təcrid edilmiş (qapalı) sürücü bölməsi yoxdursa, sürücü üz qalqasını və ya gözlükləri, xalat və əlcəkləri çıxarıb əl gigiyenasını yerinə yetirməlidir. Nəqliyyat zamanı respiratordan və ya üz maskasından istifadə edilməlidir.

Bütün personal işləyərkən üzlərinə toxunmaqdan çəkinməlidir.

Tibb müəssisəsinə çatdıqda, xəstə müəssisəyə daxil edildikdən sonra, EMS klinisistləri PPE vasitələrindən azad olmalı və əl gigiyenasını yerinə yetirməlidir. İstifadə olunmuş PPE-nin utilizasiyası rutin prosedurlara uyğun olaraq həyata keçirilməlidir.

Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb. Lakin "İzolyasiya Ehtiyat Tədbirlərinə dair Təlimata", həmçinin Səhiyyə Müəssisələrində infeksiyanın qarşısının alınmasına yönəlik xüsusi təlimatlara istinad etmək tələb olunur.

39
Mövzu:
Dünyanı cənginə almış bəla
Əlaqədar
Bakıda koronavirusa yoluxma ən çox bu rayondadır
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Hava və koronavirus arasında əlaqə varmı? Akademik izah edir
Koronavirusa yoluxanların sayı durmadan artır
Azərbaycanda millət vəkilinin yaxın qohumu koronavirusdan öldü