Здание центра кино Низами в Баку

Bakıda azyaşlı uşaqlar yaş həddi qoyulmuş filmlərə niyə buraxılır

624
(Yenilənib 22:07 21.12.2016)
Nazirlik Nizami kinoteatrının mövqeyi ilə razılaşmır

BAKI, 21 dek-Sputnik. Asudə vaxtlarını səmərəli keçirmək istəyən insanların üz tutduqları yerlərdən biri də kinoteatrlardır. Müasir Azərbaycan tamaşaçısı kinoteatra getməyə bir o qədər də meyl göstərmir. Bunun bir sıra obyektiv və subyektiv səbəbləri var. Bizi bu yazını yazmağa vadar edən səbəb kinoteatrlara gedən Azərbaycan tamaşaçısını narahat edən bir məqamdır Belə ki, bu günlərdə redaksiyamıza kinoteatrlarla bağlı bir şikayət məktubu daxil olub. Oxucu Səbinə Quliyevanın məktubunda deyilir:

"Bazar günü "Oğlan evi" kinokomediyasını izləmək üçün həyat yoldaşımla Nizami kinoteatrına getmişdik. Mənəvi zövq üçün üz tutduğumuz kinoteatrda gördüyümüz mənzərə bizi məyus etdi. Filmin anonslarında və biletlərin üzərində 12+ yazılsa da, zala daxil olmağı gözləyənlərin 50 % —i 7-10 yaşlı uşaqlar idi. Zala daxil olarkən həyat yoldaşım nəzarətçiyə iradını bildirdi ki, bu uşaqlar balacadır, nə hüquqla onları içəri buraxırsız?! Nəzarətçi isə heç nə demədən işinə davam etdi. Yanımda əyləşən 8-9 yaşlı uşaqlar nümayiş zamanı gah güldülər, gah filmdə edilən zarafatları təkrar etdilər və səs-küy saldılar. Ətrafda olan böyüklərdən bir neçə dəfə zaldakı uşaqlara "sakit olun" desələr də, uşaqlar öz bildiklərini etməyə davam edirdi. Bir sözlə, filmə baxıb zövq almaqdansa, əsəb və gərginlik qazandıq. Nə işçilər uşaqlara nəzarət edirdi, nə də uşaqlarla gələn valideynlər və yaxınları."

Sputnik-in əməkdaşı bu məktubda qeyd olunanlarla əlaqədar Nizami Kino Mərkəzinin mətbuat xidməti ilə əlaqə saxlayıb. Mətbuat xidmətinin rəhbəri Arzu Əhədova bildirib ki, onlar afişalarda və bütün reklamlarda filmin yaş həddini qeyd edirlər. Əgər uşaqlar kinoya baxmağa valideynləri ilə gəliblərsə, onda zaman cavabdehlik də kinoteatrın yox, valideynlərin üzərinə düşür.
"Əgər valideynlər uşaqlarının yaşı çatmadığı halda onları hansısa filmə baxmağa gətirirlərsə, biz onlara heç nə deyə bilmərik." — deyə Əhədova bildirib.

Mətbuat xidmətinin rəhbəri qeyd edib ki, bəzən bir nəfər gəlib 10-20 bilet alır. Kinoteatr isə bu biletlərin hansı yaşda olan adamlara alındığını bilmir. Belə olan halda, kinoteatr bileti olan istənilən tamaşaçıya yaş həddini nəzərə almadan filmə baxmağa şərait yaradır. 

"Nəzarətçiyə bilet təqdim edilirsə, onun ixtiyarı yoxdur bilet alan tamaşaçını geri qaytarsın." — deyən mətbuat katibi onu da qeyd edib ki, reklamlarda və anonslarda yaş həddi qeyd olunduğundan, bu məsələyə valideynlər özləri nəzarət etməlidirlər.

"Əgər valideynlər buna riayət etmirlərsə, bu, artıq onların günahıdır. Zalda uşaqların səsindən narahat olanlara gəlincə isə, onlar nəzarətçiyə iradlarını bildirsələr, qısa vaxtda ölçü götürülə bilər." — deyə Əhədova əlavə edib.

Mədəniyyət və Turizm Nazirliyinin Kino şöbəsinin sektor müdiri Yusif Şeyxov isə kinoteatr nümayəndəsinin fikirləri ilə razılaşmayıb.

"Kinoteatrın rəhbərliyi görüşlər zamanı da deyir ki, əgər uşaq valideynlə gəlirsə, məsuliyyət də valideynin üzərinə düşür. Mənim fikrimcə və qaydalara görə, bu düzgün deyil. Filmdə və biletin üzərində 12+ yazılıbsa, 12 yaşdan aşağı uşaqlar kino zalına buraxılmamalıdır. Kinoteatrın işçiləri buna nəzarət etməlidir." — deyə Nazirliyin nümayəndəsi bildirib.

624
Teqlər:
Nizami Kino Mərkəzi, Mədəniyyət və Turizm Nazirliyi, kinoteatr
Əlaqədar
Azərbaycan Kazanda keçirilən müsəlman kino festivalında təmsil olunur
Milli kino günündə Azərbaycan kinematoqrafçılarını təbrik etdilər
Kino tariximizin nadir qəhrəmanlarından - Qaloşlu adam
Braziliyada Azərbaycan kino həftəsi keçirilib
Kino zövqümüzün formalaşmasında müstəsna rol oynamış şəxs

Azərbaycanda sərt karantin rejimi yumşaldılır - SMS icazə ləğv olundu

11
(Yenilənib 10:43 16.01.2021)
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Amma yumşaldılmalar olacaq

BAKI, 16 yanvar — Sputnik. Nazirlər Kabineti yanında Operativ Qərargah məlumat yayıb. Sputnik Azərbaycan-a Nazirlər Kabineti yanında Operativ Qərərgahdan daxil olan məlumatda qeyd olunur ki, dünyada, o cümlədən Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilmişdir.

Eyni zamanda bir sıra ölkələrdə və Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınmışdır.

Azərbaycan Respublikası Nazirlər Kabinetinin müvafiq qərarına əsasən, 2021-ci il 18 yanvar saat 00:00-dan etibarən:

● Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində yaşayış yerini və olduğu yeri "SMS" icazə, "icaze.e-gov.az" portalı və xidməti vəsiqə əsasında tərk etmək sistemi ləğv olunur.

2021-ci il 25 yanvar saat 00:00-dan etibarən ölkə ərazisində aşağıdakı iş və xidmətlərin fəaliyyətinə icazə verilir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

2021-ci il 18 yanvar saat 00:00-dan 25 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərinin ərazilərinə (kənd və qəsəbələr istisna olmaqla) giriş-çıxışa Azərbaycan Respublikası Nazirlər Kabinetinin müəyyən etdiyi qaydada müvafiq təşkilatların əməkdaşlarına xidməti vəsiqə, ezamiyyə vərəqəsi, diplomatik nümayəndəliklərin və beynəlxalq təşkilatların əməkdaşlarına isə müvafiq akkreditasiya kartları əsasında, habelə Nazirlər Kabinetinin qərarı ilə müəyyən edilən digər şəxslərin qeyd olunan ərazilərə giriş-çıxışına həmin şəxslər barəsində məlumatlar işəgötürən tərəfindən gücləndirilmiş elektron imzadan istifadə edilməklə "icazə.e-gov.az" portalına daxil edildikdən sonra ezamiyyə vərəqəsi əsasında icazə veriləcəkdir. Yaxın qohumunun dəfnində iştirakla əlaqədar Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hər bir şəxs Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin "102" Xidməti – Zəng Mərkəzi vasitəsilə alınmış icazə əsasında hərəkət edə bilər.

© AR Ministry of Education /

2021-ci il 18 yanvar saat 00:00-dan 25 yanvar saat 00:00-dək beynəlxalq və ölkədaxili uçuşlara müvafiq reys üçün bileti olan şəxslərin Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hərəkətinə onların biletləri əsasında, dövlət sərhədindən müvafiq qaydada ölkəyə daxil olan şəxslərin həmin ərazilərə gəlməsinə isə onların pasportuna vurulmuş ştamp əsasında icazə verilir.

Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır.

Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaqdır.

Qeyd edək ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir. Həmçinin sosial məsafə, tibbi maska və digər qoruyucu vasitələrdən ictifadə etmək zəruridir.

11
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Xəstəxana

Bakı sakinlərinə zəhərlənmə ilə bağlı xəbərdarlıq

2
(Yenilənib 10:28 16.01.2021)
İstifadə edilən maddələrin qəbul olunmuş müəyyən toksikliyini nəzərə alaraq paytaxt sakinləri əvvəlcədən KİV-lər vasitəsi ilə xəbərdarlıq ediliblər.

BAKI, 16 yanvar — Sputnik. Ölkə rəhbərliyinin tapşırıq və göstərişlərinə uyğun olaraq Azərbaycanda koronavirus (COVID-19) pandemiyası ilə mübarizə tədbirləri ilə bağlı Bakı Şəhər İcra Hakimiyyəti tərəfindən paytaxtda bu epidemiyaya qarşı tədbirlər daha da genişləndirilib.

Bakı Şəhər İcra Hakimiyyətinin Mətbuat Xidmətindən Sputnik Azərbaycan-a verilən məlumata görə, Bakı şəhərində koronavirusla (COVID-19) bağlı mövcud vəziyyət nəzərə alınaraq yanvar ayının 16-da səhər saatlarından etibarən Bakı Şəhər İcra Hakimiyyətinin strukturları tərəfindən yeni 2021-ci ildə ikinci, ölkədə əks-pandemiya tədbirlərinin əvvəlindən isə artıq 20-ci dəfə paytaxtdakı əsas küçə, prospekt və yollarda kommunal təsərrüfat xidmətlərinin 40 ədəd xüsusi texnikası və 2000 nəfər əməkdaşı cəlb edilməklə xüsusi kimyəvi maddələrlə əlavə gücləndirilmiş dezinfeksiya işləri həyata keçirilir.

Gün ərzində mərkəzi küçələrlə yanaşı, paytaxtın qəsəbə və yaşayış massivlərindəki küçələrdə də dezinfeksiya işləri aparılacaq. Bu zaman istifadə edilən maddələrin qəbul olunmuş müəyyən toksikliyini nəzərə alaraq paytaxt sakinləri əvvəlcədən KİV-lər vasitəsi ilə xəbərdarlıq ediliblər.

Küçələrdə aparılan dezinfeksiya işləri ilə bərabər, Bakı Şəhər Mənzil-Kommunal Təsərrüfatı Departamentinin əməkdaşları xüsusi qrafikə uyğun Departamentin balansında olan yaşayış binalarında, lift kabinalarında, həyət və yaşayış məhəllələrində, buradakı idman-əyləncə qurğularında, məişət tullantılarının atıldığı konteyner meydançalarında tibbi-profilaktik və dezinfeksiyaedici tədbirləri davam etdiriblər.

Bildirilib ki, geniş dezinfeksiya tədbirlərinin keçirilməsində əsas məqsəd vətəndaşlarımızı bu pandemiyadan qorumaqdır. Sonuncu geniş dezinfeksiya tədbirləri zamanı paytaxtın 554 küçəsi kimyəvi maddələrlə yuyulmuşdu.

Vətəndaşlarımızdan bir daha xahiş olunur ki, koronavirusun daha çox yayılmasına imkan verməmək üçün karantin qaydalarına ciddi riayət etsinlər.

2
Teqlər:
xəbərdarlıq, zəhərlənmə, dezinfeksiya, Bakı
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar