İçməli su, arxiv şəkli

Ölkədə su təchizatı ilə bağlı sıxıntılı dövr yaxınlaşır

44
(Yenilənib 18:27 28.04.2017)
Gürcü ekspert: "Bəlkə də fəlakət olmayacaq, amma ciddi problemlər olacaq"

BAKI, 19 dek — Sputnik. Kür çayı üzərində yeni Su Elektrik Stansiyasının (SES) tikilməsi çayda suyun səviyyəsinin qəflətən artıb-azalmasına gətirib çıxara bilər. Bu isə öz növbəsində problemlər yaradacaq.

Bu barədə Sputnik-ə gürcü iqtisadçı, alternativ enerji mənbələri üzrə mütəxəssis Soso Simonişvili deyib. Gürcüstanda beş yeni SES-in tikintisi planlaşdırılır ki, onlardan biri də Tbilisidən qərbdə, Kür çayı üzərində tikiləcək. Azərbaycanlı ekspertlərin fikrincə, bu, Azərbaycanda ekoloji fəlakətə səbəb ola və respublikanın iqtisadiyyatına ciddi zərbə vura bilər.

Simonişvilinin sözlərinə görə, Kür çayı üzərində SES-in sayının artırılması, bəzən suyun səviyyəsinin artması ilə müşahidə olunacaq, bəzən isə çayın məcrasında ümumiyyətlə su olmayacaq: "Azərbaycanlı ekspertin dediyi kimi, ekoloji fəlakət bəlkə də olmadı, amma su təchizatı qeyri-bərabər olacaq. Bu, birmənalıdır".

O, eyni şeyin Türkiyədə də baş verdiyini bildirib: "Hazırda Türkiyədən demək olar ki, su gəlmir, çünki onlar hazırda öz su anbarlarını doldururlar".

Bir sözlə, ekspert bildirib ki, su təchizatı ilə bağlı çətin zamanlar gəlir. Neqativ nəticələrdən qaçmaq üçün hansı addımları atmağın lazım olduğuna gəlincə, Simonişvili deyib: "Kürün bütün su resurslarının vahid avtomatlaşdırılmış idarəetmə sistemini yaratmaq lazımdır".

"Gürcüstanın və Türkiyənin həyata keçirdiyi planlar, əslində çayın suyunun ümumi kütləsini azaltmır, sadəcə suyun ötürülməsində qeyri-bərabərlik yaradır. Əgər bütün bu su təsərrüfat ağılla idarə olunsa, problem daha az olar".

44
Teqlər:
Soso Simonişvili, Su Elektrik Stansiyası, SES, azalma, fəlakət, su, Tbilisi, Gürcüstan, çay, Türkiyə, Kür, Azərbaycan
Əlaqədar
Su təchizatı ilə bağlı qanuna dəyişiklik edildi - Prezident sərəncamı
Ayda təmiz içməli su tapıldı
Tranzit çaylarda su səviyyəsi azalıb
Mingəçevir su anbarı ərazisində zəlzələ olub
Gündə bu miqdardan çox su içmək ölümə aparır
Küçələri su basmasına rəsmi aydınlıq gətirildi
Distant təhsil, arxiv şəkli

Onlayn dərslərdən yayınan müəllimlərə xəbərdarlıq

3
Yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb.

BAKI, 15 yanvar — Sputnik. Onlayn dərslərə qoşula bilməyən müəllimlərin qeydiyyatı aparılır. Sputnik Azərbaycan-ın məlumatına görə, bunu "Pandemiya şəraitində tədrisin və imtahanların təşkili" mövzusunda vebinarda Azərbaycan Dövlət Pedaqoji Universitetinin tədris işləri üzrə prorektoru Eldar Aslanov deyib.

O bildirib ki, həmin müəllimlərin müqavilələrinin uzadılması zamanı bu məsələ nəzərə alınacaq: "Biz bu faktlar üzrə qeydiyyat aparırıq. Seçkilər və qeydiyyatlar zamanı bu amil nəzərə alınacaq. Bəzi tələbələr də yaranmış vəziyyətdən sui-istifadə edirlər. Amma bu, ən çox onların kadr kimi yetişməsində özləri üçün problem yaradacaq".

Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.

3
Aida Mahmudovanın PASTPRESENTFUTURE sərgisi

Azərbaycanlı rəssamın ABŞ-da ikinci fərdi sərgisi açılıb

2
(Yenilənib 21:11 15.01.2021)
Fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

BAKI, 15 yanvar — Sputnik. Tanınmış azərbaycanlı rəssam Aida Mahmudovanın Amerika Birləşmiş Ştatlarında ikinci fərdi sərgisi açılıb.

Sputnik Azərbaycan xəbər verir ki, fevralın 16-dək davam edəcək "Aida Mahmudova: PASTPRESENTFUTURE" sərgisi "Sapar Contemporary" inkubatorunun təşkilatçılığı ilə reallaşır.

"Sapar Contemporary" inkubatoru varlığın fraqmentar təbiətini zamanla və landşaftda təhrif olunmuş xatirələr vasitəsilə tədqiq edən yeni "Aida Mahmudova: PASTPRESENTFUTURE" seriyasını təqdim edib. Qalereyanın Mərkəzi Asiya və Qafqazda fəaliyyət göstərən nüfuzlu qadın rəssamlara dəstək istiqamətində fasiləsiz səyləri çərçivəsində təşkil edilən "PASTPRESENTFUTURE" rəssamın Amerika Birləşmiş Ştatlarında ikinci fərdi sərgisidir.

Rəssam yeni əsərində yaradıcılıq prosesinin sırf emosional və instinktiv tərəfini önə çəkmək üçün xarici məhdudiyyətlərdən (ideoloji, siyasi və ya dini) kənarda mövcud olan əsərlər yaratmaq məqsədilə keçmişi, bu günü və gələcəyi vəhdət halında birləşdirir. Nəticədə birbaşa olaraq rəssamla rəsm texnikası arasındakı əlaqədən ilhamlanan və məfhumları çılpaq şəkildə göstərən güclü əsərlər yaradılır.

Ot və quru bitkilərdən istifadə edilərək və rəssamın impressionist toxunuşları nəticəsində ərsəyə gələn "Roots" (2020) kimi əsərlər rəssamın vətəni Azərbaycanda rast gəlinən landşaftın canlandırıcı detallarını üzə çıxarır. Yer kürəsinin səthi ilə bağlı reallıqlara baş vuran Aida Mahmudovanın təsvir etdiyi bu proses təbiəti xatirələri oyadan nostalji hissi ilə doldurur. Təbəqələrin yaradılması və ya onların bir-birindən ayrılması, habelə quru bitkilər, keramika, mis də daxil olmaqla müxtəlif materialların qarışdırılması prosesi rəssam üçün fiziki olaraq böyümə və emosional şəfa tapma məqsədilə edilən məşğələyə çevrilir.

Azərbaycanın paytaxtı Bakıda yaşayıb fəaliyyət göstərən Aida Mahmudovanın rəsm əsərləri onun seçdiyi materialların fiziki təbiəti və üstünlük verdiyi dünyəvi palitrası ilə ahəngdar şəkildə uzlaşır. Onun olduqca intuitiv xarakter daşıyan axtarışları xarici sədlərdən yan keçən sevgi, itki, yaddaş və istək kimi universal insan hisslərinin bütün spektri üzrə inkişaf etməyə davam edir. Rəssamın sözlərinə görə, "cəmiyyətin bir hissəsi olaraq, biz varlığın təbiətini, başqaları ilə qarşılıqlı münasibətlərimizi müəyyən dərəcədə məhdudlaşdırırıq və bununla da ibtidai ünsiyyət kanallarını itiririk. Mənim üçün incəsənətin heç bir sərhədi yoxdur - o, ünsiyyətin istənilən forması üçün açıqdır, yaradıcılıq prosesi isə insan tərəfindən yaradılmış və buna görə də olduqca kövrək olan fundamental prinsipləri bu və ya digər dərəcədə məhv edir".

2
Prezident İlham Əliyev Füzuli rayonunda

İlham Əliyev: "Gəlin alın, görüm necə alırsınız?"

0
"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq?

 

BAKI, 15 yanvar — Sputnik. "Bu gün Dağlıq Qarabağda özünü siyasətçi adlandıran bəzi ünsürlər yenə də baş qaldırmağa çalışırlar".

Sputnik Azərbaycan xəbər verir ki, bunu Azərbaycan Prezidenti, Müzəffər Ali Baş Komandan İlham Əliyev Şuşada Molla Pənah Vaqifin büstünün və məqbərəsi ziyarət edərkən bildirib.

"Unutmasınlar, bizim səbrimizlə oynamasınlar, 44 günlük müharibə onların yadından çıxmasın. Yoxsa ordu qurub torpaqları geri alacaq? Gəlin, alın. Gəlin bura, siz buradasınız, yaxındasınız. Gəlin alın, görüm necə alırsınız? İti qovan kimi qovmuşuq sizi, rədd etmişik, cəhənnəmə göndərmişik", - deyə İlham Əliyev qeyd edib.

0