Gürcüstanın paytaxtın Tbilisinin ərazisindən keçən Kür çayı

Azərbaycan ekoloji fəlakət ərəfəsindədir

3134
Gürcüstan Kür çayının üzərində bənd tiksə və yeni su elektrik stansiyası quraşdırsa, çayın Azərbaycandan keçən hissəsində suyun səviyyəsi azalacaq və içməli su qıtlığı yaranacaq

BAKI, 17 dek — Sputnik. "Kür çayının Gürcüstandan keçən hissəsində su elektrik stansiyasının (SES) tikilməsi Azərbaycan üçün ekoloji fəlakətlə nəticələnə bilər. Eyni zamanda bu, respublikamızın iqtisadiyyatına ciddi zərbə vuracaq".

Bu sözləri Sputnik-ə ekoloq Fikrət Cəfərov deyib. Qeyd edək ki, KİV Gürcüstanın 5 SES tikməyi planlaşdırdığı, onlardan birinin Tbilisinin cənubunda, Kür çayı üzərində olacağı barədə xəbər yayıb.

Diqomi SES adlandırılan bu stansiyanın gücü 17,5 meqavatt olacaq. Bu stansiyanın tikintisinə hökumət 35 milyon dollar ayırıb. Tikinti işlərinin 2,5 ilə başa çatdırılması planlaşdırılır.

Qeyd etmək lazımdır ki, Tbilisinin mərkəzi olan Ortaçalada — Kür çayının üzərində artıq bir SES var. Ekoloqun sözlərinə görə, dünya alimləri çoxdan sübut ediblər ki, SES uçun bəndin tikilməsi ətraf mühitin ekoloji vəziyyətinə mənfi təsir göstərir.

"Bu zaman hövzənin su rejimi tamamilə pozulur. Öz növbəsində bu hal biomüxtəlifliyə, iqlim və bütövlükdə çayın özünə təsir göstərir", — Cəfərov bildirib.

Onun sözlərinə görə, Azərbaycanda ilbəil təmiz su çatışmazlığı problemi böyüyür: "Bu, Azərbaycanın ekologiyasına və iqtisadiyyatına mənfi təsir göstərir".

Əlavə edək ki, SES-in tikintisi nəticəsində Kür çayında suyun səviyyəsinin aşağı düşəcəyi gözlənilir.

3134
Teqlər:
Fikrət Cəfərov, SES, su elektrik stansiyası, ekoloji fəlakət, ekoloq, Gürcüstan, Kür çayı, Azərbaycan
Əlaqədar
Yağışlar Azərbaycanda ekoloji fəlakətlərə səbəb olub
Ekoloqlardan sensasiyalı açıqlama
Ekspertlər Azərbaycanın ekoloji problemlərini müzakirə ediblər
"Azərbaycanlılar böyük ekoloji fəlakətlə qarşı-qarşıyadırlar"
Bakı daha bir ekoloji fəlakət ərəfəsində

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

5
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

5
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Stasionar telefon, arxiv şəkli

Müdafiə Nazirliyində valideynlər üçün fasiləsiz qaynar telefon xətləri açıblar

4
(Yenilənib 16:14 05.12.2020)
Vətəndaşlar qeyd olunan nömrələrə zəng edərək onları maraqlandıran suallarla bağlı müraciət edə bilərlər

BAKI, 5 dekabr - Sputnik. Hərbi qulluqçuların valideynlərini və yaxınlarını narahat edən məsələlərlə bağlı müraciətləri qəbul etmək məqsədilə Müdafiə Nazirliyində sutka ərzində fasiləsiz qaynar telefon xətləri fəaliyyət göstərir.

Sputnik Azərbaycan bildirir ki, bu barədə Müdafiə Nazirliyinin məlumatında deyilir.
"Bir daha bildiririk ki, vətəndaşlar (012) 912, (012) 538-61-31, (012) 404-76-34 nömrəli telefonlara zəng edərək onları maraqlandıran suallarla bağlı müraciət edə bilərlər", - məlumatda qeyd olunur.

4
Teqlər:
qaynar xətt, valideynlər, hərbçilər, telefon, Müdafiə Nazirliyi