Soğan anbarı

Ölkənin ən varlı rayonunda arzuolunmaz mənzərə

3257
Təsərrüfatçılar becərdikləri məhsulu sata bilmirlər. Kreditini ödəyə bilməyənlər şəxsi əmlaklarını dəyər-dəyməzinə satırlar.

İlham Mustafa, Sputnik Azərbaycan

BAKI, 17 dek — Sputnik. Şəmkir Azərbaycanın həm ən varlı, həm də ən zəhmətkeş insanlarının yaşadıqları rayonlardan biridir. Bu rayonun hər bir kəndi demək olar ki, ata-babadan tərəvəzçiliyin müxtəlif sahələri üzrə ixtisaslaşıb.

Şəmkirin Yenihəyat kəndinin sakinlərinin əsas məşğuliyyəti soğançılıqdır. Bu kənddə hər 10 ailədən 9-u, hər il Gəncədən Tovuzadək torpaq icarəyə götürərək soğan əkib becərir. Builki məhsul yığımı sahibkarların üzünü güldürsə də, hazırkı durum onları müflis olmaq həddinə gətirib.

Təsərrüfatçıların sözlərinə görə, kilosu 15-16 qəpiyə başa gələn soğanı, indi 6-8 qəpiyə sata bilmirlər. Bu səbəbdən kənd sakinlərinin həyət və anbarlarında tonlarla soğan xarab olmaq təhlükəsi ilə üz-üzə qalıb. Minbir əziyyətlə becərdikləri məhsulu dəyər-dəyməzinə satmaq istəsələr də, alıcı yox dərəcəsindədir.

Mikayıl Hüseynov
© Sputnik / Ilham Mustafa
Mikayıl Hüseynov

Kənd sakini Mikayıl Hüseynov Sputnik-in bölgə müxbiri ilə söhbətində, təsərrüfat məqsədilə götürdüyü krediti ödəmək üçün, ötən günlərdə şəxsi avtomobilini satdığını deyib: "1 hektarı 800 manata, 4 hektar torpaq icarəyə götürmüşəm. Əkin-biçin üçün. Toxumun kilosuna 150 manat pul vermişəm. Hektara 4 kilo səpildiyini nəzərə alsaq, təkcə toxuma 6 min manat xərcim çıxıb. Bunun alağını, suvarılmasını da hesablayanda, bir torba soğanın maya dəyəri 4-5 manata düşüb".

"Yaxşı da məhsul götürmüşük. İndi tək mənim 10 min torba soğanım var. Lakin alıcı olmadığından, indi bunun torbasını 3 manatdan da sata bilmirəm. Hamının malı qalıb həyətində. Kənddə hansı evə baş çəksəniz, eyni vəziyyəti müşahidə edəcəksiniz", — deyir M. Hüseynov.

Digər kənd sakini Elçin Yadigarov da məhsul bolluğunun onlara heç bir xeyri olmadığını deyir: "Belə getsə, 2-3 aydan sonra məhsul xarab olacaq. Hər bir torbanı evə gətirmək üçün, 10 qəpik doldurulmasına, 10 qəpik də gətirilməsinə vermişik. İndi bir o qədər də pul lazımdır ki, soğanı aparıb zibilliyə ataq".

Elçin Yadigarov
© Sputnik / Ilham Mustafa
Elçin Yadigarov

Onun sözlərinə görə, xarab olmasa, bu kənddəki soğanın Azərbaycana hələ gələn il də bəs edər: "Yalnız, xaricə çıxarmaqla müflis olmaqdan xilas ola bilərik. Yaxınlıqda ən böyük bazar Rusiyadır ki, onun üçün də sərhəddə bir TIR maşını soğana 3300 manat rüsum ödəməliyik. 2000 manat da daşınma xərcini üstünə gələndə, bu malı mən neçəyə satmalıyam ki, ziyanlıqdan çıxa bilim?!".

Sahibkarlar, aidiyyatı qurumların müdaxiləsi olmadan öz güclərinə bu çətinliyin öhdəsindən gələ bilməyəcəklərini bəyan edir və dövlətdən dəstək istəyirlər.

3257
Teqlər:
Yenihəyat, Elçin Yadigarov, Mikayıl Hüseynov, soğan, əkin, Şəmkir, təsərrüfat, kənd, sahibkar, rayon, məhsul
Əlaqədar
Cari il sahibkarlara 120 milyon manatdan artıq güzəştli kredit verilib
"Sahibkar məsuliyyətdən yayınacaqdı..."
Dövlət orqanlarına yanlış məlumat verən sahibkarlar cərimələnəcək
Qanunsuz sahibkarlıq fəaliyyətinə qarşı mübarizə şöbəsi yaradılıb
Sahibkarlıqla bağlı qanunvericilik sərtləşdirildi
Sahibkarlıq fəaliyyəti ilə bağlı şərtlər asanlaşdırılır
Xaçmazda yerli sahibkar qətlə yetirildi
Manat, arxiv şəkli

Təhsil Nazirliyinə 7 milyon manat vəsait ayrıldı - CƏDVƏL

0
Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb

BAKI, 8 avqust — Sputnik. Prezident İlham Əliyev Azərbaycan Respublikasında təhsil infrastrukturunun inkişafı ilə əlaqədar əlavə tədbirlər haqqında Sərəncam imzalayıb.

Sputnik Azərbaycan-ın məlumatına görə, Sərəncamla respublika ərazisində modul tipli məktəblərin quraşdırılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.66-cı bəndində göstərilmiş məbləğin 630 149 000,0 manatının bölgüsü”nün 1.9.2-ci yarımbəndində “Respublika ərazisində modul tipli təhsil müəssisələrinin quraşdırılması” üçün nəzərdə tutulmuş 7 milyon manat Azərbaycan Respublikasının Təhsil Nazirliyinə ayrılıb.

Maliyyə Nazirliyinə bu Sərəncamın 1-ci hissəsində nəzərdə tutulan məbləğdə maliyyələşməni təmin etmək, Nazirlər Kabinetinə isə bu Sərəncamdan irəli gələn məsələləri həll etmək tapşırılıb.

Azərbaycanda quraşdırılması nəzərdə tutulan modul tipli məktəblərin siyahısı: 

Sıra 

sayı

Tədbirin adı Ayrılan vəsait
1 Bərdə rayonunun Məşədiibişli kəndində 20 şagird yerlik modul tipli ibtidai məktəbin quraşdırılması 207 000
2 Cəlilabad rayonunun Axtaxana kəndində 20 şagird yerlik modul tipli ibtidai məktəbin quraşdırılması 207 000
3 Cəlilabad rayonunun Çəmənli kəndində 56 şagird yerlik modul tipli ümumi orta məktəbin quraşdırılması 283 000
4 Cəlilabad rayonunun Novruzallı kəndində 40 şagird yerlik modul tipli ibtidai məktəbin quraşdırılması 256 000
5 Goranboy rayonunun Abbasqulular kəndində 80 şagird yerlik modul tipli ümumi orta məktəbin quraşdırılması 350 000
6 Goranboy rayonunun Gürzallar kəndində 56 şagird yerlik modul tipli tam orta məktəbin quraşdırılması 283 000
7 İmişli rayonunun Oruclu kəndində 40 şagird yerlik modul tipli ibtidai məktəbin quraşdırılması 256 000
8 Lerik rayonunun Andurma kəndində 40 şagird yerlik modul tipli ümumi orta məktəbin quraşdırılması 256 000
9 Lerik rayonunun Aşağı Çayrud kəndində 40 şagird yerlik modul tipli ümumi orta məktəbin quraşdırılması 256 000
10 Lerik rayonunun Laman kəndində 40 şagird yerlik modul tipli ümumi orta məktəbin quraşdırılması 256 000
11 Lerik rayonunun Loda kəndində 20 şagird yerlik modul tipli ibtidai məktəbin quraşdırılması 207 000
12 Neftçala rayonunun Elektrik şəbəkə kəndində 40 şagird yerlik modul tipli ibtidai məktəbin quraşdırılması 256 000
13 Quba rayonunun Kardaş kəndində 40 şagird yerlik modul tipli ibtidai məktəbin quraşdırılması 256 000
14 Quba rayonunun Muçu kəndində 80 şagird yerlik modul tipli ümumi orta məktəbin quraşdırılması 356 000
15 Quba rayonunun Ördüc kəndində 20 şagird yerlik modul tipli ibtidai məktəbin quraşdırılması 207 000
16 Qusar rayonunun Langi  kəndində 40 şagird yerlik modul tipli ibtidai məktəbin quraşdırılması 256 000
17 Qusar rayonunun Qullar kəndində 40 şagird yerlik modul tipli ibtidai məktəbin quraşdırılması 256 000
18 Qusar rayonunun Torpaq körpü kəndində 40 şagird yerlik modul tipli ibtidai məktəbin quraşdırılması 256 000
19 Samux rayonunun Qədili kəndində 80 şagird yerlik modul tipli ümumi orta məktəbin quraşdırılması 350 000
20 Şəki rayonunun Vərəzət kəndində 56 şagird yerlik modul tipli köçkün ümumi orta məktəbinin quraşdırılması 283 000
21 Tovuz rayonunun Mollaayrım kəndində 20 şagird yerlik modul tipli ibtidai məktəbin quraşdırılması 207 000
22 Xaçmaz rayonunun Çuxuroba kəndində 40 şagird yerlik modul tipli ibtidai məktəbin quraşdırılması 256 000
23 Xaçmaz rayonunun Xanlıqoba kəndində 80 şagird yerlik modul tipli ümumi orta məktəbin quraşdırılması 350 000
24 Xaçmaz rayonunun Xanoba kəndində 96 şagird yerlik modul tipli ümumi orta məktəbin quraşdırılması 382 000
25 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
26 Xaçmaz rayonunun Hacıməmmədoba kəndində 40 şagird yerlik modul tipli ibtidai məktəbin quraşdırılması 256 000
27 Xızı rayonunun Türkoba kəndində 40 şagird yerlik modul tipli ümumi orta məktəbin quraşdırılması 256 000
  Cəmi: 7 000 000
0
Avtostop

"Piyada" istirahət - sabahın havasından xəbərdar olun

2
(Yenilənib 13:15 08.08.2020)
Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq

BAKI, 8 avqust — Sputnik. Azərbaycanda avqustun 9-da gözlənilən hava proqnozu açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə,  Bakıda və Abşeron yarımadasında havanın yağmursuz keçəcəyi gözlənilir, ümlayim cənub küləyi əsəcək.

Havanın temperaturu Abşeron yarımadasında gecə 22-25, gündüz 29-34, Bakıda gecə 23-25, gündüz 31-33 dərəcə isti olacaq. Atmosfer təzyiqi normadan aşağı 754 mm civə sütunu, nisbi rütubət gecə 60-70, gündüz 40-45 faiz təşkil edəcək.

Abşeron çimərliklərində mülayim cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti olacaq.

Azərbaycanın rayonlarında havanın əsasən yağmursuz keçəcəyi, lakin axşam bəzi dağlıq ərazilərdə şimşək çaxacağı, qısamüddətli yağış yağacağı, dolu düşəcəyi gözlənilir. Səhər dağlarda duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24, gündüz 33-38, dağlarda gecə 11-16, gündüz  20-25 dərəcə isti olacaq.

Xatırladaq ki, Nazirlər Kabineti yanında Operativ Qərargahın qərarı ilə şənbə və bazar günləri karantin rejimi tətbiq olunan ərazilərdə ictimai nəqliyyat işləməyəcək.

2
Teqlər:
hava proqnozu