Moskva-Bakı-Astana-Kişinyov-Minsk-Tbilisi video-körpüsü

Hər il Rusiyaya 17 milyon miqrant gəlir

106
Azərbaycandan olan miqrantların 85 faizi Rusiyaya gedir, bura gələn miqrantların isə 85 faizini ruslar təşkil edir.

BAKI, 16 dek — Sputnik. "Rusiya Federasiyasında əsas istiqamət 2025-ci ilə qədər qəbul olunmuş dövlət miqrasiya siyasətinin konsepsiyası çərçivəsində təsdiq edilən miqrasiya siyasətinin həyata keçirilməsi ilə bağlıdır. Bu konsepsiyanın həyata keçirilməsi çərçivəsində mühüm işlər görülür".

Bu gün, Sputnik Beynəlxalq Mətbuat Mərkəzində, "Postsovet məkanındakı miqrasiya siyasəti" mövzusunda keçirilən Moskva-Bakı-Astana-Kişinyov-Minsk-Tbilisi video-körpüsündə, Rusiya Dövlət İdarəçilik İnstitutu və İdarəetmə Universitetinin Dövlət idarətməsi və siyasi texnologiyalar fakültəsinin professoru Vladimir Volox belə deyib. Onun sözlərinə görə, Rusiya Federasiyasına hər il 15-17 milyon miqrant gəlir.

"Hər gün Rusiya ərazisində 10 milyondan artıq xarici vətəndaş olur. Mən hesab edirəm ki, bu, pozitiv faktordur, çünki bu proses mədəni dəyərlərin və biliyin mübadiləsi, birgə konfransların və idman yarışlarının keçirilməsi ilə bağlıdır", — Volox bildirib.

"Rusiya ərazisində müvəqqəti və ya daimi yaşayan 700-800 min xarici vətəndaş var. Onların sayı ölkə əhalisinin ümumi sayının yarım faizinə bərabərdir. Bu rəqəmlər göstərir ki, Rusiya cəlbedici, demokratik və qapalı olmayan bir ölkədir. Rusiya, oraya yaxşı niyyətlərlə gələn hər kəsi qəbul etməyə hazırdır", — o, əlavə edib.

Belarus Respublikasının Daxili İşlər Nazirliyinin Vətəndaşlıq və miqrasiya üzrə Şöbəsinin idarə rəisi Vitali Naumçikin sözlərinə görə isə, Belarus miqrantlar üçün tranzit bir ölkədir: "Təəssüf ki, bizim ölkə ilk növbədə Rusiyadan olan qanunsuz miqrantlar üçün tranzit ölkədir. Onlar bizim ölkəmizdən Avropaya keçmək istəyirlər. Heç kəsə sirr deyil ki, onlar daxili sərhədlərin açıq olmasından və sərhəd nəzarətinin olmamasından istifadə edirlər".

Azərbaycan tərəfdən iştirak edən, Dövlət Miqrasiya Xidməti yanında İctimai Şuranın sədri Azər Allahverənov isə bildirib ki, Azərbaycanı miqrant ölkəsi adlandırmaq olar: "Azərbaycanda 300 min qaçqın və 700 min məcburi köçkün yaşayır. Azərbaycandakı işçi miqrantların sayına görə ilk yerdə Gürcüstan dayanır. Azərbaycanda 100 minə yaxın Gürcüstan vətəndaşı yaşayır".

"Azərbaycana ümumi miqrant axınına görə isə birinci yerdə Rusiya dayanır. Bizim Rusiya ilə miqrasiya mübadiləmiz çox sıxdır. Azərbaycan miqrantlarının 85 faizi Rusiyaya gedir, bura gələn miqrantların isə 85 faizini rus miqrantlar təşkil edir. Rusiyadan sonra isə Gürcüstan, Türkiyə, Ukrayna və İran gəlir", — deyə Azər Allahverənov əlavə edib.

106
Teqlər:
Belarus, Minsk, Tbilisi, Gürcüstan, Astana, Kişinyov, miqrasiya, Bakı, miqrant, Moskva, Rusiya, Azərbaycan
Əlaqədar
Liviya sahillərində yüzlərlə miqrant batıb
Türkiyəyə sığınan suriyalı miqrantlar geri qaytarılır
Suriyalı miqrantlar İspaniyada üsyan qaldırdı
Aralıq dənizində dəhşətli miqrant faciəsi yaşanır
İtaliya sahillərində 1000-dən çox miqrant xilas olunub
Çexiya bu il miqrant qəbul etməyəcək
Avropalılar miqrantların ucbatından iş yerlərini itirməkdən qorxurlar

Təhsil naziri: "Öyrənmə motivasiya arasında çox böyük əlaqə var"

8
Emin Əmrullayev: "Mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır".

BAKI, 22 yanvar - Sputnik. Təhsil naziri Emin Əmrullayev pandemiya ilə əlaqədar şagirdlərin dərslərində bəzi geriləmələrin olması ilə bağlı səsləndirilən fikirlərə münasibət bildirib.

Xəzər Televiziyasında yayımlanan “Vaxt gəldi” proqramında nazir övladlarından birinin 1-ci sinfə getdiyini, digərinin isə məktəbəqədər yaşda olduğunu deyib. O, distant təhsilin problemlərindən bəhs edərkən deyib:  

“Distant təhsil və teledərslər öz-özlüyündə izləmə baxımından maraqlı prosesdir. Eyni zamanda bu, çox çağırışlı məsələdir, o mənada ki, problemlidir. Belə ki, avadanlıqdan istifadə və ya müxtəlif problemlər meydana çıxır. Misal olaraq, hava soyuq olanda işıqlar sönə bilər. Bunu uşağa izah etmək məsələsi var. Odur ki, mövcud problemlərin şagirdin biliyində geriləmə və ya irəliləməyə səbəb olması ilə bağlı müəyyən ölçmələr aparmaq lazımdır”.

Nazir ibtidai siniflərdə şagirdlərin sosial-psixoloji, sosial-emosional inkişafına fokuslaşmalı olduğumuzu da qeyd edib:

“Biz emosiyalara və ya hansısa gümanlara yox, faktlara, ölçmələrə, elmə inanmalıyıq. Hazırda bununla bağlı planlar var və bunlardan biri də şagirdlərin biliyinin qiymətləndirilməsinin aparılmasıdır. Təbii, şagirdlər də dərsə qayıtmalıdır ki, biz bunu edə bilək. Yaxud başqa formatlar da düşünə bilərik. İnandığım budur ki, fokuslanmalı olduğumuz məsələ, xüsusilə də ibtidai sinifdə şagirdlərin sosial-psixoloji, sosial-emosional inkişafıdır. Mənə görə məktəb insanın sosial emosional inkişafını irəli aparan yer olmalıdır. Çünki öyrənmə və motivasiya arasında çox böyük əlaqə var”.

8
Teqlər:
Azərbaycanın təhsil naziri, təhsil naziri, Emin Əmrullayev

Təhsil naziri şikayətləndi: Fikirlərim təhrif edilib, elə demək istəmirdim

59
(Yenilənib 23:16 22.01.2021)
Emin Əmrullayev: "Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir".

BAKI, 22 yanvar - Sputnik. "Öyrənmək məqsədli olmalıdır. Əgər valideyn övladı üçün hansısa öyrənmək imkanı yaratmaq istəyirsə, öyrənmənin məqsədlərini izah etməlidir. Bu həmçinin müəllim üçün də önəmlidir".

Sputnik Azərbaycan xəbər verir ki, bunu Təhsil naziri Emin Əmrullayev Xəzər Televiziyasında yayımlanan “Vaxt gəldi” proqramında çıxışı zamanı deyib.

Nazir bildirib ki, tədris prosesin məqsədi öyrənən adama məlum deyilsə, onun motivasiyası yoxdursa, yəqin ki, öyrənmə baş vermir:

"Məqsədli öyrənmə ilə bağlı mətbuatda təhrif olunan fikirləri o mənada demişdim ki, valideyn övladını bir neçə yerə hazırlığa göndərir, amma bunun məqsədi barədə övladı ilə çox az söhbət edir. Uşaq da başa düşmür ki, hazırlığa və ya məktəbə nə üçün gedir. O, bunun niyəsini başa düşmürsə, ehtimal ki, öyrənmənin keyfiyyəti aşağı düşür".

"Mən bunu demək istəyirdim. Təəssüf, fikrim elə təqdim edildi ki, guya öyrənmək olmaz demişəm. Demək istədiyim odur ki, məqsədli öyrənmək başqa şeydir”, - deyə nazir əlavə edib.

59
Teqlər:
Emin Əmrullayev, Azərbaycanın təhsil naziri, təhsil naziri

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0