Təlim avtomobilləri, arxiv şəkli

Sürücülük məktəbləri ləğv edilib? - DYP məlumatsızdır

2590
(Yenilənib 20:06 15.12.2016)
Ekspert: "Bizdə hələ də SSRİ-dən qalma modeldən istifadə olunur"

BAKI, 15 dek — Sputnik. Sürücülük məktəblərinin ləğv edildiyi barədə xəbər yayılıb. Məsələni dəqiqləşdirmək üçün, Sputnik əməkdaşı Daxili İşlər Nazirliyi Respublika Baş Dövlət Yol Polis İdarəsinin (DİN RBDYPİ)mətbuat katibi Kamran Əliyevlə əlaqə saxlayıb.

K. Əliyev Sputnik-ə açıqlamasında, bu haqda onda məlumat olmadığını deyib: "Məndə belə bir məlumat yoxdur. Həm də sürücülük məktəbləri niyə bağlansın axı?!

Qısa araşdırmamız zamanı, yayılan məlumat təsdiqini tapmadı. Bununla belə, bəzi suallar açıq qalır. Məsələn, Azərbaycanda sürücülük məktəblərinin fəaliyyəti qane edicidirmi? Niyə bu sahədə inkişaf etmiş ölkələrdə olan normalar bizdə tətbiq olunmur?

Bu barədə suallarımızı "Həyat" Humanitar Dəstək İctimai Birliyinin sədri, yol hərəkəti qaydaları üzrə ekspert Azər Allahverənov cavablandırıb. Onun sözlərinə görə, bu sahədə bizdə hələ də SSRİ-dən qalma modeldən istifadə olunur.

"Bizdə bu sahədə SSRİ-dən qalma model mövcuddur. Hesab edirəm ki, sürücülük məktəblərinə olan yanaşma dəyişməlidir. Azərbaycanda sürücülük məktəbləri rəsmi surətdə qeydiyyatdan keçmiş hansısa təhsil müəssisəsinin nəzdində fəaliyyət göstərən bir mərkəz kontekstində olur. Öz işini bu səpgidə təşkil edir. Bu məktəblərdə sadəcə nəqliyyat vasitəsini idarə etmək aşılanır. Nəticədə kursu bitirənlər də müvafiq arayışı alandan sonra gedir test imtahanı verməyə", — ekspert bildirib.

Allahverənovun dediyinə görə, test imtahanını uğurla verdikdən sonra, həmin şəxsə hansısa bir avtomobil verilir ki, sürmə qabiliyyətini göstərsin: "Və ən sonda sürücülük hüququnu təsdiq edən sənəd təqdim olunur. Reallıq bizdə bu cürdür. İdealda isə belədir ki, sürücülük məktəblərində maşın idarəetməsi ilə bağlı dərslər təşkil olunur, sürücülük vəsiqəsini almaq üçün imtahan vermək istəyən insanlar, nəinki nəqliyyat vasitəsini idarə etmək, həm də onun konstruksiyası haqda müəyyən bilgilərə yiyələnir. Ən sonda isə oxuduğu yerdən sürücülük hüququ alır".

Nəqliyyat məsələləri üzrə ekspert Azər Allahverənov
© Sputnik / Murad Orujov
Nəqliyyat məsələləri üzrə ekspert Azər Allahverənov

Mütəxəssis hesab edir ki, sürücülük məktəblərinin statusu artırılmalıdır: "Mən çox istərdim ki, sürücülük məktəblərinin statusu artırılsın. Yəni bu məktəblərin statusu hansısa arayışı verməklə məhdudlaşmasın. Sürücülük məktəbini bitirmiş şəxsin əlindəki arayış onun nəqliyyat vasitəsini artıq idarə edə bildiyini göstərir".

"Ancaq bizdə, görün nə baş verir? Mən o arayışı alıram, gedib təzədən imtahan verirəm və üstəlik nəzəri imtahanı verəndən sonra praktiki biliyimi yoxlamaq üçün avtomobil idarə etmə qabiliyyətimi yoxlayırlar. Ən sonda sürücülük hüququnu verirlər. Onda belə çıxır ki, mən imtahandan keçə bilməsəm, oxuduğum sürücülük məktəbinin mənə verdiyi arayışın heç bir əhəmiyyəti yoxdur. Halbuki 45 gün ərzində məktəb mənə, ən azı nəqliyyat vasitəsini idarə etməyi öyrətməli idi. Mən bunu düzgün hesab etmirəm", — Allahverənov vurğulayıb.

Ekspert sonda əlavə edib ki, bu məktəblərin səlahiyyətinin artırılması ilə bağlı işlər həyata keçirilməlidir və onların verdiyi arayış sürücülük hüququnu ala bilmək üçün yetərli olmalıdır: "Sözün qısası, ölkəmizdə nəqliyyat sisteminə yanaşma tərzi yenilənməlidir. Buna ehtiyac var".

2590
Teqlər:
Baş Dövlət Yol Polis İdarəsi, sürücülük məktəbi, Kamran Əliyev, kurs, Azər Allahverənov, ləğv
Əlaqədar
Artıq sürücülük vəsiqəsini üzərində gəzdirməyə ehtiyac qalmayacaq
Sürücülük vəsiqəsinin verilməsində inqilabi dəyişiklik
Azərbaycan Türkiyədə verilən sürücülük vəsiqələrini tanıdı
30 dəqiqəyə sürücülük vəsiqəsini dəyişdilər
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

33
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

33
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

65
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

65
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN