Bakıda kafe işlədən qadın: "Haram pulun bərəkəti olmaz"
(Yenilənib 11:03 14.12.2016)
Zeynəb Əliyeva: "Mənim başqa fikrim olsa, burda olmaram ki... Həm başqa yolla gələn pulun bərəkəti olmaz. Biz çörəyimizi halal yolla qazanırıq"İradə Cəlil, Sputnik Azərbaycan
BAKI, 13 dek — Sputnik. Zeynəb Əliyeva, əslən Neftçala rayonundandır. 10 ildir ki, Bakıya köçdüyünü deyir. Elə Bakıya köçəndən bu yana, müxtəlif restoranlarda aşpaz kimi çalışıb.
Amma bir gün qərar verib ki, özünə aid bir yer açsın — kiçik bir kafe. Və 1000 manat sərmayə ilə bu işə başlayıb. Bu işə başlayanada qorxuları var imiş. Amma sonra başa düşüb ki, kafe işlətmək elə onun işidir.
©
Sputnik / Irade JELIL
Zeynəb Əliyeva: "Gərək müştərinin xətrinə dəyməyəsən. Mülayim danışasan, şirin dillə başa salasan"
"Kimdənsə asılı olmaqdansa, kiminsə əlinin altında çalışmaqdansa, adamın öz işinin olması daha yaxşıdır. Öz işin olanda özünə həm nökər, həm ağa olursan. Belə daha rahatdır. Bu işə iki bacı başladıq və uğurlu alındı. Gəlirimiz də pis deyil", — deyir Zeynəb.
Dediyinə görə, qadın üçün kafe işlətməyin müəyyən çətinlikləri olur: "Bu çətinliklər, əsasən kişi müştərilərlə yaranır. Bəzən yaşlı kişi müştərilər olur ki, mənə qarşı maraqlı olduqlarını açıqlayırlar. Bəzən deyirlər, "xanım, sizdən xoşumuz gəlir, boş vaxtınız olanda görüşək". O zaman müştəriyə cavab verirəm ki, "mənim bütün zamanım mətbəxdə keçir". O zaman heç nə deyə bilmirlər".
©
Sputnik / Irade JELIL
Zeynəb Əliyevanın işlətdiyi kafe
"Gərək müştərinin xətrinə dəyməyəsən. Mülayim danışasan, şirin dillə başa salasan. Həm də, axı insanın üzünə baxanda bilinirsən, qarşındakı necə adamdır. Məni tanıyanlar da bilirlər ki, halal zəhmətimlə çörək qazanıram. Mənim başqa fikrim olsa, burda olmaram ki… Həm başqa yolla gələn pulun bərəkəti olmaz. Biz çörəyimizi halal yolla qazanırıq", — müsahibimiz əlavə edir.
Zeynəb hələ ki, kafesində günorta yeməkləri hazırlayır. Saat 21.00 olan kimi isə kafeni bağlayıb evinə gedir. Onun, 2-ci sinifdə oxuyan bir oğlu da var. Zeynəb qalan zamanını oğlunun təlim-tərbiyəsi ilə məşğul olmağa və ailəsinə sərf edir.
Yoldaşı, əvvəlcə Zeynəbin özünə iş qurmasına razı olmayıb, qadının təkidlərindən sonra razılaşıb: "Səhər bazarlığımı edib, işimə gəlirəm. Başlayıram yeməkləri bişirməyə. Əsasən, qazan yeməkləri bişirirəm. Müştərilər heç vaxt birdən yemək sifariş etmirlər. Bir dəfə bir müştəri gəldi, soruşdu ki, "dolma bişirə bilirsən?". Dedim "hazırı var". Bir pors yedi, iki pay da özü ilə apardı. Mənim yeməklərimi müştərilər bəyənirlər".
Zeynəb Azərbaycan mətbəxinin bütün sirlərini bilir. Söhbət əsnasında bizə söz verdi ki, yaxın günlərdə, kameramız qarşısında Bakı qutabı hazırlayacaq ki, oxucular onun hazırlanma qaydasından agah olsunlar. Bizi izləyin…
Teqlər:
COVID-19-la bağlı dəhşətli proqnoz: iki milyon insan ölə bilər
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.
Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.
“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.
Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.
Teqlər:
Cərimələr effekt verir - Agentlik rəsmisi belə deyir
(Yenilənib 21:48 25.09.2020)
"Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var" - AQTA rəsmisiNigar İsgəndərova, Sputnik Azərbaycan
BAKI, 25 sentyabr — Sputnik. "Böyük Britaniyada pandemiya dövründə inzibati cərimələrin tətbiq olunmasından öncə və tətbiqindən sonrakı rəqəmlər ölkədə yoluxma sayının 40-60 faizədək azalmasını aşkara çıxardı. Bizdə xəbərdarlıq, maarifləndirmə olduğu halda eyni obyektdə təkrar nöqsanlar aşkarlanır. Lakin cərimə tətbiqindən sonra sahibkarlıq obyektində təkrar uyğunsuzluq hallarına rast gəlinmir".
Sputnik Azərbaycan-ın xəbərinə görə, pandemiya şəraitində mehmanxanalarda, eləcə də kafe və restoranlarda xidmətin təşkili ilə bağlı həyata keçirilən nəzarət tədbirləri haqda Azərbaycan Qida Təhlükəsziliyi Agentliyinin sədr müşaviri Elxan Mikayılov danışıb.
O bildirib ki, cərimələrin tətbiqi həmin sahibkarlıq subyektlərini daha məsuliyyətli çalışmağa vadar edir: "Çünki cərimə tətbiq edilən obyektlərdə təkrar yoxlamalar zamanı uyğunsuzluq hallarının pozulmasında azalmalar var".
"Biz KİV-dən istifadə etməklə çox geniş təbliğat işləri görürük. Bu posterləri bütün sahibkarlıq subyektlərinə elektron şəkildə göndəririk. Biz iki həftə ərzində mehmanxanalarda apardığımız monitorinqlərdə yalnız maarifləndirmə işləri gördük. Növbəti mərhələdə isə nəzarətə başladıq və tələblərə əməl etməyənlər cərimələndilər", - E.Mikayılov əlavə edib.
O bildirib ki, daha çox aşkarlanan faktlar sırasında insanların bir masa ətrafında daha çox cəmlənməsi, işçilərin maskalardan düzgün istifadə etməməsi, müştərilərin maskasız hərəkəti yer alır: "Biz ehtiyat maskalarının verilməməsi halları ilə də rastlaşırıq. Bundan başqa, bəzi ictimai-iaşə mərkəzlərində dezinfeksiya ilə bağlı problemlərlə qarşılaşırıq".
Teqlər: