Avtomobilin salonunda əlləri və üzü bağlanmış qız, arxiv şəkli

Qız qaçırmağın yeni forması meydana çıxıb

1589
Rəisin gəlinini qaçıran gənc axtarışa verilib. Sabunçuda baş verən uğursuz qızqaçırma cəhdi isə eşidənləri heyrətə salır.

BAKI, 9 dek — Sputnik. Laçın rayon Polis İdarəsi rəisinin, 22 yaşlı gəlinini qaçıran, Ağcabədi sakini, idmançı gəncin axtarışları davam edir. Sputnik-in məlumatına görə, Ağcabədi rayon Polis İdarəsi gənclərin paytaxtda gizləndiyini zənn edir.

Sputnik artıq xəbər verib ki, bazar ertəsi Ağcabədi rayon sakini, biznesmen Məmmədov Şahin Hayıfalan oğlu rayon polis şöbəsinə ərizə ilə müraciət edərək, 1994-cü il təvəllüdlü qızının, dekabrın 4-də oğurlandığını bildirib. Qız Laçın rayon Polis İdarəsinin rəisinin oğlu ilə nişanlı olub və bu yaxınlarda toyları olacaqdı.

Evlənmək məqsədilə qız qaçırmaq adəti, hətta bu gün — XXI əsrdə belə, Azərbaycanda aktuallığını itirməyib. Əvvəllər qız qaçırmaq ailə qurmağın formalarından biri idi. Cavan oğlan öz dostları ilə birlikdə sevdiyi qızı valideynlərinin evindən götürüb öz evlərinə aparırdı. Əgər cavan oğlan qızı bir gecə öz yanında saxlamağa nail olsa, hamı artıq o qızı həmin oğlanın arvadı hesab edirdi.

Romantik əhval-ruhiyyəli qızlar, hətta gizlicə xəyallarına gətirirdilər ki, gənc və yaraşıqlı oğlan onu necə valideynlərinin evindən götürüb uzağa aparacaq. Bu, ötən əsrlərdə belə idi. Çünki onda kişilərin niyyəti təmiz olurdu. Qızları, yalnız onunla evlənmək məqsədilə qaçırırdılar.

Bu gün isə məsələ bir qədər başqa cürdür. Hazırda qızların qaçırılması bir çox hallarda cinayət kimi təsnifləşdirilir. Mövcud qanunvericiliyə əsasən, əgər qaçırılmış qız oğurlanmış hesab edilirsə, yaxud da bu hal onun iradəsi əleyhinə baş veribsə, həmçinin qız yetkinlik yaşına çatmayıbsa, onda bu hallarla bağlı Cinayət Məcəlləsinin 144-cü maddəsi ilə cinayət işi açılır.

Dəmir barmaqlıqlar arasına düşmək qorxusunun olmasına baxmayaraq, gənclər yenə də qız qaçırma metoduna əl atırlar. Və polis bu cür hallarla tez-tez qarşılaşsa da, bununla bağlı cinayət işinin açılması üçün araşdırmalara başlamağa tələsmir. Polis var gücü ilə tərəfləri barışdırmağa çalışır.

Hüquq-mühafizə orqanlarının əməkdaşlarının dediklərinə görə, indi gəlinin qaçırılmasını telefonla çəkirlər. Əgər qız qaçmağa özü razılıq veribsə, onun "qaçırılma" prosesi telefonla qeydə alınır. Əgər bu iş məhkəməyə düşsə, onda həmin qeyd, cavan oğlanın qızı öz razılığı ilə qaçırdığına dair dəlil kimi zəruridir.

Bəzən isə gəlinin qaçırılması kuryoz hadisələrlə müşahidə olunur. Belə bir əhvalatı Sabunçu rayon Polis İdarəsinin əməkdaşları danışıblar. Hadisə 2013-cü ildə baş verib. Ramana qəsəbəsindəki "Südçülük sovxozu"nda adam qaçırmağa cəhd olub. 21 yaşlı cavan oğlan, dəlicəsinə aşiq olduğu şəhvət obyektini — 41 yaşlı Ulduz Abbasovanı qaçırmaq qərarına gəlib.

İnsident Abbasovanın satıcı işlədiyi ərzaq mağazasının çıxışında baş verib. Əmirov saat 21:15 radələrində öz maşını ilə mağazanın yanına gəlib və orada Abbasovanın çıxmasını gözləyib. Qadın mağazadan çıxıb və Əmirovun maşınının yanına çatanda, cavan oğlan onu maşınına itələyib. Amma qüvvələr nisbəti qeyri-bərabər olub, satıcının çəki kateqoriyası Əmirovun xeyrinə olmayıb. Üstəlik Abbasovanın köməyinə bacısı çatıb. O, Ulduzu, eşqdən gözü dönmüş Şahinin əlindən alıb.

Əlinə heç nə keçməyən Şahin maşınına oturub və hadisə yerindən uzaqlaşıb. Qadınlar baş vermiş insidentlə bağlı dərhal "102"ni yığaraq polisə məlumat veriblər. Əməliyyatçılar "gəlin oğrusu"nu düz onun evində ələ keçiriblər. "Uğursuz Məcnun" həbsə göndərilməyib, hüquq mühafizəçiləri onu zəifliyinə bağışlayıblar. Amma Abbasova hələ uzun müddət cavan oğlanın onu necə qaçırmaq istədiyini xatırlayacaq.

Daha bir qeyri-adi hadisə isə Gürcüstan vətəndaşının başına gəlib. Şirxan Əmiraslanova qarşı Gürcüstan Cinayət Məcəlləsinin 140 və 143-cü maddələri ilə cinayət içi açılıb və onun haqqında beynəlxalq axtarış elan edilib. O, yetkinlik yaşına çatmamış Azərbaycan əsilli Gürcüstan vətəndaşını qaçırmaqda günahlandırılıb.

Amma Əmiraslanovun məqsədi ciddi və təmiz olub. Qaçırılmış qızın yaxınları əvvəlcə bu nikahın əleyhinə olublar. Amma Əmiraslanov qızın razılığını alıb və onunla evlənib. Son illərdə o, öz ailəsi ilə birlikdə Sumqayıtda yaşayır və artıq İnterpol da onu axtarmır.

1589
Teqlər:
qız qaçırma, oğlan, sevgi, evlilik, qız, cinayət, polis
Əlaqədar
Oğlana aşiq olan gənc qız qəddar insana çevrildi
Azərbaycanda qız anasını döyərək çaya atıb
Bakıda gənc qız "Mercedes” qaçırdı
Sevgisini ləkədən qorumağa çalışan qız özünü çaya atır
On yeddi yaşlı qız əməliyyat zamanı öldü
İmtahan, arxiv şəkli

Nazirlikdən imtahanlarla bağlı açıqlama

10
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

10
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

35
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

35
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0