Nərimanov rayonu Faiq Yusifov küçəsində binaların sökünütüsünə başlanılıb

Bakının bu küçəsindəki bütün binalar söküləcək

3719
(Yenilənib 16:24 09.12.2016)
Paytaxtda nəhəng söküntü dalğası başlayıb. Sakinlər evlərindən çıxarılırlar.

İradə Cəlil, Sputnik Azərbaycan

BAKI, 9 dek — Sputnik. Bir neçə gündür ki, Nərimanov rayonu Faiq Yusifov küçəsində binaların sökünütüsünə başlanılıb. Ərazi dəmir çəpərlərlə əhatəyə alınıb. Binlar sökülür və qarşısında olan ağaclar kəsilir.

Nərimanov rayonu Faiq Yusifov küçəsində binaların sökünütüsünə başlanılıb
© Sputnik / Irade JELIL
Hasarlanmış əraziyə heç kimi yaxınlaşmağa qoymurlar

Əraziyə yaxınlaşmağa isə icazə verilmir. Ötən gün əraziyə yaxınlaşıb bir neçə foto çəkmək istədim. Yolun kənarında dayanmış və özünü tikintinin briqadiri kimi təqdim edən şəxs, "mən sizə məlumat verə bilmərəm, gedin, işinizlə məşğul olun" dedi.

Ərazidə yaşayan sakinlərlə söhbət zamanı məlum oldu ki, 2-3 ay əvvəl sakinlərlə müqavilə bağlanıb və onların köçürülməsi üçün işlər görülür. Sakinlərdən birinin sözlərinə görə, əvvəllər bu ərazilər İmişli rayonundan olan sahibkara aid imiş. Sonradan ərazi ondan alınıb. Yeni sahibin kim olunduğu bilinməsə də, sakinlərin diqqətini çəkən odur ki, son zamanlar əraziyə ərəblər daha çox gəlirlər.

Nərimanov rayonu Faiq Yusifov küçəsində binaların sökünütüsünə başlanılıb
© Sputnik / Irade JELIL
Ərazidə çəkiliş aparmağa icazə verilmir

"Ərazidə 9 mərtəbəli binalar tikiləcək. Sakinlərə — 1 otağı olanlara 300 manat, 2 otağı olanlara 400 manat, 3 otağı olanlara 500 manat kirayə pulu verilir. Deyilənə görə, 1 il 8 ay və ya 2 il ərzində sakinlər yeni mənzillərlə təmin ediləcəklər", — sakinlərdən, adının çəkilməsini istəməyən həmsöhbətimiz bildirdi.

Onun sözlərinə görə, burada yaşayan sakinlərə, yeni tikilmiş binalarda, daha geniş kvadratla yeni mənzillər veriləcək: "Sakinlərin bu tikintiyə və söküntüyə heç bir narazılığı yoxdur. Çünki buradakı evlər sovet dövründən qalmış köhnə, təmirsiz, kiçik kvadratlı mənzillərdir".

Nərimanov rayonu Faiq Yusifov küçəsində binaların sökünütüsünə başlanılıb
© Sputnik / Irade JELIL
Bu küçədəki binaların hamısının yaxın aylarda sökülməsi planlaşdırılır

Sakinlərin sözlərinə görə, Faiq Yusifov küçəsindəki binaların hamısı artıq "plana" düşüb və yaxın günlərdə küçədə boyundakı bütün binalar söküləcək. Və yeri gəlmişkən, ərazidə Pişəvari adına Humanitar Fənnlər Gimnaziyası da yerləşir.

3719
Teqlər:
Faiq Yusifov küçəsi, Nərimanov rayonu, sakin, söküntü, bina, mənzil, Bakı, paytaxt, küçə, ev
Əlaqədar
Bakıda növbəti söküntünün ünvanı dəmiryol vağzalı ətrafındakı obyektlərdir
"Akademiklərin yataqxanası" sökülür, sakinlər etiraz edir
Bakının bütün rayonlarında qəzalı binalar söküləcək
Bakının bu ərazilərində köhnə binalar söküləcək
Paytaxtda yeni söküntü dalğası başlayır
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

126
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

126
 Əldə manat, arxiv şəkli

Onları 1000 manatadək cərimə edəcəklər

6
(Yenilənib 21:30 11.07.2020)
İnzibati Xətalar Məcəlləsində dəyişiklik edilməsi haqqında qanuna edilən dəyişikliklər ciddi cərimələri nəzərdə tutur

BAKI, 11 iyul — Sputnik. Əlilliyi olan şəxslərin əmək hüquqlarını pozan işəgötürənlər 500 manatadək cərimələnəcək. Sputnik Azərbaycan-ın məlumatına görə, bu Prezident İlham Əliyev tərəfindən təsdiqlənən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, İnzibati Xətalar Məcəlləsinə əlilliyi olan şəxslərin hüquqları haqqında qanunvericiliyin pozulmasına dair yeni maddə (205-1) əlavə edilib.

Yeni maddəyə (205-1) əsasən, əlilliyi olan şəxslərin hüquqları haqqında qanunvericiliyin pozulmasına, yəni:

- əmək münasibətlərində əlillik əlamətinə görə hər hansı ayrı-seçkiliyə yol verilməsinə, habelə kollektiv və əmək müqavilələrində digər işçilərlə münasibətdə əlilliyi olan şəxslərin əmək hüquqlarının məhdudlaşdırılmasına;

- əlilliyi olan şəxsin səhhətinin peşə vəzifələrini yerinə yetirməsinə mane olduğu, yaxud başqa şəxslərin səhhəti və əmək təhlükəsizliyi üçün təhlükə törətdiyi hallar istisna olmaqla, onunla əlillik səbəbindən əmək müqaviləsini bağlamaqdan, işdə irəli çəkməkdən imtina edilməsinə, əmək müqaviləsinə xitam verilməsinə və öz razılığı olmadan başqa işə (peşəyə, vəzifəyə) keçirilməsinə;

- müəssisənin ləğv edilməsi halları istisna olmaqla, müddətindən asılı olmayaraq, reabilitasiya müəssisəsində və digər reabilitasiya subyektlərində müalicə keçən əlilliyi olan şəxslərlə bağlanılmış əmək müqaviləsinin işəgötürən tərəfindən ləğv edilməsinə;

- müəssisənin ləğv edilməsi halları istisna olmaqla, həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçi ilə əmək müqaviləsinin işəgötürən tərəfindən ləğv edilməsinə;

- əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı məqsədilə tərtib olunmuş Fərdi Reabilitasiya Proqramının dövlət orqanları və dövlətə məxsus olan hüquqi şəxslər tərəfindən icrasının təmin edilməməsinə;

- işəgötürənlər həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçilərin, onların arzusu ilə və "Əlilliyi olan şəxslərin hüquqları haqqında" Azərbaycan Respublikası Qanununun 11-ci maddəsinə uyğun olaraq təsdiq edilmiş Fərdi Reabilitasiya Proqramını nəzərə alaraq, işə düzəlməsi üçün iş yerləri ayırmamağa və ya yenilərini təşkil etməməyə görə üç yüz manatdan beş yüz manatadək məbləğdə cərimə tətbiq ediləcək.

İstehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə isə beş yüz manatdan min manatadək məbləğdə cərimə tətbiq olunacaq.

6
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0