Küçədə dilənən qadın, arxiv şəkli

Deputatdan aztəminatlı ailələrlə bağlı mühüm təklif

1042
(Yenilənib 17:47 08.12.2016)
Əli Məsimli: "1,6 milyon adamı ünvanlı sosial yardım ilə təmin etmək mümkün deyil"

BAKI, 8 dek — Sputnik. "Yaşayış minimumu deyəndə, biz minimum tələbatı ödəmək üçün zəruri olan ərzaq və qeyri-ərzaq malları, xidmətlər, icbari transferləri nəzərdə tuturuq. Bu nöqteyi-nəzərdən yanaşanda, "Yaşayış minimumunun 136 manatdan 155 manata çatdırılması həmin minimum tələbatı ödəyə biləcəkmi?" sualına "yox" cavabını verməliyik".

Sputnik xəbər verir ki, bunu millət vəkili Əli Məsimli, "2017-ci il üçün yaşayış minimumu haqqında" qanun layihəsinin Milli Məclisin plenar iclasında müzakirəsi zamanı deyib. O bildirib ki, əgər Həmkarlar İttifaqları Konfederasiyası ilə Nazirlər Kabinetinin və sahibkarların birgə müqavilələrindən də çıxış etsək, yenə də müsbət cavab vermək mümkün deyil.

"Haradasa, bu rəqəm 155 manatdan 30 faiz çoxdur. Nə vaxt ki, bizdə yaşayış minimumu 136 manat idi, onda bizdə yoxsulların xüsusi çəkisi 5 faiz idi. Dünya Bankı bunu kritik yoxsullar hesab edirdi. Bu, 500 min adamın altında idi. 450 min nəfərdən bir az artıq idi. Bunlar ünvanlı sosial yardım ilə təmin olunurdular. İndi biz 155 manata qaldıran kimi, həmin yoxsulluq həddinə çatan insanların payı gəlib 16 faizdən yuxarı qalxır", — deputat bildirib.

Onun sözlərinə görə, bu göstərici, təqribən 1 milyondan çox adamın əlavə olunması deməkdir: "1,6 milyon adamı ünvanlı sosial yardım ilə təmin etmək artıq mümkün deyil. Ona görə də belə bir məsələni əlavə təhlillər aparmağa ehtiyac var. Təhlillər aparılsın, əlavə təkliflər hazırlansın".

Millət vəkili bildirib ki, nə qədər əlavə ünvanlı sosial yardım verilsə də, yenə də o yoxsulların bir hissəsinin problemi açıq qalacaq: "2016-cı ildə gəlirlərin 5 faiz, 2017-ci ildə isə 3,1 faiz aşağı düşməsi planlaşdırılır. Amma işığın və qazın qiyməti qalxandan sonra əhalinin gəlirləri 3,1 faiz yox, bundan bir neçə qat çox aşağı düşəcək".

"Belə bir şəraitdə həmin yoxsullaşmış əhalinin sosial müdafiəsini təmin etmək üçün işıq və qazdan gələn 300 milyon manat kifayət etməyəcək. Əlavə vəsaitin tapılması üçün struktura yenidən baxmaq lazımdır. Büdcə xərclərinin 4 manatından yalnız 1 manatı əməyin ödənilməsinə gedir. Hesab edirəm ki, burada struktura yenidən baxmaq lazımdır", — Ə. Məsimli vurğulayıb.

1042
Teqlər:
yaşayış minimumu, Ünvanlı sosial yardım, aztəminatlı ailələr, əhali, Milli Məclis, deputat
Əlaqədar
İstehlak səbəti 2017-ci ildə də bahalaşacaq
Oqtay Əsədov pulsuzluqdan gileyləndi: "Artım yoxdur"
Milli Məclis büdcə müzakirələrini yekunlaşdırdı
Yaşayış minimumu 19 manat artırılır
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

73
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

73
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

43
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

43
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ