Abdullayev Tahir

Ukraynadakı sərvətini Qarabağ uğrunda xərcləyən kişini hala saldılar...

620
(Yenilənib 10:55 06.12.2016)
Tahir Abdullayev: "Dərdimizi kimə deyək, bilmirəm. Heç olmasa, bağımı geri qaytarsalar, birtəhər dolanarıq"

İradə Cəlil, Sputnik Azərbaycan

BAKI, 6 dek — Sputnik. Abdullayev Tahir Məmmədoğlu 1936-cı ildə Qərbi Azərbaycanda dünyaya gəlib. Amma orada çox yaşaya bilməyiblər. 1948-ci ildə onun da ailəsi, digər həmyerliləri kimi Qərbi Azərbaycandan deportasiya edilib.

Onlar yurd-yuvalarından didərgin salınan zaman bütün mal-mülkləri Qərbi Azərbaycanda qalır. Sonradan abdullayevlər ailəsi Gəncədə məskunlaşır. Burada təhsilini başa vurduqdan sonra, 19 yaşlı Tahir Ukraynaya gedir.

Ömrünün çox hissəsini ölkədən kənarda keçirən T. Abdullayev, Azərbaycanın ağır günlərində Vətənə qayıdır: "Özüm əslən Qərbi Azərbaycandanam. Ukraynadan Azərbaycana böyük sərvətlə qayıtmışdım. İki yük maşınım, avtomobilim var idi. Ukraynada ailəm də var idi. 30 il yaşamışam Ukraynada. Gələndə qızımı da götrüb gəldim Azərbaycana. O da xeyirxahlığı sevən insandır, müharibənin ağır dövründə bütün qızıllarını Müdafiə Nazirliyinə bağışlamışdı".

T. Abdullayevin Ukraynada 3 övladı dünyaya gəlir. Lakin Azərbaycanın ağır günlərində — 1989-cu ildə o, Ukraynada qala bilmir və geri dönür: "Boşanmaq, həmçinin qızımı özümlə Azərbaycana gətirmək üçün məhkəməyə müraciət etdim. Hakim qadın idi. Gördü ki, qızım mənə meyllidir, imkanım da yaxşıdır, qızımı mənə verdi".

Gəncənin Səsi qəzeti
© Sputnik / Irade JELIL
"Gəncənin Səsi" qəzetində T.Abdullayevin Xocalı faciəsinin 1 illiyinə verdiyi ehsan barədə yazılıb. 5 mart 1993-cü il

O, Azərbaycana gələndən sonra yenidən ailə qurur. İkinci evliliyindən iki övladı dünyaya gəlir. Lakin oğlunun biri 11 yaşında dünyasını dəyişir. Bir müddət sonra həyat yoldaşı da ondan ayrılır.

"Mən qızımı Xarkovdan gətirəndən sonra həm atası oldum, həm anası. O qız mənə ümid edib, anasını qoyub gəldi. Mənim ikinci yoldaşım isə ona analıq elədi, amma ana olmadı. Bəlkə elə buna görə də ailəm davam etmədi. Dəfələrlə dedim ona ki, "qızıma ana ol, analıq etmə", dinləmədi. Həm də mən bütün var-dövlətimi xeyir işlərə xərcləyirdim, yoldaşım isə bunu qəbul etmirdi", — deyir həmsöhbətimiz.

Xocalının Səsi qəzetinin 22 iyul 1992-ci il tarixli nömrəsi
© Sputnik / Irade JELIL
"Xocalının Səsi" qəzetinin 22 iyul 1992-ci il tarixli nömrəsində çap edilmiş məqalədə Tahir Abdullayevin xeyriyyəçiliyindən də söz açılıb

Bir müddət Qarabağ uğrunda döyüşlərdə iştirak edən T. Abdullayev, sonradan xeyriyyəçiliklə məşğul olmağa başlayır: "1990-cı il avqustun 10-da Tiflis avtobusunu ermənilər partlatdılar. Hamı yanıb ölümüşdü. Səhər gəldim, həmin yeri çəpərlədim ki, insanın külü ayaq altında qalmasın. Sonradan həmin yerdə abidə ucaltdım. Gəncədən 2 km aralıda yolun kənarındadır həmin ərazi".

Qızının da özü kimi vətənpərvər olduğunu bildirir: "Bu uşaq, ermənilər Şuşanı alanda, "bütün qızıllarını hərbçilərimizə bağışlayacağam" dedi. Qızımla gəldik Müdafiə Nazirliyinə. Ondan soruşdular ki, "niyə gəlmisən?". Cavab verdi ki, "döyüşçülərimizə mən də yardım etmək istəyirəm". Xocalı soyqırımı zamanı da elan edilmişdi ki, qurbanların dəfn edilməsi üçün yardım ayrılsın. O zaman da qızım 10 min manatını aparıb Müdafiə Nazirliyinə bağışladı. Mənim qızım vətənpərvər qızdır".

Müdafiə Nazirlyi tərəfindən verilmiş arayış
© Sputnik / Irade JELIL
Müdafiə Nazirlyi tərəfindən 1992-ci ildə verilmiş arayış

Abdullayevin dediyinə görə, Xarkovdakı keçmiş həyat yoldaşı ara-sıra qızını görməyə gəlir. Hazırda T. Abdullayev Samux rayonunun Alabaşlı qəsəbəsində yaşayır. Və yaşadığı kənddə qarşılaşdığı problemləri də dilə gətirir: "Alabaşlı qəsəbəsinin 150 ha torpağı var idi. 1999-cu ildə islahatlar başladı. Mən də Ukraynadan qayıdandan sonra bu qəsəbədə yaşayırdım. Torpaq bölügüsü vaxtı mənə 1 ha bağ sahəsi verdilər. Mən də bağa yaxşı baxırdım, becərirdim, yaxşı məhsul da götürürdüm. Sonra dedilər ki, "anlaşılmazlıq olub" və bağ əlimdən aldılar".

Tahir Abdullayev öz bağında
© Photo : T.Abdullayevin şəxsi arxivi
Tahir Abdullayev: "Torpaq bölügüsü vaxtı mənə 1 ha bağ sahəsi verdilər. Mən də bağa yaxşı baxırdım, becərirdim, yaxşı məhsul da götürürdüm"

"Oğlum da hərbi xidməti bitirib, hazırda işsizdir. Gəncə kimi şəhərdə ona bir iş tapılmır. Dərdimizi kimə deyək, bilmirəm. Heç olmasa, bağımı geri qaytarsalar, birtəhər dolanarıq. Amma yox, qarşımıza sənəd gətirirlər ki, guya sotu 2 manata satılıb. 2 manata da torpaq satmaq olar?", — deyə gileylənir müsahibimiz…

620
Teqlər:
Tahir Abdullayev, sərvət, Samux, həyat yoldaşı, Vətən, müharibə, ailə, qız, pul, Ukrayna, Azərbaycan, Qarabağ
Əlaqədar
Bakı kəndində zəncirvari intihar dalğası və açılmamış sirlər...
Sənətindən imtina etmiş “Kürdəxanılı balası”: “Yoldaşım getdi..., elə bil ölmüşəm”
Qardaşı da onu axtarır, həyat yoldaşı da: biri öldürmək üçün, digəri...
Həyatı faciəyə çevrilmiş qadın: "Məni bura Gülər Əhmədova gətirdi"
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

28
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

28
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

13
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

13